Ka siam vawikhatna!

January 19th, 2012 4:00 pm by H.Vangchhia

Rangbawl lam hi chu phur thut tih lovah chuan ramriah nikhuaa awlsam thei angbera bawl ṭhin ka nih vangin hmasawn ngaihna vak a awmlo khawp mai. Eng chaw mai pawh hi tuiti takin ka ei thei zel mai a, ei leh in lamah hi chuan ka awlsam viau reng a ni.

Vawiin, Pawlkut Thla (January) ni 18 zing chu engemaw ka hriat tehreng ni, pizza siam chakna ka nei tlat pek alawm mawle. Dawrah pizza urna tur pizza stone ka va lei a, a hming ka hriat lar ve chhun pepperoni fun khat, Italian sausage, cheese zai dipsa leh dawidim (yeast) tlep 3 ka lei tel bawk a. Chutichuan in lamah phur ve fe chuan ka haw ta a ni.


Pizza stone an tih hi a pizza chhang urna tur a siam a ni a. Lung thawrawng (ti mai ang), entirnan lungtat tha chu han hip ila a rawn thaw ser serin a hriat hi,chutiang chu a ni. Kawtlai vel a lungphek, brick ang deuh mahse a chung tih tlet loh pawh hi a hman theih tho bawk. Tih tlet tawh kha chu a tle atang khan natna thalo a kai theih vangin hman chi a nilo. Tin, Lungtat tura tha lung dang pawh hi siam phek a, mei sa a ngam chuan a that lohna tur ka hre chuanglo.

Tichuan tui tlemteah chuan dawidim (yeast) fiante khat awm vel chu ka phul a, minute 5 vel ka nghah hnu chuan ala tuiral loh vangin ka chawk ral ta vek a. Olive oil fiante 2 thlakin chi tlem ka telh nghal bawk a, chini piai 2 lek ka telh nghe nghe bawk. Maida ka thlak leh a tichuan ka nuai pawlh a, khal mawi tawk anih chuan saranga khuhin hmun vawt lem lovah darkar chanve ka dah ta vang vang a; ka chiahpuam a ni. Inchhung a vawh deuh chuan oven tih lum zawkah dah mai pawh a remchang phian ang.


Ka maida nuai (dough) chiahpuam chu alet a lian alo ni tawh a, chumi chu ka nuaina (peel) turah chuan maida dang phulin (atta nuai tur angin) ka vawm thum thla dawp a..a khu luih.

Chhang nuaina hman kher a ngai lova, ka kutin maida mum chu ka nawr phek a, a lai aṭanga ṭanin ka nuai phek hlai telh telh a. Hetah hian inchhah hleih emaw kha ngaih pawimawh angailo, a tlang phei chu chhah mah mah sela a chung a dah tur (topping) a luangliam lo zawk, an ti.

Chumi zawh chuan olive oil in maida nuai phek chung chu ka’n chulh thiak thuak a, heihi a chunga ka dah tur tomato sauce in a chiah tui pur (soggy) lohna tur a ni.

Ka oven tih sat lawk (450.F/232.22°C) chu ka hawng a, pizza stone-ah chuan cornmeal ka phul ṭhet ṭhet a (a beh lohna turin), pizza tur chu ka nuaina hmang chuan ka dah thla ta a ni. Tichuan, oven chu 500.F (260.C) a sain ka dah chhova, thlahlel tak leh misual.com rawn comment zeuh zeuh pah chuan minute 15 ka nghak ta a. Kan hawng chhin chu ka pizza vawikhat siamna atan chuan ka lung a awi hle aniang, biangki hmu phalo chauvin ka nui vur vur mai alawm. Yum yum, a tui ve phian mai ka ti, topping erawh duhthusam ni turin ka nei ṭhalo thung… a dang chu home minister leh Janis ei atan (surprise) kan khek tawh ang e :)

In peih chuan siam ve rawh u, a awlsam phian mai. Topping atan hian mahni duh zawng eng pawh a dah theih.

PS: ka zirna… Google.com Yay :)

Similar Posts:

Recent Posts:

101 Responses to “Ka siam vawikhatna!”

Pages: [1] 2 3 » Show All

  1. 1
    mpa F Says:

    Tui awm rapssssss

    Report this comment

  2. 2
    Soberboy Says:

    ava tui hmel ve :)

    Report this comment

  3. 3
    blackmagicwoman Says:

    Pu HV a hian pherh leh vai hauh loh pawh thiam a lo nei nual mai a!! :-P tui hmel lutukss…mahse topping base ah tomato puree i dah theihnghilh nge duhlo sim sim?

    Report this comment

  4. 4
    hnarliana Says:

    siam ve mai theih loh alawm…i siam tui hmel em em lehnghal a..

    Report this comment

  5. 5
    Maisek Says:

    i siam thiam hmel khawp mai… (Y)

    Report this comment

  6. 6
    saint sammoo Says:

    pu hairehai: a rim pawh a tui phian mai a..sniff..sniff..haha..ei ve chak.

    Report this comment

  7. 7
    Prof. Rev. Dr. TuaiSialA MBBS! Says:

    Tui ngawt ang.

    Report this comment

  8. 8
    Dr Cristy Vancharlova Says:

    Dr. kan pung zel a…. :-P
    I thiam hi, ka sawi ang thlapin i siam a; i chhuah tha e. :-S

    Report this comment

  9. 9
    H.Vangchhia Says:

    blackmagicwoman , dah ve e hairehai, mahse ka dah tamlo a crispy tha lo duh an tih vangin, han ei erawhin arawn so chhuak pir per e :D

    Dr Cristy Vancharlova #8 nia hairehai :P
    Hetiang niuh neuh siam hi ka taimakna a nilo. Vawklu bawl, kelsa siam tih vel chu nise ka peih phian lawi si. :-)

    Report this comment

  10. 10
    H.Vangchhia Says:

    Dawidim haw em em tu te kha pizza in ei tawh chuan dawidim chiah in kem tawh chiang hairehai :-P ;-)

    Pizza siam restaurant te hi Excise hian an lo check vel ang e…kohhran hian khap tir te hi an tum leh mai angah hairehai :P :fiamthu:

    Report this comment

  11. 11
    lrpa Says:

    :-D Vawikhatna ani bawk a bakah commercial tur ani lo bawk a (Y)
    Tui loh hmel tawp :-P Toppings khi chante deuh la, ham leh cheese/parmazan nen..
    Janis-i chuan a ei duh lo mai thei ani :-)

    Report this comment

  12. 12
    stan marsh Says:

    pizza hi ka ngaina lo angreng a, mahse i siam chu ei chhin chakawm khawp mai.. (Y)

    Report this comment

  13. 13
    H.Vangchhia Says:

    lrp, a tui a ti ale ale. slice 3 lai a ei. An nufa in zanriah atan an hmang theks ;) a hmel enin a tlawm nanga… sha la la la la ♫♪

    Report this comment

  14. 14
    Phivawk Says:

    Tui hmel miah miah hle mai a

    Report this comment

  15. 15
    DXBFreak Says:

    ril tam lai taka a rawn chhuah chu le, Dubai i lo zin hun ah, in ti nei tu tawk in Kitchen lam i pan dawn nia :)

    Report this comment

  16. 16
    johnny_ralte Says:

    @+[0:1: ]

    Report this comment

  17. 17
    johnny_ralte Says:

    @[0:1: ]

    Report this comment

  18. 18
    H.Vangchhia Says:

    DXBFreak #15 Doha ka rawn kal dawn asin :)

    lrp A vawikhatna ania,a topping tur neih loh nen zeiloh theih ve khawp mai. A dawttu chu a dangzar tawh ang. Tukin ka fanu skul kal kan thlah fel anga kan buaipui leh teh ang hairehai :-P

    Report this comment

  19. 19
    lrpa Says:

    Pu HV, Doha ah flight in change dawn mi?
    Helaiah chuan cheese an telh teuh zel, ka ei that vak duh loh phah!
    A base khi siamsa lei la awlsam ang chu, flour vel hmeh kual vel khi peih awm lo e. Janis ta tur bikah strawberry te dahsak la, cherry tomato nen.. :-)
    Eisiam hi ka peih miah lo a, en chu ka peih rup mai, Antony Bourdain, Zimmern, River Cottage, Jamie Oliver te hi ka en ngai pawh hi ka en ka en zel.. :-)

    Report this comment

  20. 20
    khumchikthei Says:

    A tui hmel hle mai. I ti tha hrim hrim e. tih leh hunah chuan khi ai khian a dik zaih tawh ngei ang.

    …khrum

    Report this comment

  21. 21
    Dr kawlhawk Says:

    A bawlhlo leh hmanrua ka tum ang a, i lo haw hunah i siam ngei chu a ngai ang… min awhfik ta sa2… :)

    Report this comment

  22. 22
    DXBFreak Says:

    @18 H.V..eng tik ni ah, ka schedule nen a in man chuan ka lo hmuak ang che, i qatar airline dawn mi? rawn emirates zawk rawh :)

    Report this comment

  23. 23
    Professor Lalrihema Says:

    Pizza hi a hming a ropui ang hu hian tui ka ti ve thak lo nia maw le. Ka fa te hi chuan an lam cham chi na a. :-P

    Report this comment

  24. 24
    H.Vangchhia Says:

    DXBFreak, vangchhia@gmail.com ;) keuh

    Report this comment

  25. 25
    H.Vangchhia Says:

    lrp, a chhang mahni’n kan hmeh loh ten a fun part abo vek anga sin mawle. Hei skul ka thlah a hun tep a, topping tur ka va lei anga a zia tawh ang. Khawthlang lam eirawngbawl tingai ka nilova, simple Mizo boy ka ni. Mahse, tribal ekzungpui lian siamah chuan a vawikhatna atan chuan ka ngaidam… a chhan: ka fanu, eitur duhtui angreng zet hian tui titakin a ei tlat ;)

    Eirawngbawl chu Hmar bai ang chi, tawngpawng mix teuh emaw, phur thut a eng eng emaw mix vak mai ang chi hi ka siam ve thin dan :D

    Report this comment

  26. 26
    lrpa Says:

    Mizo chawhmeh a thang lian tan chuan sap ho chaw hi chuan chak hi chu a ti reh lo ani e. Taksa tan chuan a tha zawk ngei ang mahse a threkthrawk lo tlat..Zoram vawksa hi a tui ber mai e.. :-)

    Report this comment

  27. 27
    H.Vangchhia Says:

    lrp, kum 2 hnuah chuan i dang hret maithei ;)
    Mizo tribal kezungpuilian ah pawh jungle admi ka nia, chumi tatse chu ka duh/ duhlo tih vel ka neilo hrim2. Mihring eitura siamchu ka ei pawp zel mai a, a tui viau leh a tha , a tui lemloh leh, ka puar khawpin ka ei tho. Changpat maubur a rawh hmin ei thin tawh kan nia….ha hai :)

    Report this comment

  28. 28
    sheldon Says:

    A va tui hmel ve. Mipa hian hmeichhia aiin eisiam an thiam, an ti peihlo mai pawh a.

    Report this comment

  29. 29
    Pc-a Says:

    Tunlai chu Zawngtah leh Antam a awm chuan ka duh tawk.

    Report this comment

  30. 30
    Fonz Says:

    Pizza chu zb a pawn siam thiam a intih viau tak kha a.Nula chaw ei a sawm a, mahni rawngbawl ngat wine nen in leh ei pui hi a hit duh :D :P

    Report this comment

  31. 31
    H.Vangchhia Says:

    Fonz #30 zualbona siam chu ei avan chakawm ve. Ani hi inti sek chungin em ni asiam ang aw hehehe :-P

    Report this comment

  32. 32
    mamboihi Says:

    An duh chuan mipa hian hmeichhia ai in chawhmeh an siam tui thiam zawk in ka hria.. (Larpa tih loh!! :-P ).

    HV chu i va peih ve mai mai ve, Pizza hi ka ei thei, eng topping pawh nise tui ka ti hran lo! :-P

    Report this comment

  33. 33
    funny™ Says:

    Tunlai chu mess chaw ka ne sia pizza order ka chinga, pawisa a hek ve duh pangngai. :-)

    Report this comment

  34. 34
    H.Vangchhia Says:

    mamboih, khawkhat risk huai te chu hairehai :D

    Motor darthlalang a dai khal (frost) han tuiral sela, topping tur ka va lei teh ang.

    Report this comment

  35. 35
    lrpa Says:

    Nehu a kan hostel mess kha, mi 36 vel ei a tan dal dutno khat leh a chanve kan pe chhuak thin… :-D . Pressure cooker in an chhum kawi vek a, lui an leih a, tel an kang hmui a chuan an leih lut a..a va han tui lo ber thin tak em!!

    Report this comment

  36. 36
    sheldon Says:

    Kei chu pasi bawl hi tui ka tia :-D

    Report this comment

  37. 37
    H.Vangchhia Says:

    sheldon #36, tui ka tive khawp mai, kei Son of the Soil hian :-)

    Report this comment

  38. 38
    sheldon Says:

    Ania sin Pu Hv, thil changkang deuh deuh hi kan han ti ve tak na a Mizo hrawkah hi chuan bai leh bawl hi a lo tui ber mai. US a in hmuh phakloh helaia mi eichak i ngah ka ring tlat :-D

    Report this comment

  39. 39
    H.Vangchhia Says:

    sheldon #38 ka tan chuan Pasi bawl kha changkang tak a ni. Khawvel hmun dangah hmuh mai mai tur a awmlo, rare cuisine a ni a, hralh tur ningat phei sela chu to tak anih angai ngeiin ka ring. Kha daih kha asin hairehai :-)

    US a awmlo chu Azl atangin min rawn thawn mai ie: Baibing, Chingit tih te. Kan nei ve reng ania. Saum phei chu englai pawhin fresh sarin ka nei :)

    Report this comment

  40. 40
    DXBFreak Says:

    ok saved, ka lo fb bawk ang che :)

    Report this comment

  41. 41
    DXBFreak Says:

    ka rawn inbox tawh che..

    Zualbonez te chuan Pizza a siam vea, a piza zawng zawng pawh a sek vek..

    Report this comment

  42. 42
    sheldon Says:

    Eitur tui hi chu ka duh ve reng, mahse eisiam ka thiamlo, ka uluk ve viau pawn tui an ti ngailo ka chhungte hian. Siam loh ah ka tlak ta mai :-S

    Report this comment

  43. 43
    Prof. Rev. Dr. KC. TuaiSialA MBBS, MD. Ph.D, LLB. Says:

    Pu Hv, i lo haw hun chu i siam sa kan ei ang chu tiraw..?

    Report this comment

  44. 44
    H.Vangchhia Says:

    Prof. Rev. Dr. KC. TuaiSialA MBBS, MD. Ph.D, LLB. #43 a van sei diah duah vele. Darlawn BDO quarters a mi 1 kawngka luchung a inziak min hriatchhuah tir alawm mawle. hairehai :P

    Kan bawl hluai mai dawn em ni :D

    Report this comment

  45. 45
    Prof. Rev. Dr. KC TuaiSialA MBBS, MD. Ph.D, LLB (Gauhati High Court) Says:

    Tehreng mai. Kan bawl hluai chu a ngai ngei ang.

    Report this comment

  46. 46
    H.Vangchhia Says:

    #45 Sihmui ? :-)

    Report this comment

  47. 47
    Prof. Rev. Dr. KC TuaiSialA MBBS, MD. Ph.D, LLB (Gauhati High Court) Says:

    Sihhmui chu signal a tha lo em mai, kan online thei lovang. :O

    Report this comment

  48. 48
    H.Vangchhia Says:

    #47 ka hrelo le nih chuan :)

    Report this comment

  49. 49
    Prof. Rev. Dr. KC TuaiSialA MBBS, MD. Ph.D, LLB (Gauhati High Court) Says:

    Hmun nuam deuh deuh a tam mai. Lungngaihthlak loh. Sum nei ám khan lo haw phawt la.

    Report this comment

  50. 50
    H.Vangchhia Says:

    #49 Mai mai thin a, rawn tihek tur che in kalo hawng dawn hairehai ;-)

    Report this comment

Pages: [1] 2 3 » Show All