Mau chi hrang hrang te

February 15th, 2012 7:30 pm by TuaiSialA

Mizote’n mau kan hmang nasa hle a, tûn hma phei chuan an khawsakna kawnga thil pawimawh tak a ni. Mau chi hrang hrangte han ziak chhuak ila:-

1. Mautak: A hunga awm a ni lo va, a rama ramin, a hmun hlangin an awm ṭhîn. A bul zungphiar thlengin hmanna a tam hle.

2. Phulrua: A hunga awm chi bawk a ni a, pum lian pui pui niin Mizoram khaw tinah a awm ve lo va, dân naranin zo-ah a awm ṭhîn. Hei pawh hi hmanna a tam khawp mai.

3. Rawnal: Phulrua ang bawka a hunga awm a ni a, phulrua aiin a pum a të deuh va, maktak aiin a lian zâwk bawk. A châng a khât deuh va, a pang a nàl bîk a, a tlian duh avângin tûn hma chuan an hmang nasa ṭhîn hle. Hnâng leh em tah nan an hmang nasa.

4. Rawṭhing: A hunga awm chi bawk a ni a, dâp atana hman a ni meuh lo. Em chi hrang hrang tah nan leh buhtlei, khelawk, thlangra atan an hmang nasa hle.

5. Rawthla: A hunga awm chi a ni a, rawnal aia të deuh, châng khát tak a ni. Phaiah a awm ṭhîn a, a tuai hi chawhmeh atan an hmang ngai lo. Vawm tlâk thal atan a ṭha bîk a, sai sa chan nan chem aiin a ṭha zâwk ni-a sawi a ni.

6. Rawchhia: Rawchhia hi a tam vak lo va, phulrua leh rawṭhing inkâra mi a ni deuh ber. A awm dân hmangah chuan phulrua a pâwl ber a, phûl ni kangah a awm ṭhîn. A chang ṭha bîk a, vaithang atan a ṭha hle.

7. Raw-mi: Phulrua lampang tho a ni a, mahse, a lian deuh zâwk. A len avângin hmán lai chuan chi bûr leh vaihlo bûr atan an hmang ṭhîn.

8. Raw-lak: Phulrua lampang chi tho niin a tam vak lo. A châng a dam dap a, hnâng atan hlai a nuam bîk a, phulrua awmnaah a awm ve ṭhîn.

9. Raw-ngal: A tlángpuiin hmun zo deuhvah a awm ṭhîn a, tlâng sáng tak, ngawpuiah a awm deuh ber. A hunga awm chi niin a châng pawh rawthla ang bawka khât a ni; kutzungchal tiat lek pawh feet thum laia sei a ni thei.

10. Tursing: Khawchhak lam mau a ni ber a, mau chhah tak leh châng lawk tak a ni. Vaibel atan a ṭha em em a, ‘Tursing Vaibel’ an ti deuh kher ṭhîn.

11. Châl: Châl hi mautak ang deuh, mautak aia të leh pan, châng zing tak a ni a, tûn hma deuh chuan inchhûng bang pin nan an hmang ṭhîn. A tlêpin an awm ṭhîn a, ngaw hnuai mau a ni ber mai.

12. Phar: Phar hi mau zînga chhiar a ni a, zo ngawpuiah phulrua anga hung neiin a awm a, a chângah kual chhuakin hlîng a nei a, tiang atan a ṭha hle. Te tak të të a ni hlawm.

13. Lik: He mau hi khawchhak lam mau deuh ni-a ngaih a ni. Pum te tak të të, phar ai pawha të lehchhàwng a ni a, tianga hman tham lek a ni.

14. Tasing: He mau pawh hi khawchhak lama awm bîk a ni a, a të leh deuh. Khawthlang lamah a awm hriat a ni meuh lo.

15. Thothek: Mau chi khat chu a ni ve ngei a, khawia awm ṭhîn nge tih hriat a ni lèm lo va, a chanchin sawi tur a tam vak lo.

16. Talan: He mau hi kan Mizo upate’n vaibel chi khat, Talan Vabel siam nan an hmang ṭhîn. Mizoram-ah a tam vak lo va, phai mau a ni tlángpui. A pianzia hi rawnal leh rawthla inkâr a ni ber a, a pum pawh mautak tiat vela lian niin a châng a khât hle.

17. Sairil: Hei hi mau zînga chhiar a ni chiah lo va, mau angin châng a nei ve thlap a. Hnâng atan te, thil tah-mawi chi hrang hrang atan an hmang nasa hle.

Thulâkna: Zoram Mawitu by C. Lalbiaknema

Similar Posts:

Recent Posts:

41 Responses to “Mau chi hrang hrang te”

  1. 1
    mamboihi Says:

    Ka zir belh leh 1st ta..

    Report this comment

  2. 2
    ReMpY℠ Says:

    Zoramthanga mau pawh.. (C)

    Report this comment

  3. 3
    chhangteval Says:

    Tuaiterek pawh :-D

    Report this comment

  4. 4
    H.Vangchhia Says:

    Bengvarthlak tak a ni e (Y)

    Mau lampang erawh ka hriat ve zawng tak ani khanglang hairehai :-D

    Sawi ve ta mai mai ila, Phâr hi thluk chhova kual thla leh raih anga lam tur a ni…ban (hand) kan phar ang nilovin, thil phirsi lam sawi nana “Phîrrr” ti ang a lam tur a ni. Vaibel atan a tha phian bawk.

    Phâr hming ka hriat ngawt pawh hian ka lung a tileng tlat nia mawle. Ṭâwi tlangah zan tamtak riaka kan kalin, vaibel kan suih mai mai a. Vaibel zuk pah chuan kapi tianghawl tur ka suih sak a. Chumi chu a thih hma zawng a tiang hmanber ani ta kha ania. Vai siam tha tak tak, ka Phâr thelmam sak aia nalh leh tha aikhan ka hawn sak kha a roh em em mai a….sniff sniff

    Report this comment

  5. 5
    H.Vangchhia Says:

    Phulrua hi tunhma Zopa inban hmanber thin ani awm e.

    Report this comment

  6. 6
    kilung Says:

    Bengvar thlak ve aw…mau tak, rawnal, rawthla,rawthing ho hi ka hriat làr deuh te chu an nia, an tuai te pawh kan ei nasa a, adang ho hi chu ka hre miah lo..

    Report this comment

  7. 7
    Soberboy Says:

    i sawi zingah khian Pathum chiah ka hria :-$

    Report this comment

  8. 8
    Hriatpuia pa Says:

    A bengvarthlak e. (Y)

    Phulrua hi ‘dan naranin zo-ah a awm thin,’ tiin i lehkhabu rawn hian a ziak na a, ka awih lo. Kan awmna phai kuamah hian a tam tiar tiar em mai!

    Report this comment

  9. 9
    hlatekhua Says:

    Khing 17 zingah khian ka hriat ve chhun a tel miah lo…mautuai!

    Report this comment

  10. 10
    mamboihi Says:

    Chuan mautuai (bamboo shoots) bai ah te kan telh thin hi khawi ber khi nge a?.. Chi hrang a lo va tam ve.. A ei theih vek em an tet laiin?

    Report this comment

  11. 11
    thachianga Says:

    Phulraw tiat thawthang, mam tha vei pur mai, Vai mau/Vai rua kan tih mai hi a tel ve thei mai lo maw, kan ramah a tam tawh a nia.

    Report this comment

  12. 12
    Asteric™ Says:

    Hriat loh Mau alo va tam veeee… Keichu Mizo chawhmeh bai ah chuan Raw-tuai hi tui ka ti ber in ka hria :) . Pumchhum ila, phel sin ila, hmarcha uh leh limbu leh chi in ti al-thak-thur ila tui duh khawp mai ;-)

    Report this comment

  13. 13
    Levi Says:

    1,2,3,4,9 and 15 zawng khi ka hria…adang khi chu ka hmuh awm pawh ka hre lo. Tuaite,i paws tha lutuk e.

    Kan miss khan a thilthek tiang tliang hin hen,fiak tha tak khan min hlap thin mai a nih kha…Thilthek, a hming ringawt pawh ka rap :-D

    Report this comment

  14. 14
    Levi Says:

    Thothek kha thilthek an ti ve tho em khah???? Thothek thilthek ka confuse zo :-S … #19 na pawh ka hre leh si tlangban atan a tha phian…

    Report this comment

  15. 15
    H.Vangchhia Says:

    Asteric™ #12 a hmain han Google mai tur i hmu nange hairehai :-P :tlanchhe daih:

    Report this comment

  16. 16
    Robert April Says:

    Hriat thanloh va tam ve, Bengvar thlak thin teh e.
    Rawthla an tih chiah em ka hre talo a, saisa chan nan an hman thin chu ka hmu tawh a, a chang leh chang inkar pawh a sei thei khawp mai, 5ft te a awm nia.
    Pu Zoramthanga mau an tih hi eng a tan a tha nge le, chuan Phar hi cheraw kan nan a tha phian bawk..

    Mau dang ka hriat te….
    Tuikawhna, Pal, Dap, Phelsep…Hiiiiiiiiiiiiii

    Report this comment

  17. 17
    TuaiSialA Says:

    Mautuai hi chu mau la puitling chiah lo hi a ni mai lo’m ni? A la no deuh phei chu kan ei thin kha mawle. :-) Chawhmehah chuan rawtuai hi tui ka ti ber.

    Report this comment

  18. 18
    Asteric™ Says:

    #15@Pu HV…haha…thil ka hre lutuk hi google thluak ah min lo ngaih sak zel a nimaw, thil hriat nuam tak ava ni em :-D

    Report this comment

  19. 19
    mach3 Says:

    ??? Zawhna kan zawt teh ang che u, khing mau ho khian collective name ah MAU an neia, ngati nge Rawthing hi mautuai ka tih hian mautuai ani lo rawtuai an tih kher zel, a specific name chauh a dik dawn chuan ‘ThingTuai’ anih kha te ti law2 se? Keichuan ahmasa pali chauh khi ka hria.

    Report this comment

  20. 20
    sheldon Says:

    6 na atanga a tawp thleng khi ka hriat vawikhatna. Mi sawi rik pawh ka la hre miahlo nia. Mau chi hrang hrang pawh chu a lo va tam teh duah ve. Post bengvarthlak tak a ni (Y)

    Report this comment

  21. 21
    Ignatia (33-115 AD) Says:

    Post tha tak a ni!

    A tawp bera mi SAIRIL khian ka lung a ti leng hle! Kan tet laiin sairil zamna buk takah hian kan lawn thin.

    Post tu ziak ang khian mau a ang hle a, mahse a zam daih thung a ni. Sairil hian tui a pai nasa em em bawk a. Tin, lui hliahkhuh vekin an zam dul thin. Sairil awmna luitui chu a tuia a vawt em em thin bawk.

    Report this comment

  22. 22
    Pc-a Says:

    Ts chu iva hrehnem ve, i phuahchawp tih dawn chuan a nìh hmel hlawm bawk sia. Phelsep.

    Report this comment

  23. 23
    TuaiSialA Says:

    @Pc, keima hriat pawh a ni chiah lo. Lehkhabu ami a nia.. ;-)

    Report this comment

  24. 24
    Lamji Says:

    A bengvar thlak hle mai a.. (Y)
    Khi’ng rua zawng2 bul khi KA HEH LUTUK.:)

    Report this comment

  25. 25
    Awmtea Khiangte Says:

    Bengvar thlak thin hle mai.. Post tha tak a ni e (Y)

    Report this comment

  26. 26
    PKfanai Says:

    Ka hriatloh atam vaklo e. Tin, Mautuai zingah chuan Mautak tuai hi a tui ka ti deuh ber. Arunachalah hian Rawnal Tuai angchi hi an rawh zawr/vuai deuh a, Baiin a tui duh hle. Kan naupanlaia ngawdur tak tak kha Lo atana vah chereu anni zo tawh si a, hmuh tur vang tak tak a tam tawh awm mang e.

    Report this comment

  27. 27
    lrpa Says:

    (Y)
    chinese ho pawh hian an duh khawp mai, mau/raw tuai hi..dry te, pickle te, brine a vawn that tih vel..vawksa nen a rimchhe lo chi chu kan hmiah hmiah ani mai..tui tuks!!
    Ka ngaihlu tual tual raw tuai hi..sa um nen a bai chu ka ei duh chuang lo..
    Khasi ho mau te reuh te te khu, an fik hmawk a, leiah an vit phun a a nuang tho! Mizoram maute hi chu a theih ve loh ang!

    Report this comment

  28. 28
    Dr John Says:

    (Y) Maipawl ka put-belh leh ta! TuaiSialA nge nge ;-) Mau hming/chi ka hriat loh i rawn sawilan chu “Lik” khi a ni :-D

    Report this comment

  29. 29
    zualbonez Says:

    khawnge maupa

    Report this comment

  30. 30
    TuaiSialA Says:

    Maupa chu chawhmeh atan kan lo siam hman tawh a.. :-P

    Report this comment

  31. 31
    caribou Says:

    Bengvarthlak thin mang e.

    Report this comment

  32. 32
    XaiA Says:

    Van tha thin tak em…Hei #12 Phar chu….

    Report this comment

  33. 33
    XaiA Says:

    [IMG]http://i.imgur.com/CJ0Yx.jpg[/IMG]

    Report this comment

  34. 34
    filliz Says:

    Mautak tuai a tui ka ti ber.

    Report this comment

  35. 35
    blackmagicwoman Says:

    Hmeichhia ka ni bawka, ‘MAUruangi’ tih kan contri ve reng reng teh ang! :-D

    Report this comment

  36. 36
    TuaiSialA Says:

    Pu Xai, http://i.imgur.com/CJ0Yx.jpg zawks!!

    Report this comment

  37. 37
    chepahakhata Says:

    Ziah tak vek chuan kimchang deuha ziah law law awm a nia. Maudang, rawpui, phungkirua, uikawlrua te pawh a ziak lang lo a nih khi.

    Report this comment

  38. 38
    Maya Says:

    6 ,13 , 14, 15 ,16 na te khi ka lo hre ngai lo . a bengvarthlak hle mai (Y) @ 37 chepahakhata mau sawi ho pawh khi ka hre ngai lo a nih hi .

    Report this comment

  39. 39
    mach3 Says:

    19a ka zawhna khi tuan min chhang si lova kan sawi thin dan in an Tuai toh phawt chu Mautuai ka la tih zawm zel mai ang. Keichuan a dik berin ka hria :-)

    Report this comment

  40. 40
    nezz Says:

    a tha hle mai..i sawi zing a 5 chiah khi ka hria..i hre hnem hle mai..i phuah chawp cu a ni lo maw? he2

    Report this comment

  41. 41
    ZerO Says:

    Raw-ra pawh mau :-P

    Report this comment

Leave a Reply

You must be logged in to post a comment.