Mizo Music

March 3rd, 2012 2:26 pm by maxizz

(1st post ania tawngkam thiam loh bawk nen member zahawm tak2 te in mi hriatthiamna ka dil hmasa e.)

Nimin 01/03/2012 khan kan office a internet ka hai kual na vel ah Justin Bieber-a Birthday ani tih ka hmu nawlh mai a, k thiannu ka bula thu hmelchhe lem lo tak, ngo lampang, cher sang, hmel changkang ve tak mai (hnam dang nula ah chuan iaiawm loh tak a ni) hnen ah vawiin hi Justin Bieber-a birthday a lo nih hi ka va ti chu, ‘Tunge Justin Bieber a chu?’ a lo ti hau mai.

A chhanna in a min ngaihtuah tir chu heng state danga mi tam zawk te (Vai kan tih mai) hian western culture leh an music te hi an lo ngaisang teh vak lem lo niin a lang.  Western music ngaisang tu tam tak chu an awm ve ang tih chu kan hriat theuh ka ring a mahse a tam zawk chuan an mahni tawng ngei mai a rimawi ngaihthlak chu nuam an ti zawk tlat niin ka hria.

Mizo te hi music ngaina hnam kan ni han ti ve tawp ila, ka sawi sual anih pawh in min lo correct mai dawn nia. Uar deuh takin ka han sawi teh ang, kan zai thiam em em vek a, Mizo tlangval Guitar perh thiam lo nih kan zah na te hian keichu kan hnam hi rimawi ngaina hnam kan ni tih nghet takin min rin tir tlat a ni.

Mahse Mizo te hi music ngaina mi kan nih laiin Mizo Music hi kan ngaina lutuk lo emawni awwww te ka tia. Mizo te hian kan phone a kan hla dah te hi kei ka lo hriat phak chin ah chuan Mizo hla aiin English a tam zawk mah niin ka hria. A chhan han ngaihtuah in Mizo te hi music ah kan la sang lo ti dawn ila, music ngaina mi kan ni ka lo ti ve tawh bawk sia, changkanna ah kan ngai nge ni a hnam dang music hi nalh kan ti zawk ve hrim hrim???.

Kan tunlai thangthar te hian Mizo music aiin English music an ngaithla in an hre mah2 zawk ti ila kan sawi sual tam awm love. Mi(sual) te hi kei aia thiam leh hre zau tak tak vek in ni hlawm bawk a i han sawi ho teh ang u enge in ngaih ve dan ni le? Mizo Music nge kan ngaihsan a hnam dang music????

Similar Posts:

Recent Posts:

27 Responses to “Mizo Music”

  1. 1
    Hope Says:

    :-D

    Report this comment

  2. 2
    hnarliana Says:

    Sap ho duhzawk tlat tan chuan Mizo music chu duhzawk ahar ang..

    Report this comment

  3. 3
    bulaya Says:

    Mizote musical instrument chu khuang,seki te a ni hlawm. Kan hlathute hi Mizotawng ngei nimahsela, a musical “genre” hi chu western atanga kan hawh chawp deuh vek ni maiin ka hria.

    Mizoram Synod Choir ka han ngaihthlak vang vang te hian hnamdang, tabla leh sitar khawvela chengte chuan Western music emaw an ti tho nia. :-)

    Report this comment

  4. 4
    As_Khiangte Says:

    Mizo music nge hnamdang music?? Khaikhin turah ka ngai lo. Mizo hla leh music hi kan ngaina a, mahse hnamdang western music te chu kan luhchilhin kan tuipui pha em em tho a nih hi.

    Hmanah chuan soloist leh band te hian sap hla an sa tam hle a, beat contest ah te pawh sap hla a nih kha an sak vek zel. ’90s hnu lamah em ni soloist leh band hovin Mizo hla sak an rawn uar ta a, tunah chuan a trul hun bik lovah chuan zaithiam ho hian sap hla an sa ta mang lo. Hmanlai chuan (han ti khanglang ila) KTP fellowship ah te hian sap hla an sa tam zawk, tunah chuan a nih tawh loh hi.

    Report this comment

  5. 5
    century child Says:

    ‘Mizo music’ tih lai tak hi ka bo deuh.
    I thawhpuinu chu a hawi zau vak lo anih hmel. (tlanchhe nghal)

    Report this comment

  6. 6
    ChhanaPa Says:

    I thawh puinu chu Lady Gaga hming tal a hria em han zawt leh teh. A hre lo a nih chuan mi in chhiar zau vak mi a ni lo a niang. A nih loh vek pawh in a vai un tut chi a niang!

    Report this comment

  7. 7
    zualbonez Says:

    ka gym hluiah justin bieber an play thin-ka hrethiam….ka gym thar bodybuilder tam na ah an han play leh kher hi chu :-O :-$

    Report this comment

  8. 8
    century child Says:

    # 7 LOL

    Report this comment

  9. 9
    hiho Says:

    Ka ngaihdan chuan Hman lai mizo hla te kha chu Hla thu in a thluk a hruai a, tun ah chuan Hla thluk in hla thu a hruai let zawk a ang ka ti. :-S

    Report this comment

  10. 10
    lrpa Says:

    Music ani emaw thil engkimah western culture kan imitate tawp ani e. Music a kan hniam zia leh kan hriat loh zia chu sawi ngai lo ani in ka hria.
    Posttu sawi khi a dik ani, vai ho hian keini ang hurh in sap zaithiam hi an hre lo. sap filmstar pawh an hre vak lo. An mawl vang pawh ani lo a. TV ah leh movies (media) ah chuti vakin an chawilar lo ani. Keini chuan mahni in hmu nepin kan rilru suangtuahna in vai ram a thlawhkhum a..sap ramah a bur chat mai ani. Tinge? media chak vang ani mai!
    Mizoram hi engkimah a mawngphah kan ni tih hi hriat nawn fo tur!! Changkang ve ta viau a kan in hriat tlat chuan ‘goal’ a awm thei lo a, ‘aim’ pawh mumal kan nei thei hek lo ang..duah mai a!

    Report this comment

  11. 11
    Fonz Says:

    Music te chu tunge ngaithla peih pawh awm re re a, bengchhen chen nen..say no to music…illuminati an awm an ti leh nghal…bob dylan an tih te phei chu setana a bia..sala music is very thaloing.

    Report this comment

  12. 12
    Dr John Says:

    Vaiho (NE state ni lo zawng) hian Music chauh pawh a ni lo, an GK hi a zau lo hrim hrim-in ka hria. Lehkhathiam tak tak leh Hausa tak tak ka kawm-te zingah pawh “Mizoram” tih leh “Mizo” tih la hre miah lo an kat-nuk mai :-O

    #10 lrpa sawi ang khian, Mizo-te hi Folk Music-ah kan sang a, tuna kan music duh dan leh kapui dan pawh hi “Modern Music in Traditional Style” (imitation of western music style) a ni deuh ber em aw ka ti? Tunlaia Mizo music hrim hrim ho hi chu “Adapted Western Music” tih theih maiin ka hria…a tha pawh ka ti.

    A chhan chu khawiah pawh kal ila, Western-ho tihdan nge nge hi mi tam zawkin kan ngaisang a, awlsam takin Mizo-te pawhin kan zawm ve nghal zel thei a. Tunah phei chuan keimahni ta ang deuh thaw hian kan hmang ta in ka hria…

    Report this comment

  13. 13
    Soberboy Says:

    a chang in Mizo a changin Sap :D

    Report this comment

  14. 14
    chawnghilh Says:

    Hriat chin vai hi a inchen lo thei tho bawk. Western lam uar ve tak tak hi ka hre teuh thung asin.

    Karimganj vai mistiri-te hi chuan an uksak ngut lem lo vang.

    AC Car-a duhtawka lim thei, jeans clad folks hi an awm ve hranpa a, vai ni si, inti-vai lo fe fe pawh an awm tam ve teh a nia, he India ram zau pherh-erh takah hian!

    GK lamah kher kher hi chuan, Mizoram hi an rawn hre vak lem lo. A hre chhunten an hre hlur tawh zawk a ni mai a.

    Classical music hrim hrim-ah vai music leh Mizo music hmachhawp neih ve chin hi chu chhepchher neuh neuh a intam hleih deuh! Kola Bel kan la tuk ri kerh kerh hran lo va, suankual (chimta) kan hmet ri chhek chhek tam lo bawk. Baja (wind pipe) lam lah chuti em emin kan uar lo. Kan khuang vuak beat pawh hi a inang mawh khawp.

    Mizo hi chuan traditional tak phei chuan Bawng vun kaih mar leh a ki khawn rik kerh kerh hi kan origin a ni ber a. Pu J. Buana (Padma Shree Awardee) kha seki khawn lam uar mi a ni a. Kohhran Upaten an ngaimawh a. Mahse, ani khan, “Keiin a ki hmangin ka fak a, nangni’n a vun hmangin in fak thung a,” a ti jeih!

    Hnah ham kan thiam leh a, chu pawh Oriental lamin an lo ti thei ve vek bawk si … Tonic Sol-fa hian kum 100 dawn lai min chenchilh ve ta a, Staff notation-in min rim uar tanna a la rei lo hle bawk!

    A reng reng thu-ah Justin Bieber-te chu hmanni lawka mi a ni a, vai naran tan chuan hriat a harsa ve viau ang. Nazia Hassan erawh chu an hre viau lawi mai thei thung asin! :-S

    Report this comment

  15. 15
    Fonz Says:

    Justin Bieber ah chuan hei hi a chhe lo khawp mai :D ..
    https://www.facebook.com/pages/Justin-John-Bieber/180733531983058?sk=info

    Location
    Lewiston, ME
    Birthday
    January 6, 1961
    About
    My name is Justin Bieber and it has been for 50 years, I am not some punk ass singer homosexual but because some little ass bandit has the same name as me I have to use my middle name. God dammit I’m a human and I have rights too.
    Biography
    Little girls please stop adding me I am not that little punk ass bitch and stop trying cause he likes dick.

    I am Justin Bieber, 50 year old carpenter from Ohio. I currently live in Maine. I like prostitutes, booze and cigarettes. FUCK KIDS.
    Gender
    Male
    Personal Interests
    carpentry.
    :-D

    Report this comment

  16. 16
    sheldon170 Says:

    Keipawh a chang in mizo, a changin sap..trala la la

    Report this comment

  17. 17
    TuaiSialA Says:

    Mizo hla chu kan ngaisang khawp alawm le.. Kan zaithiamte reng an lar hma mai.

    Report this comment

  18. 18
    filliz Says:

    Keipawh a hming chiah ka hria, chanchinbu vel atang. Chu pawh, a headline atang. ka lo chhiar kan daih zel a, hehe..

    Report this comment

  19. 19
    Lamji Says:

    ‘Mizo Music’ I tih hian kan traditional music nilovin tunlaia kan music ngaihthlak leh tum uar ho I sawina anih ka’n ring ringawt a.!!

    Music on demand channel hian min tichhe khawp asin. Ngaihtuah la,tunhma Daduhi te,Sailova te lar vanglai kha chuan kawngpuiah,dawrah,motor-ah a rik chuah2 mai kha. Ka sawi tum tak chu music recording kan neih ve ang chhun2 te lei lovin demand channel ah a hmeh chhuah theih tawh mai si a,entertainment ah chuan ‘fame’ hi a hlawhtlinna kailawn pakhat ani ve miau mai sia,zaithiam te paw’n hla thar an neih in uluk taka dahthat a compile that a album siam ai chuan demand channel a pek luh thuai2 kha an lo thlang zawk lo theilo ani,kan zaithiam tih/duh te paw’n album siam se lei nachang pawh kan hriat hlawm tawh loh hi.
    Tin,zaimi/rimawi tum mi te tan pawh thatho na tur hi a awm lo ve bawk dawn em a tin ni. ka OT ta lek2 mai sawi chhunzawm zel ang…

    Kristianna alo luh khan Western music hi alo lut ve nghal a,tupawh mai hi English hymn a enkawl seilen leh tet te atanga sa vek kan ni,min influence lo theilo. Chutih rualin kan Mizo zai leh thluk hrang2 te a hla phuah hi alo tam lovin ngaihthlak tur phei chuan a tam lo khawp ang. Ngaihthlak tur tam zawk ta na na na chu kan ngaithla a,kan copy a,kan nunpui lo theilo anih hi. Ngaihthlak tur nei tam ila,genre hrang2 te hi a tam ve tual2 tawh a,hma kan sawn zel ania. Nakinah phei chuan kan traditional music leh contemporary music te kan la fuse kual ve zel a ng chu. Kan mithiam te leh mi hmasa te paw’n hma an la in awareness te pawh an pe zel ania.

    Report this comment

  20. 20
    Atom c Says:

    Ngaihthlak ngun a piang hi a nalh maiin ka hria (Y)
    Mizo Artiste(Band, Group..etc.) English leh Mizo hla kaihpawlh chi hi ka ngaithla peih miahlo thung. Example : ” hmm..hmm..hmmm…….Zika kan ngai a che….” etc.. A tam mai.
    English a nih chuan tluantling takin ni mai se, Mizo a nih leh chutiang bawkin. Tluantling tak hi a nalh ka ti zawk a, rilru ah pawh hna a thawk bikin ka hria.

    Report this comment

  21. 21
    Lamji Says:

    Kan tuihnih leh loks…

    @maxizz,,nangmah pawh kha Mizo rimawi promote tu I ni mai thei ania awlsam te in.. I thiante chu han ngaihthlak tir ve teh,an duh hlawm asin. Keipawh ka thian te chuan Pi Rebecca hla ‘Nang ngaih a zual’ kha an duh utuu..tingtang in a perh ve zet2 thei ania. Keimahni vèk hi kan pawimawh ber e.

    Report this comment

  22. 22
    bawmrang Says:

    Sap hla hi a lo mawi thei hlawm bawk em a ni. Chuan Mizo hla mawi kualiti tak tak pawh a tam a. Chung ho chu kan ngaithla kham thei bik chuang hleinem.
    Keimahah ro ro chuan Hla hi ka duh rock thei khawp a. Mizo hla rock tha tak ngaihthlak tur hi vang ka ti thei khawp mai. Fan em em leh dul em em a zai hi a tam em em ringawt a. Ka ning thei khawp mai.

    Kan rock band ho lah hian sap tawng hlirin min zai sak bawk si………

    Report this comment

  23. 23
    CFL Says:

    Good post.
    Mizo hla lo chu ka ngaithla peih thak lo.

    Report this comment

  24. 24
    vakul Says:

    Justin biebar chu ka lo la hre bik reng reng hlei nem. A lar lova ni ang, ka tan.

    Tin, vaiho hi an tanawm khawp mai, hriat loh lam chu hre lo ve tak, hriat lam leh thiam zawng chu ei zawnna khawpa thiam an ni fo, hre zel zul ei hmu lo ai chuan tha tak a ni.
    Music chungchangah chuan a instrument hi chu thuhran ni se, traditional, tlar thum zai kha chuan lung kuaicve chiang

    Report this comment

  25. 25
    Zaithiamlo Says:

    Justin Biebar hi a hla pakhat mah ka la ngaithla chhuak miah lo, chuan sap hla chu a nlah ka tia, mahse Mizo zai hi ka ngaina

    Report this comment

  26. 26
    DXBFreak Says:

    ramngaih hla ang chi, laldanga zai lam pang chi hian ka lung min len ber

    Report this comment

  27. 27
    Jeremy_303 Says:

    tamil nadu a cheng te hi han sawi kai ta daih ila.. an hnam hi a upa hle a, mahse an rilru a zim kan ti dawn nge ni, an hnam a changkang hlei thei lo…. an culture chu humhalh an tum teh meuh mai, mahse humhalh an tum leh lutuk avang hian kawng tam takah hma an sawn theilo niin ka hria. keini pawh hi he tiang thil mai mai ah hi chuan nepnawi nei lo te’ng u… a ho tham e mai… thil reng reng hriat zau hi a pawi na ka hre lo a, tin, music han sawi ve leh ila, mahni hnam music ni lem lo, hnamdang music ngaina zawk khawvel ah hian an tam ka ring, chu vang chuan he tiang thu hi chu ti ti pui atan chuan ho lam ka ti deuh,,, te ka lo ti ve mai mai a (H)

    Report this comment