Tuitla!

May 30th, 2012 9:01 pm by Dr Mahminga Sailo

Pastor Johnson-a tehkhin thu
Vawikhat chu, ka rawngbawlpui pastor pakhat nen Hotel-ah kan thleng dun a. Ka thianpa hian tui hleuh a thiam em em a; kei erawh, tui chhungah chuan lungtum ang chauh ka ni thung.

Tuk khat chu, kan thlenna Hotel swimming pool ko tlangah ka ding vung vung a. Vawilehkhatah ka inrin hman hma hauhvin, ka thianpa chuan swimming pool-ah min nem thla a. Ka mangana manganzia chu(h), sawi hian a siak lo. Hun reilote chhungin ka va’n inhai buai nasa tak em! Chutah, min namthlatu, ka thianpa vek chu tuichhungah rawn zuang lutin min hleuh chhuahpui leh ta a. Khata tang khan, pastor reng reng ka ring tawh ngailo ang ka ti, a ti fiamthu a. Inkhawm mipui zawng zawng kan nui ham ham.

Tehkhinthu a sawi chhan
Nia, tui hleuhthiam lo tan chuan, tui chhunga chet hi har tak a ni. Tui chhunga an awm rei poh leh, an che buai ting a ni mai. Chuvangin, tuitla chhanchhuak tur chuan, tui hleuhthiam, mahni baka midang hleuhpui thei an tangkai fo. I thiannu/thianpa tuihleuhthiam lo, tuia tla kha, mau-tlawn pe ringawtin kalsan ta daih la; tui a hleuh thiam miau loh chuan, a inhaichhuak kher lovang a; a buaina ti tamtu a ni zawk mai thei.

Sualna tuipuiah I tla thin em?
Damlai tuipui fawn bulh bulh karah, sualna lipui thuk takah chuan pilin, harsa takin inhaibuai thin em? Chhanchhuak tur che in tunge I koh thin? I buaina sukiang turin I thiannu/thianpa I pan mai thin nge? I rilru na thawi dam nan I tlak deuh pap pap zawk thin?

Tanpui vartu hnai reng, a hming i lam nghak rengtu Isua a awm. I manganna leh tawrhna atang chuan Ani chu au la, i buaina ata a chhanhim ngei ang che.

I mangan a hnen thlen la, Ani’n a lo tanpui ang che…

“Tanpuitu hnai reng… ”

Similar Posts:

Recent Posts:

40 Responses to “Tuitla!”

  1. 1
    Dadex Says:

    1st leh ta huhu.

    Report this comment

  2. 2
    TuaiSialA Says:

    A mak, ka 2nd leh tawh! :D

    Report this comment

  3. 3
    VaiVa Says:

    Dadex a first loh hlau lutuk hi… Edit leh vel :D

    Report this comment

  4. 4
    sheldon Says:

    A va tha em! Khitiang tehkhin thu khi hriatthiam a awl in mahni nun inen nan a tha ka ti. ‘Ka dil loh zawk malsawmna’ tih kha ka rilru ah a rawn lang leh daih.

    Chhiarchhuak lo ila chu Dadex khi ka first khalh hrim hrim ang :-D

    Report this comment

  5. 5
    sonrize Says:

    Tui han tlâkve zeuh zeuh thin tan chuan, a chhanchhuaktu han koh fo pawh hi inthlahrunawm thin e…

    Report this comment

  6. 6
    Kawnga Says:

    Tehkhin thu tha tak a ni.

    Report this comment

  7. 7
    mamboihi Says:

    A va tha ve hei chu, a thui lampang pawh a tawk chauh.. :-D “A ma hnena kan tawngtaiin, kan thlen apiang hi A pawm”.
    Engkimah Lal Isua ringa, kan tawngtai loh avangin..

    Report this comment

  8. 8
    saint sammoo Says:

    tunlai chu ka ko eih hlei thei lo, ka tla ngun lutuk hi a ning ve deuh a niang..haha..
    pic. a nalh khup mai, light display a bei mawi thlawt..

    Report this comment

  9. 9
    chhangteval Says:

    He post chu a va’n Kalvari deuh ve :-O

    Report this comment

  10. 10
    Awmtea Khiangte Says:

    A tha ngei mai. A fiah kek kawk khawp mai. Lalpa hi kan himna leh thlamuanna ani

    Post tha tak a ni e

    Report this comment

  11. 11
    RenghangMan Says:

    Tuitla tih thupui hmanga ka thil chhiar tawhah chuan ka la hlawkpui ber awm e.

    Report this comment

  12. 12
    Mx Says:

    Tehkhin thu tha tak leh hlawkpuiawm tak ani (Y)

    Report this comment

  13. 13
    TuaiSialA Says:

    A va han ṭha tak em! ‘I mangan a hnen thlen la’ tih hla kha ka rilru-ah a lo awm.

    Report this comment

  14. 14
    Pakak Says:

    Paws tha tak a nih hi (Y)

    Report this comment

  15. 15
    Charice_mizo Says:

    Ka rilru a khawih…Petera’n Isua hnenah tui chunga kal ve a dila, a dilna a tihhlawhtlinsaka. Chutia tui chunga a kal ve thei ta mai chu alo intithei ta hle maia, a rilruah chapona a awm veleh a tla dawn ta mai. Isua chhanchhuak turin a aua, a chhanchhuak tih thlalaka kan hmuh hian thil tam tak min zirtir a ni. Khawvel mihring tam zawk hi Petera ang chauh kan ni si a.

    PS: Keipawh zanin ka awmdan chu tuitla angreng deuh ka inchan :-( , thildang daih zawng a ni nain, chhanchhuaktu lah chu an awm mai si lo..lolz

    Report this comment

  16. 16
    kawlhawk Says:

    Tunlai misualho hi zahmawh sawi kan ching si, kan khawvelin kan hur hlawm ltk a, kan Daktawr hian min sermon khum a ni chiang mai :)

    Report this comment

  17. 17
    CFL Says:

    A va tha em. Ka hlawkpui ngei ka beisei. (Y)

    Report this comment

  18. 18
    Dr Mahminga Sailo Says:

    Hahahaa.. Pu Kawlte, a ni mai thei a nia.. :-P he post tawite hi ka ziahna a rei tawh a, ka pamtul leh thin. Princess Ifelam hot tak post ka comment hnuhnung ber khan min fuih thar deuh a… Thutak kara nuih tur awm zauh hi a hlu ka ti riau, pastor Johnsona’n a tehkhinthu a tlip ang deuh khian… :-)

    Report this comment

  19. 19
    Dr Mahminga Sailo Says:

    Hahahaa.. Pu Kawlte, a ni mai thei a nia.. :-P he post tawite hi ka ziahna a rei tawh a, ka pamtul leh thin. Princess Ifelam post hot tak ka comment hnuhnung ber khan min fuih thar deuh a… Thutak kara nuih tur awm zauh hi a hlu ka ti riau, pastor Johnsona’n a tehkhinthu a tlip ang deuh khian… :-)

    Report this comment

  20. 20
    malsta27 Says:

    Tui hi hleuh thiam loh chuan leh inbual duh ve tho si chuan a sir ah bucket a khai chhuah a in bual mai a hahdam thlak :-D :-D ………..tehkhin tha khop mai, a lem a a kai chhuak tupa bulah khian awm daih i la a him ber.

    Report this comment

  21. 21
    Dr Mahminga Sailo Says:

    Phone atangin ka comment a, edit leh ‘dit-loh a awm ta tlat mai… ;-( lo hrethiam mai r’u.

    Report this comment

  22. 22
    mamboihi Says:

    Chuvang ni maw i rawn double entry vel! Tuitla chungin i post i rawn vil hram hram a ni maw?!! :-D

    Report this comment

  23. 23
    sheldon Says:

    @mamboihi, mahminga kha hriatthiam a ngai tawh. Ngatinge post atang khan a chiangkuanglo a :-D

    Report this comment

  24. 24
    Saitawk Says:

    Tui ah chuan kei chu sangha ang par par ka ni, ka pil vang vang zel!
    Mahse lan ka tum leh ka pil a, pil ka tum leh ka lang zel hi chu ka buaipui khawp mai.

    Post ngaihnawm tak a ni. (Y)

    Report this comment

  25. 25
    Dr Mahminga Sailo Says:

    K’u mamboihi & k’u sheldon… :-D Thiamthu sawi tur ka nei tlat lo mai a.., Ngatinge??? :-P

    Report this comment

  26. 26
    TuaiSialA Says:

    Thlalak chu ngaihtuahna a hruai thui khawp mai. (Y)

    Report this comment

  27. 27
    mamboihi Says:

    Sheldie Ngatinge post chu ka lo chhiar lo anih chu!! Mahminga vangin chhiar teh ang haha!!

    Tunlai chu kan mipa ho hi an chiangkuang lo vek in ka hre mai hehe!! :-P

    Report this comment

  28. 28
    sheldon Says:

    @mamboihi, chhiar ngei teh. I nuih loh chuan inchawi ka ngam sak :-D

    Report this comment

  29. 29
    Dr Mahminga Sailo Says:

    K’u mamboih, Ngatinge??? kha i chhiar lo maw? Ngatinge??? :-D post of the month kan ti mai asin, Lalfanu post hmasa ber a ni lehnghal.. ;-) fimkhur takin comment va chhiar teh, tuiah tlak phah lo la.. :-P

    Report this comment

  30. 30
    TuaiSialA Says:

    Sheldie chu inchawi i uar ta riau mai! :D :P

    Report this comment

  31. 31
    mamboihi Says:

    Mahming Ngatinge ngatinge ka lo chhiar loh aw?!! ka va en dek dek chhin a, mipa ho in va lo phur em em ve!! Comment 460 zet ka en thuak a, nuam in lo ti hle nih saw..

    Fimkhur takin comment ka la chhiar ang! tui tlak a hlauhawm si… :-P

    Report this comment

  32. 32
    mamboihi Says:

    Sheldie i chak e, ka chawi chiang lutuk :-D Mahminga Scooty kha ka chawi man atan ka pe a che!. Nula phurh tur a hmu zo chuang lo a, lo nei mai rawh haha… :-D

    Report this comment

  33. 33
    Chhuaklinga Says:

    Ekhai, hei chu Aigupta sebawngno lim biak lai lai a.. A va tha kher ve le. (Y)
    tren tren

    Report this comment

  34. 34
    Dr Mahminga Sailo Says:

    K’u mamboih le(h)… :-D :-P Ngatinge??? tuia i tla palh hlauh ang tih ka hlau, a tawpah Ngatinge?? Ti lo turin i fimkhur dawn nia. :-) K’u Sheldon hi inchawi a confi sawt riau.. :-P

    Report this comment

  35. 35
    Lamji Says:

    (Y) auh nachang hrelo te hi a tam theih viau ang.

    Report this comment

  36. 36
    Kher Kher Says:

    Hriatthiam a awl hmel nen nen ka man lo, kan chhiar tha leh nge.
    Engpawh nise (Y)

    Report this comment

  37. 37
    EmEich Says:

    Post tha. (Y)

    Report this comment

  38. 38
    PKfanai Says:

    Tuitla hrehawm ti lemlo leh chhanchhuah duh lemlo hi a awm theih awm e. Hrehaw ti a, an nun dan ninga kalsan duga Pathian au tu te chu engang dinhmun atang pawhin Lalpan a chhanchhuak thin.

    Report this comment

  39. 39
    chhingdailova Says:

    A tha hle mai.

    Report this comment

  40. 40
    Princess Ilefam Says:

    Ka rilru a hneh ngawt mai, he thuziak hian. (Y)

    Report this comment