To,
Ahmasa berin Pathian zarah i dam lai ani tih ka hria a ka lawm e.. Kei pawh ka dam e.. Khawvel thiamna kutchhuak Mobile phone te hi a hlu in mel za tam karah pawh i awka min hriattir theitu nimahse kei mi tawngmawh leh dangawk hian tawngka ina ka sawifiah zawhloh a ngahin he lehkhathawn hi i tan ka hlan tih i lo hre dawn nia. Kei mi mawl hi i lakah ka tlawm in ka lehkhathawn tira ‘To’ tih tawp te khi ‘To ka hmangaih’ tih ka chakzia chu i hriat ngei ka ring, mahse i thinlung chhungril ber ka la hriatloh leh ka la rinngam loh avanga dah theilo ka ni tih i hriatthiam ka ring tlat bawk ani..
Kum tam kan inhria in kei ngei pawhin i lakah hetiang rilru ka put ka inring ngai lova, nang pawhin mumang lamah pawh i man phak ka ring ngailo, a mak em ani e.. Mihring ve mai ka nih avangin i tawngkam tha leh aw ka nem ka lo hrethiam lova, beiseina nei ka lo nih erawh chuan i mi ngaihdamna ka dil a, min hrethiam hram dawn nia.. Mahse ka mangan leh rum nite (i hriat kha) a ka lungngaihna min tawmpui leh ka hlim ni te a min hlimpui leh lawmpuina thinlung te kha ka tan a hlu in eng sum leh pai mah in a lei zo dawn silo, sappui tawng takin ka tana i hlutna te hi “It’s priceless”.
I laka hetiang rilru ka put hma pawhin ka thiantha ber i ni tih nang leh kei hian kan hria a, i mangan leh lungngaih ni a lo thlen te khan ka thinlung a mangang in a ngui thin a, kawngtha zawk i zawh theih nan ka lo hmanhlel ve êm êm in i tan ka theihna tlemte hi ka sengin i hma ngaiin ka lo buai in thurawn te pawh kan pe ve thin che in Chunglam ah te pawh ka lo thlen ve thin, mahse ka lungngaih ber laia min hnemna thinlung leh ka nuna hlimna, lawmna leh hahdamna i thlen te ngaihtuah chuan i tana ka tangkai ve na leh ka theihtawp a i lawmna thlen tura ka beihna te kha a beitham in America Sawrkar leh Bangladesh sawrkar ropui zia tehkhin ang hlauh a niin, a inthlau si. Ka phuloh malsawmna ka dawn ni a ka rawn phone che a, khawlai a i awm chunga min duhsakna avanga i au leh nui ri te khan ka thinlung hi lawmna avang in khawvel dangah a chen tir si.
Kei mihring azawnga themtlaw tak leh rualpui te zinga a hnufuam mi, naupan lai pawh a Boss nilova kid ni thin, Boss te lehkhachaih nana ka nu khawlla ka ruk thin avanga kid number 2 ni pha tawk thin hian chhuantur ka nei lo tih i hria a. Mahse, thiam vang nilo leh tui avang chauh a ka thuziak tlawmte min hlutpui thin te leh he site ngei a ka thuziak te lo en rawh ka tiha i lo en thin te, min fakder sak thin te kha ka tan a lawmawm in a bak lawmman a awm thei chuang lo asin.. Hmangaihna film tlaktlailo Twillite a ‘Bella’ i ang maiah chuan min ngailo la, ka tan chuan ‘A walk to remember’ a Jonathan atana Pastor fanu a hlutzia ang mai kha i niin hma thar min sawntir in i tawngtaina te kha ka tan a hlu asin.
Thil tam tak i bulah ka sawi tawh a, a chian lehzual nan ka rawn thuahhnih ani e. Awm ang lo leh mak ti thin mah ila, Kei tihlam ti tlut leh luhlul tak hian i lakah ka thinlung ka leihbaw tawhin, kohkir leh rual ani tawh silo, ka rilru puthmang leh beidawn duhloh zia chu nang bawk hi a hrechiangtu i niin keizawng ka thinlairuk lawm a kim ve nan chuan ka nghak theiin Hun hian awmzia anei mawlhlo tih lo hria la, Chatuan em anih loh chuan ka nghak nâng che. He lehkhathawn i hmuh hian thil tamtak i rilru ah a awmin i ngaihtuah ngei dawn a, Mahse kan lalpa Isua ina Marthi in a nau Mari a heka a Sawi “Marthi, thil tam tak i ngaihtuah a i buai ani” a tih kha lo hrereng turin ka ngen che ani.
Ka thinlung a awm zawng zawng ka ziah chhuah vek chuan lrpa, Dr.zualbonez, lr hlonchhing, Dr.Kawlhawk, badboy, Rev.Dr.Tuaisiala, RempySM, AstericsTM te ho in chhiar hma hauhin “A va sei ve” , “Lehkhathawn sei tak ani” tiin an rawn comment palh ange, ka duhtawk mai ange.. Mahse, ka thinlung takin ” Ka Hmangaih che” ti hian ka han khar ange.
I tan chauh..
Lamea25
Similar Posts:
- Love Story- IV (Ka Thài)
- Nang i ngawih tlat si chuan…!!
- T Melody – Thinlung Thawnthu
- An zalh ta!
- Thinlung Bawng In
January 21st, 2012 at 9:32 pm
Kei chu love letter an tih hi vawi khat mah ka la dawng in ka la ziak ve ngai lo..
I ziak thlum thiam hle mai!mahse thui em mai,zatve chauh ka chhiar , hun awl neih deuh hunah chhiar zawm leh tur nih hi.(spelling mistake hi ka va han nghah thei em!..
Report this comment
January 21st, 2012 at 9:35 pm
kan chhiar teh ang.
…khrum
Report this comment
January 21st, 2012 at 9:46 pm
A lo chhiar ve a nih ngai chuan ahre nawn em em ang.
Report this comment
January 21st, 2012 at 9:52 pm
ziak thiam hle mai, chhiar anuam e..
Report this comment
January 21st, 2012 at 10:00 pm
Thlum dap dap hle mai
Report this comment
January 21st, 2012 at 10:10 pm
Hmangaihna lam ai mah chuan ‘Boss’ nilo a ‘Kid’ nih thin lai khi han sawi zau leh teh,hriat chakawm lawm le..
Kei pawh Kid ka ni char char a, Boss ni rual kan nih ve khan tuman kid nih an duh tawh lo 
Ngaihnawm lutuk e..
Report this comment
January 21st, 2012 at 10:12 pm
A lo dawngtu nih a chakawm hle mai.. Thawn tur ka neih hunah ka la ruai ang che.. Ziak tha khawp mai.
Report this comment
January 21st, 2012 at 10:14 pm
I va ziak sei ve
To
Lamea
I laka ka tlin lohna leh zahna namen lo te chuan, min phuar bet zo ta ngang lo a ni e. Ih e, hei hi hrilh che ka chak thin, i ziak tha khups mai.
He ka thuziak tawi te ina i mitmeng paw riai lem lo a hmachhawn bik tur erawh, keima ziak ngei mah nise; ka thîk deuh a ni.
Kawlhnuna of Serchhip style hi hi…
Ka lawm e,
I tan chauh,
Lr hlonchhing.
Report this comment
January 21st, 2012 at 10:15 pm
He ka thuziak tawi te ina i
mitmeng paw riai lem lo a
hmachhawn bik tur erawh,
keima ziak ngei mah nise; ka
thîk deuh a ni
KZP
Report this comment
January 21st, 2012 at 10:28 pm
Hmanni ah kei pawh love letter ka dawng ve a. A envelope-ah chuan TO WHOM IT MAY CONCERN, IT’S a LOVE LETTER te a inti vel! pip pip pip
Report this comment
January 21st, 2012 at 10:48 pm
Tuman a ‘sei’ ti suuu, a ‘thui’ tih tur..haha
Report this comment
January 21st, 2012 at 10:50 pm
u sheldie chu.. Sual
Report this comment
January 21st, 2012 at 10:50 pm
To,
Lamea..
I ziak thiam dap dap khawp mai..i zarah keini misual ho hian article chhiar tur te kan nei thin a,a lawmawm e..ziak zel rawh..
Yours,
Tete-i
mi(sual) nula..
Report this comment
January 21st, 2012 at 10:55 pm
To U-Tetei
Kei Val mawl hian nang ang saron par iang hmeltha fakna hi ka phulo asin. Vawksa rep leh chaw rum ringin ngal fimin dam nang che.
I Tan chauh
Lamea
Report this comment
January 21st, 2012 at 11:02 pm
#13 leh #14 chu an lo in englo vel! pip pip pip
Report this comment
January 21st, 2012 at 11:07 pm
To,
Dear Lamea..
Love letter thlum tawk ziah ka tum a,Tarmita te ho an awm ve bawk sia,hetah chuan ka ziak leh lo mai ang..
chuan maw…vawksa rep chu tui ka tia,mahse chaw rum chu ka eithei thrak lo…:-P
yours,
Tete-i
Report this comment
January 21st, 2012 at 11:14 pm
#16 chu LOVE lamah chuan a luangliam tho na a, thlalak mawi dan zawt zawk ru, a hre khawp ang; a nei nalh thei a nia pip pip pip
Report this comment
January 21st, 2012 at 11:17 pm
To U tetei
doral hrang mahse inthen lo’ng aw.. Ka sakhmel hian a hiplo che ani mai thei, mahse Zawngtah iangin ka pawnlam hi phak mahse ka chhunglam hi a duhmi chuan an duh ve chawk sin.
Tarmita re ru chu U Aduhi kan tihpui dawn nia. Chawthing leh samtawk hlir hmeh rawh se..
I tan liau liau
lamea25
Report this comment
January 21st, 2012 at 11:28 pm
lamea
sam sei tawh phawt chu ka duh vek pip pip pip
Report this comment
January 21st, 2012 at 11:32 pm
lamea and tetei kan arranged a che u
Report this comment
January 21st, 2012 at 11:40 pm
Tete, hei i lehkhathawn tur
Lamea hi engmah lo hrilh suh aw. He lehkha ip chhungah hian, Solomona rangkachak khur ai pawha hlu zawk a awm si a
Theih nise ka suangtuahna rualin, ka taksa hial pawh rawn thawn tel ka duh thin
I tan chauh,
Lr
Report this comment
January 21st, 2012 at 11:49 pm
To Tetei
lrpa, Nula lama hrat khawhkheng in a rawn hel che tih tlangkam atangin kalo hria a. Kan thutiam ah khan aw.
Bella i ni lul suh.keipawn Jacob a nih ka zuam lo
Report this comment
January 21st, 2012 at 11:50 pm
To Tetei
lrpa, Nula lama hrat khawhkheng in a rawn hel che tih tlangkam atangin kalo hria a. Kan thutiam ah khan aw.
Bella i ni lul suh.keipawn Jacob a nih ka zuam lo
mangan leh rum mek,
lamea
Report this comment
January 21st, 2012 at 11:50 pm
awi thaw…
mi hmuh atan pawh hetianga a ziak thiam chuan a ruka a ziak phei chu a ril vet vet ang chu aw….
Report this comment
January 21st, 2012 at 11:52 pm
#22,
Report this comment
January 21st, 2012 at 11:59 pm
To,
Lamea,
Hmangaihna dik leh rinawm min hlan tu..Mipakhat tan chauh ka rinawm ang…ehh
Nula luck lo,
Tete-i
Report this comment
January 22nd, 2012 at 12:48 am
Awi!! Tete ka phulo, “i live for you, i die for you” (karisma kapoor i debut film prem qaidi a, a dialoque) hahai
Report this comment
January 22nd, 2012 at 12:55 am
Ka lu a va na reuh e..hei englam nge ni, post tupa sakei doctor?
Report this comment
January 22nd, 2012 at 1:03 am
@ReMpY: love letter lam aniang
Report this comment
January 22nd, 2012 at 1:07 am
A ṭha dap dap e. Love letter ka chhiarchhuah vawikhatna a ni hialin ka hria.
“Hmangaihna film tlaktlailo Twillite a ‘Bella’ i ang maiah chuan min ngailo la, ka tan chuan ‘A walk to remember’ a Jonathan atana Pastor fanu a hlutzia ang mai kha i niin hma thar min sawntir in i tawngtaina te kha ka tan a hlu asin.”
Helai thu hlawm hi ka hrethiam chiah lo. Twillite
a Bella i ang ah a ngai dawn che a nih chuan hmeichhia angin letter hi i ziak tihna em ni? ‘A walk to remember’ ah Jamie ngaizawngtu kha Landon Carter ni bawk si.. helai hian ka luangliam tur min dang deuh tlat mai.
Report this comment
January 22nd, 2012 at 1:13 am
Report this comment
January 22nd, 2012 at 1:44 am
Bella i anga Ler ah min ngai suh tihna ang mawle. Landon ni dawn tak. Sory lutuk.
Rempy, i inbual khat aniang
Report this comment
January 22nd, 2012 at 1:45 am
To
Supandi,
I thu ziak hian i hmangaihi thinlung chu hneh mawlh sela. I thinlung ah a cham a ni tih hria in chu thinlung chu rawn luahkhat ngei rawh se
Asteric™
Report this comment
January 22nd, 2012 at 1:49 am
Ehe, Asteric. Tunge i nih.. School a ka kid thin i ni maw
Report this comment
January 22nd, 2012 at 1:54 am
@lamea25….Ka phuah chawp a nih khi, Tinkle Book hi ka chhiar nasaa a thu nen khian a in hmeh em a
Report this comment
January 22nd, 2012 at 1:59 am
Report this comment
January 22nd, 2012 at 3:44 am
To,
lamea the supandi,
Kei, mihring azawnga mihring ber mai hian ka mihrinna hi nang, mihring hnenah ka puang chhuak lo thei lo a ni.
Ka chhiarchhuah dap avangin spelling mistake pawi thei chi (awmze dang daih nei) pakhat ka hmu hlauh mai a, mahse, ka kamtampui lo mai ang e.
I ziak thiam khawp mai.
I tan,
I tan chauh tak tak,
TuaiSialA.
Aizawl.
Aizawl District.
Mizoram.
NE India.
India.
Asia.
Earth.
Universe.
Report this comment
January 22nd, 2012 at 6:23 am
priceless tih hi ka hriat hmasak ber chuan ‘hlutna neilo’ tihna emaw ka ti char char a
khua rei an chang zo ta..
Love letter ang deuh hi ka ziak ve tawh..thlalak te pawh ka dawng ve zan zan tawh..
Hman a ka D ti a ka chawi thin..
Duh ber, ka hmangaih, ka duhlai
Hman lai an chang zo ta, hun in min liampui si thin
Koh kir tumin awmzia awm nem maw..
Lung ril ah min fan tawh si hek lo
Hmangaihna a dai ta
Report this comment
January 22nd, 2012 at 10:48 pm
sei ti mai lo e…tha lutuk…don’t let go of the one you love..when u love, love with all your might and soul and heart, this is what makes us human
Report this comment
January 22nd, 2012 at 10:54 pm
soundtrack kan pe lawk
http://www.youtube.com/watch?v.....re=related
black crowes : she talks to angels
Report this comment