Chief Minister-in website thar ‘Mipui Aw’ a tlangzarh

February 29th, 2012 10:30 pm by TuaiSialA

Mipui ten computer leh internet hmanga sorkara lungawilohna an neih leh an thil hriat duh an zawh zung zung theihna tura hmanrua ‘website’ thar, Mipui Aw tia vuah, sorkar laipuia Department of Administrative Reforms and Public Grievances leh Mizoram sorkar bultum Centralized Public Grievance Redress and Monitoring System (CPGRAMS) chu vawiin khan Chief Minister Pu Lal Thanhawla chuan Mizoram Legislative Assembly Secretariat Conference Hall-ah bul tanna tur a tlangzarh.

Chief Minister chuan mipui ten computer leh internet hmanga lungawilohna leh an thil hriat duhte an zawh zung zung theihna tura hmanraw thar, Mipui AW kan han nei ve thei ta hi a lawmawm tak zet a ni a ti a. Ram hmasawnna kawnga hnathawhnaah thil fel tawklo tam tak a awm thei a, chu chu ngaipawimawhin sorkar laipui chuan hetiang programme a rawn duangchhuak hi thil lawmawm tak a ni a ti a.

Mizoram sorkar pawhin a hmingah Mipui AW tih a han vuah te pawh hi a awm hle a ni a ti. Hei hi mipui mimirin a tangkai thei ang bera hmang thin se tih a duhthu a sawi bawk a. RTI te pawh an hman tangkai viau laiin, duh anga mipui zawhna te chhan that tawk loh a awm thin avangin Mipui AW hi chu tangkai thei ang bera hmang turin a chah a ni.

Chief Minister chuan thingtlang hmasawnna tur hnathawhna sum te hi a thawktu ten kan it ve ngawt emaw, kan lo beisei ve ngawt hi a thianglo a ni a ti a. Mizote hi tlemte, inhre chiang vek, tunge eiru a tunge mi dik tih inhre tawn vek kan nih avang hian, han insawisel leh thil diklo report te kan hreh phah a, chutih laiin insawipui kan uar viau si hian dikna (justice) dinhmun a tiderthawng ang tih a hlauhawm hle a ni a ti a, a pawi hle a ni a ti.

Chuvangin dikna leh rinawmna hi kan kengkawh tur a ni a, kan dik hmasak phawt chuan mipui chuan min zui mai dawn a ni, a ti. Mipuite pawhin sorkar programme-te anih tur angin kalpui a ni em tih Mipui AW hmang hian kan zawt zung zung thei tawh dawn a ni a ti a. District tina DC te hnuaia Public Grievance Redressal Cell hi hmang tangkai turin mipuite a chah bawk a ni.

Read more at dipr.mizoram.gov.in

Similar Posts:

Recent Posts:

38 Responses to “Chief Minister-in website thar ‘Mipui Aw’ a tlangzarh”

  1. 1
    ninja Says:

    Awmzia a nei leh vakin ka ring leu :D

    Report this comment

  2. 2
    littlerascal Says:

    Lolzzzz

    Report this comment

  3. 3
    khamkhuai Says:

    A tha ngawt ang

    Report this comment

  4. 4
    Lamji Says:

    Minister te hi mi(sual) ah hi rawn lut ve thin se kan hlawk zawk feee ang. :S

    Report this comment

  5. 5
    sonrize Says:

    Tangkai viau turah in ngai phawt i lah…ngai sual ang tih chu hlauhawm tho mai!!

    Report this comment

  6. 6
    zualbonez Says:

    interactive deuhin siam se aw
    :-)

    Report this comment

  7. 7
    chhana Says:

    Chemtatrawta’n thehluh tur a ngahin ka ring.

    Report this comment

  8. 8
    Sandman Says:

    Lodge Grievance khi ka click chhina, Gender ah:

    Male (Mipa)
    Female (Hmeichhia)
    Others (If not an Individual)
    Transgender

    tih ka hmu…

    Hei hian sawi a hlawh a ngem aw ka ti mai mai a :D

    A hmasa berin, Transgender tih hi Kristian community te hian kan support em? Kei chuan a pawi ka ti hauh lova, mahse Kohhran lam atanga thlir chuan he thil hi a Kristian loh thlak lutuk ti an awm maithei a ni…

    :)

    A dawt leh ah chuan “Others (If not an Individual)” tih khi ka hrethiam chiahlo. Grievance redressal form ka la submit ngailoh vang pawh a ni maitheia, mahse mihring nilo hian grievance an lo thehlut ve thei a ni maw? Entirnan… he grievance hi ka uite submit a ni… a lungawilohna chu… bow bow bow bow bowwwwww…

    :P

    Report this comment

  9. 9
    tribepower Says:

    if not an individual an tih tak khi cu pawl ang zonga grievances thehlut duh tan ani ng cu.mizoram ah cuan pawl lo pol poh an tam m a..
    hawla.com tih ni zok se ka ti meuh mai kei pek hian

    Report this comment

  10. 10
    Ruata Pachuau Says:

    A tangkaina lam aiin phunchiarna lo dap leh pek teh ang :-P
    A layout hian min lem em em lo, ‘Login for Public Grievance Officers’ heihi an tilian in an dah lai lutuk, Khawbung website ang mai MALE tih hi mipa tih dah tel kher hian a tihnawk tam mai mai, chuan session a fuhlo deuh emaw ni te ka ti ta vel mai mai a……..Back theih liuh ka broswer-ah chuan. (H)

    Report this comment

  11. 11
    Sandman Says:

    tribepower – thanx, ti kha chuan ka chiang ta deuh e.

    Report this comment

  12. 12
    H.Vangchhia Says:

    (Y)

    Report this comment

  13. 13
    TuaiSialA Says:

    Sawisel tak tak ila a ni mai lawm! Mahse, internet khawih pha lo thingtlang mite hian engtin nge, khawiah nge aw an chhuah ve tak ang le?

    He website an siam dawn hian CM hian ‘nikhat CM’ a mitthla ngei ngei ang! :-P

    Report this comment

  14. 14
    hlatekhua Says:

    He website an siam hma pawhin mipui lungawi lohna chu kawng hrang hrangin tihlan a ni thin a. Sorkar hian hre duh tak tak se chuan hriat tur chu a tam tawh.

    He thil thar hi a tangkai dawn chuan a tha e. I lo thlir phawt teh ang.

    Report this comment

  15. 15
    lrpa Says:

    A tangkai awm lo e..! a hretu tur tak a thlen nan kum 10 vel angai ang!
    Filter dan an ngaihtuah loh phei chuan!! :-D ka nuih a ti za lawksss.. :-D
    http://pgportal.gov.in/ pawh hi a awm, mahse lungawi lohna lodge dawn meuh chuan a har fat!

    Report this comment

  16. 16
    Asteric™ Says:

    In thu ziak ho hi ka copy a ka va thehlut ania, nangmahni hming theuhin ;-)

    Mizo tawng saw dah kher a tullo anih saw, an dah vek chuan si loh chuan. Registration No. saw complain thehluh hnu ah a lo lang dawn tihna emaw ni le auuuuuuuuu……

    Pu HV a te hi misuala rak rak lo hian saw tah te sawn va rak tawh sela tha ang, USA a rualawhna te leh kan ram sorkar a duh khawplohna te kha :P

    Report this comment

  17. 17
    ZerO Says:

    Se bo hnu a se kawng khar?

    Report this comment

  18. 18
    roseparvul Says:

    eh! Lo thlir ang. Se bo hnua se kawngkhar chuan a dang bo tur a vang :p

    Report this comment

  19. 19
    sheldon170 Says:

    E! Va zawt ve chiam pawh ni ila, kan chhanna hmuhtur chu
    Newspaper inziak ang vel bak a nih ka ringlo. RTI Act pawh kan hmang that theihloh lai a. Sorkar Website hian Sorkar hmingchhiatna lam phei chu min hrilh dawn der silo a :-(

    Report this comment

  20. 20
    Dr Mahminga Sailo Says:

    Ka’n phuchhiar ve lawk te’ng… ;-)

    A tul lo va sum senna mai a nih duh hmel. RTI awm hma pawn, sawrkara lungawilohna te chu chanchinbu, tawngka leh hmaichhanah ngei pawh an hre chamchi a lom. Internet kaltlang a nih tak avanga an hman tangkai tehchiamna chhan tur ka hre lo, kei misual hian.. ;-)

    Report this comment

  21. 21
    Chhuaklinga Says:

    A kawm chu a mawi hle mai maw!? A chhungthu i lo chhiar ang u lem… hehe

    tren tren

    Report this comment

  22. 22
    TuaiSialA Says:

    #20 Dik chiah. (Y)

    Report this comment

  23. 23
    Pc-a Says:

    Minazawng phunna chu inchhan sen pawh a nilo ang. Mahse, anlo enve a, anlo hriat khan inlungawi mai ang u aw.

    Report this comment

  24. 24
    Atom c Says:

    Tha hle mai (Y)

    Report this comment

  25. 25
    vlchinzah Says:

    Mipuiaw.nic.in kan thlir dan hrang hrang kan sawi hlawm a lawmawm tak zet. He site chungchang a kan hriat dan erawh diklo leh hriat chian loh tam tak in nei ni in ka hria.

    He site Mipuiaw.nic.in hi mizoram website dang nen a teh khin rual ani lova, he site tum ber chu sawrkar tha, langtlang leh dik kan neih theihna tur leh ram inrel bawl dan mipuiten tunai a kan hriat chian a, kan dikna chanvo awlsam zawk leh rang zawk a kan hmuh theihna tur a kan lungawi lohna emaw rawtna kan neihte kan thlen zung zung na tur a central sawrkar hnuai a DAPRG leh Mizoram sawrkar DP&AR ten a an siam ani.

    Lungawi lohna emaw rawtna emaw kan neih anih chuan internet kaltlang kher lo pawn a thlen theih a, kan lungawi lohna emaw rawtna chu ziakin emaw tawngka pawn a mawh phur tur a ruat te hnen ah thlenin ani hian min lo chin fel sak zung zung dawn ani.

    Report this comment

  26. 26
    vlchinzah Says:

    Comment hrang hrang chhan kan tum ang.
    1. A tangkai tak tak lovang..

    => He site hi Mipuite tan a siam a chhawr tangkai thei tu chu keimahni kan ni a kan chhawr that peih miau loh chuan a tangkai lo ani mai MIPUITE kan pawimawh tak zet.
    He site hi sawrkar duh vang reng vang a siam anih a rinawm loh Central lam atang a rawn tih a nih hmel State thenkhat ah chuan an hawng tawh a hawn belh zel tum ani bawk.

    2. Zawhna leh lungawilohna chhan that duh loh/ chhan har ani a ngem?

    => Sawrkar laipui hian kan mipuiten kan dikna chanvo kan hmuh theih hi angai pawimawh tak zet a, He site atang a lungawilohna neite hi a concern official te hian Ni 60 chhung a chin fel ngei ngei tur a tih ani.
    RTI Act ang hian Public Grievances act hi duan mek ani a, Officer Mipuite chhang tha duhlo hrem theihna te he act ah hian a tel dawn ani.

    3. Internet awm lohna emaw hmang thiam lo tan engtiang tih tur nge?

    =>He portal hian mipui tu pawh India khua leh tui tawh phawt chu a huam vek a Internet nei lo emaw hmang thiam lo tan pawh Lehkha ziak in emaw tawngka in emaw Nodal officer hnen ah kan lungawi lohna kha thlen in an ni hian min lo chhut luh sak mai dawn ani.

    4. A layout/hnawk etc?

    => Nia in sawi ang hian a layout hi analh lutuk hran lo mahse a pawimawh ber hman tangkai hi i tum ang u.
    Thumal thenkhat Mizotawng a dah anih chhan hi a hmang tu tur mipui ten tangkai zawk a kan hman theih nan a tih ani a, kim chang zawk a dah a chak awm teh lul nen hun tlem bak ah Mizotawng thiamna in a daih hlawm lo ani ange. Misual.commer zing a Mizotang thiam tak tak te khan Mizotawng a dah dan tur rawtna han siam teh u.

    e.g Complaint Category tih hi a Zotawng mawi a dah dan tur hi han rawt teh u khai.

    Report this comment

  27. 27
    Dr Mahminga Sailo Says:

    vlchinzah… Chiang leh felfai takin min hrilhfiah a a lawmawm e… (Y)

    Mah reng reng se… ka’n ti te’ng… ;-)

    Ka comment hmasa ang deuh khian, lungawilohna leh ram hruaitu, officer, adt., diklohna chiang leh langtlang reng tawh, mipuiin chaw nghei hiala an ngen pawha tihhlawhtlin theih loh an neih fo avang leh nawrna tam tak a awm chung pawh a hmalakna leh hmasawnna a nihna ang tura kal chuang si lo hian he Mipui Aw hi beisei san dan ka hrethiam lo tlat. Kan sawi fiamthu angin, misual.com leh website dang ang chuang tehkhin rual a nih loh laiin, eng ang takin nge a thawhhlawk bik na chhan tur ka hrethiam pha ve tlat lo… :-D

    Report this comment

  28. 28
    TuaiSialA Says:

    #26 Thingtlang mipuite, chinchang hre lo leh bo tak takte’n nodal officer chu eng nge, tu nge, khawiah nge, engtiangin nge, tih pawh an hre lovang.

    Report this comment

  29. 29
    vlchinzah Says:

    #28, Thingtlang mipuite hnenah awarewness pek tum ani a athen ah phei chuan pek ani tawh e.

    Report this comment

  30. 30
    vlchinzah Says:

    @Dr Mahminga, He site hi action lakna tur a siam ni lovin mipui ten kan din hmun chiang zawk leh rang zawk a kan hriat theih nan a siam anih hmel.

    Report this comment

  31. 31
    Dr Mahminga Sailo Says:

    @. vlchinzah… Ka lawm e. Ka lo ngai practical leh lutuk a nih pek hi. Zoram tan rah tha chhuah mawlh teh se… (Y)

    Report this comment

  32. 32
    TuaiSialA Says:

    #29 A lawmawm hle mai. Thingtlang khaw tinah awareness neih theih ni se a tha ngawt ang, tiin duhthu ka’n sam leh hram a ni e. A bengvarthlak e.

    Report this comment

  33. 33
    Ruata Pachuau Says:

    @vlchinzah, A lawmawm e, mahse ti hram teh ang internet a lungawilohna thehlut thei chin chuan male/female tih vel hi chu an hriatthiam tho ka ring ngawt a, khawbung website a ang ka la ti ta thau thau :-D

    Report this comment

  34. 34
    swani Says:

    Nodal officer te tunge an nih hriat kher a ngai lo, lungawilohna in neih a in sawina tur a ni, mahni nihna chiang tak nen, anih chuan in complaint kha engtin nge an attend theih ang che u

    Report this comment

  35. 35
    TuaiSialA Says:

    @swani: Ka sawi awmzia a man thelh deuh hlek a ni. ‘Nodal officer’ chu eng nge a nih, engtin nge hmuh theih a nih ang etc. etc. tih vel hi kan unaute’n an hre vek lo a ni, ka tihna zawk a ni e.

    Report this comment

  36. 36
    swani Says:

    file a complaint, chuan i hmu thei mai ang

    Report this comment

  37. 37
    TuaiSialA Says:

    I sawi awlsam piat puat hle mai. Ka sawi taka chu, khawiah nge complaint chu an thehluh ang? Complaint na na na chu zirtir an ngai hauh lovang. Chu’ng zawng zawng an hriat theih nan chuan awareness a ngai reng a ni. Awareness chu neih a nih dawn hmel a, comment thenkhat atanga a lan danin. A lawmawm khawp mai.

    Report this comment

  38. 38
    swani Says:

    he portal hi ka hrechiang alawm, chuvanga complaint la i hre mai ang ka tih

    Report this comment

Leave a Reply

You must be logged in to post a comment.