Mizo Hnam Ṭobul

April 26th, 2012 10:53 am by Awmtea Khiangte

Mizo lo chhuahna bul chu Mongolian thlah Tibeto-Burman aṭangin a ni a, China leh Tibet ramahte an awm a, Tibet-a an awmlai hian Mizova a lo piang ta a ni. A unaute chu Mirua leh Marua-te an ni. Awmhmun nghet teh chiam an nei lo va, Burma ramahte pawh an lo awm tawh a, chumi hnuah Chinzua (Chen-Yuan)-ah an lo awm ta ni berin a lang. Kum tam tak hnuah Sakai (Irrawaddy) lui kânin Aupataung-ah kum A.D. 1000 vêl khân an lo awm ta a. Heta an awm laia Mizova thlahte zínga lal pakhat chu a hming Chhìnglunga a ni a, chuvàngin ‘Chhìnglung khua’ tih a ni ṭhin a, tûnah chuan ‘Chhìnlung’ tih a lo ni ta.

Chhìnlungah chuan kum rei tak an awm a. Mizova thlahte pawh an pung tam ta hle a. Chhìnlunga chuan Thlahpa a hring a, Thlahpa chuan Duhliana, Taichênga leh Hrûmtunga a hring leh a. Duhlian ho chuan Mizova ṭawng pianpui chu an chhawm ta zêl a, chu chu vawiin thlenga Lusei ṭawng, Mizo tawng kan tih tâk hi a ni. Thlahpa fate pathum Duhliana, Taichênga leh Hrûmtunga te hi Mizo hnam hlâwm hrang lian pui pui pathuma ṭhenna bul an lo ni a ta a ni.

Mizova thlahte chuan Chhìnlung chu chhuahsanin Rún leh Chindwin infinna Rúnkhâwm (Kalewa)-ah an lo insawn leh ta a. Rúnkhâwma an awm tirh lai hi A.D. 1200 vêl niin an ring. Rúnkhâwm aṭang hian hnam hlâwm hrang lian leh tê te pawh an lo darh ta a ni. Chûng hnamte chu Chhìnlunga an lo awm hma leh awm hnu leh Rúnkhâwma an lo awm laia lo pêng chhuakte an ni hlawm. An za chuan mahni zâwn ṭheuhvah thlang lo tlain Mizoram leh a chheh vêlah an lo darh ta a ni. Chûngte chu an zain Mizova thlah, Chhìnlung chhuak an ni ṭheuh a ni.

Mizo

References: 1. Rev. Liangkhaia Mizo Chanchin: 1976 2. Hrángṭhiauva & Lal Chungnunga Mizo Chanchin – History & Culture of the Mizo: 2011

Similar Posts:

Recent Posts:

34 Responses to “Mizo Hnam Ṭobul”

  1. 1
    Thlams Says:

    1st teh ang..

    [Report abuse]

  2. 2
    Chhuaklinga Says:

    Chhiar ilaaa… second ve chiah bawk ila. :P

    tren tren

    [Report abuse]

  3. 3
    Chhuaklinga Says:

    Ngihdan a tam pawm dan a tam, hei chu ka lo hriat hmasak dan nen a dang leh deuh. :-S

    tren tren

    [Report abuse]

  4. 4
    lrpa Says:

    Post tha e (Y) Chiang kekkawk hle mai. Helam hi chu a hriate sawi hi ka pawm hmiah hmiah mai. :-)

    [Report abuse]

  5. 5
    CFL Says:

    Han chhinchhiah ve zel phawt ila.
    Good post. (Y)

    [Report abuse]

  6. 6
    donald Says:

    Post á¹­ha tak a ni (Y)

    A hre deuh khan han sawi zau ula, a bengvarthlak lehzual ngawt ang. TS-a te ho kha insum lovin han ri á¹­hak á¹­hak teh u.

    [Report abuse]

  7. 7
    bucko Says:

    Chhinlung puk atangin an lo chhuak a, ralte ho chu an bengvhheng lutuk a an chhuah kim hma puk kawngka an khar hnan tih vel chu paihthlak a ni ta a ni maw??

    [Report abuse]

  8. 8
    malsta27 Says:

    Sawi dan a tam pawm dan a tam tih ang deuh ni mai in ka hria kan thlahtu te chungchang hi………..verbal testimony a nihna hian thil tam tak a ti buai zovin a lang rih, monuments emaw thil dang hmuh a la nih ngei a beisei awm e. (Y) (Y)

    [Report abuse]

  9. 9
    0702 Says:

    Hnam(Tribe) hminga ‘MIZO’ kan ni kan in tih hi thlahtu lam atang ni loin, keimahni(Pipu ten) an inphuahah ka lo ngai a, hriat chian leh zual ka chak hle mai…
    #3- (Y)

    [Report abuse]

  10. 10
    Jacka Pi Says:

    Mizova tih tak khi phuahchawp a ang ;-)

    [Report abuse]

  11. 11
    Dr Mahminga Sailo Says:

    Post bengvarthlak tak a ni e.. (Y)

    In sawi a piang kha ‘a ni tak maw’ tih mai loh chu, sawi tur reng ka nei lo… :-D

    [Report abuse]

  12. 12
    bucko Says:

    #10 like

    [Report abuse]

  13. 13
    covenanter Says:

    Kei chuan Mongolian thlah kan ni tih ang zawng chuan ka pawm thei hauh lo mai. Hetih hunlai hi Mogolian hovin khawvel pumpui deuhthaw an awp hunlai anih avangin hetiang thil thleng turah ka ngai lem lo. Chinese thlah kan ni tih pawh ka la pawm zawk tho, tin Tibetan emaw pawh ala pawmawm zawk hlei hlei. A tupawhin lo ziak sela ngaihruat ziak mai an ni, thulakna rintlak a awm lo.

    [Report abuse]

  14. 14
    buh-duha Says:

    Khi lai vel bawr atanga chhuak chu kan ni ngeiin a rinawm (Y)

    [Report abuse]

  15. 15
    thereng Says:

    Ziaktu a piangin an hriat dan theuh in confi tawkin an ziak theuh bawk si, pawm ber tur pawh hriat thiam a har ta… Awm ve tawp mai teng, mahni hi hlim hle ila tha ber mai….

    [Report abuse]

  16. 16
    lrpa Says:

    Thlah tu chhui hi a buaithlak tlat! Khawi laiah tak nge kan cheh bunna tur a chiang lo tlat a. Nomadic tribe hrang hrang infinkhawm atang a lo piang chhuak chu kan ni khawp mai. Kan origin tak chu a hrang nuaih ang..Amazon forest ah te, Indonesia ah te pawh tribal( hmanlai a keimahni ang chiah) chi hrang hrang an la awm khu! Youtube ah video a awm nual mai.
    A pawimawh chu future lam hi ani zawk, Mizo anga kan evolve hnu a, mahni political boundary nei a Mizotawng kan neih hnuah pawh lusei, lusei tawng, duhlian ti a mahni leh mahni in bei chut chut kan la tam em mai! :-P

    [Report abuse]

  17. 17
    lushai_er Says:

    Jacka-pi 3rd trimester ?

    [Report abuse]

  18. 18
    Jacka Pi Says:

    lushai_er..???? Min hre reng a i inzep vel ni maw…

    [Report abuse]

  19. 19
    sillyBoy Says:

    Jacka Pi chu nula emaw ka tia, thla thum vel zet maw a lo pai tawh :D hahaha

    [Report abuse]

  20. 20
    Dr Mahminga Sailo Says:

    #19… :-D

    Jacka Pi hian nau thla 7-9 vel a pai si chuan, Jack-a’n engtinnge naute piang tur hi a koh tak ang? :-O A pi fapa chu Jacka aiin a naupang dawn phawt mai aa(h)… :-P

    Hetiang vel hian a ni, Mizo histawri chu a chiangkuan loh… te ti ta vel ila (OT dalah.. :-D )

    [Report abuse]

  21. 21
    Jacka Pi Says:

    In ho leh tan tawlh tawlh dawwwwwwnnnnnn

    [Report abuse]

  22. 22
    Chhuaklinga Says:

    Jack-a hi uite var hmeltha deuh a nih ka lo ring ve ringawt(liluh nghal). :P :D

    Vai pakhat inti Mizo lutuk pawh khan Mizote hi Israel thlah kan ni, te a ti vel.(source fth) :O :D

    tren tren

    [Report abuse]

  23. 23
    H.Vangchhia Says:

    Ka awihlo ve tlats

    [Report abuse]

  24. 24
    chhana Says:

    K awihlo (N)

    [Report abuse]

  25. 25
    ninja Says:

    Israel kan ni lo’m ni?

    [Report abuse]

  26. 26
    chhangteval Says:

    MIZOVA TIH KHI KA AWIH LO

    [Report abuse]

  27. 27
    H.Vangchhia Says:

    #26 (Y)

    [Report abuse]

  28. 28
    malsta27 Says:

    LOL Israel thlah kan ni emaw te in lo ti elaw? Ka hming chu ni nanga kan nih ka ring miah lo thung hahahaha

    [Report abuse]

  29. 29
    zualbonez Says:

    awke (Y)

    [Report abuse]

  30. 30
    mr.Duhlova Says:

    Hriat dan a va in anglo ve aw… :-D

    [Report abuse]

  31. 31
    TuaiSialA Says:

    Mizova tih khi, Pu Zova tite pawh an awm. Mizo tih hming hi chu kum 1950 bawr vela lo chhuak niin thuziaktu lar, Pu J. Malsawma’n a ziak.

    [Report abuse]

  32. 32
    H.Vangchhia Says:

    TuaiSiala, #31 Ka ziakna ber ka hmu mailo tlat, mahse Mizo chanchinbu hmasaah khan 1911 ani maithei… Mizo tih chu hman hmasakber nia sawi a ni. Official tak chuan … http://i49.tinypic.com/op1qh0.png

    [Report abuse]

  33. 33
    Awmtea Khiangte Says:

    Hriat dan leh ngaihdan a inang vek lo va. Hei pawh hi ziaktu thenkhatte atanga ka lak mai a ni a. A dik thei a, a dik lo thei tho bawk. Mizo fin hi duh ai chuan a lo tlai hret a ni. Thuziak te kha lo nei hma ila tha tur hi a nia…

    [Report abuse]

  34. 34
    Dr John Says:

    (Y) Post BVT tak a ni. Save hmaks te’ng.

    [Report abuse]

Leave a Reply

You must be logged in to post a comment.