WT*B* Wednesday: Vai phakar?

February 29th, 2012 9:00 am by aduhi

“Vai” han ti deuh tawl ila sawi dan dang vak awm loh aiah. Vai phakar hi kan han ti thla zen a, an fin kan chelh loh vang lek hi a ni lo maw? ;-) Phakar tak tak hi chu an awm a, mahse dik tak tak leh fel tak tak, tlawmngai em em te pawh hi an awm leh tho. Eng hnam ah pawh hian phakar leh “kar” lo chu kan awm vek ang chu tiru?

Ban hun aia hmaah ka haw duh avangin office atangin autorickshaw in haw ka tum a. Kan office hi kan in atangin km 15 laia hla a ni a, traffic jam chhut tel nen phei chuan minute 45 lai tlan a ni. Auto lah chu an vang zek lehnghal a, han nghah deuh vang vang chuan an rawn tlan ve mai a. Pakhat kha chuan meter pawh a neih loh avangin ka zawt buai peih lo a (sharing auto an tia hetiang hi, route bik an nei a, mi pakhat tan cheng 5 vel lek lek te an charge a, a tawt thei ang berin an inhnawh tun zel. Keini pawh kan chuang fo).

Auto pu pakhat chuan Rs 250 a ti tawl a, a to em mai meter in kal rawh ka tih leh a duh si lo. Pakhat dang a lo kal leh a, “Kawng chanve ah chhuk la, cheng 150 in” a ti leh a, traffic tawt kara auto lo zawn that leh kha ka peih si lo a, ka kal duh lo a. Pathumna chuan Rs 250 bawk a ti leh a, Palina ka zawt a, ani phei chuan Rs 300 a lo la ti deuh deuh!

Ka ning ta deuh a (Mizo hi chuan thil nghah hi kan peihlo tlangpui), auto pathumna chuan min lo la nghak reng bawk a, Rs 200 in ka dawn a, a lo duh bik si lo. Rs 240 ah a rawn tla tha, kei 200 ah ka la tang. 230 a rawn ti leh, ka nuih te kha a za tawh a, “Fishmarket a in bargain kan va ang ta ve” ka ti rilru a. 220 ah a rawn tla thla leh a, ka kal ta a.

Kan kal ve ta beuh beuh a, a petrol a zo leh ta daih mai a nih chu. Han tihngaihna a awm der lo. Auto dang ka’n ko ang e, a ti a, mahse an vang khawp mai a. Ka kalna tur kha a hlat deuh avang khan a then kha chuan an lo duh lo a, mahse pakhat kha chuan a duh ve mai a. Cheng 150 in, a ti leh ta tlat thung a. Auto pu hmasa zawk chuan min han dawn sak a, cheng 140 in a remti hram a. Tichuan ka pawisa nawi neih zawng zawng cheng 80 ka pe a kan tlanliam ta a.

Ka auto pu thar chu a han hawkdak laileng khawp a, kawngsira hmeichhia lo kal hlek hi a melh zuk zuk reng a. “In village ah hmeichhia an awm lo emni?” tih hial kha ka chak mawle. Kawng laklawhah petrol thun turin kan han kal kawi leh a, rin ang ngei khan pawisa kha min dil a, cheng 100 ka pe a. A hnuah cheng 1 min rawn dil leh a, ka coins ho ah khan cheng 2 thir chiah ka lo nei a, tha deuh chuan cheng 1 chu min rawn kir ve leh thlap bawk a.

Kalkawng a hre lo a, kan veng kha hla hi a han ti em em khawp a. Kawngpui atanga pen kha a la ngai zui a. Cheng 170 min pe rawh, a hla em mai, in in awmna a ril si, a ti a. 50 ka pe a, lawm deuh chuan a tlanliam ve ta mai a.

Cheng 220 a kal tur kha a vaiin cheng 231 ka in seng ta ania. Ka auto pu te kha an phakar nge “kar” lo tihah ka rilru ka la siam fel chiah lo.

Similar Posts:

Recent Posts:

38 Responses to “WT*B* Wednesday: Vai phakar?”

  1. 1
    Ruata Pachuau Says:

    Kar vak hmel loh, mizo-ah khi aia kar deuh deuh an tam eeeeeeeeee…. :-P

    Report this comment

  2. 2
    TuaiSialA Says:

    Chhiar ila..

    Report this comment

  3. 3
    ChhanaPa Says:

    Kei pawh 70 chawi na tur ah 140 ka chawi tawh. Taxi ah khan meter a dah a, ka chhuk dawn in an fare chart ka dil a,a lem (fake) zawk min lo hmuh a, lawm tak chuan 140 chu ka pe a,mahse a hnuah midang chart ka en a, 70 tur a lo ni reng.. Vai hi phakar fe fe an awm lai in fel deuh2 hi chu ka tawng ve nual tawh. Ka phone vawi 2 auto rickshaw ah ka thlauh tawh a, ka hmu let leh a, ka wallet tum 1 ka thlauh a,min lo pe let leh tawh bawk.

    Report this comment

  4. 4
    vakul Says:

    Autoa cheng 200 bawr vel chu a hla khat dawn a nih chu.

    Vai hi an phakar kan ti ngawt a, anmahni zat ni ila kan tluk lo ngawt ang.

    Mi hausate khawpui aizawlah hian fare hi a to ber awm e, an motorte hi a changkangvbik nge, an petrol man hi a sang bik.

    State dang taxi rate deuh thawih bus kan chuang a, taxi driver inlulinna ram, an duhtawka rate min tuksakin kan kal bawk…Aduhi 231 senna hi aizawl ni se 800 aiin a tlem pawh ka ring lo.

    Hman niah chaltlang dawrkawn atang bawngkawn ruaka tlan mai mai tur ka phar a, sawm ruk min chawitir a tum.

    Sawrkar nepna apiangah taxi leh auto leh bus neitute an inluling.

    A posttunu pawh a OT tho va, ka ti ve ni mai tawh.

    Report this comment

  5. 5
    ChhanaPa Says:

    Kei pawh 70 chawi na tur ah 140 ka chawi tawh. Taxi ah khan meter a dah a, ka chhuk dawn in an fare chart ka dil a,a lem (fake) zawk min lo hmuh a, lawm tak chuan 140 chu ka pe a,mahse a hnuah midang chart ka en a, 70 tur a lo ni reng.. Vai hi phakar fe fe an awm lai in fel deuh2 hi chu ka tawng ve nual tawh. Ka phone vawi 2 auto rickshaw ah ka thlauh tawh a, ka hmu let leh a, ka wallet tum 1 ka thlauh a,min lo pe let leh tawh bawk..
    Chuan, i auto pu te khi an kar lutuk lo a nih khi!

    Report this comment

  6. 6
    vakul Says:

    **** min tluk lo ngawt ang tih tur a ni ang chu,#####

    Report this comment

  7. 7
    Dr Mahminga Sailo Says:

    Scooty i nei emaw ka tia..??! :-D

    Hmanhmawh vel leh hian auto an vang a, a to duh em em lehnghal… :-(

    Ka sawi tawhin ka hria. Zangena Petrol pump atanga Bawngkawn Taxi fare Rs. 50 (nikum hmasa) ka chawi kha to ka ti khawp mai. Khatiang fare mil khan Miss Aduhi hian auto hi hamgn ta se, Rs. 2000 chuang a sen a ngaiin ka ring..
    Eng hnam ah pawh hian phakar leh “kar” lo chu kan awm vek ang.... (Y)

    Phakar i sawi takah chuan ka OT lutuk lo’ng chu maw..

    Mizo dawrkaiin pawisa nawi a awm lo tia pawisa nawi min kir lo an awm laiin, vai dawrkai tam zawk erawh cheng khat chu sawi loh duli thlenga min kir an awm thin.

    Phakar duh ila, tunhnai pawh khan chicken kabab / chicken biryani ka lei chu, sumah ka hlawk ngei ang. Chicken biryani ka lei a, pawisa min kir tawh hnuah, ka thil lei min pek pahin pawisa ngai tho min kir a. Min pe tawh alawm ka tih lah chuan mak a ti, min chibai ve tawp.

    Chuan, kar hmasa lawk khan zaipawl ei tur kabab ka leiin, Rs. 35 kir turah Rs 305 min kir a. Mi kir dik lo ka tih lah chuan mi a la ringhlel hmasa thung :-O Ka wallet ka hmuh ta vel… :-D Chunglam chu zah lo ila, kabab lei paha Rs 250 vel hlawh mai kha chu thil awlsam tak ni tur a ni a, ka duh lem lo thung..

    Report this comment

  8. 8
    Tete-i Says:

    Auto rickshaw emaw cycle rickshaw ka hman chuan Rs. 8 man lo ni ta ang che.Rs. 10 lo pe ta ila,a man dik tak min dil chuan a pawisa kir tur Rs.2 min kir chuan ka pe let ngei ngei thin,mahse min kir duh loh chuan ka dil let tang tang zel.. :-P

    Report this comment

  9. 9
    aduhi Says:

    @Doc MHS Scooty nei lo nasaaa, thirsakawr pawh ka nei lo.
    @Tete-i kei pawh ka dil let tang tang thin a, mahse ka lo thilphal ta deuh aniang ka dil let ta vaklo. Auto chuan dawn chuan pawisa nawi tam tawk neih hi a fuh ber min bumlo nge nge.

    Report this comment

  10. 10
    H.Vangchhia Says:

    aduh leh, “Kan kal ve ta beuh beuh a, a petrol a zo leh ta daih mai a nih chu…Kalkawng a hre lo a, kan veng kha hla hi a han ti em em khawp a.” minti nui kur kur mai.

    In kal beuh beuh… a muan hmel mai mai. Nghah rei tawh hmel nen a inhmeh hlawllo hairehai :-P

    Guwahati-ah khan Cachari bosti an gunda leader ka thianpa a ni thin… ka chungah avan tha tak em. Advantage: zanrei hnuah rickshaw Cachari bosti an kalngam tawhloh hnuah pawh thlamuang takin ke-in ka lengvel ngam :-P :daih mai a:

    Kolkotaah ka pawisa ka tihbo tumin hotel vela Mizo thlengte’n tuman minpui duhlo ani ber e. Ka thlenna hotel pawh nilo, hman a kalo thlen tawhna tho.. hotel manager-in “I neih veleh minpe leh dawn nia,” tiin Rs.2000 min puk tir…kha vaipa leh Mizo minpui duhlo tute kha ka theihnghilh ngai lovang…

    Report this comment

  11. 11
    Asteric™ Says:

    I auto pu te kha an ‘phakar’ nge ‘karlo’ tih ai chuan heti hian i thu sawi vêk hmangin ka lo hisap a, “Mizo hi chuan thil nghah hi kan peihlo tlangpui” i tih khi dik ka ti full top (Y) :-D

    Report this comment

  12. 12
    tribepower Says:

    vai a nih vag mai2 nih cu cutia i ngaih ni.. mizo taxi driver vai bum tum phet ka hmu treu th mai.
    aduh cutia auto fare ah i sen fo cuan i monthly expenditure va sang duh om ve..huisssss

    Report this comment

  13. 13
    aduhi Says:

    Kolkatta a la nih hma Calcutta a la nih lai khan train ticket neilovin kan tang tawh alawm, kan chhungte chhung lehchhawng vaipa hian min buaipui zak zak a, a tukah station thleng min va thlah thlap bawk a, fel tak a ni. Paneer min thawn haw a mi pek tur, Gauhati ah ka la theihnghilh zui, hit lo ve tak a ni kha kha chu.

    Report this comment

  14. 14
    aduhi Says:

    #12 tribepower seng fo lo ve, kal lamah office bus in kan kal a, haw lamah min thlah leh a. Auto chuan ka kal ngailo tluk a ni

    Report this comment

  15. 15
    Dr Mahminga Sailo Says:

    Kum 2009 khan, Bangalore atanga Guwahati ka thleng, train station atanga Mizoram House auto fare Rs. 100-150 te an ti zel si. Kum hnih kalta lawk khan Rs. 30-in kan kal thanin ka hre tlat pek a. Inla-confi tawkin auto driver panga vel ka hnial hnuin vanneihthlak takin driver pakhat ka dawn fe hnu ah Rs. 70 in a kal duh ta hlauh a. Mizoram house ka thleng phei, Mizo dang ka hrilh a, i va’n hmu tlawm ve a min ti :-O Rs. 100 vel an lo chawi thin a ni awm e… :-D (Auto fare to leh to loh chu, Guwahati Mizo te’n an hrechhiang ang … :-D )

    Report this comment

  16. 16
    Sony Says:

    Suggestion thenkhat:
    Bentley Azure lei mai teh u, mahse a man (Cheng nuaih 170) hi a to deuh in tih chuan BME 700L1 (cheng nuaih 98 lek) pawh an zuar. To in la tih cheuh chuan Mercedes Benz E350 (cheng nuaih 58.6 lek)in duh maithei bawk a. In duhzawng anih loh chuan Tata Safari (Cheng nuaih 11) a lei theih. Pawisa nawi in neih remchan loh chuan Maruti Alto (cheng nuih 2.8)emaw Tata Nano BSIV (cheng 140,000) in duh zawk mahna. Bentley pakhat manin Nano 120 lai alei theih asin.
    Heng zinga mi pakhat tla in lei chuan auto ricksaw chu in melh peih tawk lovang.

    Report this comment

  17. 17
    Soberboy Says:

    Vai ho chu an phakar e Auto chuan apiangin a hlat deuh chuan 20 extra min pe rawh u an ti ve chhen a :P

    Report this comment

  18. 18
    Aryan Says:

    in tawng ve tawh emaw, Delhi Mizoram House chhehvela Autorickshaw service thin Vai hmelchhe zet kum 50 bawrvel, autofare pek apiang pawisa note Rs 500 aia tlem anih chuan a pawtthler zela arukin, chuan passenger hnehah hei pawisa a thler adang min pe rawh ati a, Rs 500 note an pek in rang takin a kawmkarah a thukru a, Rs 100 note ti langin Rs 100 chiah min pek hi ti a mi bum thin kha. (&)

    Report this comment

  19. 19
    Asteric™ Says:

    Kolkata a Pu HVa pawisa tibo kha chu a lar aniang kum tamtak ral hnu ah pawh a kut a tih thi nen kan lo hre ve a :-D :-P

    Report this comment

  20. 20
    badboy Says:

    ava ngaihnawm reuh e :-D

    Report this comment

  21. 21
    H.Vangchhia Says:

    Aryan #18 2009 khan Kolkota atanga Mumbai ka chhuk pawh taxi driverin Rs.500 ka pek kha 100 pe angin minti a, a thiante a pun vel a kan buai hrep asin. Kei lah khan thlawhnaah ka kuthleiin smiley face kalo ziak hlauh mai a, a pawisa an phawrhtir vek karah alo awm tat a.. an hauhrawn hrep. An trick avan inang vele :-S

    Report this comment

  22. 22
    H.Vangchhia Says:

    #19 Tequila no hmehkeh chanchin ilo hria ani maw..ka blog ami i chhiar em ni?

    Report this comment

  23. 23
    century child Says:

    Phakar hran loh chu, in veng a hla em a i seng hnem ve hrim2ah ngai mai rawh :-)

    Report this comment

  24. 24
    Jacka Pi Says:

    Hmanah tawh, Treasury Square atangin Republic veng biakin bul thleng taxi ka hmang a, Rs.80 min charge mai chu zing karah kan va inhau nasa tak! engine off in a tlan thleng deuh thaw leh nghal kha a nia, ka sa mai mai

    Report this comment

  25. 25
    tribepower Says:

    bangladesh ka kal ve lai in 80’s a ni ng cu dhaka ah auto ka hmang a km 7 zet kan tlan a cheng 7 ka choi a tlom ka ti ltka ka zak vel!!
    cutih rual in pakistan ah bum min tum a laskar toiba pol ka nia thih i duh m ka tia ka kalsan daih.vai cu ka bum ve nual th!!
    kalkat ah osama thianpa ka nia ka tia min hniam cuaglo mahse..huisss

    Report this comment

  26. 26
    H.Vangchhia Says:

    tribepower, kei ka Bangladesh kal hmasak ber chuan ka kalpui, Pu Neih-a (fam) PU Vl-a (tun a Sports & Youth Services a thawk) etc te nen Chakma hel, Shanti Bahini hovin min hands-up thaps. :-P ;-)

    Report this comment

  27. 27
    Pc-a Says:

    Mizoram ah hian Auto ah hian engatinge chuan teuh an phal ve loh le?

    Report this comment

  28. 28
    XaiA Says:

    An tih awm tawk an ti nih chu…chuan cheng 19 a hlawkin hun i seng ta teuh thung a…khawi zawk nge hlawk ang aw :-D

    Report this comment

  29. 29
    malsta27 Says:

    :-) ………..economic recession a sanna a piang ah mipui leh mimal nun nawlpui a chhe nasa a, rilru kaihruaitu ber kha sum a nih miau avangin,tualthah hial poh poisak lohna a thlen hial thei. A nawr tu a na em a ni ti mai teh ang. An phakar em2 vang poh ni dawn mawn le tih zawhna a awm thei? :-P :-D .

    Thudang a lai chuan,India ram ang ah hi chuan retheihna a nasa em a han in thiamloh ngot mai poh hi a harsa thin. Mizoram hi chu kan la vanneih rualin mi thenkhat rual awh luatah mahni dinhmun(ram dinhmun)hre ngam lovin leh sense of responsibilty in social development an tih mai chhe lutuk avangin, hnam tlemte si kan phu lohvin corruption te a lo nasa chho va chumi chuan hmalam hun tha lo takah leh dinhmun chhe takah min dah chho mek zel ni in a lang thin,a chang hi chuan………….kan ti tak deuh duah chu. :-P :-)

    Report this comment

  30. 30
    Lamji Says:

    Police ka phone keuh zel..an khur zawih2 zel…a awm tawk hi chu a awm ve alawm.

    Vai hi e,..chawhrual in an PHAKARRrr…Mizo nen chuan tehkhin chi na’ng.

    Report this comment

  31. 31
    roseparvul Says:

    Hahha..thenawmnu thufing ang deuhin

    India ramah hian vai an lo tam ber mai :p

    Report this comment

  32. 32
    hnarliana Says:

    Vai hnam thenkhat hi chu kutdawh ai chuan thih thlang zawk te pawh an awm…an phakar vek lo ang bawkin an fair vek lo bawk ang..

    Report this comment

  33. 33
    tribepower Says:

    vai poh voih uih mizo poh voih uih!!ek saman…huissss

    Report this comment

  34. 34
    As_Khiangte Says:

    eng anga phakar pawh counter turin i tling tawk ve hle chu a nih khi Aduh, hehe

    Report this comment

  35. 35
    tribepower Says:

    pu HV iraq i kal toh m?

    Report this comment

  36. 36
    sheldon170 Says:

    Chhiar a nuam, a kal zaih mai. I auto pu te chu an phakar vak loh khi.. Vai hi ka nel lo lutuk, an tawng ka thiamloh vang a ni pakhat.

    Report this comment

  37. 37
    Saitawk Says:

    I hna ban hma chanchin pawh ngaihnawm zetin zu ziak thiam che a!! (Y)

    Vai hi a nawlpuiin an phakar ka ti tho tho, min ei theihna anih dawn phawt chuan ninawm khawp hian min pak huam peih reng. Pu-te tlawn an thiam nasa mai si. :-D

    Report this comment

  38. 38
    tribepower Says:

    mizo pu tlon thiam fe2 an tam ve tho.. vai hi in ti satliah ve hum a!!

    Report this comment