A buaithlak viau thei

May 31st, 2012 11:00 pm by vakul

Kum 2010, August thlaa Lok Sabha-a an introduce tawh The Marriage Law (Amendment) Bill kha tunah hian Rajya Sabha-ah pending mek a ni a. Khatih lai khan Union Law Minister chu Veerappa Moily kha a ni a, tunah Minister inthlak tawh mahse he Amendment Bill hi chhuak thuai tura tura beisei leh rin a ni.

He Bill-in a tum danin nupa an inthen phawt chuan an chennaa an neih thil zawng zawng a inzata insem tur a ni dawn a, chumi baka an thil neih khawih sawn theih leh khawih sawn theih loh chu Court kaltlanga insem tur a ni bawk. He Bill hian dotu a nei nasa tan hle a, Ukilho zingah a bik takin duh lohna a ri ring tan hle. Mumbai Lawyer pakhat Mrunalini Deshmukh-a, nupui then tawhin a comment danah phei chuan ‘mi pakhat hian 50 Crore nei ta se la, nupui neiin thla hnih khat hnuah inthen leh ta se la 25 Crore ve vea an insem ngawt na tur a awm lo’ a ti hial a. Lehlamah chuan thil awm tak pawh a ni.

He Bill hi pass a nih chuan India ram hmun hrang hranga hman tur a ni dawn a, Mizoram pawh thlir ta ila, monu fel tehchiam lo, pasal chhungte leng darh vek hnua zaa sawmnga a pasal chhungte thil neih a’n chhawm chhuak tur chu ngaihtuah tham tak a ni. He thil hi pass a nih vaih chuan India ran inneih danah hian hei aia uar zawk hian inneih hmain chhungkaw hnihten thu an thlung lawk ngeia rin a ni a, chu chuan buaina zakhua a hrin belh thei bawkin an ngai.

Khawthlang ramah hi chuan an inneih hian a mal ve ve a an thil neih an record a, tin, a nupui thawhchhuah hlut zawng chhutna a hranin an nei bawk a, thil a rochun zat an ngaihtah tel a, chuta tang chuan Courtin thutlukna a siam thin niawm tak a ni a; he bill hi pass a nih chuan hmana India rama mipain nupui neih sumdawnna atana a hmang thei ang deuh khan hmeichhiaten an hman hlauhna a lian hle bawk. Mi tam tak ngaihdanah chuan Law hian a hranin Gender favour a nei tur a ni lo an ti a, Women Empowerment & Development kawng chi hrang hrangin kalpui a ni a, tawk fangah an ngai hrih a, amaherawhchu Pass mai a nih a beiseiawm hle bawk si.

Hmeichhia leh mipa issue ang zawnga lak chiam chi pawh a ni chuang lo, hmeichhia pawhin an tuar ve thei tho. An fapa khan nupui nei fuh lo se la, thla hnihkhatah then leh mai se la an chhungkaw thil neih kha rawn chhuh mai se a tuartu tur pawh hmeichhia-a mipa nu kha a ni tel ve tho. Chuvangin pawngpaw hmeichhe tan bur emaw kha a fuh lem lo maithei e.

Enge kan ngaihdan le?

Similar Posts:

Recent Posts:

52 Responses to “A buaithlak viau thei”

Pages: « 1 [2] Show All

  1. 51
    whotalk Says:

    Thatchhe thiam tak2 nei lo branded ho maw.

    Report this comment

  2. 52
    EmEich Says:

    (Y)

    Report this comment

Pages: « 1 [2] Show All