Archive for April, 2012

Blog comment delete na hnu tihbo dan

Monday, April 30th, 2012
Blogger a blog nei te tan bik liau liau kan blog a comment kan delete te tihbo dan tun tum chu i han sawi teh ang. Blog a comment te hi delete hian ‘This comment has been removed by the author’tih a lo lang thin a. Hei hi a hnawksak na chin a awm ve a, chuvang chuan hemi lang reng hi in tibo dawn teh ang.

A hmasa ber ah chuan blogger a i account ah sign in phawt la. Design tih i click hnu ah Edit Html kha i select dawn nia. Chuan Expand Widget Templates tih a lo awm anga, a bul a check box ah khan i click dawn nia. Html code a inziak a hnuai ah khan i hmu anga. Kha kha kan blog code, kan edit tur chu ani dawn ani. (more…)

Tedim khua ve thung aw

Monday, April 30th, 2012

Zofate inhriat pawh nan khawpui kan neih thlalak te han pholan tha in ka hria a. A hma-a in pholan ho pawh ka ngai hlu hlawm hle.

http://sialkal.com/Tedim%20khua%20by%20zolawkta.jpg

Pic 1: Tedim hi khua sei ve tak a ni a, a chanve vel chauh lang ang a ni.

http://www.sialkal.com/Tedim%20khua%20by%20zolawkta%20(1).jpg

Pic 2: Tedim Vengpi – Khaw laili lai tak
(more…)

I sam kha an lei duh e

Monday, April 30th, 2012

Sam hi thil mak danglam ve tak ania, kan taksa a a beh lai hian kan uluk em em a, kan tifai hliau hliau thin a. Kan taksa atanga a awm hran tawh chinah hi chuan kan ten em em thung thin a…

Kumin kum tir lam khan Burma lam sumdawng kan mikhual a, sam an lei duh thu a sawi a. Ka awih vakloh avangin ka ngaihsak vak lemlo a. Tunhnai lawkah FB lamah post ka hmu leh a, keimah ang tho in awih lo an lo awm nual mai a.

Nimin khan kan mikhualpa chu a lo kal leh a, sam a rawn ken tel tak teuh avangin chik deuh takin ka zawt ta a, a mi hrilh dan chu hetiang hian ani e:-

Sam an lei duh chhan hi a nihna tak ah chuan an sumdawnna atan ani a. Thenkhat in a dawi thil nena an ngaih pawlh a an hlau tlat hi a diklo. An duh chhan ber chu saphu kawr an lei ho Burma lama hawn chhoh dawna a tuam na atan an duh ani. Saphu kawr an phurh thlen chu an hralh thin a, sam pawh chu sam lem siamna ah an hralh thin ani.
(more…)

Ramhuai ka hmu

Sunday, April 29th, 2012

-C.D. Vanlalfamkima,
Govt. P/S Teacher, Dulte

,

He ka ramhuai hmuh hi tak tak a ni a. Tun thlengin ka piansual phah a. Kum 1951 vel kum 5 mi vel ka ni tawh a; duh duhin khawlai ka leng thei tawh a. Kan khua Dulte Veng chhak, Kawnzawla kan awm lai a ni a. Kan Veng chu a hrâng ang reng khawp a, zan tin hi thawm kan hre reng thin a.
(more…)

Tawngtai

Sunday, April 29th, 2012

Tawngtai tih tawngkam hi Mizo Kristiante atanga lo chhuak anih tlat avangin Kristiante thurin bulpuiber Bible hian eng angin nge a zirtir tih i lo chhui hmasa teh ang.

Bible chuan “Bang loin tawngtai ula,”(I Thes.5:17) a ti a. Mahse hna thawh a lo ngai a, chaw ei a lo ngai a, mut a lo ngai a; bangloin a lo tawngtai theih hauhlo mai. Kan han maimitchhing a, “Aw Lalpa….” Kan han tih lah chuan,”…vawi tam tak in tawngtai pawhin ka ngaithla lo ang,”(Isaia1:15) alo ti tlat a. Vawi tam tak tawngtaiin kan sawi ngaite hi kan sawi nawn zing hle thin. “In tawngtaiin Jentailte angin sawi nawn sawi nawn mai suh u; an tawng tam avangin hriain an rin ani. Chutichuan anmahni angin awm suh u; amah in dil hmain in pa chuan engte nge in mamawh tih a hre reng si a,” (Matt. 6:7&8) a ti. Eng emaw hi kan dil duah mai thin a nih kha. Tunah pawh i la dil hnem thin hle lo maw? “…In dil a, in dil dik loh avangin in hmu lo, in nawmsak nan hman in tum si a,”(Jakoba4:3) a ti bawk. Chuvangin maimitchhinga, “Aw Lalpa..,” tia kan chham vel hi zawng a lo pawm hauh lo mai; mi vervekte tawngtaina mai mai a pawm lo a ni. ” ‘Lalpa,Lalpa’ mi ti nazawng chu vanramah an lut lovang..,”(Matt.7:21)a ti tlat si.
(more…)

A dum leh var in aw.

Sunday, April 29th, 2012

Thlalak kan tar ve leh tawp ang e. duh duh zawng a sawi zawm atan. An size hi tih tet mai bak chu, camera atanga, an nihna ang a lang mai anni e…

tuinung min pe rawh…

eng hian thil dangdai tak hi an lo pe thei reng emaw ni le???

Bonus: Love u all…

Amen

Sunday, April 29th, 2012

- Rev. Vanlalzuata

Ni tin tiharh rawh ka rilru, I ta angin siam la he thu; Kalhtu tur hi lo awm phal suh, I thu ni se.

Amena, thuhretu rinawm leh dik taka, Pathian thil siam bula khan heng thu hi a sawi a ni (Thup. 3:14).

Chhiahhlawh thuawih tak pakhat hi a awm a. A pu a zin dawn apiang hian a pu kalna tur khuaah chuan a lo va kal hmasa a, a pu a lo kal dawn a ni tih a lo va hrilh lawk thin a. Vawi khat chu a pu a thi dawn ta a, a chhiahhlawh chu a ko va, “Hei, mitthi khuaah ka zin dawn a, nang hi ka kalna tur khua apianga lo kal hmasa thin kha i ni a, lo va kal hmasa leh ta che,” tiin a hrilh a. Chhiahhlawh chuan chemte a la a, a thinah a vit tlum ta thawih mai a, mitthi khuaah chuan thuawih takin a lo va kal hmasa leh ta a, engtin tak chuan va sawi ang maw.

Amen tih tawngkam hi kan hmel hriat hle a, kan sawi zing bawk a; amaherawhchu a awmzia hi chuti takin kan zir chiang tawk lo mai thei e. A tlangpuiin tawngtai tawpaah kan Amen a, Bible chhiar tawpah leh thusawi tawpah Amen kan pe bawk a, thusawi laiin mihlim thenkhatten Amen an lo pe bawk thin.

(more…)

Shillong Influence

Sunday, April 29th, 2012

He thu hi mimal ngaihdan mai a nia, a dik vek kher lo mai thei; mahse, awm ang ve tak chu a ni!

Kan mithiam hmasate khan thiam an zirna ber chu Shillong a ni a. An zirna mai bakah mita an hmuh leh hriatten engemaw chen a kaihruai tel lo thei lo bawk a. An zir zawh hnuin Mizoramah an lo chhuak leh a, keinin mithiam leh thil hre zau, an tih apiang chu mi changkang thiltihah ngaiin kan entawn bawk a. Tichuan, heng kan mithiamte hi lehkha an zirna hmun Shillong-a mite chezia leh khawsak danin a hneh/hmin (influence) a, Mizorama an khawsak dan chu keinin kan lo entawnin kan lo zir chhawng ve bawk a. Double Influence a ni ta ber a nih chu. Chu chu a ni ‘Shillong Influence’ ka han tih ve tak ngawt chu

Shillong Influence hi thil tam takah hmuh tur a awm a, a chiang zual nia langte thil pathum lek lo tarlang ila :

1. Hmeichhe hnathawk : Eizawnna chi hrang hrang – dawr leh office, rantalhna hmun thlengin hmeichhiate kutah kan innghat a ni ber mai. Tunhma Mizo nunphungah chuan Eizawnna thilah hmeichhiate an thawk ve tho nachungin mipaten hma hruaiin sul an su thin a. In lam hna erawh chu hmeichhe kuta awm a ni. Shillong-a cheng Khasi ho hi hmeichhe lalna (chhungkaw pa ber?) an nih vang nge, hmeichhiate an chungnung hle. Hei hi kan entawn ni ngei tur a ni, ti taka hmeichhiaten pa chan an chan tak nachhan hi.

(more…)

Joba Malsawmna Thuah-thum {Sunday Pual}

Sunday, April 29th, 2012

Joba 2:3, Tin, LALPA chuan Setana hnenah chuan, “Ka chhiahhlawh Joba hi i ngaihtuah ngai em?Amah anga mi famkim, mi ngil Pathian țih mi, thil țha lo laka insum thei mi hi leiah tumah an awm lo asin, vang awm lova mi tihchhiattir chung pawhin a ngai reng a la ni” a ti a.

1. Thu Hmatheh:
Pathian pawhin ‘mi famkim’ a tih ngat Joba chanchin hi a lâr hle a, a chanchin chu sawi thui lo mai ila. Pathian hnen ațanga permission a lak thlap hnu-ah, mithianghim leh mifel Joba hi Setana’n duhtawkin a sawisa ta a. Amah thlamuantu ber tura ngaih a nupui lah chuan ‘Pathian sawichhia a, thi mai turin’ thurawn a pe zui! A țhian-te 3, Elifaza, Bildada leh Zofara tal an awm alawm kan tih laiin, a țhiante lah chuan, chhan awm lova a tuar ngawt chu thil dang vang ni thei turah an ngai lova, Joba sual vangah riak an puh bawk nen! Chhan leh vang awm hauh lova Joba’n taksa, rilru leh thlarauva a tuarna hi a râpthlakin a lainatawm hle a. Awmze ropui leh thûk tak a nei ngei ang tih a rin theih. Keini ringtute tan pawh hian zir tur a awm ngei ang.

2. Joba Chunga Thilthleng Leh A Tuarna:
Joba hian taksa, rilru leh thlarauva a tuarna-ah hian, hlawm lian tak tak 3 ațangin tuarna hi a hmachhawn a:-

(more…)

Sunday Morning Refresher

Sunday, April 29th, 2012

Tukkhat chu, Company lian tak pakhata thawktu ho an office thleng hmasa apiang chuan, an office Notice board a thil intar chu an en laih laih mai a. Chu thil intar an chhiar zawh chuan an phawk deuh hra hlawm mai a. Chu thil intar chu hetiang hi alo ni a:-

“Nimin khan he company-a I kai san zel na tur leh, he Company ngei pawh thantir theilo leh ti thuanawp tlattu chu a thi hlauh mai a, Conference Hall-ah Company hminga a vuina hun hman tur a ni a, he hun hi ngaipawimawha lo tel theuh turin thawktu zawng zawng hriattir inni e” tih te mai hi alo ni a.

A tirah chuan, chutia an thawhpui pakhat han boral ta mai chuan a ti lungngai theuh mai a. Amaherawhchu, an han ngaihthuah chiang a, chutia an Company a a kaisanna tur dal tlattu leh an Company pum pui pawh ti thuanawp tlattu chu tunge ni ang tih chu an hre chak ta hlawm hle mai a.
(more…)