I sam kha an lei duh e

April 30th, 2012 7:00 am by Sangpuiipa

Sam hi thil mak danglam ve tak ania, kan taksa a a beh lai hian kan uluk em em a, kan tifai hliau hliau thin a. Kan taksa atanga a awm hran tawh chinah hi chuan kan ten em em thung thin a…

Kumin kum tir lam khan Burma lam sumdawng kan mikhual a, sam an lei duh thu a sawi a. Ka awih vakloh avangin ka ngaihsak vak lemlo a. Tunhnai lawkah FB lamah post ka hmu leh a, keimah ang tho in awih lo an lo awm nual mai a.

Nimin khan kan mikhualpa chu a lo kal leh a, sam a rawn ken tel tak teuh avangin chik deuh takin ka zawt ta a, a mi hrilh dan chu hetiang hian ani e:-

Sam an lei duh chhan hi a nihna tak ah chuan an sumdawnna atan ani a. Thenkhat in a dawi thil nena an ngaih pawlh a an hlau tlat hi a diklo. An duh chhan ber chu saphu kawr an lei ho Burma lama hawn chhoh dawna a tuam na atan an duh ani. Saphu kawr an phurh thlen chu an hralh thin a, sam pawh chu sam lem siamna ah an hralh thin ani.

A rate hi sam tla leh sam tan pangngai ah a danglam ve a. Sam tla hi a man a tlawm zawk a, a tan a tan hi a to zawk ani. A to zawk nachhan chu sam tan hi chu rual taka tawn sa anih vang ani a, sam tla hi chu a hnawk deuh nuaih avangin khawl hmanga pawh mar leh a ngai thin a, chuvang chuan a tlawm zawk ani.

Sam zawng zawng hi an lei vek duh kher lova, an lei duh chin chu a tawi ber ah feet 1 a tling tur ani. Feet 1 aia tawi chu an duh lo, a aia sei chiah an duh bawk.

I sam tla te, sam tanna te paih mai mai lo khan khawl la, hralh ve hmiah rawh. Tin, sam tan tur te hriat tur chu in sam in tan in in tanna hmawr bul chiah ah khan rubber a hren nghal tur ani. Chumi anih loh chuan a darh anga, sam tla rate lo chuan in hralh thei lo palh ange.

Sam hralhna rate hi Kg khat ah Burma pawisa in cheng 3000 ni ta in ka hria, ka hre chiang ta chiah lo deuh. A kg ang lo zawng pawhin an lei thin a, pencil battery hi a buk nan an hmang thin a ni awm e.

Similar Posts:

Recent Posts:

36 Responses to “I sam kha an lei duh e”

  1. 1
    ^-||R@lT€||-^ Says:

    leh ta daih a!

    Report this comment

  2. 2
    littlerascal Says:

    Sam te chu a to nak lai a, a hnuaia link hi…
    http://www.dailymail.co.uk/fem.....-time.html

    Report this comment

  3. 3
    maawma Says:

    Hralh rih lo phawt ang, a sei lo bawk a, an lei duh chuang lo ang.

    Report this comment

  4. 4
    shailendra Says:

    Lumehna dawr a sam tling khawm hnek hnuk hi, hman tangkai dan zir se la, lei kher ngai lo in an rut teuh teuh thei ang chu maw le. A hman tangkai dan zir rawh se…

    Report this comment

  5. 5
    ninja Says:

    A tlawm em mai

    Report this comment

  6. 6
    kawlhawk Says:

    Keiniho hi kan ngawng luatah – burma sumdawngho an ni lehnghal a, thil rapthlak deuhah kan ngai leh ang chu!
    Sam te chu hmaaan2 atang tawh khan khawvel hmun hrang2ah an hralin an lei thin.
    Hmanni burma/tahan ka zin pawh khan sam lei tur zawng leh thut hmuna lei duh reng an tam mai. Ka nu leh kan monu ngei pawhin an sam tla hi hralh atan polythin ah an dah thin.
    Mahse, a tlawm khawp… 1kg india cheng 50 man vel, chu ai pawn tlawm mai thei.

    Report this comment

  7. 7
    aduhi Says:

    Tirupati a Lord Venkateswara temple ah khuan vai hovin an sam an pek hi temple sum lakluhna lian tak ani. An hralh hem hem mai. He temple hian nikhatah donation hi cheng nuai chuang a dawng ziah, hmanni khan crore a pel vel.

    Report this comment

  8. 8
    kawlhawk Says:

    Saphukawr tuam nan tih pawh khi i rinhleh a hlauh luatah dawt bak va sawi suh. Saphukawr hi hman atanga vawiin thlengin an hawn chho reng a, sum senga sam lei, chu lah lei mai tur awm lo – la vang mm zui. Ring duh hlek suh @ spi pa. Sam ka lei duh han tih takah chuan keini sumdawnng lama hawi zim leh thingtlang khua lehnghalah chuan rinhleh an hlau vangin saphukawr tuam nan.. an ti mai2 a niang. Saphukawr hi sam nena tuam kher lovin an hawn thei ltk, an hawn reng bawk a nia.

    Report this comment

  9. 9
    aduhi Says:

    Kg khat cheng 50 tur chuan khawl hnem a ngai awm a rit har dawn sia. Feet 1 hi hralh ila chan alawi ka nei tawhlo ang.

    Report this comment

  10. 10
    Dr Mahminga Sailo Says:

    Burma fin kan chelh lo leh dawn a va ang ve.. :-)

    Ka sam hi feet khat vel tan dawn ila, ka nghawng an tan a ngai awm si :-O Ka hralh rih lo phawt ang e… :-D

    Report this comment

  11. 11
    kawlhawk Says:

    Sam lei leh hralh hrim2 hi sumdawnna a ni a, mi tam takin eizawn nan an hmang a ni.
    Saphukawr chu thir ang deuhthawa thil rit a ni a, sam chuan lo tuam tehreng pawh nise an him phah top lo ang.
    Sam hlang ni lo, a neitu lu i la tel a ni maw? an tia nga, an him loh phah daih thei zawk! :p

    Report this comment

  12. 12
    bawmrang Says:

    para chungber khi han sawi ve I la…. sam chauh nilo mihring taksa peng tin hi a awmna lo tura a awm chuan a tenawm vek ang… :-O
    Burma ah chuan hman hman atang tawh khan an lei tawh a lawm…Mizoram a sam chu hrik a tam e mai an ti a, an lei duh lawk lo a lawm… haha… :-O :-P

    Report this comment

  13. 13
    TuaiSialA Says:

    Khai, hmeichhe sam tawi an pung hluai ang e… :-D

    Report this comment

  14. 14
    lr hlonchhing Says:

    Sumdawnnaah chuan a hlawk lo pawl tak a ni ang a :-D
    Ka bialnu khan a lo hralh palh ang e, ka’n be nghal te’ng :-O

    Report this comment

  15. 15
    Dr Mahminga Sailo Says:

    Eizawn nan, bialnu sam sei zawng nghal te’ng… :-D

    Report this comment

  16. 16
    Ignatia (33-115 AD) Says:

    A bengvar thlak hle mai a.

    Saphu hi kan sawi teh fo a, ngaihtuah chian ngai tak a ni. Africa leh Asia ram chauha cheng thin Saphu hi ENDANGERED SPECIES a ni. Chumi awmzia chu Saphu hi an MANG vek thei dinhmuna ding an ni tihna a nih chu.

    Pawi deuh mai chu Saphu hian no a neihin pakhat ang zel an nei tlangpui a. Tin, chi thlah thei turin kum 2 dawn vel an mamawh thin bawk. Hemi avang hian ramsa dang ang lo takin an inthlahpung chak lo em em a ni.

    Sam lam chu han sawi vak tur ka nei lem lova mahse Saphu lo lang tel hian ka rilru ala deuh tlat pek a. Tin, Saphu chungchang hrim hrim hi ka tan leh in tan thil thar a nih ka ring lo bawk.

    Mizoram hi vanneihthlak takin Khawvel pumpui-a Biodiversity Hotspots tlemte thlanchhuah zingah kan tel ve a. Mahse kan nungcha leh thing leh maute hi kan enkawl that loh chuan keimahni vekin harsatna kan la tawk dawn! Species khat boral avang hian TROPHIC LEVEL pakhatah harsatna kan nei ang a, chu chuan a dangah a kangkai zut tawh mai dawn a ni. A ho miah lo… Biodiversity (Nungtin) pawimawhna concept man loh hi thil pawi tak a ni a. Nungtin pawimawhna hre lo mi thiam a awm theih tak tak lovin ka hre bawk.

    Chuvang chuan Saphu hmanga sumdawn hi sawi mawi vak chi a ni lem lo thin tihna a nih chu, a post tu hian a sawi mawi e ka tihna a ni hran lo a nia.

    Report this comment

  17. 17
    century child Says:

    An company kan ramah rawn inbun se, sponsor ang chi deuh hian chhungkaw tamtak hnenah an sam meh man tumsak se, anni’n an sam chu nei thung se nimai lawm. Sam an meh dawn apiangin company motor-in an mehna tur hmunah thlah thlap2 bawk se :-)

    Report this comment

  18. 18
    aduhi Says:

    #17 Good idea. Anih loh leh middleman ah lo tang la, sammehna dawra mi sam nawi hi i lei anga tlawm te in, i hralh chhawng leh hmak anga.

    Report this comment

  19. 19
    kawlhawk Says:

    @16 Ignatia, Amen vawi 100! (Y)

    Report this comment

  20. 20
    LaMea CâcTùs FLh Says:

    MANTIR TA CHE. Endangered animal mai nilo illegal wildlife trade hi dan phalloh aniin na taka hrem theih ani. Kan flora and fauna hlutna chang kan hrelo lutuk hi kristianna nen pawh ain millo..
    Kristian state lo zawkah pawh an hmul,ek mai mai atangin forensic thiamna nen a tisualtu man nan kan chhuiin kan zir ani si a. Rualawh ana thin. Eg. Hmanni ah mi hausa deuh hian black buck a kap a, forest guard in an ringhlel a, amah lah chuan an lo tlankhalh dawn tih hriain a sa kah a paih hmanin a motor a sil hman a. Kan Pu an rawn hrilh a, a motor man sakin vacum hmangin tihfai ani a, chutah hmul an hmuh chu rawn kengin species identifation tiin man ani a, kum 3 an tantir hmang. Chuti khawp chuan hremna an lekkawh a, chuvang in a tu ate pawh ramsa te hlutxia an hrethiam. Tin, WPA 1972 hmanga man te hi thuneitu te an khrih phei chuan chinfel a har. Salman khan leh Pataudi ate case pawh kha anla chingfel hleitheilo.
    Kan sawi tak duah chu

    Report this comment

  21. 21
    Chhuaklinga Says:

    Post (Y)
    Comment ho pawh (I)
    tren tren

    Report this comment

  22. 22
    century child Says:

    #18 sam nawi lei tur a awm tawh nang, company in an pata thlap2 tawh dawn alawm :-P

    Report this comment

  23. 23
    Sãñgpüîípã Says:

    Haha, ku kawlhawk, i rawn sawi tak ah chuan ka ngaihtuah neuh neuh a, a ni thei dawn khawp in ka hria.

    Report this comment

  24. 24
    Sãñgpüîípã Says:

    Ka nu sam hi a tla nasa lutuk a, kan paih mai mai thin a. Ka khawl anga ka hralh tawh dawn.

    Report this comment

  25. 25
    Lamji Says:

    Ka sam kha lo hralh ila ziin kekawr tha deuh te kan lei thei awm sia! Kum tir khan ka tan daih alawm le1ft chu tling zan zan ka mawng a hawlh pha tawh.

    Report this comment

  26. 26
    hlatekhua Says:

    Ka sam hi tanin hralh ve dawn ta ila Rs. 5 ka hmu tling ngut ang emaw chu le??!

    Report this comment

  27. 27
    sheldon Says:

    Sam hralh azawng chuan ka inhralh milian har ngawt ang. Ka sam hi a tamlo ve sia, bakah a tlawm ee mai. 1kg 1000 te tal nise.

    Report this comment

  28. 28
    TuaiSialA Says:

    Sam awm thei ang ang han dahkhawm pawh ni ila, gram 500 pawh ka nei tling lovang e.

    Report this comment

  29. 29
    funny™ Says:

    Sam zuah suau suau ila nimai lawm. :-P

    Report this comment

  30. 30
    Sãñgpüîípã Says:

    Rin ai in sam hi a buk a rit duh phian asin.

    Report this comment

  31. 31
    sheldon Says:

    Misual zingah hian sam hralha sum hmu tlem ber tur ka hria – As Khiangte. Hralhtur a nei tam biklo teh ania :-D

    Report this comment

  32. 32
    Sãñgpüîípã Says:

    haha sheldy leh. :-D

    Report this comment

  33. 33
    chepahakhata Says:

    Hetiang em em te hi chu kum sangbitharah te hcuan hre ve tawh awm tur chu in ni a sin le! Burma mi inhmusit em em te hi nangni ai chuan thil an hriain an daizau zawk tih chu a hriat hle mai. :-D

    Report this comment

  34. 34
    Dr John Says:

    (Y) Post BVT tak a ni.

    Mahse, kei chuan Sam hralh tur ka nei lo, :-( ;-( :-P

    Report this comment

  35. 35
    Sãñgpüîípã Says:

    Paih mai mai ai chuan hralh daih ila, hmer khat cheng 10 vel ania, kuhva leina tur, yes…

    Report this comment

  36. 36
    Robocop-a Says:

    Inhlawh nan sam chu zuah ta ila, ni khat rate a chhe duh âwm tih hi ka ngaihtuahnaah a lo lut daih mai… :-D

    Report this comment

Leave a Reply

You must be logged in to post a comment.