Kan zain i bei ang u

April 9th, 2012 3:00 am by ɪ̣uɪ̣pnoɥ

Wikipedia vawi hnih thum lai ka rawn sawi tawh a, tunah chuan Wiktionary ve thung aw!

Wiktionary chu engnge?

Wikipedia ang bawka a duh duhin an khawih danglam theih, an ziah belh theih leh an tihkhawloh theih thufiahbu (dictionary) a ni.  Hetah hian a phekpui a en theih. Tawng chi hrang hrangin a awm a, mizo tawnga a bultanna chu hetah hian a awm. Thuziak awm tawh zawng zawng chu hetah hian.

A kalhmang

Hetah hian eng tawng pawh a dah theih a, mizo tawng mizo tawng vëka hrilhfiahna te, sap tawng mizo tawnga hrilhfiahna te, chutiang zelin.

Hei hi kan za a kan kut kan thawh theihna tur a ni a. Mizo tawng thumal, a ho ber atanga a un ber thlengin kan hriat hriat dah tùr a ni. Chutia han hrilhfiah tur emin ka thiam em ni? ti suh. A thiam zawkte tihchangtlun turin bul i tan thei. Sap tawng dictionary te chu Pu JF-a te chin kher lo chuan an siam thei dawn em ni? ti bawk suh. ”Love” tih hi ”hmangaihna” tihna a ni tih sawi mai mai i thiam lo vem ni? Dictionary pum siam tur i ni lo va, i thumal hriat chhun chhun thawh mai tùr i ni. Thawh ringawt chu engnge ka tangkaipuina tur awm i ti maw? Mite i pui a, kan inpui tawn a ni.

Hmarlama i thianpa’n thumal pakhat a lo thun ang a, nangin i lo thun ve bawk ang a, kan insiam changtlunsak tawn bawk ang a, dictionary awmsa te kan rawn bawk ang a, dictionary awmsa zawng zawng aia tha kan siam a ni mai! A va ropui em! Pu JF-a dictionary, Remkunga Dictionary te aia a thatna tur maw? Thumal a tam zawk ang a, annin english-mizo chauh te an ziah laiin keinin feren-mizo, mizo-english, mizo-mizo, russian-mizo, aigupta tawng-mizo tih te kan nei nuaih bîk ang. A va ropui dawn tehlul em.

Kan inthurual turah ka ngai a, a ziah dan kalhmang ka rawn sawi zawk ang e.

Ziah dàn

Heta hmangaihna tih hrilhfiahna hi chhiar chhuak phawt rawh le.  Hrilhfiahna awmsa i duh tawk loh chuan ”edit” tihah hmet la, tihdan tur chu a rawn lang vek mai ang. Ka sawi tam a ngai lo. Love tih hi chhiar leh bawk rawh le (abîkin english thumal ziaklut duh tan). A lamrîkdan audio te a awm thlaps vêl!  Tha i ti em? I tih chuan mi dang pawhin an ti ve ngei mai thei a, an tih loh pawhin an tana a hnawkna a awm lem lo bawk a, thumal dang dah ve rawh le! A lamdan hi file hman tùr a awmsa. Ka lam a ni lo :)

Kan tana a tangkai lutuk lova kan hria a nih pawhin kan thlah zël te tan a tangkai dawn tih hriat a tha. Wikipedia/Wiktionary engatinge a lar em em? Thawhhona hlutzia chu hei tlat hi a ni.

Kan hnam kan tlem a, mithiam kan awm lo, tih loh tur. Kan hnam tawng dictionary na na na hi chu keini aia siamtha thei chuang Pu Vana’n khawvel hmun dangah a dah lo.

JF-a te dictionary te, english dictionary te ka nei sa tho va, engnge a tangkaina? i ti mai thei a.  I neih chuan chung lehkhabute rawn chung chuan rawn ziak la, nei ve lo tan a va tha dawn em!  Nei chung pawhin online-a en a awlsam zawk chang a tam em hi!

I hna a thlawn lo vang.

Hriat tùr pawimawh

Thumal awmsa, entirnan love, write, hmangaihna tih te hi en la, Hming, Thiltih tihte i hmu ang. Hei hi mizo tawng grammar bu-a pawl 9 leh 12 inkara kan zir zuia hman a ni. I thumal hrilhfiah kha verb a nih chuan verb ti-a dah lovin ”Thiltih” tiin. Chutiang zelin:

verb: thiltih

noun: hming

pronoun: hming aiawh

adjective: hrilhfiahna

adverb: hrilhfiah chhawnna

conjunction: thuzawmna/zawmna

interjection: makna

double adverb: thu uarna

prefix: thuhmabet

suffix: thuhnungbet

laddt.

 

Heng hi mizo tawng thiam zawk te’na min zirtir dan a ni a, ngaihdan dang neih ve tumhran ai chuan an thu zawm mai hi a hlâwkin a chhenfâkawm zawk.

A tawpna: sâp tawng sap tawng vëka hrilhfiahna erawh a ngai lo. A tlukpui (synonym) dah erawh chu tih theih chuan duhthusam a ni.

Wikipedia-a ziah tur hre lo paw’n wiktionary-ah hi chuan peih chen chen ziah tùr kan hre hial awm e. Thumal pakhat të hmanga mi tana ka tangkai theih chuan … khawnge… tiin I ziak tan ang u le. Phekpui

Similar Posts:

Recent Posts:

14 Responses to “Kan zain i bei ang u”

  1. 1
    ceeagch Says:

    Bei i la (Y)

    [Report abuse]

  2. 2
    ceeagch Says:

    (Y) post Bei i la (Y)

    [Report abuse]

  3. 3
    Chhuaklinga Says:

    A va tha hmel em, engemaw tal chu thawh ve tur a nih hi.

    tren tren

    [Report abuse]

  4. 4
    triplestar Says:

    a that dawn hi, i han thawh tlng teh tak ang u hmiang.

    [Report abuse]

  5. 5
    jin Says:

    a tha khawp mai. Ka tihpeih chi tak a ni. Ka ló ti ve ang e.

    [Report abuse]

  6. 6
    jin Says:

    thlûkna i hman hi a tha ka ti khawp mai. Mahse ka hman thin dàn nèn a inang lo a awm nual. Standard deuh awm se a tha ngawt mai.
    Ka hman thin dànte:
    phêk_page
    zîng_morning (^ ka hmang ve2 mai)
    rù_to steal
    bé_beram a bé
    säk_hei hi thih säk pawh ka ngam atanga ka hriat…
    Standard han sawifiah lo cofusion a awm loh na’n.

    [Report abuse]

  7. 7
    TuaiSialA Says:

    @jin: Vanneihtluanga leh Darrokima te thlûkna dah a nih avanga a dik berna a awm lo. ‘Thih sak pawh ka ngam’ tiha ‘sak’-ah hian engti kawng mahin thlûkna a awm thei lo hrim hrim. ‘sak’ tihah hian thlûkna em em atan ni lovin ‘sak’ nihna tichiang leh zual tura an dah a nih ka ring.

    First lo ta sa sa, phone ka’n charge hmasa të të ang a, ka la rawn thawh ang e.

    [Report abuse]

  8. 8
    jin Says:

    awm e. Sak (hard), sak(as in sa a seh sak sak) ah hian thlukna a inang lo. Mahse ä hi a dik ka tihna a ni chuang lo. Standard kan neih hmasak phawt a ngai ka tihna mai a ni.

    [Report abuse]

  9. 9
    CFL Says:

    houdini thahnemngaihna hi a zahawm thinngei e. (Y)

    [Report abuse]

  10. 10
    houdini Says:

    Thlûk dàn chungchang chu hetah hian kaihhruaina bu ka tan a, thawh belh theuh ila a tha awm e.

    A english lehlinna laddt. khi chu kan hriat loh pawhin dah kher a ngai lo tih hria ila.

    Thawh theuh ang u. A wikitext thiam lo tan a source “edit” tih atang a en theih vek.

    [Report abuse]

  11. 11
    xotea Says:

    That hmel khawp mai

    [Report abuse]

  12. 12
    jin Says:

    @houdini LIKE LIKE

    [Report abuse]

  13. 13
    pepe Says:

    (Y)(Y)that hmel fu mai a

    [Report abuse]

  14. 14
    houdini Says:

    Ha ha ha! Ṭhat viau hi.

    [Report abuse]

Leave a Reply

You must be logged in to post a comment.