Kan khuaa krismas

January 3rd, 2012 11:00 pm by TuaiSialA

Tun tum krismas chu kan khaw lamah ka hmang a, kan kohhran kan hlim a, a nuam khawp mai.

Ni 25-ah khan thingpui leh chhang ruai kan theh a, ni 26-ah tisa lam ruai. Mi inphalte’n sum leh pai leh ran an thawh hmangin ni 27 leh 28-ah kan nawn sak a. Zan hnih chu kan lengkhawm tlaivar a, Pathian hnathawh a ropui khawp mai.

Tichuan, kumhlui thlah zanah kum dang angin inkhawm leh lengkhawm a awm a. Kumthar ni hi thingpui leh chhang ruai nen kan hmang a. Ni 2-ah tisa lam ruai kan theh ho leh a. Hemi ni hian zingkar atanga ruah a sur avangin ruahsur hnuaiah ruai kan theh a. Tichuan, kumthar lawmna programme chu kan hmang zo ta a ni.

Krismas leh kumthar kan hman chhung hian Pathian thlarau thianghlim hnathawh a nasa em em a; inkhawmah pawh lamtual leng lovin kan lâm mup mup a. Nu leh pa, thalai leh naupang chenin Pathian fakin ban an phar a. Nupaa lâm láwp lâwp te, nu leh a monu lâm ho han hmuh meuh chuan hnuk a ulh duh hle.

Hei hi ka rawn report mai theih ni se. Mahni awmna hmun theuhva kan krismas leh kumthar hman dan i sawi tlâng ang u hmiang.

Similar Posts:

Recent Posts:

33 Responses to “Kan khuaa krismas”

  1. 1
    aduhi Says:

    Krismas ka inkhawm, ruai ka thehlo. New Year ka inkhawm, ruai ka theh bawk, bawngsa ruh tam deuh min pe, salad ami hmarcha thak tawk mai ka seh fuh. Report zo der.

    [Report abuse]

  2. 2
    chemtatrawta Says:

    Tuaite, in khaw hming hi i sawi lo a..

    [Report abuse]

  3. 3
    mamboihi Says:

    Krismas leh New Year ka inkhawm ve ve, ruai ka theh bawk! Krismas leh New Year inkar ah Kohhran member lusun 3 kan nei, a changin khawhar in kan kal a, a chang leh hlimtakin kan zai leh.. Chhangban kumtharah kan ei ta bawk.. :happy: Chu zawng chu ka report theih ani e.

    [Report abuse]

  4. 4
    sheldon Says:

    Tuaitea chu i hmang nuam, ka lawmpui che. Biakin leh zaikhawmna ah te chuan i lam ve em aw??

    Krismas & Kumthar – ka inkhawm lo, ruai ka thehlo bawk. Mahse Hospital ah Mas vawksa kan ei ve tak e.

    [Report abuse]

  5. 5
    mamboihi Says:

    OT. Sheldie kumthar chibai le.. Hospital ah in la awm ani maw?. In that zel ka beisei e. Ka lo tawngtaipui ve thin che u.

    [Report abuse]

  6. 6
    chhana Says:

    Krismass ni ah ruah surin min ti buai deuh mahse, Lal Isua’n a hun hnuhnung a hmanna Getsimani huan ka tlawha; a lunglen thlak khawp mai. Kumthar ah chuan hna ka chawlh theih loh avangin ka hna ngaiah ka bur. Ka phur loh em avangin ka nguai nileng.

    [Report abuse]

  7. 7
    sheldon Says:

    Thanks @mamboih, Kumthar chibai nawn aw. Kan chhuak tawh e. Mahse treatment lak a ngai rei dawn. Min tawngtaipui a ka lawm takzet.

    Tuaitea post ah chuan ka OT ngam zan.

    [Report abuse]

  8. 8
    chhana Says:

    Thingpui ruai leh tisa lam ruai hi enge a danglamna?

    [Report abuse]

  9. 9
    hlatekhua Says:

    Kan awmna khua-ah ve chuan Krismas ni kha ni pangngai nen a inang rura! Urlawk zan khan vur a sur seng seng a, mahse a ‘White Christmas’ tham meuh lo.

    Kan lawina kohhranah chuan urlawk zanah inkhawm a awm a, a tuk Krismas ni tak kha chuan inkhawm a awm miah lo thung!

    Ka fapa upa zawk hi Krismas nia piang a nia, kum tin Krismas leh a birthday lawm kawp ziah a ngai. Tun tum pawh hian kan khuaa Mizo awm zawng zawng ( = kan chhungkua)-in restaurant-ah ruaipui kan theh a, Krismas leh birthday kan lawm kawp leh. :happy:

    [Report abuse]

  10. 10
    Asteric Says:

    Kumin Kristmas chu Zoremin engtinnge a hman ve angle tih ka ngaihtuah tam hle. But she may not feel how much I care, anyway it makes me happy :lol:

    Tuaisiala tihlawmnan :lol:

    [Report abuse]

  11. 11
    ReMpY_ScisSoR Says:

    Tun krismas : Mall ah engmah leilo in voi thum ka kal, movie ka en nual, ka youtube regu hle bawk a, party voi 2, lehkhabu chhiar leh panchhe tuam… :D
    EDIT : ka comment tur chu Asteric chuan lo hre lawk emawni hri hre le :P

    [Report abuse]

  12. 12
    lrpa Says:

    Keini lam chu; ka mu a, ka mu leh a, ka mu zel..chhun ah leh zanah vawikhat ve ve tisa ruai ka theh muah muah a..a chang changin thil ka ziak a..chu zawng chu :happy: nuam ngei mai..

    [Report abuse]

  13. 13
    H.Vangchhia Says:

    Krismas urlawk zanah kan thenawm lawkah ruai thehin inkhawmna kan nei. Kei chu ka inkhawm ve hman talo! Krismas ni chuan chawhnu dar 3 ah inkhawmna kan nei a, inkhawm banah ruai kan theh.

    Kumthar ka hman dan chu thupui ziahsual chiang em em mai hmangin ka post ve tat kha hairehai :P :D

    [Report abuse]

  14. 14
    Asteric Says:

    Keive chu ka rilrua awm bak ah khi chuan Male voice in hla kan zir regu hle a, ka kal leh hawna a hla tham bawk nen chumi atan chuan hun ka pe tam hle. Kristmas ni takah ruai ka á¹­heh a, chuan ka á¹­hianpa te in ah tlaivar deuhthawa fiamthu thawh in zanhnih ka riak a. Kum thar ni ah sawhchiar kan pir a, chuan Marine drive(Nariman point) lamah kan lengkuala, a vawh em avangin kan awm rei peih ta lova…Powai Lake lamah haw in ka mu kawm nghal :lol:

    [Report abuse]

  15. 15
    TuaiSialA Says:

    Kan khua kha Aizawl atanga km 160-a hla, Mizoram hmarchhak khua, Vanbawng a ni e.

    Asteric leh Zoremi hi misual.com dânin inneihtir mai ang u. Nakkum lamah chuan in hmandun ngei ka beisei. A mipa hi han che chak deuh se. :-P Sheldon, ka lo chhukthla tep a, ka lo kan ang che u. Mamboih, a va pawi ve aw.. Nikum kan krismas hman dan a nih kha! Aduh, report tawi thiam hle mai. Hmarcha thak tawk chu i seh fuh nawn sak em?! Ruai nawn i ni mai a.. :-D K’u Trawt, ka sawi ta e. :-) Chhana, in hman dan chuan lunglai a va kuai bik dawn em! Sa hi tisa lam ruai an ti deuh bik a. Thingpui chu thingpui ruai. Hlatekhua, in krismas hmang chu in khua a har viau dawn a nih chu, kawng lehlam takah chuan a hlimawm viauin ka ring. lrpa, ‘hosana..mu zelin aw..’ i ti a ni maw?! :-) I thil ziah chu a theuneu lovin a pawimawh lehpek ang chu aw..! In krismas hman dan a ngaihnawm e. Ka lawm e.

    [Report abuse]

  16. 16
    H.Vangchhia Says:

    TS, ka masi ni inkhawm ve hi, ka hnunglam a miin min phawk chiang kher asin hairehai. Ka veilam a thute hi Pu Lalruanga (Vulmawi) te nupa:

    http://i.imgur.com/GQL05.jpg

    Ka thla rawn latu ka han hmet ve hram. Pu Lalruanga fapa Victor:
    http://i41.tinypic.com/2vnm2kw.jpg

    [Report abuse]

  17. 17
    Asteric Says:

    @TuaiSial…Ka han che chak ange… ReMpy hian min duh tak tak loh chuan no.2 Sub no.(a) a mi hi ni leh mai. Nang chuan ila na leh dawn lutuk :lol:

    [Report abuse]

  18. 18
    chhangteval Says:

    Christmas Ni pawh khan ka misual thei reng a, mahse christmas Ni em em a misual kha chu a luck loh thlak ka ti ve bawk sia ka misual ta lo mai. . haire nghe!!

    [Report abuse]

  19. 19
    TuaiSialA Says:

    Pu Hv, facebook lamah ka lo hmu tawh a, ka nuih a za raps mai mawle..hahaha.

    Asteric, ka la-na ziah love a! Ti ve ziah.

    Chhangteval, nghe nghe nghe. :-) :-P

    [Report abuse]

  20. 20
    dingtea Says:

    in krismas hman dan a thra hlawm hle mai, kei chu ruai ka theh ….

    [Report abuse]

  21. 21
    Chhuaklinga Says:

    Vawksa kan, bawng chek, bawng kawchhung, bawngsa chhum tuipui, salad, chi, hmarcha leh buhchangrum te hmangin krismas leh kumthar ruai puar takin ka theh. Dam man awm tak a ni. :)
    tren tren.

    [Report abuse]

  22. 22
    Dr Mahminga Sailo Says:

    Krismas urlawk zan (Krismas Nang nen, Th(r)uai mai a!!) nuam bon tawk in ka kaihruai a (insawithei lawks). Krismas erawh inkhawm zaihruai, zaipawl hla rem, zaikhawm hruai, Krismas chawchhun leh zanriah. Ka tlai, ka puar ka fan… :D

    Kumhlui thlah zan chu ka paws tawh khi. kan hlim hle. Programme zawh hnu ah, thiante inah kan ti ti tlaivar ringawt! Pawngsen tlaivar erawh ka ti duh bik chiah lo :happy:

    Kumthar ruai a tui, ka puar leh hle. Zaithiam ni tawp silo in, Zai ka hruai vang nge ni ka zai tui em em reng; ka hruaite an tui ve erawh ka hriatpui lo a… :D

    Krismas leh kumthar ka hmang nuam; mahse…, a ngaite in hmanpui tur(?) ka la van tluang zel :D:D

    [Report abuse]

  23. 23
    keimah Says:

    TS, Bawng rau rauah chuan Vanbawng hi a sa a tui hmel!! :lol: Kan khuaa kan krismas hman á¹­hin dân leh in hman dân chu a inang khawp mai! Lung i tilêng vêl e…

    [Report abuse]

  24. 24
    shailendra Says:

    Vanbawng talh a ruai han nawn tlut tlut mai chu a nuam awm mang e. :lol: Khawpuiah hi chuan tlaivar a zaikhawm hi a sak tawh khawp a sin.

    Krismas ni kha chu kohhran tam zawkah chuan Thingpui ruai a ni ve deuh fur in ka ring. A tukah keini pawhin ruai chu kan theh ve a. Kumtharni pawh thingpui ruai in kan hmang a, a tukah ruai. Kumthar ruai ni hian Mizoram chhungah chuan ruah nen kan hmang deuh thup a nih hmel. Kan kohhran-ah pawh ruah a sur avangin, krismas ruai kil kha mi 250 vel in kan pha lo. Krismas khan mi 2400 chuang hret in ruai kan kil a.

    [Report abuse]

  25. 25
    badboy Says:

    Krismas leh kumthar in kar khan ka bike side glass min ruk sak daih mai a.. :lol: bawngsa rui sual deuh ho in a niang :lol:

    [Report abuse]

  26. 26
    Pc-a Says:

    Inva hmang hlawm ve? Sawn thlak in awm emlawng chu maw.

    [Report abuse]

  27. 27
    Atom c Says:

    Picture i dah ka lo beisei deuh a, a awmlo a nih hi. Hmun hran a tang chuan a thu ringawt hi chu kham awmloh thin. ;)

    [Report abuse]

  28. 28
    XaiA Says:

    Ka kal chak ve fu mai…kan chhung te an la tam viau a sin.

    [Report abuse]

  29. 29
    PKfanai Says:

    Krismas hi chu Khawpui aiin Thingtlang lamah a nuam zawkin ka hria. :)

    [Report abuse]

  30. 30
    Asteric Says:

    @PKfanai….Facebook lamah msg ka rawn thawn che kha aw :wink:

    [Report abuse]

  31. 31
    PKfanai Says:

    @Asteric, ka la zei lo lutuk a, ka zawng hmu thiam ange maw le? Coaching pek i mamawh a mi? I Sava veh lai hi a tit hmel riau mai a, hetiang hi an zùn a uai a na duh zek a nia. Haha

    [Report abuse]

  32. 32
    chawnghilh Says:

    Khumtung-ah Christmas Day chawhma lam ka hmang, chawhnu lamah Aizawl panin Paikhai Road lamah ka chhuak thla leh. Ruai ka buaipui hman lo. :lol:

    [Report abuse]

  33. 33
    CFL Says:

    In hmang nuam bik hle mai.

    [Report abuse]

Leave a Reply

You must be logged in to post a comment.