Kan Ngai Dawn a Che, Pu Ricky Ponting!

February 28th, 2012 11:30 pm by Ignatia (33-115 AD)

- Lalruatkima, Serampore, West Bengal.

Thuhma

Khawvel cricketer piang tawhte zingah ropui leh tha thlan khawm tur ni ta se la, a hming kan hmaih ngai loh tur Australia captain hlui leh batsman ropui Pu Ricky Ponting chuan kum engemaw zat hmangaih leh rim taka a lo vawn thin One Day International Cricket a chawlhsan tur thu a puang ta! Chutih lai mek erawh chuan, Test Match erawh a la chawlhsan mai rih loh tur thu a sawi tel bawk.

Cricket khawvela a lo lan tan dan

Launceston khua (Tasmania state), Australia ramah December ni 19, 1974-a piang, kum 37 a upa Pu Ricky Ponting hian November 1992 khan an state Tasmania tan First Class Cricket (National League kan tih ang chi) a rawn khel tan a. He tih hun lai hian kum 17 mi lek a ni. Tasmania state aiawh a Sheffield Shield Tournament (Hei hi Australia ramchhunga Cricket game inkhelhna ah chuan mite ngaih ropui leh larber tih hial a chhal ngam a ni. He tournmanent atang hian National team a khel tur pawh an thlang tlangpui) khel thei naupang ber a la ni nghe nghe. Tichuan, cricket khawvelah a hming rawn thai lang ve tan turin kum 1995 khan Australia in South Africa a hmachhawn tum khan One Day international match chu a khel tan ve ta a! He mi kum vek 1995 khan Cricket game dik tak leh mite ngaih hlut (Test Match) pawh Australia in Sri Lanka a hmachhawn tum khan a khel tan a, hemi tum hian run 96 lai a siam nghe nghe!

Captain hlawhtling a ni

International Cricket a luhchilh kum 3 chhung chu hun harsa tak te paltlang vein, a khat tawkin squad-a telloh (drop) te pawh a ni ve thin. Kum 1999 atang kha chuan Australia team tana mi pawimawh berte zinga mi a lo ni chho ta a, One Day Cricket Captain nihna kum 2002 atang khan Steve Waugh hnen atangin a la chho a, tin Test Captain nihna pawh kum 2004 atangin Steve Waugh hnen vek a tangin a la chhawng bawk.

Pu VanlalPonting-a hi cricket game record lan dan atang chuan khawvel test cricket captain tawha la hlawhtling ber tih theih tur a ni. Ama hnuaiah Australia Cricket Team hian Test match vawi 77 an khelh tawh ah vawi 48 a chakpui thei a, chu mai a la ni lo- cricketer awm tawh zingah Test match vawi 100 chakna team a la tel awmchhun a la ni cheu bawk.

World Cup-a champion pui bawk a

One Day captain a nih chhung khan Ponting hian Australia team chu tum hnih ngawt World Cup champion a lo nih pui tawh. World Cup 2003 Final-a India bowler te a sawisak nasat zia leh hneh tak mai a Australia a chakpui te kha mit thlaah hian a la cham reng. Pu Chhingdailovate tah khua tisei tu a ni. Khami tum khan run 140 siamin a tawp thlengin a din kha maw!! Chutiang bawkin 2007 World Cup ah pawh khan Australia chu ropuina ramah a lo hruai tawh bawk. Tin, 1999 World Cup an champion tum pawh khan Steve Waugh captain-na hnuaiah team member pawimawh tak pakhat a lo ni hrim hrim. 1996 World Cup ah te khan century te lo siam tawhin Final-ah Sri Lanka an hneh ta lo hlauh a nih kha. Chu mai a la nilo, 2011 World Cup-ah khan captain la niin, Semi Final-a India nen an khelh tum khan century a la vaw cheu! Vanduai thlak takin India chu hneh loin, Australia a champion pui thei ta lo a ni.

Record that tak a nei hrim hrim

A mimal record hrim hrimah pawh Ricky Ponting hi a ropui hle mai a. Test leh ODI-ah amah ai a run siam hnem leh khel ropui hi an tam lo. Enge maw ti lai khan Sachin Tendulkar nen hian in umpha thuak thuak khan an awm dun reng a, mahse, vanduai thlak takin Pu Ricky Ponting hi kum 2008-11 inkar khan nasa tak mai in a khel a tla hniam (out of form) a, run siam thei meuh lo in a awm a, Sachin Tendulkar lo che tha chho ve bawk chuan a rawn lehpel ta duai a ni. One day Cricket-ah hian a pumpui in match 375 a khel tawh ah run 13704 a siam a, Century (100) vawi 30 a vaw chhuak a, Half Century (50) vawi 82 a vaw chhuak bawk. Inkhel apiang a (average) run 42.03 siam ang a ni. Inkhel tum khat a run a siam sangber chu March 12, 2006, Johannesburg hmunah Soouth Africa nen run 164 (ball-105, 9 sixes) a siam kha a ni a, hemi tum hian South African bowler te chu a sawisa nasa hle. Australia khan over 50-ah run 434 lawih an siam a, ODI history a run 400+ siam thleng thei hmasa ber team an ni. Mak tak mai in, hemi tum hian South African batsman Hershelle Gibbs (175 run) leh Graeme Smith (90 run) te chu ropui taka rawn chein Australia run siam hi an rawn umpha tlat a nihkha maw! One Day International Cricket-ah hian Ricky Ponting ai a run siam hnem awmchhun chu Sachin Tendulkar niin khelh 453 ah run 18111 a siam thung a ni.

Test match lamah la en zel ang aw

Test Cricket hi chu a la chawlhsan dawn rih mai loh avangin a record kimchang (detail) chu ziak rih lo mai ila, khawvelah run siam sang ber pathumna (3) a ni. Sachin Tendulkar (run 15470) leh Rahul Dravid (run 13288) chu amah ai run siam sang awmchhun an ni a, Dravid ai hian run 88 chiahin a siam tlem a, khelh 2 in a khel tlem zawk bawk. Ponting hian khelh (match) 162-ah run 13200 a siam a, century (100+) vawi 41 a vaw chhuak a, Sachin Tendulakar (51) chu amah ai a century vaw tam awm chhun a ni.

Kan ngai dawn a sin!

Hetia Ricky Ponting an ODI a chawlhsan tawh tur thu hi tun hnai tak  atanga rawn irhchhuak a ni a, a chhan bul pui ber chu February ni 20, 2012 a Australia ODI Squad tur an puan zingah Ricky Ponting hi thlauhthlak (drop) in a awm tak vang a ni. Tun hma lama Ponting kha a ang thei tawhlo a ni ber ang chu. Tuna Tri Nation Tournament, Australia, India leh Sri Lanka ten an khelh mekah Ponting hi a che thalo hle mai a, khelh (match) 5-ah run 18 chauh a siam thei a ni! Hemi a nih avang hian Australian selector-te chuan Ricky Ponting hi chawl tawh mai se an ti ni berin a lang. Australia Cricket-a Chairman of Selectors, John Inverarity chuan Ricky Ponting chu World Cup 2015 a tana an ruahhman zingah a tel tawh lemlo a, chuvangin naupang zawkte tan hmun kian tawh mai se, tih lam zawng deuh ten thu a lo sawi bawk nen. Heng zawng zawng ngaihtuah hian Ricky Ponting chuan One Day International Cricket chu chawlhsan hlen a tum ta a ni. Lung a ti hnur vawng vawng!

(Ka edit hlek a, Pu Maruata khan min lo hrethiam a niang chu…)

Similar Posts:

Recent Posts:

24 Responses to “Kan Ngai Dawn a Che, Pu Ricky Ponting!”

  1. 1
    ahooma_ Says:

    yasssss, u maruata paws- thriket lampang a la (nih hmel) ni zui, chhiar ang

    Report this comment

  2. 2
    TuaiSialA Says:

    Kan la ngai dawn ngawt mai. Chhiar ila..

    Report this comment

  3. 3
    Soberboy Says:

    he pa hi chu a tha mawle ! a uihawm e :)

    Report this comment

  4. 4
    tribepower Says:

    hawla poh tha feeeèeee

    Report this comment

  5. 5
    hnarliana Says:

    Sachina pawh hi chawl tawh rawh se

    Report this comment

  6. 6
    Pc-a Says:

    Ve tehdaih chuan, vaivuak ilo tuipui ve ani maw.? Thianpa.

    Report this comment

  7. 7
    Belebuta Says:

    Shane Wayne ball spin thiam ka tih thin zia kha.. daih mai a :-P

    Report this comment

  8. 8
    Levi Says:

    Thriket hi aaaa….ka tui le lo a. Ricky Ponting hi chu ka hre ve… Gems ka leiin vawi khat a thlalak a chhawm tawh :D A tuipui tan chuan a uihawm dawn mang e

    Report this comment

  9. 9
    Tete-i Says:

    He Austrilian cricketer pa hi a uihawm dawn khawp mai…Cricket sawi takah chuan Yuvjay Singh hi ka khawngaih e..1st stage cancer a nia,cancer ro ro ah vannei khawp mai.. a tumruhna leh a optimistic na hi ngaihsan awm ka ti..Get well soon Yuvraj..

    Report this comment

  10. 10
    PKfanai Says:

    Recent comment a Tete-i comment ka hmuh khian, a thi amaw ka tia, ka phu deuh zawk a, One day International Criket chawlhsan dawn chu lo ni lekin. Australian ho hi chuan an hlut lai taka chawlh nachang an hre thin a,kan Indian ve ho hi zawng…A ngaihna an awm lo…Chawl tawh se tih ngawih ngawih huna chawlh kher an tum thin a. Sachin, Dravid leh Laxman te ho hi chawlh an hun tawh lutuk. Shane Warne leh Mc Grath te kha an chawlh khan uihawm tak an ni.

    Report this comment

  11. 11
    donald Says:

    Ignatia chu helamah pawh ilo tui ve a ni maw (Y)

    Ponting hi chu a uihawm dawn khawp mai.. mahsela limited format-ah hi chuan thangtharte hian ‘newcomer luck’ hi an nei duh em a, senior deuh tawh tan chuan consistency a awm si loh chuan retire mai hi a finthlak berin ka hria. Selectors/coach/captain tan a buaithlak duh dawn hian ka hre riau. Record tha chungchuang nei bawk si, khel tha em em tawh silo, playing 11-a telh tur nge telh loh tur tih vel hi… han drop se, sawisel an hlawh; telh sela an chetchhiatin sawisel an hlawh leh bawk si…

    Ponting hi chu cricket khawvel a rawn luhtirh lai vel kha ka la hre reng — biang hmul chherchhur khan a rawn lut a. Tunlai khawvel hmanrua tha ber ber safety issue avanga player ten an hman tawh hnu khan ani te reuh kha chu khawvel fast bowler tha ber ber kha HELMET pawh khum lo khan a hmachhawn hmiah mai thin kha… a lawmawm ve hranpa riau. A record te hi (a run siam zat) a match khelh zata chhut chuan Tendulkar ai pawhin a tha fe-in ka hria. An vanglai ve ve pawh khan sub-continent pitch niloah chuan Sachin ai hian a tha ka ti zawk daih.

    Report this comment

  12. 12
    chhingdailova Says:

    Vanlalponting a hi a ni lawm nikha Graphite Bat hmang kha a hnu lama an khap sak tak kha… Ka ui teh vak lo, India tan a khel lo miau a. An team ah hian a si ve khat tawh a, kawm rual pawh a nei tawh lo. Ti hi chuan fate sikul kal te a hruai thin ang a.. thaibawih chiah a hmabak a ni mai hahahahaha

    Report this comment

  13. 13
    Ignatia (33-115 AD) Says:

    E khai Savun hampuar karah a lo tawlh chhuak ve thei maw kan post chu…

    Tete: Pu Yuvraj-a tana tawngtai tu hi an tam zek a nia aw. A dam thuai ang, Pu Lance Amstrong-a angin a lo comeback dawn alawm. Ka hriattirhah chuan a bat lek dan hi ka duhthu a sam lova, en hahthlak ka ti thin hle. Mahse a thahrui ngahzia leh mit chakzia ka hmuh chian hnu hian kan HAMARA DESH tan hian ka duh leh em em thung.

    Pu Donald: Ni tamtak hnuah i lo lang leh zawt mai! I ngaihawm lutuk e! Cricket hi chu a lo turu a ni tiraw. Hmuhnawm em mai. Tuna a ziaktupa pawh hi Theologian ve tho a nih hi.

    Tin, Pu Vanlalpontinga i lo hriatreng dan chu a tha hle mai. Kum 2005 December thlaa India an zu tour laia an third test matcha a che tha vei lutuk kha ka haw reuh mai mai asin. India kha 2nd testah an chak a, chak leh se ka tih teh lul nen, Pu Mathew Hayden-a nen rei tak pitch lamah an ding a nih kha. Phelhsep sin teng tawng lak lawka playground atanga han umchhuah mai kha ka nap a. A che a rang lutuk hi chhinchhiah tlat chi niin ka hre bawk.

    Pu Chhingdaite: Pu Vanlalpontinga hi chu i haw deuh dawn tih hi a chiang alawm. Kei paw’n i thlirna tlang atanga thlir chuan ka lawm vak ngai lem lo. India hi duh aiin a ngam mah mah thin a. Duh ai tam hian a ti leh nghek mai zel!

    Kar kal taa India nen a inkhelh tum khan ka en a. Pu Micheal Clark a inhliam deuh avangin over khat a chawl lailawk a. Chuan amah khan a CAPTAIN leh zuai a. Tlan kual paha a naute awmna tur an kawk kual vel, a kuta chil hnawm meuha ball a chang thin hi hmuhnawm ka ti. Pu Ganguly inla BABU em em ama awmhmun atanga naute awmna tur kawk kual zawt zawt nen khan ka khaikhin fo thin. A fieldingte hi turu thin a ni. A ngaihawm dawn em mai!

    Report this comment

  14. 14
    chhingdailova Says:

    Pontinga chu tan vak lo. Nia India hi a ngam mah mah a ni. Mahse, an captain thar hian a tluk ka ring lo. A hmel en hian ka beisei sang lo zawk fe mai. Ganga hi in la babu i ti viau a, mahse naupang ho hi chher tha riau a, tun a India rinpui ber ni ta ho hi a hun lai a rawn dawk chhuak kha an ni ve tlat a, amah siam len chu ka ti lo a nih pawhin credit tlem te chu ka pe ve tlat.

    Report this comment

  15. 15
    sheldon170 Says:

    India a ngam vanga Pointinga tan loh ngawt pawh chu..haha. Criketer ah chuan ka ngaihsan ber te zing a mi ania. Indian ah chuan Yuvraj ka duh ber ka tih khan Ku Chhingtea khan cricket ah i la junior min tia…hihi

    Report this comment

  16. 16
    Ignatia (33-115 AD) Says:

    Kan khuaah hian Board of Selector lamin Asia cup lo awm tura India squad chu an puang ta: MS Dhoni (capt), Sachin Tendulkar, Gautam Gambhir, Virat Kohli, Suresh Raina, Rohit Sharma, Manoj Tiwary, Irfan Pathan, R Ashwin, Rahul Sharma, Praveen Kumar, Vinay Kumar, Ashok Dinda, Yusuf Pathan and Ravindra Jadeja.

    Eng tak ang maw. Tunhnaia che tha thei lo Sehwag chu an ko ta lo. Sachin-a pawh hi ko lo mah se pawi ka ti vak lem lo. Yusuf Pathan pawh hi an ko leh mai thin a, a tha ka ti ngai lo asin le. Nimina Virat Kohli turu zia kha chil thli tla bawrh bawrh chunga en tham a ni a lawm le!

    Report this comment

  17. 17
    chhingdailova Says:

    Irfan a te unau hi khel dun se ka ti ngawt mai… mahse an squad en khian an khel dun ka ring chiah lo ngawt.Nimin an khel lai khan internet siam a lo kal a, ka ngei zia mai chu aw……

    Report this comment

  18. 18
    Ignatia (33-115 AD) Says:

    Hei chu boruak a hot dawn chauha mahse a pil mai dawn a nih hi a…

    Pu PC(#6): Min lo bia a ni maw.. Tui ve teh reng mai. A nuam em alawm. Mahse hei Pu Chhinga hian tunlai chu cricket lam a post duh tawh rih lova. Savun hampuar lam han nek zeuh zeuh kha a nuam ve riau asin le.

    Yusuf Pathan-a hi subcontinet-ah chuan a zia phian mai thei. Asia lam hi chu ngam ve theih viau bawk ang a. R Jadeja hi amah nekchhuaktu kha a niin ka hria a, a tel ve leh bawk sia a khelh theih ka ring chiah lo.

    Manoj Tiwari hi engah nge an dahthat tak daih le aw. Australiaa an zin meknaah pawh hian bench lamah a entu a la ni char char. Sachina hian a nekchhuak ni ta berin ka hria.

    Final lamah India kan khelh theih hlauh chuan Internet siamtu chu ka lo tir leh ang….. A nih loh tal paw’n Lap top siamtu…..

    Report this comment

  19. 19
    chhingdailova Says:

    Asia Cup chu an ta tur. ASia Cup kan la hnem ber a, a vawi ruk nan kan la leh tur a ni. Yasuf hi Jadaja ai hian a bowling hi a chhe thin a, a vaw pup pup a chuvangin a che tha thin lova. Irfan a pawh hi a thal chhiak mai theih ka rin loh tehreng nen a tla chhe ta lutuk hi mak ka ti khawp mai. Hmmm eng pawh nise, he title na na na hi chu neih leh tum teh ang. Ponting a chu naktuk hian naupang sikul kal a hruai nghal ang em aw……….hahahhaha

    Report this comment

  20. 20
    Ignatia (33-115 AD) Says:

    Vawiin Leap year kum, Feb ni 29-ah hian ka comment leh hlek duh. Vawiin ni ang hi nghakthleng leh ta ila kum 4 lai ka tar phah leh dawn bawk si a.

    Cricket khawvelah chuan Gil Christ-a kha ka duh thin. Ka duh em em na chhan chu Umpire in amah kha OUT ti lo mah se out nia a inhriat chuan a chhuak nalh thin. Umpire tan ball an dek leh dekloh hriat hi a har fu a, an hresual fo thin bawk a ni. Mahse Gil Christ-a kha chu ball a dek nia a inhriat chuan umpire decision nghak lovin a kal nalh thin. Kha palian buang thek thawk, keimah anga khan sang tha leh inkhaithli zet mai kha a ngaihawm ka ti mai mai thin.

    Report this comment

  21. 21
    Ignatia (33-115 AD) Says:

    Yusuf-a chu T20 lamah ko ila tawk mai. One day vel chu a buaithlak run chase na velah a rinawm ngai lo em mai.

    Irfan-a hi a lo lan tirh khan a turu ka tak tak. A bowlte kha a wasim akram riau hian ka hmu a. Mahse an enkawl dan kha an all-rounder chei deuh a a tla chhe ta niin ka hria.

    Ponting-a naupang sikul kal hruai tih takah chuan Steve Waug-a last test match kha min tihrechhuak. Run 80 siamin a out a, a nupui leh fanuate’n an lo nghak ve zan. An chhungkua kha an hlim hmel khawp mai.

    Nehra khel dawn lova ka phur em em a ni…

    Report this comment

  22. 22
    Ignatia (33-115 AD) Says:

    Hmeichhe thusawi phal leh phal loh chungchang sawi ai chuan a nuam deuh alawm le. Han ti leh hlek teh ang.

    Sachina zia tha tak- inngaitlawm leh fel em em hian ram pum mipuirilru hi a hneh riau a. A chhung(playerte) ami te ngeiah pawh a hriat thin. Sachina a awm hian an thla a muangin an khel tha thin ni awmin a lang. Mahse hei a tel lovin an che tha thei ta viau mai a. Tin, Sachina hi a che tha thei vak tawh lo bawk nen chawl tawh mai sela tha ang mawle. A nih loh tal paw’n tour hnih thum vel han ko lo sela amah pawh a lo tang leh deuh ang a. RECORD tih tuah hlurh hi India tan hian a awmzia lo. Diktak chuan kan cricketer record hi a tha lutuk mahse ram ang zawngin emaw ateam ang zawngin Australia lamte hi kan tluk lo hle.

    Report this comment

  23. 23
    Ignatia (33-115 AD) Says:

    Vawiinah Australia lamin Sri Lanka run 9 leka an hneh loh avangin final kan lut ta lo. Pawi hle mai!

    Report this comment

  24. 24
    best gold spot Says:

    best gold spot…

    [...]Kan Ngai Dawn a Che, Pu Ricky Ponting! | mi(sual).com[...]…

    Report this comment