Thaibawih = Chhungkaw tangrual.. Mak teh daih ve a..!!!

January 3rd, 2012 5:00 pm by Chemtatrawta

Kan naupan lai, han ti ve khanglang ila, khan Radio a hla thlan hi kan han uar ve thin khawp a. Radio a kan hming an lo puang vau vau te leh kan chhungte hming a lang te kha nuam hi kan ti a, chung aia nasa mah chuan kan chhungte thingtlang lam ami kan hla thlansakte pawh hi an lo lawm thin a.

Tumkhat ka hla thlang chu, engtik laia ka thehluh nge mawni ta reng ni, chhungkuaa kan ngaihthlak thap laiin, “Thaibawih Hla”….. thlangtu.. chemtatrawta… a pa lo ngaihthlak atan an rawn ti mai chuhhh…kan chhungkuaa ngun taka ngaithla kha kan nui chhuak hawk hawk hlawm mai a, a va hlimawm tak em.

A ni lah tak a, kha hla kha ka duh em em chhan pawh a thaibawih a, keipawh ka thaibawih dawn lam pawh ni lem lovin, rempy_scissor zunah hian thaibawih aia nema ka uai vang pawh ni chiah loin “Thaibawih kan awm tawh lawng e, chhungkaw tangrual kan ni zawk” a tih lai hi ka duh em em a.

Tetlai atang tawha thil dangdai ngaina tawh nafam chu, thaibawih a sawi dan kha thiam hi ka ti em em mai a. Tun thlenga miin an sawi tlangpui leh an rindan tlangpui aia angle dang atanga thil thlir leh, mahnia ngaihdan neih ve ka tum thinna atana min fuih tlat thin tu a ni fo thin. Miin thaibawih tia hmusit taka an sawi pawh a nupui leh fanau a hmangaih avanga chhungkaw tangrual leh an nu hna tur pawh amahin a tihsak nia inchhuah fel hmentu hi ka ngaisang ru tlat anih chu.

Chiahpuam vanga Mizoram a buai mup mup te, Antam bulbawk vanga kan titi danglam zo ta vekte, Taikheri vanga khaw pakhat lar ta hluai te, Suangpuilawn sawi apianga inrukbo rilrua lo lang tlat thinte hi engvang nge ni ang?? Thil hi kan sawi punlun a, her zawng( Direction) pakhat neia thil kan sawi vung tawh hi chuan a punlun tulh tulh thin anih hi.

Engatinge chanchin lawmawmlo leh maksak deuh deuh hi kan hre darh chakin a diklo zawng hian kan um huai huai mai thin le. A lehlam zawnga thlirna hi kan nei tha tawk lo thin em niang. Mi sawi ang kha a kawi a ngilin kan zawm a, chumi hawi zawnga a nger ngar ngar anih chuan chiahpuam pawh reiloteah mi tam tak bumnaa min awh tirtu a ni vat mai anih kha.

Chiahpuam te pawh a diklohzia leh thil theih anihlohzia rilrua pu ngam leh sawichhuak ngam kha mi tam tak awm sela, mi bum zawnga tawng hmala ho hmalakna diklohzia kha lo beilet(counter) tur awm sela chuan khati em em kha anih ka ring thei lo.

Mi(sual).com ah pawh hian mahni ngaihdan hi kan vuan nghet bur mai a; kan ngaihdan anih loh chuan meikawhin kan tang fo thin. A that viau rualin, thenkhat mahnia ngaihdan siamthlu pawh ni lem lova mi sawi atanga ngaihdan siamthlu ve ngawt hi kan tam. Tanfung nei mumal lo hian kan vuan nghet bur fo thin.

Engvangin nge mihring pakhat ka ni ve a, midang sawi mai maiah ka innghah ang? He thil an sawi teh fo ah hian ka ngaihdan chu hei hi a ni tur a ni; heng thilte zawng zawng avang hian he ngaihdan hi ka nei a ni kan tih hi a hun hle mai, Mizote hian.

Sipai kan ngaisang a, tlangval zawng zawng sipai nih an tum a; driver a lo ni leh a; IAS a rawn chhuak a; Doctor leh Engineer. Engvangin nge miin tha an tih hi kei hian tha ka tih ve ngawt ang. Ka tha tih avang hian miin tha an ti tur nge, miin tha an tih avanga tha ti ve mai ka nih?

A tawp nan, he tuipuiral tawngkam tlemte hi han chhawpchhuak ve ila, a chunga kan sawi duh zawng zawng chu a kim mai awm e. ” SUCCESSFUL PERSONS DO NOT DO DIFFERENT THINGS, THEY DO THINGS DIFFERENTLY’

 

Similar Posts:

Recent Posts:

36 Responses to “Thaibawih = Chhungkaw tangrual.. Mak teh daih ve a..!!!”

  1. 1
    badboy Says:

    ehh ava ngaihnawm reuh :lol:

    Report this comment

  2. 2
    Dr Mahminga Sailo Says:

    Ka ngaihdan tak i ziah chu le :D

    Kei chu, ka thaibawih dawn hrim hrim; chhungkaw tangrual nih a nuam dawn em mai… :P

    I sawina eng ah: mi thenkhat hian “Engatinge chumi chu i zir zawk loh?” min ti fo. Ka chhanna chu, “Ka zir ang hi zir lo ila, keimah ka ni nang” ka ti mai thin.

    Report this comment

  3. 3
    TuaiSialA Says:

    A thupui teh nuaih chu!

    Report this comment

  4. 4
    badboy Says:

    athupui khi chu a luhai lai a aphuah a niang :lol:

    Report this comment

  5. 5
    chemtatrawta Says:

    Dr Mahminga, kan khuaa i rawn zin tuma nula ina i chaweinaah i sawichhuak anga, min hrilh leh pawh ni maithei asin.. :D .. Keipawh hi pawl 10 kan pass hlim, mi zawng zawngin mawl min ti luai luai a, mahse midang duhthusam tihthlensak tum vanga mahni future tihchhiat ai chuan tette atanga mahni tum tihhlawhtlin avanga mite min nuihzat hi keichuan nuam ka ti tho mai..

    Tuaite, a thuchhungken hi a ni teh nuaih a, a tul tlat..tun tum chu.. :)

    Report this comment

  6. 6
    Chhuaklinga Says:

    Chawei phawt ila, puar peng pawngin ka chhiar ang.

    tren tren.

    Report this comment

  7. 7
    Atom c Says:

    An nupui te hriatah “THAIBAWIH E MAI”,ti a kan fiam ngam chin hi chu an la thaibawih hauhlo tihna a lo ni zawkin ka hria. A tak tak chin hi chu an nupui te hiatah fiam chu sawiloh, an beng hriat-ah thaihbawih chungchang reng reng hi sawilan chi a nilo. ;)

    Report this comment

  8. 8
    Dr Mahminga Sailo Says:

    @ chemtatrawta… In veng nula hnenah engmah ka sawi lo. Chaw ka ei a, ka chhuak nghal daih a lom… :D

    Kan sawi hawn tak ah chuan, lenchhuah nikhua a, pa berin fate an pawm/pua te hi a remchang zawk phian in ka hria asin. Chutih rualin, a hun tak a thaibawih tak a PA ngam hi a ngai a (dam te awm a, nupui ka neih ve huna ka nih dan tur.. :D )

    Thaibawih tih hi kan la vawng vak a, pasal (pa-sal) tih pawh hi a nalh teh chiam silo a, te ti vel ila. Bawih leh sal a in ang deuh reng lo’m ni?? Thu leh hla lama ril deuh te’n han chhunzawm teh se.. :)

    Report this comment

  9. 9
    laltheri Says:

    i sawi tum lam ah i herh kual lut nalh khawp mai..

    Report this comment

  10. 10
    lrpa Says:

    Thai = Nu; bawih = bawih/slave..Thaibawih tih hi tawng thar nge hmanlai tawng ni ang aw?..an phhuah thiam reuh e, tawngkam nalh ve deuh ani :lol:
    Chemte..i ziak tha e.

    Report this comment

  11. 11
    Chhuaklinga Says:

    A thupui pawh pahnih angreng deuh a ni bawk a, a chhung thu pawh chi hnih ang deuhin a kal a nih hi.

    Mipa nih chuan PA takin chhungkaw tan a tha tur chu a tul tul tih mai tur.

    tren tren

    Report this comment

  12. 12
    chemtatrawta Says:

    Lrp,hmanlai deuh aniang kan naupanlai pawhin a lar tlat tawh..hairehai..i la tuai deuh a, i la hre tam lo nge..;-)

    Report this comment

  13. 13
    La-me-a 25 Says:

    Tunlai chu Rempy a va luck ve..

    Report this comment

  14. 14
    hlatekhua Says:

    Post ṭha leh rilru hruai thei tak a nih hi.

    “thaibawih” tih ṭawngkam hi Mizoho tuna Mizoram kan tih taka an awm tirh chuan an la hmang ngai lo niin an sawi. Kum 1850 vel bawra an hman ṭan nia ngai an awm! Ziaka hmuh tur erawh 1930 hma lam chuan a awm meuh lo a ni awm e. (ka phuah chawp liau liau!)

    Report this comment

  15. 15
    chemtatrawta Says:

    Mr.hlatekhua hi a.. Ka va duh mai mai. A tawpa bracket chhunga mi hi footnote-in dah daih zui la.. Zawhte ki nei pawh min hriatchhuahtir zawk lawm le..:-)

    Report this comment

  16. 16
    PKfanai Says:

    Thaibawih hi a awm theih tak tak a, an awm tak tak tih hi ka hmu ta nual mai. Rempy te ang hmeichhe fing-fel chuan Pasalte Thaibawih miahlo anga lantir dan an thiam chawk(a takah Thaibawih hle mahse) Mipa tlaw + Hmeichhe mawl = Thaibawih.

    Report this comment

  17. 17
    chhangteval Says:

    Thaiboih ka nih dawn ai chuan ka vaw zantin ang. … te lo ti ve vel ila :-D

    Report this comment

  18. 18
    H.Vangchhia Says:

    Nupui mawl chuan pasal hmangaihna/duatna hrethiam lovin a thu ber emaw a ti thin = thaibawih

    Nupui fing chuan midangin a pasal “Thaibawih” an ti ang tih hlauvin zah thiam takin a en thin. Pasal fing chuan mi hmuh leh hmuh lovah pawh a nupui lawmzawngin a awm thiam a, a chawimawi thin = nupa hlim :wink: :rolleyes:

    Report this comment

  19. 19
    chemtatrawta Says:

    Pu HV, Intih thiamloh te pawh hi nupa hlimlohna bul chu a ni ve fu thin lo maw aw?? :)

    Report this comment

  20. 20
    PKfanai Says:

    18 a Pu Hva sawi khi ka sawi niawm zawk tak a ni. Ka Like e.

    Report this comment

  21. 21
    mr.Duhlova Says:

    Nu pakhat pawh pawh, hmunphiah a letling zawnga hum tut chungin, ‘lo chhuak vat rawh, vawi thum ka chhiar a ilo la chhuah loh vaih chuana…” a ti a.

    An pa-in, khum hnuai kil tawp atang-in, “… ka in a nia, ka duh duhna ah ka tawm ang” zu ti ve lauh lauh a…..Pasal tha.

    Report this comment

  22. 22
    Asteric Says:

    Thaibawih zauh zauh tur :lol: fa an neih dawn leh an damlohin :)
    @PKfanai…min chhui nasa emai kha chhiar rawh :lol: http://asteric-albert.blogspot.....ka-pa.html

    Report this comment

  23. 23
    mamboihi Says:

    Thian pakhat te ina an tar “I am a MAN of this house, whatever my wife says shall be done” !!

    Report this comment

  24. 24
    H.Vangchhia Says:

    Kum 1985 a Chawngte SDO (Civil) in a quarter living room bang a a ziah tir:

    “I AM THE BOSS OF THIS HOUSE BECAUSE MY WIFE IS NOT HERE”

    Annu alo zin, a thinrim teh asin. :lol:

    Report this comment

  25. 25
    paeia Says:

    Thaibawih nupui nih hi kan nu hian a hlau khawp mai. thaibawih pawh tih tawh nak alaia an nupui nih leh lek phei chu….atia niang.

    Report this comment

  26. 26
    Asteric Says:

    Tum mumal lo a tel tlat in ka hria…haha :
    Class 10 kan zirlai khan Science la chin kha chu tlema chut fal deuh kha ni tura ngaihna kan nei lian tlat a. Mathematics ka tui em em chung pawh khan insawiṭhaihna a nasat em avang khan ka la ngam lova. 11 Sc. text book 1 ringawt pawh han en khan pawl 10 a kan subj. zawng zawng belhkhawm tluk zeta chhah alo ni lehnghal si a, Science zir kha chu ka tum lo chiang a ni.
    Result a han chhuaka Social Studies ah ka pass chiah chiah, ka report card enin Match ah ka ti ṭha fal nalh a dawtah Sc…. Science ka la la ngam chuang lo :D “SS ka thiam bawk silo khawinge Science la ta lo rau rau chu Problem solve ngai awmna deuh Commerse la teh ang” ka ti. Commerse la turin ka interview ve a, zawhna pa 5 vel min zawta pakhatmah ka chhang thiam lo :lol: Ka ngaih a ṭha ngang lova Science ah interview ve leh ang ka tia, zawhna 10+ min zawta ka chhang thei deuh vek :D

    A zirtir : :lol:

    Report this comment

  27. 27
    chemtatrawta Says:

    Asteric in a sawi takah chuan..kan sawi ve.. Keipawh 10 ah SS ah 75 ka hmu a.. ka hmuh tlemna ber line ah ka kal chhunzawm.. Mi zawng zawngin mawl min ti luih luih. Ka school va kalna leh ka chhuahsan takte pawh chuan mak min la ti tak deuh deuh a. Mahse, ka nu leh pa thusawi kha ka la hrereng thin. “Puitling i ni tawh a, i duh berah kal rawh le” min ti a. Engmah sawi set set lovin tuna ka line ah hian ka kal hmak. Pawl 2 ka zirlaia ka tum kha, mi tam tak vang khan ka bo ve tep a ni.

    Report this comment

  28. 28
    CFL Says:

    @ Good post.
    @ Thaibawih hla satu Pu Thanga Jongte nen ngei khan vawiin khan CDA Complex, Narengi, Guwahati-ah hna kan thawk tlang tak e. Hairehai!

    Report this comment

  29. 29
    ReMpY_ScisSoR Says:

    Haha.. Foxtrot thrin hi a.. Bold-a i ziah lai khi ka duh khop mai

    Report this comment

  30. 30
    TuaiSialA Says:

    Radio-ah hla ka la thlang ngai lova, Doodarshan lamah erawh kan uar thin khawp mai. Thiante hming hawha uangthuanga thlan kan chîng thin a, nuihzatthlak thin. Zankhat chu kan class-a chhe lo ka tih tawkin ‘Hellai D’ kha ka ngaihthlak atan min thlansak mai chuh! Huis..

    I post tha e. Kan thil thlir dan hi a zau zawnga hak kan zauh a ngai. Thlir dan chi hnih hi kan hmang thiam lo hle a nih hi.

    Report this comment

  31. 31
    chemtatrawta Says:

    bakchehi lah hi ka nick hi a pawngsual nasa thei sia..

    Report this comment

  32. 32
    Maggie Q Says:

    Thaibawih chu mifel,mi rilru tha, nupui te hmangaih thei, hriatthiamna ngah, MIPA diktakah ka ngai. Pa tawh phawt chu Thaibawih ni thei vek se ka ti kei chu.

    Report this comment

  33. 33
    chemtatrawta Says:

    Maggie, hmeichhia tawh phawt chuan an duh vek ang chu.. :-)

    Report this comment

  34. 34
    Maggie Q Says:

    Ni e an duh vek ang hmeichhia chuan. Ka neih ve hunah chuan Thaibawih ngat neih ka tum ang :lol:

    Report this comment

  35. 35
    dahminglem Says:

    He post hi chu chhiar a nuam hle mai

    Report this comment

  36. 36
    Full Record Says:

    Full Record

    Thaibawih = Chhungkaw tangrual.. Mak teh daih ve a..!!! | mi(sual).com

    Report this comment

Leave a Reply

You must be logged in to post a comment.