Archive for February, 2012

Chief Minister-in website thar ‘Mipui Aw’ a tlangzarh

Wednesday, February 29th, 2012

Mipui ten computer leh internet hmanga sorkara lungawilohna an neih leh an thil hriat duh an zawh zung zung theihna tura hmanrua ‘website’ thar, Mipui Aw tia vuah, sorkar laipuia Department of Administrative Reforms and Public Grievances leh Mizoram sorkar bultum Centralized Public Grievance Redress and Monitoring System (CPGRAMS) chu vawiin khan Chief Minister Pu Lal Thanhawla chuan Mizoram Legislative Assembly Secretariat Conference Hall-ah bul tanna tur a tlangzarh.

Chief Minister chuan mipui ten computer leh internet hmanga lungawilohna leh an thil hriat duhte an zawh zung zung theihna tura hmanraw thar, Mipui AW kan han nei ve thei ta hi a lawmawm tak zet a ni a ti a. Ram hmasawnna kawnga hnathawhnaah thil fel tawklo tam tak a awm thei a, chu chu ngaipawimawhin sorkar laipui chuan hetiang programme a rawn duangchhuak hi thil lawmawm tak a ni a ti a.

(more…)

MCS 2012 Final Result

Wednesday, February 29th, 2012

Source: mpsc.mizoram.gov.in

(IN ORDER OF MERIT)

1. C.Laltleipuii, D/o C.Lalduhsanga.
    Reiek, Vengchhak, Mamit District.

2. Lalremruata Kullai, S/o K.Lalmuana.
    A-60, Sihpui, Ramthar Veng. Aizawl.

3. Vanlalrova, S/o R.Kapthanga [L].
    Vengthar, Reiek, Mamit District.

4. Lalrinzuala, S/o Saithanzuala.
    1/11, Kulikawn, Aizawl.

5. Rochuangkimi Khenglawt, D/o Nelson Khenglawt.
    New Saiha, Saiha.

6. Lalrinawma, S/o Zochungnunga.
    K-34, Boihlora Colony, Venghlui, Aizawl.

7. James Lalnithanga, S/o H.Lalbiakkunga.
    Leithum, Champhai District.

8. Lalrinpuii Hrahsel, D/o Zasanga Hrahsel.
    A 69/A Chanmari, Aizawl.

9. Melody Ngurthantluangi, D/o S.Lianchhuma.
    I.T.I Veng, H.No-V-II-5, Aizawl.

10. Isaac C.Lalrempuia, S/o C.Lalsawmliana.
    H.No T-69, Near Presbyterian Church, College Veng, Aizawl.

(more…)

ATM an lo hack sak a mi?

Wednesday, February 29th, 2012

ATM hmang tute kan fimkhur theih nan kan thil tawn ka hrilh ve ang che u. Ka post khat ve tawh bawk si a.

Ka u i Dt. 29.02.2012 khan hmanhmawh tak in min rawn bia a, a SBI account atang in mi in pawisa an lo la chhuak a, ATM card a ti bo bawk si lo a. Ebay atangin thil an lo chah a, chu pawh chu aman vawiin vek khan a han en fiah a,an thil lo chah pawh chu an lo lam thlap tawh a. Chuan ICICI ATM booth atangin Rs. 2000 chuan an lo withdraw tawh bawk a. Eng tin nge hma kan lak ang? Khawngaihin min lo hrilh teh u.

Internet titi: Angelina Jolie-i bawp hi

Wednesday, February 29th, 2012

Angelina Jolie- in Oscar a a ke (bawp) a tihlan hi tunlai khawvela bawp lar ber anih hmel e. A mawi bawk a.

(more…)

Mixed Martial Arts – Mizo tih chi

Wednesday, February 29th, 2012

Mizo mipa te hian Mixed Martial Arts chi hran hran UFC, Bellator, Strikeforce te hi hmuhnawm kan ti em em tih chu hai rual a nilo. TV a thil thar lampang deuh a nih avangin kan Mizo hmeichhiate hian min tui pui ve nge chu ka hrelova, mahse boxing en ringawt pawh an tui thin avangin MMA en pawh an tui ve tho chu ka ring.

TV ah, caged arena chhungah mipa pahnih sek tawk, thi chhuak phun in an han in hnek / kick / elbow / back-volley chiah hi chu kan chiri lo chauh a lawm!

(more…)

February ni 29

Wednesday, February 29th, 2012

Vawiin hi February ni 29 ania, hetiang ni hi kan hmang khat si a, sawi ve reng reng ah engemaw tal hnutchhiah ve reng reng teh ang.

B.A. vrs B.A. lo

Kan tleirawl chhuah chhoh lai vel khan kan u rual vel mi pahnih hi an awm a. An pahnih chuan puan an thui ve ve a. Pakhat zawk chuan B.A. a pass a. Kan khua ah khan B.A chhuak kha an la awm tamlo bawk a a hming tawp ah pawh B.A. tih a dah deuh kher thin a.

Tum khat chu committee kan nei a. Kan Leader (B.A) zawk chu a rawn ding a, “Sangpuiipa, B.A. ka ni a, mahse puan ka thui a,” (A hming thup ang) tiin bul a rawn tan a. Thui fe a ngaihdan a sawi hnu ah Agenda sawi ho turin a hawng a. Chutah pakhat zawk a rawn ding chhuak ve a. “Kei chu B.A. ka ni ve lova, mahse puan ka thui ve thova,” tiin an rawn tan chiah mai chu kan boruak a sang chho ta khawp a. Agenda pakhat pawh sawi tlu lovin kan bang ringawt alawm. :-O (more…)

Android workshop a hlawhtling thawkhat

Wednesday, February 29th, 2012

Ni 27 & 28, Feb. 2012 chhung a NIELIT (Formerly DOEACC) a Android Application Development Workshop neih chu tluang tak a zawh a ni ta.

He Workshop chhung a Android Application Development-ah inelna buatsaihah a titha mi pali te hnenah Certificate Of Merit pek an ni a. Pakhatna pahnih awmin result chu hetiang hi a ni-

1-na:  Alan Lalhriatpuia & Zoremmawia Pachuau
Alan Lalhriatpuia                                Zoremmawia Pachuau
(more…)

WT*B* Wednesday: Vai phakar?

Wednesday, February 29th, 2012

“Vai” han ti deuh tawl ila sawi dan dang vak awm loh aiah. Vai phakar hi kan han ti thla zen a, an fin kan chelh loh vang lek hi a ni lo maw? ;-) Phakar tak tak hi chu an awm a, mahse dik tak tak leh fel tak tak, tlawmngai em em te pawh hi an awm leh tho. Eng hnam ah pawh hian phakar leh “kar” lo chu kan awm vek ang chu tiru?

Ban hun aia hmaah ka haw duh avangin office atangin autorickshaw in haw ka tum a. Kan office hi kan in atangin km 15 laia hla a ni a, traffic jam chhut tel nen phei chuan minute 45 lai tlan a ni. Auto lah chu an vang zek lehnghal a, han nghah deuh vang vang chuan an rawn tlan ve mai a. Pakhat kha chuan meter pawh a neih loh avangin ka zawt buai peih lo a (sharing auto an tia hetiang hi, route bik an nei a, mi pakhat tan cheng 5 vel lek lek te an charge a, a tawt thei ang berin an inhnawh tun zel. Keini pawh kan chuang fo).
(more…)

English thumal thar

Wednesday, February 29th, 2012

Mizo ṭawng kan tihtak ber, Lusei ṭawng chuan hausak lam aiin dazat lam a pan tulh tulh a, English erawh chuan hausak lam a pan mek zel si. English thumal thar deuh deuh ṭhenkhat kan tarlang ang e:

Beer jacket: zu ruih vanga vawt hriat lohna sawina a tan hman a ni (The supposed insulating effect created by being drunk).

Bubbling: Dutch house music genre.

Cankle: Ngal (ankle) lian tak nei sawina.

Dringle: Thing dawhkan emaw lehkhaah emaw no huh-in a tihvâl sawina.
(more…)

Kan Ngai Dawn a Che, Pu Ricky Ponting!

Tuesday, February 28th, 2012

- Lalruatkima, Serampore, West Bengal.

Thuhma

Khawvel cricketer piang tawhte zingah ropui leh tha thlan khawm tur ni ta se la, a hming kan hmaih ngai loh tur Australia captain hlui leh batsman ropui Pu Ricky Ponting chuan kum engemaw zat hmangaih leh rim taka a lo vawn thin One Day International Cricket a chawlhsan tur thu a puang ta! Chutih lai mek erawh chuan, Test Match erawh a la chawlhsan mai rih loh tur thu a sawi tel bawk.

Cricket khawvela a lo lan tan dan

Launceston khua (Tasmania state), Australia ramah December ni 19, 1974-a piang, kum 37 a upa Pu Ricky Ponting hian November 1992 khan an state Tasmania tan First Class Cricket (National League kan tih ang chi) a rawn khel tan a. He tih hun lai hian kum 17 mi lek a ni. Tasmania state aiawh a Sheffield Shield Tournament (Hei hi Australia ramchhunga Cricket game inkhelhna ah chuan mite ngaih ropui leh larber tih hial a chhal ngam a ni. He tournmanent atang hian National team a khel tur pawh an thlang tlangpui) khel thei naupang ber a la ni nghe nghe. Tichuan, cricket khawvelah a hming rawn thai lang ve tan turin kum 1995 khan Australia in South Africa a hmachhawn tum khan One Day international match chu a khel tan ve ta a! He mi kum vek 1995 khan Cricket game dik tak leh mite ngaih hlut (Test Match) pawh Australia in Sri Lanka a hmachhawn tum khan a khel tan a, hemi tum hian run 96 lai a siam nghe nghe!
(more…)