2012 February Fiamthu

February 2nd, 2012 7:00 pm by TuaiSialA

1. Zu rui pahnih pawh kha kawnglaiah pai tâwkin an kaldûn a. Nakinah chuan motor a lo kal a, pakhat zâwk chuan, “Ṭhianpa, kal ṭha rawh, motor a lo kal a nia.. A chîl ang che,” a ti a, a ṭhianpa chuan pâwr tâwkin, “Min han chîlhlum nâ teh se, ka bêng hrep a ni mai,” a lo ti pâng pâng.

2. Nu pakhat vawk talh pawh khan a’n fak thiam asin. “Kan vawksa hi min leisak ve rawh u, a la virgin a nia..” a ti vel.

3. Pa pakhat nupui nei thar pawh kha a ṭhiante’n, “Eng nge i tih ve ṭhin?” an tia, ani chuan nui ruh ruh chungin a nupui chu a kawk zoh zoh.

4. Nula a rîm ve a, nula pa chuan, “Mami, thingpui han lum teh,” a tia, tlangval chuan, “Keiman ka lo lum zâwk ang e,” a lo ti vat!

5. Chiang zãn lo pakhat, Chhandama pawh kha an in a kâng a, kawngka a rawn tlawh hawng ṭhuai a, “A lum em mai, awm peih tawh lo,” a rawn ti chhuak heu.

6. Pa pakhat pawh hian vaipa pakhat hnenah, “Mizo ṭawng i thiam em?” a tia, ani chuan, “Ka pu duhtak, ka pu zahawm, ka pu ropui tak, ka chhàn atana mawi lo a nih chu a! A kip akawi chuan ka hre hauh lo mai; min hrethiam dawn a nia..” a lo ti zawt zawt!

7. Police-in an man a, “I hming leh veng, i chanchin zêp nei lovin sawi rawh,” an ti a. A’n zâm lo mai mai, “A hmasa berin thusawina hun min pêk avangin ka lâwm e,” a’n ti hmasa të të-ah!

8. Pa pakhat pawh khan cowboy kha a cho ve ringawt a. An insual dawn a, a tlànchhe leh daih sia, a ṭhianpa chuan, “Ka cho’ i ti a ni lo’m ni? Engati nge i tlànchhiat leh si?” a ti a. Ani chuan, “Ani’n puakruk a pai a, keiin khaini bur khat ka pai a; nang pawh ni la i ngam bik dawn em ni?” a lo ti lêt zëk.

9. Naupang pakhat pawh hian bawng essay hlir a ziak a, an miss ning lutuk chuan Taj Mahal essay a ziahtir a.
‘Taj Mahal chu in ropui leh lian tak a ni a, a awmna hmun aṭanga km 2 velah chuan bawng a awm a; bawng chuan mit 2 leh beng 2 a nei a..’

10. Tlangval pakhat pawh khan Mizoram record-ah khan belpui ṭin nga leng a sehkawh a, a ha a bal vek a, a tûk aṭangin nauchaw hlir a ei.

BONUS: Hming in-opposite: A pa – Sapliana; fanu – Zoteii.

Similar Posts:

Recent Posts:

59 Responses to “2012 February Fiamthu”

Pages: « 1 [2] Show All

  1. 51
    Atom c Says:

    @ Pi/Pi Admin, please ka comment #47 khi minlo remove sak mai thei em aw? Lehlam a mi tur hetah a lo lang kuau a, a zialo e mai, ka edit thei tawh silo. A post tuin min hau palh ang.. (fmth) :-O

    Report this comment

  2. 52
    century child Says:

    Ts i down kan phal lo, a theih loh, kan pawm lo :-)
    khawngaihin rawn ti hram2 zel rawh.

    Report this comment

  3. 53
    johnny_ralte Says:

    Zanlai ah kan nuih kur2 chu le.huhahi

    Report this comment

  4. 54
    badboy Says:

    a chhiar duh in kan chhiar a, kan nuihpui hi chuan atawk, ka hriat hnu chuti kha ti tihbuai vak2 angailo, ka hriat hnu pawh ka nuihpui leh vak2 thei tho hetia Tsa’n a rawn thar thawh leh hian a lawm awm tak zet2 kati. (Y)

    Report this comment

  5. 55
    thachianga Says:

    Vai mistiri pakhat pawh a chhan sawi lovin a hnaah a kal lova, a tukah a ruaitupain, ‘ Niminah engmah sawi lovin ilo kal lo ringawt a, enge a awmzia?’ tiin alo zawt a. Vaipa chuan chhuanlam tur a nei si lo, “Awmzia awm lo,” ti ve tawp.

    Hei pawh hi mi tam tak hriat hnu a ni ang. Fiamthu hi hriathnu a tam duh. A nuihzathlakna a bo chuang hlei law…
    Hriat hnu sawi tawh loh zel dawn chuan fiamthu a tlem duh awm.

    TS tang fan fan.

    Report this comment

  6. 56
    Awmtea Khiangte Says:

    TS a ngaihnawm hlawm lutuk tlat. Ka hlimpui lutuk e. Damdawi tha tak min chawh a nih ber mai hi……….. (Y)

    Report this comment

  7. 57
    muansangi pa khawlhring Says:

    kava nui hnem emmm! ka mawl vangnge ni, ka vawikhat hriatna vek ala ni, Ts tang zel teh

    Report this comment

  8. 58
    Chd Says:

    Haha ka duh hlawm lutuk…esp no. 5,9,10 :D

    Report this comment

  9. 59
    Chheha Says:

    ka nghah vang vang ka nghak chhuak leh ta e…Ts_a, ka lawm e.

    Report this comment

Pages: « 1 [2] Show All

Leave a Reply

You must be logged in to post a comment.