Thu ho mai mai

December 31st, 2011 1:00 pm by sheldon

Thu ho mai mai kan post teh ang. Kum 3 vel liam ta ah khan Shillong ah ni 3 Training Programme a kal turin min ti a, kan thawhpui nu upa lam, kum 50 plus nen kan kal dun alawm. Hemi tuma kan training chungchang hi tunthleng hian kan la nuihpui thin a, kan post ve mai mai. Min lo nuih ve ula :P

Thian thenkhat te kha chu Night Bus te khan an kal a, a tuk zingah an thleng mai a, keini pahnih ve kha chu advance in a hma ni zingah Sumo in kan kal a, Silchar ah kan han riak phawt a. Shillong ban thleng lova Silchar kan riak pawh kha thawhpuite nuih a za tan tawh a. A tuk zingah Silchar atangin Sumo bawkin Shillong kan pan leh ta alawm, Vai ho nen kan chuang a, keilah vaitawng ka thiam aih lova, motor a khalh chak deuh hlek khan ka kalpuinu khan driver hnenah khan ‘aste aste’ a ti thin a, driver kha a nui var var a, a khalh muang ve leh mai thin bawk a, mahse, ka kalpuinu khan driver hnenah khan ‘aste aste’ tih kha a sawi ngun viau :lol:

Tichuan tluangtakin Shillong kan thleng a, a lo vawt ngang mai a, tuilum ip nen kan inring thla kha a ni a, Double Room ah kan awm a, khum pakhat dah awlin single bed ah kan han mu dun phawt a. Training chu kan tan ta a. Zing leh tlaiah vai chawhmeh, hmarcha, mosola, adt tamtak telh kan ei a, kan pumin a zo lo, kan insawisel tan ta neuh neuh a, ani kha a mit (bile) paih tawh a nia, a ek a chhuak sek a, kei ve thung ka ‘pile’ na a chhuak a, ka daikal theilo thung. Kan chanchin hria in Aizawl a kan thiante lah chuan min rawn fiam sek tawh mai a.

Kan training zawh ni tlai chuan kan thian dangte ho chu Night Bus/Sumo in an haw fai nghal vek a, keini pahnih chu kan la riak leh ta a. Training Centre a mi te lah in min nuih tat tat tawh a. Chawei khamah kan han bazaar kual dun leh phawt a, kan bazaar haw chuan Next Batch Training tur an lo thleng leh tawh a, nuih a za tan.

Tlai a lo ni a, Aizawl lam pan ta lo chuan Guwahati lam lam kan pan leh ta, thiante’n nuichungin min vailiam. Diktak chuan Sumo a chuan a driver hnena ‘aste aste’ tih reng kha ka kalpui nu khan a peihtawh lo aniang! Guwahati kan thleng a, a tuk tlai ah Lengpuia rawn flight tum kan nia. Guwahati kan thleng, thuthar a lo awm leh. Bawngkawn nu Pi Lalremtluangi khan tihdam rawngbawlna a lo nei dawn an tia, chu hun nghak chuan ni hnih kan han cham leh phawt a….

Tichuan Pi Remtluangi Programme ah chuan kan va kal ve ta a, vai ho zingah kan va intlar dun a, kan innuih dun leh thin a, kan natna kan sawi a, min han chul ve thuak thuak a, kan dam zui tak pawh chu ka hre lem hleilo a. A tukah chuan damtakin Lengpuiah kan tum a, Aizawl chu kan thleng ve ta hram a. Office kan va zawm chuan kan hnung chiah Training Batch ho khan Office min lo zawm khalh hman. Ropui lo dun tak chu kan ni.
(Tunlai Post a tlem em a, ka rawn ti ve mai mai)

Similar Posts:

Recent Posts:

48 Responses to “Thu ho mai mai”

  1. 1
    chemtatrawta Says:

    pi Sheldon i thin hi aw…dul na urhin ka nuih chu aa :D:D:D

    Report this comment

  2. 2
    chhana Says:

    In ropui alawm le.

    Report this comment

  3. 3
    PKfanai Says:

    Ngaihnawm phian mai. Kan thianpa Shillong awmtir pawh a Lu a meh tir ve a. “Aur Thoda” tih kha “a tawk tawh e” tihna amaw a ti a, an met an met a,”Aur thoda”a ti zel a, an met zel a, an met kawlh ta lel mai nia. Hostelah thianten an nuih/fiam nasa mai.

    Report this comment

  4. 4
    saint sammoo Says:

    in nuamsa khawp a lawm.

    Report this comment

  5. 5
    sheldon Says:

    Haha…a post tunu hi ka nuih a la za nia. Sawikim duhloh te ka nei bawk sia :lol:

    Report this comment

  6. 6
    century child Says:

    Che hit dun nasa alawm :D

    Report this comment

  7. 7
    chemtatrawta Says:

    Kan thiannu pawh hi, bus ah an thiandunin an lo chuang a. Bus fare a pek hlan chuan pakhat zawk chuan a thutna a lo hauhsak ve a.. Rawn thut tum pitar nu chuan bag chu dahsawn turin a ti a, “Khali he, khali he” a lo ti chu..a thiannu thutna hauhsak chu an chang zui lo teh asin.. :lol:

    Report this comment

  8. 8
    PKfanai Says:

    Kan thawhpui pakhat rawn awm tir, bazar vawikhat chhuahna pawh, Town Bus ah a rawn chuang haw a, kan in pengah chhuk a duh a, “A-ge me, a-ge me” a ti ve chul a, a kal thui phian. A rawn hawnah a han sawi chiah mai chu, kan va han nui nasa tak.

    Report this comment

  9. 9
    sheldon Says:

    ‘Aste aste’ tih kha ‘khalh chak suh’ tihna aniang chu ka ti mai a :lol:

    Report this comment

  10. 10
    maawma Says:

    va sawi ngaihnawm/hlimawm thiam ve, :lol:

    Report this comment

  11. 11
    H.Vangchhia Says:

    sheldon, van tha thuai thuai vele hairehai :lol:

    Report this comment

  12. 12
    chemtatrawta Says:

    Tlangval 2 inluah thar, Hindi thiam lo bawk si kha.. An inah zawng a rawn lut thut.. An landlord te hnenah ran lutukin an tlan thla a,” Uncle, hanumaan aiya” an zuk ti chul chu.. tiang nen inneitute pawh an rawn tlanchho nasa.. Anmahni pawh hi an nui ve tawp zel, tunhnu hian.. :lol:

    Report this comment

  13. 13
    somte Says:

    Tawngtu tan chuan hlimawm phian ang,mahse han nuihpui tur kei chuan ka hre lo,mahse thu i thiam khawp mai..:).Chungzawng ai chuan PKfanai thil sawi khian min ti nui nasa em mai..Lu na theihngil vek khawp in ka nui..:))!

    Report this comment

  14. 14
    kilung Says:

    @Trawt, nangmah xok hi i ni reng lo maw.. :lol: . kei chu ka sawi ve duh lo,ka thiam lo ltk a.. :)

    Report this comment

  15. 15
    sheldon Says:

    Pu Hv, US leh a chhehvel thu khirhkhan pui pui Trawttea nen khan in sawi ‘thui’ ta lutuk a :P

    Post ho deuh te hi a tha ve tho ania. Nuih hi free vitamin.

    Report this comment

  16. 16
    Guillermo endara Says:

    Sheldon leh engeng emaw min ngaihtuah chhuah tir a lawm, ka Like chi a nih hi hehehe.

    Report this comment

  17. 17
    lrpa Says:

    sheldon, I zep then a, a fair lo :D

    Report this comment

  18. 18
    mr.Duhlova Says:

    Ngaihnawm kher mai…. :lol: :lol: I ziak thiam e

    Report this comment

  19. 19
    chemtatrawta Says:

    Lrpa, Sheldon hian a thiannu chauh a sawi a,amah lam engmah a sawi ve duhlo hi a che ve vak lo nge niang??.;-)

    Report this comment

  20. 20
    mr.Duhlova Says:

    Vairam kal pakhat pawh, vaitawng “A UR DEU” tih chiah a thiam a, hotelah chaw a ei a, a puar tawh hnu khan a tawk tawh tih nan “A UR DEU a ti leh thin a an rawn dah belh zel si…ring deuh in A UR DEU” a han ti vak thin….

    Report this comment

  21. 21
    Asteric Says:

    hahaha…hmeichhe rorel an tih zawng zawng alo lang anih khi. Hmeichhe ho Bazar tur pawh hi an thil lei tum loh an hawn ṭeuh zel an ti :lol:

    Report this comment

  22. 22
    Dr Mahminga Sailo Says:

    A ngaihnawm, mahse zep then i nei hian min tivir ting tang :lol:

    ‘Aste aste’ tih hi chu ‘zawi zawi in/muang te in’ tihna a ni awm e. (Beangali tawng a niin ka hria). Kannada tawng a ‘Aste’ an tih hi chuan ‘chu zawng chu/kha zawng kha’ tihna a ni mai thei thung…(inla bon lawk te’ng, a dik leh dik loh ka hrechiang bik miah lo.. :D )

    Report this comment

  23. 23
    sheldon Says:

    Haha…’Aste aste’ tih kan hmang chu a lo dik reng anih chu. Driver pawh khan a khalh muang ve sawt zel reng ah :P

    Ka chungchang chu ka zep tam lo :lol:

    Kan thiante chanchin pakhat – Hotel ah chaw an ei a, sangha kha a lu (head) an rawn pe a, an duhloh thu an sawi thiam silo a, a mipa zawkin a ma lu khawih pahin ‘A head nai’ a ti(true story tho)

    Report this comment

  24. 24
    lrpa Says:

    Shillong sawi takah chuan Jingkieng ah Taxi ka phar ding a, Driver hnenah ‘jingkieng’ tih pahin ka lut a, driver a kal ta mai si lo a, ‘jingkieng..jingkieng’ ka ti leh pek a…ka hre hre chhuak ta, PB lamah panin ka chuang nui vur vur mai mawle.. :lol: :lol:

    Report this comment

  25. 25
    Dr Mahminga Sailo Says:

    I thiante pahnih chuan, ka thianpa pakhat min ti hrechhuak… :D

    Vawikhat chu, Ladrimbai-ah chawchhun kan ei a. Vawksa kan lam ve ngei a ni. Ka thianpa kha vawk ke an lo pe a ni awm e. Hotel neitu a ko te te a; aw teng chhek chhawk in, “Not the leg, i want the abdominal portion” a’n ti mai chu(h). Kan va han nui nasa tak… :lol: :lol:

    Report this comment

  26. 26
    johnny_ralte Says:

    #23 khi (Y). Ka thian pa pawn “Daw rupia return karo” an ti cu an kir ve tho male.hu2

    Report this comment

  27. 27
    PKfanai Says:

    High School kan kal lai khan, Mizoram sawrkarin Social Science Teacher ho kha india rama historical place hmingthang deuh deuh a tlawh tir ve a. Vairam Hotelah chaw an han ei a, hmarcha an duh ta si, sawi dan tur an hre si lo, a tawpah a huaisen deuh berin, “Laal Deu” a han ti ve tawp mai a, an hrethiam teh chek aniang chu, hmarcha chu an rawn pe ve mai ani awm e. Mizo nu sumdawng ho, vai dawr te hi a lawm, mizo accent dik tak hian, “Kawm kaw raw” an ti ve ngawng ngawng zel an ti (Sheldoni chu a ni miah lo).

    Report this comment

  28. 28
    sheldon Says:

    Min nuihzat viau su aw :lol:

    Nu pakhat pawh a hnathawhna a a pu Vai khan Tiffin a pai thin a, a tiffin a eizawh hian a hnuaia tirhkah vai kha a tiffin pek pahin ‘suno’ a ti mai thin a. Tumkhat chu an pu Vai chuan ‘Khawnge Tiffin kha?’ tiin chu nu chu a zawt a, ‘Suno-an a la tawh’ tiin a chhang, a pu vai a nui nasa. Suno tih kha hming nilovin ‘la rawh/kha’ tihna a lo ni sia :P

    Report this comment

  29. 29
    Dr Mahminga Sailo Says:

    Ka la sawichhuak ngai miah lo a. Pi/Nl/?? Shledy post a ni bawk a..(h) :)
    High sikul kan kallai a, kan sikul neitu (Director) nupui pawh kha, English tawng thiam lutuk silo khan, english medium sikul neitu a nih avang khan english a tawng talh kha a tum thin a. Vawikhat, working days kan neih tum in, kan warden-in ka thian te ko tura min tih avangin kan madam chu a hre tur ber a ni si a. Madam, khawnge ka thian te tiin saptawngin ka zawt a. Ani, ka thiante thil tih, saptawng a sawi tum, sawi thei mai si lo chuan, dawr awmna lam a kawk vang vang a, “Ihhh.., perek’ a ti ta mai :D :lol: Kan madam a ni si, nuih a chi der si lo.

    Ka thiante kha, perek leiin dawrah an kal lek chu lo niin. ‘Thank you ma’m’ tih leh a rang a rang a tlanchhuah ka rual nghal :lol:

    Report this comment

  30. 30
    lrpa Says:

    :lol: :lol:

    Report this comment

  31. 31
    PKfanai Says:

    28 khi min va ti nui nasa tak em. Suno=La rawh. Lo eih ve lauh lauh ila. Hairehai.

    Report this comment

  32. 32
    La-me-a 25 Says:

    Ka nui nasa, u Sheldie chu i hmel ka hmu tawh ang. Khami tum rawngbolna a kal kha chu ka en chiang hlawm asin..hmeltha kanlo zawng a :-D

    Report this comment

  33. 33
    sheldon Says:

    Haha…La-me-a, nang hi min lo hmu ru reng tak ang a, 2009 a nih kha. Pi Remtluangi khan damlo te kha an na lai kha a khawih a, kei ka na lai kha ka ‘pile’ a ni sia, ka kekawr chhan ah khan a zuk dap a :lol:

    Report this comment

  34. 34
    TuaiSialA Says:

    Hahaha.. Post + comment ho chu ka va nui nasa tak em! Nui chungin kum 2011 ka thlah liam theih phah dawn e. :-)

    Report this comment

  35. 35
    Saitawk Says:

    OT: Kum lo thar tur hi hlim leh damtlang taka hmang theuh turin ka duhsak a che u.

    Report this comment

  36. 36
    xotea Says:

    # 35 kei pawn duh sakna ka hlan a che

    Report this comment

  37. 37
    shailendra Says:

    a ngaihnawm ve mai mai khi… :lol:

    Report this comment

  38. 38
    caribou Says:

    Nuih loh pawh tum ila a harsa anih hi, ka khi hui hui mai…..

    Report this comment

  39. 39
    mamboihi Says:

    Sheldie ziak ngaihnawm leh pek e.. I thiannu nen chuan in hmang dangdai bik khawp alawm!! Kumthar chibai le…

    Report this comment

  40. 40
    sheldon Says:

    @mamboihi, Kumthar Chibai le. Tunlai chu kan va intawng khat ve tiraw? Misual thiante in ngaihawm vek mai.

    Report this comment

  41. 41
    jpaite Says:

    Ka mit a thip. Nakum lama chhiarah…

    Report this comment

  42. 42
    Jacka Pi Says:

    Hehee

    Report this comment

  43. 43
    ltvangchhia Says:

    @Sheldon han nuihzat em em chi pawh in nilo,in damlo miau a,
    Sumo a i chuan leh hunah an khalh chak leh vaih chuan inla confi tawk in ‘ madarchut ‘ iti vak zel dawn nia :lol:

    Report this comment

  44. 44
    Mr.Duhlova tho Says:

    Sheldon, Kumthar chibai, enge in an tawh?

    Report this comment

  45. 45
    sheldon Says:

    @mr.duhlova, Kumthar Chibai le.

    Kan tha zel ang chu maw. Neuropathy lam hi chu hun a duh rei hmel, dam tur chuan. A nerve a thi (dead) tlat mai a, buaithlak deuh. Inah kan inla chhuak rih. Kumthar ah tha thar in.

    Report this comment

  46. 46
    CFL Says:

    @ Pi Sheldon chu Guwahati-a Pi Remtluangi’n tihdam rawngbawlna Nehru park-a a neih tum khan i lo tel ve reng a ni maw!! Khami tum khan security-ak kan tang ve tak asin mawle. Hairehai.

    Report this comment

  47. 47
    CFL Says:

    @ 46, ” security-ah “. Edited.

    Report this comment

  48. 48
    sheldon Says:

    @CFL, tel ve e mawle! Lo inhria i la tha tur.

    Security tlangval vei thauh thauh kha i nih dawn cu…haha

    Report this comment