Kolasib ah Photographic Workshop

April 6th, 2012 1:00 pm by Manghaka

Vawiin 5.4.2012 khan Kolasib-a Paradise Restaurant-ah Zoom Kolasib buatsaihin Photographic Workshop neih a ni a, Kolasib District chhunga thlalak lama tui mi 30 rual an kalkhawm a ni.

Workshop hi Pi Lallianpuii, DIPRO chuan a hawng a. Hawnna thu sawiin Photography chu Art ropui tak, rilru leh ngaihtuahna thianghlim tak nena tih chi a ni, a ti a. Kolasib District chhunga hetiang pawl alo ding ta mai hi District tana hmasawnna kailawn ropui tak a ni a tia, thlalaka tui mi zingah rilru kawi leh bawlhhlawh tak a awm theih loh a rin thu pawh a sawi a. Kolasib-a thlalatute chu Zoram leh ram pawn thleng pawha la inpho chhuak deuh deuh tura a beisei thu a sawi a ni.

Workshop-ah hian Dr. Saihlira, DVO chuan Basics of Photography chungchang sawiin zirtirna a pe a. Pu Stephen Laltlansanga Auhmun chuan Ethics of Photography chungchangah zirtirna a pe bawk. Pu Marema Ralte, Remtluang Pictures chuan Printing & Processing tih thupui hmangin zirtirna a pe bawk a ni. Thupui then hrang hrang ngaihthlak hnuah te hian zawhna leh chhanna hun hmangin sawihona tha tak neih zel a ni. Puipunna mithi In leh Inneih nikhuaa thlalatute tihawma mawi leh mawilote he hunah hian sawi a ni bawk a. Mawilo leh Pathian Biakin zahawmna ti nep thei khawpa thlalatu vei sek leh uchuak taka lo inrawlh sek te tha an tih loh thu pawh an sawi a ni.

Pu Isaac Lalthanmama, President, Zoom Kolasib chuan Workshop hi a kaihruai a. Tlai lamah member zawng zawngte an Camera theuh kengin khawlaiah an feh chhuak a, hetah hian thlalak hmeh nga theuh hmetin hei hi an theh lut vek a. Computer-ah dahlutin Projector hmangin an thlir ho leh a ni. Heta Camera thehluhte hi print chhuakin remchang hmasa berah mipui a duh apiang thlir theih turin khawlaiah an la pholang dawn a ni.

Similar Posts:

Recent Posts:

18 Responses to “Kolasib ah Photographic Workshop”

  1. 1
    Master Kim Says:

    A thih ni ni a? Tunge ka 1st ai 1st duh?

    Report this comment

  2. 2
    lrpa Says:

    ka tui lohna ber..my worst hobby te han ti vel ila :-D :-D

    Report this comment

  3. 3
    Dr Mahminga Sailo Says:

    A tuimi tan chuan a nawm dawn chu… :-D

    Mahse, kum 4/5 kal ta vela Mizoram Calnedar-a, Kolasib khawpui (Diakkawn?) kawngpui mam dum hlurh mai (Rulngan pa ang zar :-) ) a thlalak tarlan ni si; khami kum veka ka zuk zin a kawng bumboh leh chhe tak khan photography ropuizia leh thiltihtheihzia min hriatchiantir hle… :-P

    Report this comment

  4. 4
    Master Kim Says:

    Thlaraua chatuan hawkhtlang nun buaipui lai laia kan thla ber min laksak leh daih te chuan kan va fail mai awm ve. Hehe..hi.

    Report this comment

  5. 5
    MissLeo Says:

    Photography lam hi chu ka lo ngaihven thei ve viau,thlalak mawi tak tak leh editing nalh tak tak te poh hi hmuh a nuam ka lo ti ve thei lutuk,thla la tu tan ngat phei chuan an thlalak mawi tak han hmuh chu a nuam don zia leh hlim na a pek dan tur hi ka lo ring ve em em top thin.Mahse a ti mi hi ka ni hauh lo,han lak mawi dan vel hi a tih ngaihna thlot ka hriat lo.Mi lak sa mawi tak tak hi lo thlir ve ngoih ngoih ila ni mai. :-D

    Report this comment

  6. 6
    Jacka Pi Says:

    Kei chu ka subject te hi an in pose fuh ve ngai lo!!

    Report this comment

  7. 7
    kilung Says:

    An va ti tha ve..

    Report this comment

  8. 8
    bauhbauh Says:

    An hlawkpui viau turah ngai ang.”Ethics of Photography” hi ka ngaithla ve chak hle mai
    Aizawlah chuan thlalak mawi leh nalh lam ai mahin Camera man to a pung hluai an ti. DSLR man to tak i neih chuan eng mi pawh ni la, photographer i ni nghal tawp!!!!

    Report this comment

  9. 9
    blackmagicwoman Says:

    Weinch…pu thaiboy chu van chang sang ve! (Y)

    Report this comment

  10. 10
    rfahauhnar Says:

    Pu Xaia hi dvo a lo ni reng a lo:-O

    Report this comment

  11. 11
    Chhuaklinga Says:

    Pic.ah khi chuan 21 chiah. A bengvarthlak hle mai. Hmasawn zel turin ka duhsak e.

    tren tren

    Report this comment

  12. 12
    RenghangMan Says:

    A laka lak hi chu ka ti lemlo, mahse, a mawina hi chu ka pawh pha ve in ka inhria.

    Report this comment

  13. 13
    paeia Says:

    A thupui chauh ka hmuh khan ‘pornography’ tia ka’n chhiar mauh chu!!! Tunah hian ddnews ah chanchinthar langsar zual ah a puang mek bawk a.

    Report this comment

  14. 14
    Rooney Opa Says:

    photographer an pung leh dawn tihna ni maw?

    Report this comment

  15. 15
    The Real Says:

    @Chhuaklinga, group photo kan neih lai hian an lo kal bo nual a lawm le… Pu ThaiBoy a pawh a awm miah loh khi :)

    Report this comment

  16. 16
    Chhuaklinga Says:

    @15, hihiii a ni khawp mai, thil tihkhawm hian han reh deuh duak lai hi a awm a lawm :-P :-D (power supply end. logout)

    tren tren

    Report this comment

  17. 17
    XaiA Says:

    An va ti tha em em…te han ti khang lang i la (H)

    Report this comment

  18. 18
    Hriatpuia pa Says:

    Khawnge nula, an tel ve na nge? :-$

    Report this comment