Breaking News: Aizawl – Vaitin MST Bus accident

March 3rd, 2012 1:55 pm by aduhi

3 March 2012: Vawiin chhun dar 12:30 khan Aizawl atanga Vaitin pan MST bus chu Darlawn khaw pelh, Darlawn atanga km 1 vel, Sihbial kawng, PWD kawng hlui shortcut-ah a chesual a, a hmunah hian mi 9 an thi tawh a hliam engemaw zat te chu kawngpuiah an la chhuak tawh niin thu dawnna chuan a sawi.

Bus-ah hian passenger an khat hneh hle a, mi engzat chiah nge he bus ah hian chuang tih leh hliam engzat chiah nge awm tih hriat theih a la ni lova, bus hi a lum thui hle a, kawng atangin bus hi a lang phak lo niin thu dawnna chuan a sawi bawk.

Update:
Sawske Afa Khawlhring Afh: Mi 11 an thi tawh ni in thu dawn chuan a sawi. A driver Thangliana pawh thi zing ah hian a telve a accident chhan hi chiang tak a hriat a la ni lo.

Source: Pu Vana at Chanchinthar Group, Facebook.

Similar Posts:

Recent Posts:

49 Responses to “Breaking News: Aizawl – Vaitin MST Bus accident”

  1. 1
    superpinqponq Says:

    Zia lo hle mai, engvanga accident nge maw a nih le!
    Bus accident hi chu ka hlauh zawng tak ani :-O
    Mitthi chhungte leh hliam tuar te an lainatawm takzet ani

    Report this comment

  2. 2
    tuaiduhlawmlai Says:

    Pawi hle mai a.
    Engti tih a chesual mai nge maw a nih le.

    Report this comment

  3. 3
    Dr Mahminga Sailo Says:

    A va’n pawi tak em.. ;-(

    Report this comment

  4. 4
    Dr John Says:

    ;-( Pawi tak tak. FB lam chuan mi 10 thi chu an confirmed tawh an ti. Lalpa’n chhiat tawk-te Thlamuan-in Awmpui Mawlh Rawhse!

    Report this comment

  5. 5
    Maya Says:

    a va zia lo thin ve o . . eng vang a chesual nge le . .

    Report this comment

  6. 6
    Grey_RM Says:

    Mi 14 thi tawh angin Fb ah chuan update e.

    Report this comment

  7. 7
    Grey_RM Says:

    Bus ah hian Mi 34 chuang chuangin mi 20 Darlawn damdawiin ah dah an nia, Doctor a zin avangin a buaithlak viau ni in an sawi bawk./.

    Report this comment

  8. 8
    filliz Says:

    A va rapthlak em em ve le. Kumin hi vanduaina kan tawk zing ta malh malh hle mai. Thi chhungte Pathianin vengin awmpui rawh se. RIP.

    Report this comment

  9. 9
    chawnghilh Says:

    Darlawn Doctor chu a awmna hmun hmunah a rilru a hah ve ngawt ang, a lainatawm. Thi leh hliam tuarte an lainatawm vawng vawng. Darlawn leh a chhehvel khawtlang an hah hle dawn a nih bawk chu! A zia-lo thei thin hle mai.

    Report this comment

  10. 10
    filliz Says:

    Zonet breaking news-ah chuan mi 15 thi tawhin tarlan a ni.

    Report this comment

  11. 11
    chawnghilh Says:

    Lunglei Sazaikawn bulah LPK brake-fail accident a awm thu fb lamah pawh tarlan a ni. Chawngte lam pana kal, mi 20 chuanna, Chakma leh Mizo chuangte hliam an awm nual thu tarlan a ni bawk. A pawi zawih zawih ngei mai!

    Report this comment

  12. 12
    Ruata Pachuau Says:

    A va pawi tak em, nitin mai hian accident leh chhiatna chi hrang hrang hian kan news te hi a luah chiai chuai reng mai a nia leh!!……….. Chhiat tawk chhungte Lalpan awm pui mawlh rawh se… ;-(

    Report this comment

  13. 13
    Virgo Says:

    a va pawi thin tak emm..misual(tha) ho in kan tuarpui e… ;-(

    Report this comment

  14. 14
    Atom c Says:

    RIP ;-)

    Report this comment

  15. 15
    mr.Duhlova Says:

    Va pawi thin em ! Nunna chanta te kan ui, lusun chhungte tan tuarpui takzet…..

    Driver te hi mitam tak nunna phurtu an ni a, fimkhur hi a va han ngai tak em aw….a pawi a ni e. ;-( ;-(

    Report this comment

  16. 16
    Saitawk Says:

    A van rapthlak ve le, mitthi chhungte Pathian-in awmpui tlat teh se.

    Report this comment

  17. 17
    Soberboy Says:

    rapthlak tak ani he thil hi hriat pawh a hrehawm mang e

    Report this comment

  18. 18
    Dr John Says:

    Tunah mi 15 an boral toh tih FB lamah an Update- ;-(

    1 Rinmawia Sakawrdai
    2 Engmawii Khawdungesei
    3 Lalthanzama sunhluchhip
    4 Sawmi, Vaitin
    5 Upa Rosanga New vervek
    6 Lalngilneii Vaitin
    7 Rothangkimi, Sawleng
    8 Pahlira h/o Thahnemi (no.13), Sakawrdai
    9 Vanlalchhawna, conductor. Aizawl Republic veng.
    10 F lalthangliana, Driver. Aizawl,Bawngkawn salom veng
    11 Dingi, Khawdungsei
    12 Hriata, Khawdungsei
    13 Thahnemi, w/o Pahlira (no.8), Sakawrdai.
    14 C.lalthantluangi (2Yrs), Luangmual
    15 Darthanchhingi, New Vervek.

    Source- Zothan Vora PC, FB, CHANCHINTHAR (Zofate chanchinthar inhriat tawnna).

    Report this comment

  19. 19
    sonju_a Says:

    MST hian hmingthat a hlawh dawn chiah asin mawle? A pawi ber chu seat capacity bak passenger lak belh hi ani. Burma sangha tin ang maia muk kha a fuh tlat lo.

    Report this comment

  20. 20
    sheldon170 Says:

    A pawi lutuk emai. Mitthi chhungte Pathianin a awmpui ang.

    Report this comment

  21. 21
    Zochianga_Dreath Says:

    MST bus accident Driver hi, driver tlawmngai leh fel tak ani a. A fel leh that avangin Bus thar hial chan tir ani tih hi ka lo tarlang ve lawk nge.

    Report this comment

  22. 22
    filliz Says:

    #21, anih ka ring. Motor hi a la thar hmel khawp mai. MST driver ho hi fel ka ti, a tlangpui a lak in. Pvt driver nen a khaikhin chuan. Azl – Ghy ah hian ka chuang zeuh zeuh a, an polite – in passenger te an care khawp mai.

    Report this comment

  23. 23
    TuaiSialA Says:

    A thuin kan chhiar liam mai mai a ni thei, a hmuna a rapthlak dan tur chu! A pawi takzet. A rapthlak ka ti lutuk.

    Report this comment

  24. 24
    Lamji Says:

    ruang pix kha ka lo hmu ve a,an va lainatawm tak em ;(

    Report this comment

  25. 25
    Jacka Pi Says:

    Kumin hi aw! Thla hnih chauh kan la hmang a, chhiatna han thlen hnem hman tawh zia hi!!

    Report this comment

  26. 26
    TuaiSialA Says:

    Transport Minister Pu PC Zoramsangliana’n ama department chan a nih avangin, ama mawha lain Minister atangin banna a thehlut a nih chu. Minister dang thenkhat (Entirnan, Education Minister)te’n an va tluk lo em!

    Report this comment

  27. 27
    lrpa Says:

    26 Tuaisial..tak tak maw?
    CM in lo pawm lo pawh nise bang lui ve hrim hrim se a tha ang! midang te en tawn ah a tha dawn asin! ;-)

    Report this comment

  28. 28
    H.Vangchhia Says:

    #26 “banna thehluh hian enge awmzia a neih le aw,” tih chang ka nei zeuh zeuh..a case a zirin. Tun angah chuan puitu mamawh an tamlai tak, mipui aiawh atana thlantlin anih anga nasa taka khi’ng puihngaite tan enge a tih theih a neih a tihlan hunlai tak anih zawk hmel…ka lotive niah nuah. :-S

    Engemaw chhiatna a awm a, an bansan daihte chuan an mawhphurhna an hlenlo zawkah ka ngai…hetiang case-ah chuan. A inthiamlo viau anih chuan duh leh buaipui tur tur buaipui zawh hnuah bang ta zawk sela. Mamawh an tam lai tak a inthiarfihlim a ang ka ti tlat.

    PS: Amah kher ka sawi chhanlo. Hetiang case ang chi hrim hrim hun dang ami pawh …

    Report this comment

  29. 29
    H.Vangchhia Says:

    Sihbial kawng (Zamsanga te in lehlam atanga chhuk tan) khi shortcut zawk viau e tilo chuan an chei tha duhlo ve thin ngawt mai. Kawngpui pangai (BRTF Rd) khi chu zal nuam zawk mahse a hla viah vuah bawk em alawm mawle. Serzawl peng piah daihah ava kual dawrh mai a… Pu Darkhuma te huan atang pawhin Shortcut chhuahna hi la hla viah viah deuh a ni.

    Ka mitthla thei, in mitthla thiam ve awm hlawm mang der silova hairehai :P

    Report this comment

  30. 30
    TuaiSialA Says:

    DARLAWN BULA MST BUS ACCIDENT AH CHIEF MINISTER IN MAGISTERIAL INQUIRY DIN NGHAL

    MST Bus passenger phur Vaitin pana kal chu vawiin chhun khan Darlawn bulah a accident a, a hmunah a driver leh conductor tiamin mi 13 an boral. Chief Minister Pu Lal Thanhawla chuan Magisterial Inquiry din nghalin Pi Sangchin Chinzah, Additional Deputy Commissioner, Aizawl District chu hma la tura hriattir nghal a ni.

    Accident chungchang a hriat veleh Chief Minister Pu Lal Thanhawla chuan Transport leh Forests Minister te bakah Magistrate leh Police te a hmunah a tir nghal a. Mitthi te chu Aizawlah post mortem ti tura phurh kher ngai lovin, a tul ang ti turin Chief Minister chuan Doctorte leh mamawh turte kengin a hmuna buaipui turin a tir nghal bawk a ni.AizawlCivilHospitalpawh inring rengturinChief Minister hian a hrilh nghal bawk a ni.

    Hetih lai hian Transport Minister Pu P.C.Zoramsangliana chuan accident chu ama moral responsibility ah ngaiin banna Chief Minister hnenah a thehlut nghal bawk a ni.

    Report this comment

  31. 31
    TuaiSialA Says:

    Zalen lamah a kimchang e.

    Aizawl; Inrinni chhun dar 12:30 khan Aizawl atanga Vaitin pan, MST Bus chu Darlawn bulah chesualin kawngthlangah a lum a, mi 34 chuang zinga 16 an thi a, a dang an hliam vek bawk. Thudawn danin, he MST Bus hian nimin zing khan Vaitin lam panin Aizawl a chhuahsan a, Darlawn Venghlun atanga ‘short cut’ ah tlanin, kawng pangngai an pawh leh hma in a chesual ta a ni. Short cut kawng hi PWD kawng, black top loh a ni a, short cut hi Km 1 vela thui niin, kawng pangngaia tlan chuan short cut atanga an tlana kawng pangngai an pawhna tur Khumlohzawl chu Km 5 vela thui a ni thung.

    MST Bus (MZ 01/G-9083) chesual hi F Lalthangliana, Bawngkawn, Aizawl khalh niin handyman Vanlalchhawna, Upper Republic, Aizawl nen an vaiin mi 34 an chuang a. Kawng thlangah metres 300 vel lumin he thu buatsaih lai thleng hian mi 16 an thi tawh a, hliam ngaihtuah awm tak tak an la awm bawk. Heng thi leh hliamte hi Darlawn damdawi Inah lak an ni.

    Thi zingah hian Driver leh Conductor-te pawh an tel a, an chetsualna kawng hi black top loh a nih avangin thal lai lo chuan motor an tlan ngai meuh lova, nimina MST Bus chesual chhan hi, tunlai ruahsurin lei a chiah hnip deuh avangin, Bus hi a lei rahin zo lovin a chimpui ta nia hriat a ni a. He Bus-a chuang zinga pakhat chuan Bus-in lei a rah chuan dawl lovin kawngthlangah hian an tla riai riai niin a sawi, thudawn chuan a ti.

    Motor chetsualna hmun hi Darlawn Police leh khawtlang mipuiten rang taka thlengin ruang lakchhuah leh hliam bawihsawm hna an thawk nghal a. Accident-na hmunah hian mi 9 te chu ka pawh chhawn lohin an thi nghal a, hliam na zual 7 in accident hnu deuhah an thih belh leh niin thudawn chuan a sawi.

    Accident-na hmunah hian Aizawl DC, Aizawl SP Aizawl leh Asst. Director, MST te an kal nghal a. Transports Minister PC Zoram Sangliana, Minister H Rohluna leh Transport Secretary H Darzika te chu mipui te thlamuan turin an kal nghal bawk.

    ACCIDENT-A THITE CHU :–
    1. Rinmawii (32) d/o Thianhlima, Sakawrdai
    2. Pahlira (54) s/o Hminga, Sakawrdai
    3. Thamami w/o Pahlira, Sakawrdai
    4. Lalngilneii w/o Lalthudika, Vaitin
    5. Lalsawmliani w/o Tlangruata Vaitin
    6. Rosanga H/o Tangrochhingi,Vervek
    7. Tlangrochhingi w/o Rosanga, New Vervek
    8.Engmawii w/o Thangliana, Khawdungsei
    9. Vanlalhriata s/o Dengchhunag, Khawdungsei
    10. Rothagkimi w/o Autea, Sawleng
    11. Lalthanzama, Sunhluchhip
    12. F. Lalthangliana (Driver), Bawngkawn, Aizawl
    13. Vnlalchhawna (Conductor) Upper Republic, Aizawl
    14. C Lalnuntluangi (2) d/o Lalthianghlima, Luangmual
    15. Dingpuii, Khawdungsei
    16. SK Bartra, (Electric Deptt.) Vaitin

    Magisterial Inquiry Din
    Aizawl; Nimina MST Bus chetsual chungchangah hian Chief Minister Lal Thanhawla hmalaknain Magisterial Inquiry din nghal a ni a, Sangchin Chinzah, Additional DC, Aizawl District chu hma la tura tih a ni. Accident chungchang a hriat veleh Chief Minister Lal Thanhawla chuan Transport leh Forests Minister te bakah Magistrate leh Police te a hmunah a tir nghal a. Mitthi te chu Aizawlah post mortem ti tura phurh kher ngai lovin, a tul ang ti turin Chief Minister hian Doctorte leh mamawh turte kengin a hmuna buaipui turin a tir nghal a. Aizawl Civil Hospital chu inring reng turin a hrilh bawk.

    MINISTER-IN BANNA THEHLUT
    Aizawl; Transport Minister PC Zoram Sangliana chuan he vanduaina thleng hi a mawhphurhna (moral responsibility) ah ngaiin Chief Minister hnenah nimin la la khan Minister atanga banna a thehlut nghal bawk. Minister banna pawm leh pawm loh chungchang hi chu Chief Minister thu thu a ni.

    Report this comment

  32. 32
    nezz Says:

    A rapthlak hle mai…kawnpui dai min hriat chhuah tir rum rum a lawm le…mual liam ta te chhung Pathian in awmpui mawlh rawh se..

    Report this comment

  33. 33
    caribou Says:

    Minister hian banna a thehluh chhan tur leh a tulna pakhat mah ka hre lo. A mawhphurhna a awm pawh ka hre lo. Hetianga chhiatna a lo thleng thut anih chuan theihtawpin tan la sela, tanpui ngaite tanpuiin chhawmdawl ta zawk sela a tangkai zawk hle dawn asin maw le.

    Thi leh hliam tuarte an khawngaihthlak mang e aw. Lusun chhungte Pathianin awmpuiin thlamuan mawlh teh se.

    Report this comment

  34. 34
    Atom c Says:

    #31, Banna thehluh chu ka va hrethiam chiahlo, a mawhphurhna ah a ngai a, mahse harsatna tawkte tanpui zawnga kal chuang bawk silovin a bang daih, tihna a em ni ? Enge tih a tum a ? :-O :-) .
    A lehkha thehluh chu chhiar a chakawm daih. Politics hi hriatthiam ava har em. (NOI)

    Kan sawrkar thil reng reng hi enkawl uluk lehzual chu a ngai tihna a ni ang em ? A hlui bul hlawmin a lang vek mai a. :-S ;-(

    Report this comment

  35. 35
    bawmrang Says:

    A va rapthlakin an va uiawm ve. Nunna hlut teh reng nen.
    Eng vang bera chesual nge aw..
    Kan kawng chhiat kan tuar nge? Fimkhurna kan tlakchham vang zawk?
    ;-(

    Report this comment

  36. 36
    TuaiSialA Says:

    #34 A chhiatna hi ama mawhphurhnaa ngaiin, a hna chelh tlak tawh lova inngaiin a bang tihna a ni mai a, a fakawm zawk daih lo’m ni? Tanpui ngaite chu a tlansan chuang lo va, thlamuan ngaite thlamuan turin a hmunah ngei a kal bawk a. A fakawm viau zawk lo’m ni? Banna a thehluhna rilru ngaihtuah chuan fakawm ka ti, kei chuan.

    Report this comment

  37. 37
    Kitty Says:

    An van khawngaihthlak hlawm ve o. chhiat tawk leh an chhungte Pathian in awmpui rawh se.

    Hman zan ah pawh Capital Bus, Assam thingpui huan phei ah khan a lo accident a mahse vanneihthlak takin thi leh hliam an awm lo, a driver lah tlanbo daih.

    Report this comment

  38. 38
    filliz Says:

    An vanduai hle mai, bus hi chu a la thar ang(ka rin dan mai mai), Mz 01 G a la nia, a khawl lam fel lo chu thuhran. Kawng that loh vang chu a ni ber hmel. Moral responsibility a ngai a banna thehluh hi chu a awm ve tho. A tih dik loh leh a thiamlohna pawh awm lo mahse.. India ramah hi chuan an ching riau, entirnan, 26/11 te, train chetsual a railway minister in banna a thehlut tih te. An ban leh ban loh chu CM/PM thu thu a ni tawh mai ang chu.

    Report this comment

  39. 39
    Grey_RM Says:

    Minister in banna a theh lut hi a fakawm ngawt mai. Ngati nge a leng chin bak MST bus ah hian an chuan (Ticket system an hman ngei ka ringa). Bus pakhat in a phuhruk zolo a nih chuan ngatinge an harsatna a sutkian loh. Kawngchhia hi ngatinge an ngaihthah, zawh phalloh a nih si loh chuan zawh tlak in an siam tha tur a ni lawm ni. Hetianga mawh langam minister kan nei hi a lawmawm ka va ti em! Chhiat tawk chhungte erawh Pathianin awmpui mawlh rawh se…

    Report this comment

  40. 40
    TuaiSialA Says:

    Naute thi hi a nu leh pa an hliam avangin khumah an mu mek. Mahni fate thi pawh buaipui thei lova han awm chu, rilru a va na duh tehlul ve le!

    Report this comment

  41. 41
    Chhuaklinga Says:

    A va pawi thin tak em.. ;-( Chhiat tawk chhungte Lalpan awmpui rawh se.

    Minister banna lo thehlut ve ngawt chu, a mawhphurhna leh thiam loh ni tak tak se banna hi a thehlut kher ang em awww :-S noi

    tren tren

    Report this comment

  42. 42
    filliz Says:

    Nupa a thi te pawh kha an fate tan chuan tawrh a va har dawn tak em! Midang te pawh kha an chhungte chuan hlim tak a inhmuh leh inring a an thlah liam leh an lo hmuah te an ni awm si a…, mihringte hian kan hmalam hun hi kan lo va hre lo tak em!

    Report this comment

  43. 43
    TuaiSialA Says:

    An accident chhan hi vanduai vang a nih rualin kawng that tawk loh vang a ni pakhat a, PWD lampang pawh a va hrût tel deuh ve! PWD Minister pawh bang law law se la.. :-[

    Report this comment

  44. 44
    CFL Says:

    An va lainatawm tehlul em. ;-(
    RIP : ;-(

    Report this comment

  45. 45
    Aryan Says:

    An tuarna chu thuhran nise, congress ministry ho lemchang vel khi nuih an ti kuh, mi chhiatna kara banna thehluh der vel khi a van tullo. Tikhian CM in Zoramsangliana khi a fak der vel anga, a banna pawm lo der vel anga, a der vek in mi chiat tawhna laiah mahni inthehlar duh vangin lem an lo chang ki kawi vela, an tenawm teh e!

    Zu leh Uisa heh PC Zoramsangliana hi chu a van tenawm chiang tak! (&)

    Report this comment

  46. 46
    Fonz Says:

    Aryan chu a fanu zaitiam kha i star a, a be duh lo che ni maw? :-D

    Report this comment

  47. 47
    LR_rengsi Says:

    A va pawi ve aw..!! An thlarau thlamuang takin chawl rawh se.

    PWD minister pawh in banna rawn thehlut law2 sela…ka lo ngaihtuah ange…hahaha2

    Report this comment

  48. 48
    Ignatia (33-115 AD) Says:

    A va ngaihnawm lo thin tak em! Chhiatna hi mi chan chauhah kan dah thin a kan chan atan Pathian hian a ruat ve tho si a aw….

    Muang takin Pa hnenah chawl rawh se!

    Report this comment

  49. 49
    david Says:

    Avan poi in a va han rap thlak ve aw.kum 3 kal ta velh khan he kawng hi bike in tlai khawthim dawn in kan zawh tawh lawm a shortcut that nen an black top lo rei lutuk ve bawk ani cheithat chu a ngai ve mawle

    Report this comment