Facebook a thudiklo post avangin FIR

May 8th, 2012 2:00 pm by Sandman

Source: Vanglaini | PDF Link

Nimin khan Facebook-a group \henkhatah, kumin HSLC Examination-ah zirlai pakhat, distrinction-a pass-in MBSE-ah complain a thehlut a, ennawn a nih hnuah pakhatna aiin mark a hmuh san zawk thu leh, MBSE lamin topper nihna an pek theih loh thu tarlan a ni a; hei hi thu dik lo a nih avang leh, MBSE tihhmingchhiatna nia an hriat avangin, MBSE Secretary chuan nimin khan Bawngkawn Police Station-ah FIR a thehlut.

HSLC mark complain ennawn leh thu hi Facebook-a ‘Zoram Tân’ tih group-ah Lalfamkima Renthlei tih leh, ‘Chanchinthar (Zofate inhriattawnna)’ tih groupah Fiaha Chuauhang inti-in an post a; an post dan pawh a inang chiah a ni. Complain thehluttu anga an tarlan chu, Lalzikpuii d/o Sangdingliana, Bungkawn, Aizawl a ni.

Facebook-a an post dan chu – ‘MBSE- thu beng verh tak mai ka hria a, mahse kei mah tak chuan mi han zawh chian mai tur ka hriat loh vangin ka chiang ngam lo a. Bungkawn veng a hmeichhe pakhat, St. Paul’s school a\anga matric exam, tun result chhuak chiah a Dist. a an pass tir chu a mark an complain a topper ai khan a lo hmu sang zawk a nih chu…an sawi danin a class mate te pawhin topper tura an ngaih sa a ni awm leh nghal e, chuan MBSE chuan topper nihna chu an lo pek theih toh loh thu leh Media lam kal lo hram tur ten an lo ngen an ti a nih chu…a thinur thlak hle mai, MZP lam hnai kan awm chuan chhui chian a tha khop mai,’ tih a ni.

MBSE Secretary chuan, Facebook-a MBSE leh HSLC result chungchang post chu thu dik lo hulhual a nih thu sawiin, dik lo taka MBSE tihhmingchhiat a nih avangin, a post-tute zawng chhuak a, a \ul anga an chungah action lâk a nih theih nan policeah FIR an thehlut tih a sawi.

Admin note: Sawi tawh fo angin, tunlai khawvelah hi chuan thil hriat chhawn te hi a awl tawh lutuka, chuvangin kan thil sawi te hi kan fimkhur hle a ngai tawh a ni. Thil kan hriat chian vakloh chuan sawi chhuah loh te pawh a fuh zawk thin. Chutih rual chuan Lalfamkima Renthlei leh Fiaha Chuauhang te post chhiar chuan MBSE chu diklo taka tih hmingchhiat luih an tum tak tak em aw, tih zawng pawn thil a ngaihtuah theih maithei. Engpawhnise, hetah hi chuan kan lo sawi ve theih engmah a awmlova, police leh court te kutah awm a ni tawh. Chuvangin sawi tawh angin, tunlai internet khawvelah hi chuan kan fimkhur hle a ngai a ni. Account lem siam thin te tan pawh in lo hriat ve mai mai tur chu, FIR an thehluh tawh phawt hi chuan an rawn chhui chhuak thei che u a ni.

On a personal note, Mizo te pawh internet lamah kan changkang ve tawh hle in ka hria. Thil kal dan diktak pawh kan hre ve tawh e. Tuna FIR an thehluh te pawh hi, a rawn post tu ngei te hmingin a nia, Facebook neitupa Mark Zuckerberg emaw “Zoram Tan” leh “Chanchinthar group” admins te chungah a ni miahlo. 2008-09 te kha chuan, misual.com a FIR rawn lut zawng zawng te chu admin te chungah hlir a ni thina, kan hriatloh lai a comment thenkhat rawn lut avang ten admins ten FIR emaw kan Zoram police chhuanawm tak hotute atangin phone call kan dawng leh thin, delete hman pawh ni i la. Ti hi chuan website leh FB group admin te dinhmun pawh a hahdamthlak sawt dawn a nih hi.

Similar Posts:

Recent Posts:

37 Responses to “Facebook a thudiklo post avangin FIR”

  1. 1
    zawlpala Says:

    Chhiar i1a….

    Report this comment

  2. 2
    chhangteval Says:

    Post in a sawi tum ber chu “mi(sual).com a post chungchang ah Admin ten mawh an phur lovang” tih ni berin a lang :-D

    Report this comment

  3. 3
    Dr Mahminga Sailo Says:

    Thulakna hre chiang mang si lova, post ngawt hi a fel ber lo reng a ni. Nia, fimkhur a ngai khawp mai… (Y)

    Report this comment

  4. 4
    Sandman Says:

    haha chhangteval, nilove… mi rawn submit post te chu keimahni publish a nia, kan chhuah ngei a nih avangin mawh chu kan phur ve bawk ang chu. :)

    Ka sawi tum zawk chu comment section a thil controversial deuh deuh rawn lut chungchang zawk a nia… comment zawng zawng hi moderate seng an ni bawk silova…

    Report this comment

  5. 5
    TuaiSialA Says:

    Chu, kum 2008-09 a FIR thehluttute aiin tun hnaia FIR thehlut thinte an fing zawk, i tihna a va ni mai awm ve! :-D

    Report this comment

  6. 6
    PKfanai Says:

    Hetiang hi thil kal dan tur dik tak chu ni awm reng a ni. Engtinnge thil a kal zel lo thlir zel phawt teh ang.

    Report this comment

  7. 7
    Chhuaklinga Says:

    A chanchin kal zel hriat a chakawm hle mai, a tu zawk nge dik a dik lo pawh a la hriat si lova. A vawtuin ek a cheh tih tawngkam te pawh kan nei ve rin ran si a.

    tren tren

    Report this comment

  8. 8
    Chemtatrawta Says:

    Pu Sandman post hi chu Hmangaihna lam a nilo turah hian ngai phawt mai ila, kan tisual lo lehzel chu anih dawn hi.. :-D

    Report this comment

  9. 9
    EmEich Says:

    Fimkhur tluk a awmlo i tihna a ni maw ? :-P

    Report this comment

  10. 10
    chhingdailova Says:

    Ni e.Account lem neih avang duh duh sawi hi a tha lem lo khawp mai. Mizo hi in ti fing tak tak chapo fe fe kan tam em a, fimkhur a tha a nia. Mahse hei hi ka sawi duh FIR tih vel avang hian i dawih di de lo ang u. Misual pawh hi Mizo te website neih zinga lun ber a nih avang hian a dik ni a kan hriat hi chu post pawp pawp ila, mahse a post tu ten mawh i phur ngam ang u. Mawh kan phurh ngam lohna hi chu post loh mai tur a ni….

    Report this comment

  11. 11
    Asteric™ Says:

    Hetiang hi ka ngei zawng tak a ni hrim hrim. Thil hriat chian loh confi taka sawi ching hi ka tih theihloh zawng a ni ve. An puh a te kha diklo mahse thil sensitive ah hi chuan 100% a chian hmasak hmaa sawi ve phet kan duh a nih pawhin guess ṭawngkam hmangin “A ni in ka hria” emaw “A ni maithei” tih ṭawngkam tal hi hmang ṭhin sela chu ka hrethiam deuh. Chuti nilova thu chiang lo ah pawh “A ni” tih tawl tawl ching hi chu thudang ah pawh ka ring lo zo vek zel.

    Sherlock Holmes a hi chuan a thil chhui reng reng hi a sensitive ṭhin em avangin 100% a chian hma chu mimawl tluk zeta ngaihdan nei lo angin a ngawi ṭhin, Watson-a pawhin a chhui fel vek hnu ah chiah a hriatpui ṭhin :-D hei hi ka duhna lai tak zepuitling zia chu ni…pichiuuuuuuuuuu :-O
    Pathian thu sawi ah pawh ni tho, ltchhakchhuak te anga “A ni” tih tawl2 hi chu ka lo ip deuh ṭhin ….lolzzz FTH

    Report this comment

  12. 12
    TuaiSialA Says:

    Facebook hi han sawi leh thin ila. An nihna diktak hmanga engmah sawi tha ngam si lo, fake account hmanga huai em em si te hi ka huat zawng tak a ni, kei pawh.

    Report this comment

  13. 13
    CFL Says:

    An kal zel danah beng lo chhi teh ang

    Report this comment

  14. 14
    sheldon Says:

    Thudik anih loh chuan a text khi a serious tlat a, ngawih bo pui mai mai chi a ni lo anih khi. Han kalpui zel teh se. Thudik chiang bang anih loh chuan thil controversial deuh hi chu insum a tha tihna a nih awm khi.

    Report this comment

  15. 15
    doc_lib Says:

    Eh Sandman..Chu chhui chiang turin min rawn ngen deuh tihna ami :-P (Misual detective meuh inrawlhna tlakah member ten kan ngai em ehhhh ;-)

    Report this comment

  16. 16
    Lamji Says:

    A tha mai. (Y) FB sawi takah chuan ka password theihnghilh in ka risk vak vak a min block sak daih mai a,engtia unblock chi nge maw’n le min pui thei in awm em? Plz…

    Report this comment

  17. 17
    malsta27 Says:

    Complaint thehluh hun pawh a zo vel orh chauh ania, an fing hma lutuk a, an fin an tuar lo a nih khi mawle, in soifiah tum in an tal buai leh char2 dawn khi. :-P :-D

    Report this comment

  18. 18
    lrpa Says:

    Chanchinbu leh TVah te Pu Hawlan Eirukna kan a zungchawp in kan pho ang a tih hi DAWT ani sia, FIR engtia thehluh tur nge? :-[

    Report this comment

  19. 19
    Asteric™ Says:

    Keichu misual ah hian engmah ka post peih tawh lo, :-P
    #18 (Y)

    Report this comment

  20. 20
    doc_lib Says:

    Tunlai misual hi chu hot lo tak ani..Nula senior, menopause pawh thleng tawh ang vel niin ka hria ( Biru nghal misual hmeichhe hovin min chilh hmain :-P )

    Report this comment

  21. 21
    malsta27 Says:

    LOL………..Doc_lib chu leh….. A chhan i chhui ngam na nge? :-D :-D

    Report this comment

  22. 22
    H.Vangchhia Says:

    Post tha leh bengvarthlak tak a ni e hairehai (Y) :-)

    # Mi lawmzawng tur nilo sawi ai chuan ngawih mai hi a fimthlak fo… ^

    Report this comment

  23. 23
    Leviji Says:

    Mipui sing nga zingah chuan khitiang tawk khi chu an awm ngei ang tih beisei ila a hahdam thlak mai :)

    Report this comment

  24. 24
    Dr Mahminga Sailo Says:

    # 18… (Y)
    Ngam zawng leh zuam zawng hi kan nei theuh a nih hi… :-)

    Report this comment

  25. 25
    saint sammoo Says:

    a him chin atangin lo thlir ang.

    Report this comment

  26. 26
    lr hlonchhing Says:

    MBSE tih hmingchhiat tumna lam aimah chuan, tlema news dangdai deuh a nih avanga post mai niin alang nimina tualchhung newspaper pakhata ka chhiar atang chuan. Chubakah mizo thufing chuan, “Pan lovah Tho a fu ngai lo” an ti a ni lawm ni?

    Report this comment

  27. 27
    century child Says:

    Mahni account pangngai a thil sawi hrehawm ve deuh te a awm thei a, hetiang atan fake account chu ka siam, misual.com ami hi source dah loin group 1 ah mipakhat hian a chhuah chhawng fo a, account 1 zawkin link ka va dah keuh mai a, nula te an awm ve sia..hehe, a hnu lawkah chu account chu ka log in thei tawh lau :-P ka account pangngai a him phah, nghe3 (thil reng2 hman tangkai thiam tur)

    Ka OT chiam chu le. :-P

    Report this comment

  28. 28
    Soberboy Says:

    he thil hi nimin khan ka hmu a FB ah :) a tidarh tu kha che chhe ve khawp dawn :D

    Report this comment

  29. 29
    Ruata Pachuau Says:

    MBSE hi kum dangah sawisel an lo tawk nasa tawh a, A chang leh virus ten alo tibuai vei rawl nen. Kumin zawng an vawih lovah an lo puh a ni ang e, an vin tak mai a lawm. :-D :-D

    Report this comment

  30. 30
    Ignatia (33-115 AD) Says:

    Nimin khan facebook lamah Fiaha CHuahang postah zawk khian MBSE lam tan tak chungin ka comment chiam a. Tin, an tanawm bawk reng a. A chhan chu naupangin a complain emaw reng rengin puangzar lo turin an tiamkam ve thin tlat a ni. Naupang za vel lek result siam pawh hi tihsual theihzia hretu kan tam ka ring. MBSE tan result siam sual hi thil thar a ni hauh lo hrim hrim bawk. Kum tin an tisual reng thin. Mahse tihdik a nihin rank an neih emaw kha puangzarin midang rank kha an chhuh thei tawh ngawt lo.

    Hei hian chhan tha tak a nei a: MBSE hi mizoramah chuan hnathawk hlawk ber leh pawimawh tak – Financial bankte anga tehkhin theih chu ni lo mah se an ni 1 thawh loh ringawt pawh hian nghawng thui tak a nei thin. Chumi avang chuan duh duha rank emaw siam that theih a nih chuan hna chuang bang diktak kan siam sak thei tlat a ni. Mihring hi mahni chantawka lungawi har ti vek kan ni a tlem san leh zual beiseiin tamtakin an complain anga chu chuan hna thawh tur pawimawh vak lo kan siam thei tlat a ni.

    Mahse hetia FIR an theh lut ngawt hi tullo ka ti hle a. MBSE lama thawh ngei paw’n FB lamah khan thil awmzia a lo sawichiang vek tawh a. Hetia intihmualpho vak hi tullo khawp mai. Ti hian Zikpuiite chhung, posttu 2 leh MBSE lamte an mualpho ta a nih hi. Heng zingah hian MBSE hi a mualpho thei ber leh thil tisual zing ber a ni thung. Posttute paw’n kan tisual e ti na na na FIR an theh lut kher hi tullo khawp mai! Thil tihsual lian zawk an la nei dawn chauh a, mi ngaihdamna an beisei hunah an la hre chhuak ve khawp ang.

    MBSE hian HSLC leh HSSLC hauh lo exam pawimawh tak – Technical Entrance exams pawh a buatsaih chho tan a. Hetiang angah hian dik famkim theih loh an la tisual dawn chauh chutah tak chuan mi ngaihdamna changtu ni zel sela ka duhsak e!

    Tin thil sawichhuah hrim hrim hi a tuartu tan chuan a lo danglam viau a ni tih hriatna post ni thei sela a tha viau bawk ang. Nau te anga kan en – kan duhsak em em te’na mimal chanchin chhia baka chhungte chanchin chhe lai ni awma lang dik leh diklo pawlh nuai chunga mi hnena lo sawichhuahte pawh hi a tuartu tan chuan Pathian kaltlang chauha insum theih a ni!

    Report this comment

  31. 31
    Dr John Says:

    (Y) Very Informative post. Pu Sandman chu i rawn huai sawt-in ka hria :-P

    Report this comment

  32. 32
    doc_lib Says:

    Engvak phei chu ka hre lem law..Mahse MBSE hian thil an ti sual ve thei khawpin ka ring…Thawktu te tan lak sauh sauh nan hmang se..( Detective ho kan in rawlh kher ngai lo hian :-P )

    Report this comment

  33. 33
    sheldon Says:

    Enge distrinction :-D

    Report this comment

  34. 34
    Sãñgpüîípã Says:

    He post chu doc_lib a rawn lan ka ring reng ah.

    Report this comment

  35. 35
    awmawmpuia Says:

    MBSE in FIR an thehlut ngat hi a tha ka ti ngawt mai. Fb a fimkhur phah nan kan hman ngei ka beisei tlat a ni.

    Report this comment

  36. 36
    s dala Says:

    keive mai maihi chuan post tu leh M.B.S.E ah hian hantana tanloh zawktur pawh ka hrelo M.B.S.E hetianga puh mai ngam khawp a hnu hma pawrhi an neingun toh ema vanghian mipui rinduap anloni venual tawh thinna vanghian thuthar hriat hmasak theih ropui tariaua in ngaiten an palbua nimai ah kangai Tin kumdang ah hian result anen fimkhur vakngalo emni?:-S tunkuma result ahhi chuan kanfimkhur antih deukher dan ah hian kumdang ah hichuan enfimkhur vaklo nih hmel riau:-(

    Report this comment

  37. 37
    vemaimaia Says:

    Han FIR hnan nghal teh buaih tur chuan a ho deuh mange ka ti, a post tu pa hian ka hre chiang lova, hrechiang in awm em rawn tiin, a hriat dan te a rawn zawt ni mai ah kei ka lo ngai a, tiang te chuan ni a kan hriat hriat chian kan duh thil mi kan zawt ngam tawh dawn ami le ???? A lo ni lo anih chuan MBSE pawh hian rilru puitling takin explanation fel deuh post ve mai se, tia FIR em em thleng kher lo hian, nge tiang hian kan ram hi kan kal ve tawh law law zel dawn ?

    Report this comment