Sunday Morning Refresher

April 29th, 2012 6:30 am by PKfanai

Tukkhat chu, Company lian tak pakhata thawktu ho an office thleng hmasa apiang chuan, an office Notice board a thil intar chu an en laih laih mai a. Chu thil intar an chhiar zawh chuan an phawk deuh hra hlawm mai a. Chu thil intar chu hetiang hi alo ni a:-

“Nimin khan he company-a I kai san zel na tur leh, he Company ngei pawh thantir theilo leh ti thuanawp tlattu chu a thi hlauh mai a, Conference Hall-ah Company hminga a vuina hun hman tur a ni a, he hun hi ngaipawimawha lo tel theuh turin thawktu zawng zawng hriattir inni e” tih te mai hi alo ni a.

A tirah chuan, chutia an thawhpui pakhat han boral ta mai chuan a ti lungngai theuh mai a. Amaherawhchu, an han ngaihthuah chiang a, chutia an Company a a kaisanna tur dal tlattu leh an Company pum pui pawh ti thuanawp tlattu chu tunge ni ang tih chu an hre chak ta hlawm hle mai a.

An sawi hot a, an sahawk ta hle mai a, Conference hall a Kuang chhunga mitthi hmel chu hmuh thuai thuai an chak ta hlawm hle mai a, Security lamin luh an la phallo chung chung chuan luh luih an tum tan ta a ni.

Tichuan le, Vengtu lam te chuan an intlar tir a, amal malin Kuang chu an en tir ta diat diat a. “Tunge he mihring ka kaisanna tur min lo dal tlattu hi ni ang le? A lo thi hlauh pawh chu a va vanneih thlak em, khawnge a hmel chu I han en thuai thuai teh ang” ti rilru chungin, phur takin Kuang chu an va pan a, Kuang chhung an han bih chuan an phu deuh zawk zel mai a, mak ti em em mai hmel leh tawng ngaihna pawh hre manglo khawp chuan an awm hlawm thin a. Chu chuan midangte pawh chu en a ti chak ting mai si a ni.

Chu kuang chhungah chuan tu dang va hmu lovin anmahni ngei mai chu an va inhmu theuh mai a ni. A chhan chu Chu kuang mawngah chuan Darthlalang lian tha tak an lo dah a, kuang va bih apiang chuan anmahni thla ngei mai, meng phawk hru mai chu an zu hmu thin a lo ni.

Chu Darthlalang bulah chuan Thuziak chiang kek kawk tak mai hi alo awm bawk a, hetiangin:-
“I kaisan zelna dang tlat theitu hi mipakhat chauh a awm a, chu chu nangmah ngei hi I ni. I hnaa kaisan tir zawt zawt theitu pawh mipakhat chiah a awm a, chu pawh chu nangmah tho hi I ni. Nangmah, nangmah ngei hi I hlimna leh hlawhtlinna thlen thei tu chu I ni a, nangmah ngei hi nangmah tanpui thei tak tak tu chu ini e.

In hotute an inthlakin I nun a inthlak ve tak tak chuang ngai lo va, I thiante leh thawhpuite emaw I thawhna Company hial pawh inthlak mahse, nangmah kha chu angai reng ini dawn tho. Nangmah I danglam khan I nun leh hmalam hun pawh a inthlak danglam mai thin zawk a ni. I nuna pawimawh ber chu midang nilovin nangmah ngei kha I ni. Inlaichinna pawimawhber I neih theih pawh midang nen nilovin nangma nun I enkawl dan ngei kha ani e”. tih hi a lo inziak anih chu!
He Khawvel hi Darthlalang ang chu ani a, mitinin an thil rintlat ang ang chu anmahni a pe let thin a ni. Heihi khawvela kan intlansiakna lamah leh Thlarau nun lamah pawh a dik ve ve a ni.

“Bumin awm suh u; Pathian chu hmusit zia ani lo ve; miin a theh apiang, chumi vek chu a seng bawk dawn si a. Mahni tisa lama thehtu chuan tisa ami chhiatna a seng ang a; Thlarau lama thehtu erawh chuan Thlarauva mi chatuana nunna a seng dawn a ni. Tichuan thil tha tih I ning suh ang u; kan ihthlahdah loh zawngin a hun takah chuan kan seng dawn si a. (Galatia 6:7-10)
Have a blessed Sunday.

Similar Posts:

Recent Posts:

32 Responses to “Sunday Morning Refresher”

  1. 1
    mamtoyz Says:

    ehm..sunday morning

    Report this comment

  2. 2
    ^-||R@lT€||-^ Says:

    mmm…..chhiar ang

    Report this comment

  3. 3
    M J Says:

    thanks PKFanai, sunday morning ti sunday morning tu ani e i post chu (Y)

    Report this comment

  4. 4
    ^-||R@lT€||-^ Says:

    Ni e, mahni hi kan pawimawh a ni. Tuh rah seng tu tur chu mahni tho a ni si a. Thil tha tiin thlarau lamah i theh hram2 zel ang u. Have a blessed sunday.
    Good post

    Report this comment

  5. 5
    PKfanai Says:

    “I am the Captain of my soul, and the master of my fate” tih Poem mawi tak kha a awm em kha? Tu phuah nge pawh ka hrechhuak zo tawh lo.

    Report this comment

  6. 6
    Jacka Pi Says:

    Ka like hmiah (Y)

    Report this comment

  7. 7
    Dr Mahminga Sailo Says:

    (Y)

    Report this comment

  8. 8
    khirhkhak Says:

    Keimaha keimah. Good post

    Report this comment

  9. 9
    ^-||R@lT€||-^ Says:

    @Pkfanai, Invictus by William Ernest Henley

    Report this comment

  10. 10
    Jacka Pi Says:

    Pu PK, i sawi chu Invictus by william henley kha niang

    Report this comment

  11. 11
    PKfanai Says:

    Ralte & Jacka pi, ka lawm lutuk e, ka theihnghilh tawh lovang. (Y)

    Report this comment

  12. 12
    TuaiSialA Says:

    A ngaihnawm ka tih zawng tak a ni. (Y)

    Report this comment

  13. 13
    ninja Says:

    (Y)

    Report this comment

  14. 14
    lalmihringa Says:

    A va tha em (Y)

    Report this comment

  15. 15
    H.Vangchhia Says:

    (Y)

    Report this comment

  16. 16
    Ignatia (33-115 AD) Says:

    Engah nge tukin atan he post hi i lo buatsaih tih ka inzawt nasa khawp mai… Thu awmze nei tak, kristianna nun bakah kan nunphung pangngai kaihruai theitu ava ni chiang em!

    Ephesi mite kha thil tha ti tur atan Krista Isuaa siam an nihzia hrilh an ni(Eph. 2:10). Thesolonika mite hnenah pawh “Unaute u, nangni erawh chuan thil tha tih ning suh u” tiin a fuih chiam bawk(II Thes. 3:13). Galatia mite pawh an bang chuang bik hauh lo: “Thil tha tih i ning suh ang u; kan inthlahdah loh zawngin a hun takah chuan kan seng dawn si a” tiin uar takin a va hrilh chiam(Gal. 6:9).

    Rinna avanga khawngaihnaa chhandam kan nih thu sawi uar tum lutuk avangin thil tha tih hnawl lutuk hi thil ZIRTIRNA HIM LO tak a ni. Lal Isuan, ” Dan thu emaw, zawlneite thu emaw ti boral tura lo kal ka nih ring suh u; tiboral tura lo kal ka ni lo va, tifamkim tura lo kal ka ni zawk” tiin min hrilh a ni(Mat. 5:17). Post nen tlemin a inprsan deuh sia sawi thui lo mai ang.

    Report this comment

  17. 17
    CFL Says:

    A va tha ve le. Ka chhiar lovang tih ka hlau mange. He post hian ka nun a her danglam dawn khawp mai.

    Report this comment

  18. 18
    zawlpala Says:

    (Y)

    Report this comment

  19. 19
    aduhi Says:

    Tehkhin thu ngaihnawm leh hle mai. Pu PKa chu ngaihnawm deuh mahse zirtir nei tha deuha ziah hi i thiam tlat (Y) Keep up the good work!

    Chhiar liam mai lovin mahni nunah hian han apply nghal thei ila a va tha dawn em.

    Report this comment

  20. 20
    sheldon Says:

    A va tha kher ve. Chhiar loh in a liam ang tih ka hlau hle mai. Mahni inenfiah nan a tha khawp mai. Mahni hi kan pawimawh ber mai. Hre kur chung hian insiamthat hi a har si a.

    Report this comment

  21. 21
    Asteric™ Says:

    Pu Pka i ti tha hle mai, hetiang lam zawnga Pathian thu te sawi thiam te hi a tha a sin.(Mahse khi2 ka hre thawi tawh). Isua pawh khan Dan thu harsa tak taka miten an ngaih kha an chhehvel thil awm mek te hmangin ngaihnawm takin a sawia keini thleng pawhin kan hrethiam ta uar uar a nih hi. Pathian thu ataka nunpui chunga zir apiangin tehkhin thu an ngah thin. Intih fel lutuk avanga tunlai khawvel thil tehkhin tur hre manglo te hi a awm theih lutuk a nia.

    Report this comment

  22. 22
    PKfanai Says:

    Asteric, Pathian thu un tak tak, sei tak, harsa taka buatsaiha chhiar loha liam mai mai ai chuan, a chhiartute chhiar peih tur zawng hi ka zawng hram hram a ni. Nia, he thil hi thil thleng tak tak ani mai thei.

    Report this comment

  23. 23
    Lamji Says:

    Tha pim pim ve. (Y)

    Report this comment

  24. 24
    ChhanaPa Says:

    # 5 .
    Invictus phuah tu Pa kha chu tunlai tawng takin a ‘ Man’ ka ti!
    ‘ I’m the master of my fate
    I’m the captain of my soul’
    a in ti zawk in ka hria!

    Report this comment

  25. 25
    PKfanai Says:

    @24, chhana pa, ka google a, i ti dik e. (Y)

    Report this comment

  26. 26
    aduhi Says:

    Invictus poem hi Nelson Mandela chanchin movie a an siam ah khan a changtupa Morgan Freeman khan a chhiarchhuah khan rilru chu a khawih ve det.

    Report this comment

  27. 27
    PKfanai Says:

    @Aduhi, en ve tur anih chu. College kan kal laia thiante fiamthu ka la hre reng thin. Zirlai ngawng ve tak pakhat chuan, “I am the Captain of my soul” tih hi, “Ka Thlarau nunah chuan Arsi pathum ka bel ve tawh” tiin alo letling ani awm e. :-P

    Report this comment

  28. 28
    Chemtatrawta Says:

    Hemi beisei hian ka rawn tek lut zuai a, beisei chhanna chu Pu pkfanai kaltlangin Pathianin min pe leh ta. Lo chhunzawm zel teh. Facebook lama ka status update nen pawh a inzul hle mai, ka chhiar lawk miah si lova… (Y)
    Invictus movie kha..a ni tak e..ka dah tha khiau, ka archive ah…leadership thatzia te mawlh mai kha.

    Report this comment

  29. 29
    Chhuaklinga Says:

    A va Idea tak em.. (I) Ngaihnawm bawk, chhiar nuam bawk, tawi fel bawk (Y)
    tren tren

    Report this comment

  30. 30
    Chhuaklinga Says:

    Zirtir nei tha bawk tih ka la sawi tel loh chu le, mai mai lo chuan.

    tren tren

    Report this comment

  31. 31
    Dr John Says:

    (Y) Very Inspiring Post. A Thupui ang chiah chiah-in “Refresher dik tak” a ni e. Pu PK nge nge. (Y)

    Report this comment

  32. 32
    long term stock charts Says:

    long term stock charts

    Sunday Morning Refresher | mi(sual).com

    Report this comment