Kar hla thian

January 30th, 2012 8:00 pm by H.Vangchhia

Naupan laiin Shillong lamah lehkha zirin ka awm ve ṭhin a. Hetih lai hian The Beatles leh Abba an lar hle ṭhin. Chutiang karah chuan keini rualho zingah “Penpal” neih kan intihhmuh ṭhin hle bawk.

Penpal (Kar hla ṭhian) kha tunlai Facebook ang deuh ani ber awm e.Ṭhiante ṭhian kan ṭhian ve leh chhawng a. Tin, magazine-ah te khan ‘Penpal column’ a awm hrang thliah ṭhin.

Tichuan, Penpal chu midang ang bawkin ka nei ve ṭhin a, ram hrang hrang stamp khawn khawm kan uar phah viau nghe nghe bawk. Lehkha ziakna puan cheimawi tak tak chu dawrah kan lei ṭhin a. Lehkha-ip (envelope) pawh kan duh uluk ve ṭhin viau a ni. China, USA, UK leh hmun hrang hrang ami te nen lehkha kan inthawn kual a, piancham thlengin kan inhriatsak bakah lawmpuina dawng hman tur ngeiin lehkha kan inthawn ṭhin. USA leh Japan aṭangin present thawn (chocolate ilo) an peih viau ṭhin.

Penpal tur a kan duhte hnenah chuan tia’ng deuh hian English thiam ang tawk tawkin bul kan han ṭan a:

Hello …,

My name is …. and i am from… and i am … years old. My hobbies are…I saw /got your address from… and i hope we can become friends…”

Hetiang a bul kan ṭan hnu hian min rawn chhan chuan kan in be chhunzawm ta ṭhin a. Thlalak te inthawnin kan chanchin kan inhrilh chho zel a, inngai tawn takin alo awm ve theih viau ṭhin a ni. Inbetlang thei reng kan nih loh vangin an mi chhanna a ngahhlelhawm ṭhin viau mai. Mipa leh hmeichhe inkar lehkha inthawn anih chuan lehkha-ip (envelope) chhinah khan “Open with a smile” tih te kan ziak tel bawk ṭhin a. Lehkhaah chuan perfume te kan phuah nam châng pawh a awm thin.

Hetiang ka “Penpal” neih hmasak ber chu Florida ami niin ka hria a, tun thleng a ka thian ni zui ta chu Alabama ami, Cassandra niin, an chhungkua nen pawh thiantha (family friend) kan ni chho ta zel mai.

Khang hun kha chuan kan social network (ang) a ni ve ber mai a. Chutiang a lehkha dawn hun nghak a thlahlel tak kan nih laiin thenkhat chu nupa hlim takah te pawh an inchhuah fo thin reng a ni.

Hetiang thil hian mihring rilru chhungril thleng maiin alo khawih thei hle tih chu he hlathu hian a sawi chiang viau awm e.

Kawlvalenchham a leng thian duh tak
I tan thaikawi biahthu ka rawn tir a
Aw sakhmel tawnni her lo,
Mahse i hlimthla thlirin
Thinlaiah aiang i cham reng e

Van dumpawl leh boruak thiang karah
Awmhar kan run riangte ah hian maw
Kei lungmawl hian lung chimten
Ka dawn vawng vawng thin che a
Sakhmel tawnni awm silo ka thian

Sakhmel tawngloh kar hla thian
Kan kar lamtluang a thui vawng vawng
ka thinlung chhungrilah
I chamreng aw ka thian

Thaikawi biahthu ka hlan tawh che a
I thaikawi biahthu min hlan ve la
I sakhmel mawi leh anka mawiin
Lairilah a fan ngei e
Engtikah tawnni her ve ang maw?

Sakhmel tawnloh karhla thian
Kan kar lamtluang a thui vawng vawng
Ka thinlung chhungrilah
I cham reng aw ka thian
(repeat 2nd last stanza)

Similar Posts:

Recent Posts:

37 Responses to “Kar hla thian”

  1. 1
    Ruata Pachuau Says:

    .

    Report this comment

  2. 2
    TuaiSialA Says:

    Ka ngai em a che..

    Report this comment

  3. 3
    aduhi Says:

    ka Stamps post khan a inspire chiang

    Report this comment

  4. 4
    thachianga Says:

    Penpal – school kallai min ti hrechhuak, lung a leng e

    Report this comment

  5. 5
    Ruata Pachuau Says:

    SHS,lunglei atangin ka roll no. address in lehkha ka dawng nawlh mai a, kan sikul peon in class-ah mitam thep thawp laiin lehkha ip mawi ang reng tak mai min rawn pe, a thawntu hmeichhia alo la ni zui…………. a tukah sikul ka la kal ngamlo vel…… hahaha :-$ :-D

    Report this comment

  6. 6
    Chhuaklinga Says:

    Penpal, lunglenthlak lutuk. (Y)
    Tunah chuan kan awmdan leh tihdan te a dang zo ta, ka mispal vek in ni e. (F)
    tren tren.

    Report this comment

  7. 7
    century child Says:

    I lung a leng chiang.. :-)
    Radio hlathlan-ah khan he hla hi a lar thin khawp mai. La lar tak ang maw

    Report this comment

  8. 8
    mr.Duhlova Says:

    Petera aw chu hriat a va khat ve….lunglen thlak hle mai (8) (F)

    Zai hri hrimah chuan, i zai thiam zawk ka ti…:-D :-D

    Report this comment

  9. 9
    Kawnga Says:

    @Ruata Pachuau, kei pawh i tawn ang deuh chiah khian Cl – X kan nih laiin ka tawng tawh. Post Man-in kan teacher a rawn berbawr sur sur a, ka roll number a rawn lam ta lauh mai a. Pen Pal-a min rawn zawn risk na a lo nia, Due-in a la rawn thawn zui. ‘I khul dawn em?’ min tia, an lo nui dur dur leh nghal. Sen tawn tawnin ka’n khulh ve tak ngei kha. Kan inchhang let ve zeuh zeuh a, tunah chuan ka hre zui ta lo.

    Report this comment

  10. 10
    ^-||R@lT€||-^ Says:

    PC atangin ngaithla tengs…

    Report this comment

  11. 11
    chhimkeite Says:

    Kawnga i hriat khawp kha a, tuna in nu hi i pen pal chhass a ni lawm ni. :-$

    Report this comment

  12. 12
    coolsoul09 Says:

    Lehkhathawn ziah ka peih ang hu hian Pen Pal tak hi ka nei miah lo a ni awm e. Bialnu deuh reuh thian deuh reuh bawk si kum hnih dawn ka nei a..chu erawh chu lehkha-in ka chhu ngun tluk tluk khawp mai. Tun hnu hian khang lehkhathawn te kha ka chhiar leh chak a.. Tawngkam hi kan bei duah ve thei sia.. Khung khawm awk tham chu kan inthawnin ka hria. A mi chhanna pawh thulmawngah eh! Suitcase mawngah a hlawmin ka hreng hrang a..ka la dahtha ve khiau a nia :D

    Report this comment

  13. 13
    chhimkeite Says:

    Hei Coolsoul chu chu. chu ngei chu rawn phawrh nghal rawh. kann chhiar chak a nia. This is not a request. Its an order..ha ha… :-O

    Report this comment

  14. 14
    sheldon170 Says:

    Lehkhathawn ziahnan khan onion skin, a paper chuar nem deuh chi te kha kan hmang vel thin a…haha, a lunglenthlak hle mai. Scrap book siam lai te ;-(

    Report this comment

  15. 15
    Pc-a Says:

    khi hla khi kan sa ang e, lo ngaithla ru.

    Report this comment

  16. 16
    kilung Says:

    Penpal tih tak ah chuan lungte pawh aleng dawn lam le… Hmelhriat ngai miah loh hnen atangin lehkha han dan nawlh chu.. thiante lak ah chuan lan hawi lalh lalh bik thei ani :-D

    Report this comment

  17. 17
    coolsoul09 Says:

    @14, Slam book i rawn sawi a…lolz..a nuihzatthlak riau. Mahni tawka inlak theng thawng theih ve teh reng nen khan Slam Book kha ka nei tlat bawk a. A chei chu ka chei tur ve khawp mai a..College-ah maw le!!!! LOL..Lady Keane lam te , St. Marys nula ho te pawh ka ziahtir liau luai a..A hnu lama milar ni chho ta te pawh an awm ve a…tawngkam ui lo taka ka laka an chhakchhuah changchawi hian engtikah emaw chuan ngenngawl takin ka la rikrap hlawm ang maw le :D :-O

    Report this comment

  18. 18
    coolsoul09 Says:

    @14, Slam book i rawn sawi a…lolz..a nuihzatthlak riau. Mahni tawka inlak theng thawng theih ve teh reng nen khan Slam Book kha ka nei tlat bawk a. A chei chu ka chei turu ve khawp mai a..College-ah maw le!!!! LOL..Lady Keane lam te , St. Marys nula ho te pawh ka ziahtir liau luai a..A hnu lama milar ni chho ta te pawh an awm ve a…tawngkam ui lo taka ka laka an chhakchhuah changchawi hian engtikah emaw chuan ngenngawl takin ka la rikrap hlawm ang maw le :D :-O

    Report this comment

  19. 19
    Robert April Says:

    Lehkha thawn kan ziah ah khan hla thu thlum deuh ziah tel kha kan hrat ngawt mai…tun hnu a ka ngaihtuah let hian hlawp hlawp a ka ti fo. Tunlai mi te chuan an ten zawk ngawt in ka ring :-(

    Report this comment

  20. 20
    sheldon170 Says:

    Thil reng reng hi a hunlai a awm ve alawm. Envelope hman bik han neih lai te kha a lunglenthlak. Penpal kha, a roll number a zawng te khan kan va uar tak. Lung a leng.

    Report this comment

  21. 21
    Lamji Says:

    Penpal vel kha hmeichhe tih tur ah ka lo dah ngawt pek a.. NO :)

    Report this comment

  22. 22
    TuaiSialA Says:

    ­

    Report this comment

  23. 23
    ultimate Says:

    Nia, lung i ti leng laikairawk! Class-V ka nih laiin Lunglei lam atangin ka dawng ve , Modern English School Class-V, Roll No-22 a rawn tia, VL Hmangaihzuali, Lunglawn tih pawh ka la hria. Lungleia ka awmna lah a rei ve ta, a in kai bawr ve nasa tawh ngawt ang chu. La dam tak maw? Heng site te hi thlir ve tak ang maw?

    Report this comment

  24. 24
    Chemtatrawta Says:

    Keichu face to face hian min rawn facepal thin.. ;-)

    Report this comment

  25. 25
    Chhuaklinga Says:

    Hahaha, lamji kan thawn hmasak pawh ni lova han dawn nalh mai kha chu nuam ve deuh a nia aw. :D
    tren tren.

    Report this comment

  26. 26
    dolly dollz Says:

    Lung i van tileng ve, ka lehkhadawn ho ka la dahtha tak asin. Tunhnu a han chhiar leh hian mahni chauha nuih vur vur a awl luttuk

    Report this comment

  27. 27
    lr hlonchhing Says:

    Ka lung a ti leng pha ve chiah lo nain, a hla chu ka bel ve khawp mai. Tape Recorder-ah ka ngaithla ve thin.

    Report this comment

  28. 28
    mamboihi Says:

    Peter a hla “Thuampui” tih emaw ni kha a nalh ka ti…
    Pen pal ka nei ve ngailo a, in sawi danin a nawm viau hmel hi…..

    Report this comment

  29. 29
    Asteric™ Says:

    Kan naupan lai, Pawl engzat nge kan nih ka hre tawh lo, hian Lunglei rahsi veng aṭang, a class rualpui leh Roll no. milpui chiah nihna angin letter a rawn thawn a, hmeichhia a ni nghe nghe. Letter kan la dawng ngai si lova ka ṭhian te nen kan chhiar a, thawn let ve kha a phut tehlul nen ṭhiante hovin a hming an lo chhinchhiaha min chhaih nan an hmanga chhanlet ka tum pawh ka ṭhulh phah in ka hria ;-)

    Post tupa chu Pen-Friend nei changkang bik hle mai, an hausa ni ngei ngei ang :-P

    Report this comment

  30. 30
    kawlhawk Says:

    A ngaihnawmin a lunglenthlak mange, penpal ve hman lo mah ila… :)

    Report this comment

  31. 31
    johnny_ralte Says:

    Ho em mai pen pal tih vel. Te ka tia…

    Report this comment

  32. 32
    lrpa Says:

    (Y) (Y)

    Report this comment

  33. 33
    hmingtea Says:

    Kei chu pen ka nei thin a pal erawh ka nei ngai lo hahahah

    Fountain pen,wingsung pen ,sherfar pen etc hahaha

    Report this comment

  34. 34
    H.Vangchhia Says:

    aduh #3 a dik lutuk. Ka lung a tileng em a ni e hairehai :-) (Y)

    Report this comment

  35. 35
    Lemonvale Says:

    Penpal hi pawl 8 ka nih atangin sap tawng zir nan ka nei ve ngial thin. The Teenager magazine (Allahabad lam chhuak) kha kan han subscribe ngei ah ! Lung i ti leng e.
    HV, in khaw lamah kan chhungin kan awm, zanin pawh Washington DC (Hilton) atangin ka rawn online ve a nih hi.

    Report this comment

  36. 36
    H.Vangchhia Says:

    Lemonvale #35 contact no. vangchhia@gmail.com ah min lo hrilh thei em?

    Ka chau deuh a ka muhma alawm mawle …

    Report this comment

  37. 37
    H.Vangchhia Says:

    Ka lung aleng :-S

    Report this comment

Leave a Reply

You must be logged in to post a comment.