Kan Nula ten Eden Fashion lam tluang an chhui kir e

February 21st, 2012 11:00 pm by PimPom

Mihring an ral kumte nen tih ang mai khan, Mihring kan ral zel a, chhuan thar an lo chhuak zel bawk. Chutiangin kan khawvel inher dan pawh a danglam ve zel a, kan duh zawng leh ngainat zawng pawh a inthlakthleng ve zel a nih hi. Tun tumah chuan Hmeichhe incheina lam bik hi thlur bing dawn teh ang.

Kan fashion chungchang hi kan sawi fo thin a, a thenin kan sel a, thenkhatin awm kan ti em em bawk a. A tha e, a tha lo e tih lamah chuan ka ngaihdan tarlan ka tum hran lo. hei erawh tarlan ka duh, mithenkhat sawi dan hi. Comment lamah ngaihdan chu kan sawiho zawk turah ngai ta ila.

Eden Fashion

A hmasa berah chuan Pathianin Mihringte a siam khan Fashion chikhat chu a rawn intan tawh a ni tih hi hre tel reng ta ila.

Kumin kum thar hlim hlawt atang khan Pawngsual, Nula, Kumtlinglo..etc. pawngsual a awm hnem tawh hle mai a. heng pawngsual a lo tam tak em em chhan hi kan Fashion vang hi ni a ngai an thahnem hle. Kum tlinglo leh tleirawl pawngsual te hi, an mahnin an cho chhuah reng a ni a, an incheina Pawnfen chhing tak, mawng lak lek lek a an ha a, an mal zawng zawng deuhthaw langa kawtlaia an kal velte hian Pawngsual nasa takin a ti tam a ni an ti thin. Hei hi a dikin in ring em le?

Thenkhat chuan Bible in hun tawp dawn a, hun hnuhnung sign a sawite kha thleng tur reng a ni a. Tunah hian Bible in hun hnuhnung a ni tih kan hriat theihna tura Sign lo awm tur a sawite kha a thleng dik chho mek a ni mai ti a ngai an awm bawk. Nang enge i ngaih ve dan le?

Eden huanah khan Fashion chu a lo intan tawh a, Pathianin Mihring a siam khan Saruak ngalngatin an awm a nih kha. Tin, A chhia leh a tha hriatna thei an ei khan Saruak an nih zia hria in, an zahmawhte khuh thei tawk tawkin Theipui hnah an inbel ta kha a ni a. Kha Eden huan Fashion kha lo thang zelin zahawm zawk leh mawihnai zawkin a lo inthlak thleng chho zel a. Khawvel changkanna mil zelin Fashion a in thlak a nih hi. Tichuan tunah hian kan Nula te Fashion hi Eden huan Fashion ah khan a lut leh tep ta! Nge kan lut mek tawh zawk?

Similar Posts:

Recent Posts:

52 Responses to “Kan Nula ten Eden Fashion lam tluang an chhui kir e”

Pages: « 1 [2] Show All

  1. 51
    chawnghilh Says:

    Adama te nupa kha “saruakin an awm a, an INZAHPUI LO” tih tur ni zawk awm tak a ni.

    “Ni hnuhnung” tia Zawlnei Joela sawi kha, a intanna a rei tawh khawp. TT 2-a Pentecost Nia Thlarau Thianghlim a rawn thlen khan a tichiang.

    Tin, “End of time” leh “Time of the end” hi a hranpa a ni tlat a. Grik tawngah meuh pawh TELOS leh SUNTALEIA hi TAWPNA sawi nan ve ve hman ni mah se, a tawpna hun a sawi a inang miah lo.

    Report this comment

  2. 52
    H.Vangchhia Says:

    Hetiang pawh hi tunlai fashion a ni em?

    http://i42.tinypic.com/10clvyp.jpg

    Report this comment

Pages: « 1 [2] Show All