Min bum tawh lovang

January 31st, 2012 2:00 pm by lr hlonchhing

Ka hre lo tak zet zet. Tunlai thalai ho han awmherh tawh zia hi aw..ka lo ti thin. Eng eng emaw sign leh tunlai tawngkam tak hmang hian an inbe kual reng a. An induh nge, an thinrim tih pawh a hriat loh; hriat ka chak thin.

E..e ka hre tawh. Ih…ih ka hre ve chiang. Min va han bum tawh awm hlei love aw. Thalaiho hian rualpawl lo lutukah min ngai tawh bik suh u. Khai mah aw…

1. KZP- Ka ngaihtuah nasa thin. “I thusawi/ziah kha..KZP” an han ti ngawt a.”Ka Zah Pui” an tihna-ah ka lo ngai a, ka insit thei hle. “Kut Zung Pui” ka chhawng e tihna zuk ni a. “Ka e kham chiah..kzp” ka ti thla ta zên a.

2. SOS – Khai aw..Son Of Son tihna lamah ka ngai a, “Thank You” tiin ka chhang thla ngawt pek a. “Save our soul” emaw “Send out succour” tihna a ni tih ka hriat hnu chuan, “Thank You” ka ti ta ngai lo.

3. “Hoors” an tih pawh hi ka hria. Hmana “Awi, ka nu Lucknow” an tih thin nen khan a inang reng. Mi bum tum suh.

4. Fb-ah “Liana was tagged in Liani’s photo” tia a inzìah chuan, Liana leh Liani chu an innei tep tawh ah ka lo ngai leh pek a. Liana’n, Liani a lo star ru hle tihna zawk a ni. Ka chiang khawp mai, dawt sawi tum suh.

5. SMS ah hmeichhia-in “weinch” an tih chuan, ka lerh ve tan an tihna. Mipa in “einch” an tih erawh chuan, an kua a puar tihna a ni.

6. Fb/sms/email ah (:D) hi an dah teh fova, “Duh” an tihna ah ka lo ngai a. Ngaihzawng ka neih tawh thu ka lo hrilh thin a, an reh zui vang vang zel. An nui tihna a ni zawk a, lawm hle tur a ni.

7. ( K ) an dah chuan, “Kiss” tihna a ni a. Sâwnpai hreh lo tan ^__ ti a chhan tur a ni. Virgin tawh lo (centre shock) chuan, > ___ ti a reply tur a ni a. <___ ti a chhang ngam chu ka la Virgin (centre fresh) tihna a ni thung a, ngaihsan hle tur a ni.

8. Fb-a Like in tih hi, Lie..k ti a chhiar tur. ‘Dawt ka sawi’ an tihna. Ka hre ril asin.

9. ( I ) an lo tih erawh chuan…E, e ka hria. Science ah chuan ‘ I ‘ chu Current tihna maw le. Current in nei lo ve zeuh zeuh thin em? tihna a ni ang.

10. ( * ) -Hei hi a tha. Ngaihthat hle tur. An star che tihna lam maw le. Mahse, induh tlat tur a ni. Induh tawnna aia hlu a awm chuang lo a nia. Nupui nei lai tan erawh, ( # ) ti a chhan tur a ni.

11. ( F ) – Hei hi “F**k” an tihna lamah ka lo ngai leh bawk a. Intifel takin ka lo ngawìhsan veng veng zel a. Rose par lek a lo ni a, tifuh lo tak ka ni.

12. Tam tak chuan, “Ui ha” hi an uar lutuk a, an “ui ha” tak tak lo; an duh ru tho. Ka hria..

13. “I miss you” min tih hian, “Ka nula che” an tia maw ka lo ti a. Mipa ka ni si a, ka nula han intih te chu a ka lo ti bai bai thin.

14. Fi -Thu awmze nei lo a lo ni. “Hmeltha fi” an tih chuan, a tha tak tak lo tih hria ang che.

15. C.K- Hei hi Calvin Klein an sawina-ah ka ngai leh pek a. “Changkang” tihna daih maw le. Mahse, CK tih tawngkam hmang tam tam hi, nu leh pa ringa lo inchhek-arbawm an ni duh lutuk.

16. Hit t0p – A vawt an tihna em ni? Teuh lo… A “hit t0p” an tih chuan, ka rai mai thei an tihna. Min bum chuang lovang, mi bum tum suh.

17. Chhas lo- Hei hi Mi fel sawina zuk ni daih a. “Zu inpui ka tum a, a duh lo; chhas lo tawp” an tih hian “A fel lutuk, zu a in duh miah lo” tihna-ah ngaih tur. Ka hre vek, kha daih kha asin.

18. Gun – Silai lam a ni lo, thil dang daih maw le. I hre duh em? Syringe tihna alaw…m.

19. Zei- A in ât tihna lam a ni lo. A lerh thiam lutuk tihna.

20. Khal – A thau an tihna. “A khal tawp” an tih erawh chuan, “Lerh ru ve tho ang em!” tihna anga ngaih tur. Kha kha ni mai…

Thlarau sualin min tur chuan, kan chhunzawm leh dawn nia.

Similar Posts:

Recent Posts:

115 Responses to “Min bum tawh lovang”

Pages: « 1 2 [3] Show All

  1. 101
    Maya Says:

    (Y) :-D

    Report this comment

  2. 102
    lr hlonchhing Says:

    Ka’n mu tawh te’ng. Heta tang ngei hian mangtha muttui vek u.

    Report this comment

  3. 103
    ChhanaPa Says:

    Henry Vangchhia tihna lek a nia……. :-P

    Report this comment

  4. 104
    H.Vangchhia Says:

    Chu chu tinge?

    Report this comment

  5. 105
    stan marsh Says:

    hahahaha..KZP

    Report this comment

  6. 106
    ChhanaPa Says:

    Eng tih na mah a ni lo…. :-D ;-) .. Sawi ve mai mai..

    Report this comment

  7. 107
    ChhanaPa Says:

    Mangtha vek u.. (O)

    Report this comment

  8. 108
    H.Vangchhia Says:

    :P :D

    Report this comment

  9. 109
    Benny Says:

    KZP khi a lo ni reng a ni maw…eng tihna nge maw ni aw ka lo ti fo thin…

    Report this comment

  10. 110
    lr hlonchhing Says:

    110, comment off a ni e. :-P

    Report this comment

  11. 111
    badboy Says:

    1st.. comment on leh chiah e :-D

    Report this comment

  12. 112
    XaiA Says:

    1st an tihzawhah 2nd an awm thin…kei pawh hei hi ka chiang! Min bum bik lovang…

    Report this comment

  13. 113
    lr hlonchhing Says:

    Keipawh min bum lovang :-D

    Report this comment

  14. 114
    Benny Says:

    Min va’n bum tawh bik awm hlei love aw.,.

    Report this comment

  15. 115
    Tialthluaii Says:

    Tiang ang deuh hi Pu Vanneihtluanga blog ah ka chhiar tawh :-S

    Report this comment

Pages: « 1 2 [3] Show All