Ngaihtuah neuh neuh atan nge ho mai mai..?

December 31st, 2011 10:00 am by lushai_er

Ch. Rohmingliana,  Mission Vengthlang

Kum 1969 daih tawh khan kan nau pakhat inhlawhfa tlaia lo haw chuan, Venghnuaia Pu Tlanglawma chu a pum a na a, Durtlang damdawiinah an zai a, a lo chhiat nasat avangin an chhin leh ringawt a. An veng pa Pu Lianzika mumangah vai pathian zawnna a khum zaa a hmanpaih sela a dam mai ang, an ti ” tih thu a thiante sawi a han hria a, mak kan ti hle a.

Pu Tlanglawma hi ka hriat mi pawh a ni lova. Pa kawrn nuam tak leh taima tak,  lung leh cement mistiri thiam tak a ni tih ka hre chho ta zel a.  Tum khat chu Synod High School Cement Concrete tuibel siamin, kum 1971 June thlatir lam khan kan inhlawh ho hlauh mai a. A chanchin ka lo hriat nial nual tawh fiah nan, ” Vai pathian zawnna khum zaah i lo hmang reng em ni ?” ka ti a. Ani chuan, “Ka hnathawk bang haw lamin Bawrhsap tuikhuahah sawn chartin bung a lo awm a, ka la a, ka pu haw a ka hmang ta mai alawm maw le,” a ti a. (Tuna Tennis Court awmna hi chunglai chuan Bawrhsap tuikhuah a awm a, vai pathian paih nan leh motor sil nante an hmang fo thin a ni.)  ” I chhung-te‘n chutiang i hman chu an hre ve em? ” ka ti a. “Hre lo, damdawiin a an lo kalin  ‘Vai pathian zawnna i hmang em ni ?’ min ti a,  ‘Hmang e’  ka lo ti a,  ‘Kan paih dawn’ an ti a, ‘Paih lovang’ ka lo ti a, ”  a ti.

Kum 2003 July ni 29 khan Venghnuai pa Pu Lianzika chu Mit zai tir turin Civil Hospitalah a lo kal remchang hlauh mai a, an zai hma dar 10:30 Am velah chuan Pu Tlanglawma chanchin mumanga hmutu a nih leh nih loh thu leh a hmuh dan zawhna hun ka nei hlauh rnai a, tihian a sawi a. “Zan ka mu kha ka muhil chiah ni pawhin ka hre lova, mi pakhat sipai kawr kamis lum chhawhchhi buh pawlh ang deuh ha,  puan Ngotekherh ni chiah lo, puan tial veng hi ka lu bulah a lo ding a, chu chuan, ‘Tlanglawma chuan ban sawm nei hmanrua a khum hmanruaa a hman kha paih sela a dam mai ang’ a ti a. A tuk chawlhni zinga Tlanglawma nau nena lu  kan inmeh tawn laiin ka sawi a. An inah a zu tlan thla a, a zu hrilh a. A fapa upa ber Rina chu Durtlang damdawiinah a tlan chho a, a han hrilh a. A hawng a, paih a tum laiin a nuin chhuat a lo nawt laklawh nen, “Khum za ber i paihte chuan mutna kan nei nang, a hrehawm  lutuk ang’ a ti a, mahse a hnuah an paih ta tho a, ani pawh a dam ve leh ta mai,” a ti.

Pu Tlanglawma hi hnathawka eizawng theiin kum rei tak a dam a. Pu Lianzika ka zawh lai hian mual min lo liamsan tawh a ni awm e. Tunah Pu Lianzika pawhin mual min lo liamsan ve leh ta bawk a. Anmahni hriatreng nan kum 40 lai liam ta thil ka han ziak ve a ni e.  ( Chawngkhum dan Hung huat loh pawh ni nghal sela) .

PS :Kumin a a tawp nan! Post ka vil hman lo a nih pawhin in ngaihdamah kan ti aniang chu. Fonz-te nen kan va fatu ang e. Pi Bmw-in kan rawngbawl tui a ti lo palh ang e.

Similar Posts:

Recent Posts:

16 Responses to “Ngaihtuah neuh neuh atan nge ho mai mai..?”

  1. 1
    mamboihi Says:

    Kan first tlat teng!! Vai pathian zawn na chu hman a tha lo ani hi!! A mak dangdai hle mai.. :blush:

    Report this comment

  2. 2
    khirhkhak Says:

    Vai pathian zawnfung chu a va hlauhawm ve, thil dangah hmang ila engtinnge a thawh ang le. Thil mak tak a ni. Awih a harsa ve hle mai a.

    Report this comment

  3. 3
    kotlaman Says:

    a mak vei fu a nih si!
    delhi mizo inkhawm chuan fatuho an review anga tute emaw angin tlak phak phakte a awm leh si ange,haha.hman nuam ule..

    Report this comment

  4. 4
    mate ainawn Says:

    Mak ve..

    Report this comment

  5. 5
    Sadbutt Says:

    A dangdai hle mai :o

    Report this comment

  6. 6
    PKfanai Says:

    Ka ngaih thutak tawh nen, (“Chawngkhum dan tlang huat loh”) i ti leh daih a.

    Report this comment

  7. 7
    H.Vangchhia Says:

    A ngaihnawm dangdai phian mai. Ngaihruat theih thil hi a thleng ve fo ania. :)

    ” Fonz-te nen kan va fatu ang e. Pi Bmw-in kan rawngbawl tui a ti lo palh ang e.” Nuam inva ti bik dawn vele… hlim takin hmang rawh u khai :)

    Report this comment

  8. 8
    sheldon Says:

    Kei hi ka superstitious riua a nia…haha. Ka hlauh zawng tak ani. Vai Pathian zawnna khumza atana lo hman chu, a ‘pa’ ve reng reng mai.

    Lushai post hi hlauhawm lam turah ka ngai deuh tlat tawh nia :rolleyes:

    Report this comment

  9. 9
    Zochianga_Dreath Says:

    ka va hmang ve ngat chak e…
    Vai pathian te mai mai…
    Vai pathian ban 10 ka kham nghal loh…

    Report this comment

  10. 10
    lrpa Says:

    bati hal nen a inzawm deuh ang a :D

    Report this comment

  11. 11
    CFL Says:

    A ngaihnawm e. Tun chu thatchhe post ni lovin taima post a lo ni ta a ni maw. Hairehai!
    @ Pu lushai_er hi kan misual historian ropui a nih hi.

    Report this comment

  12. 12
    TuaiSialA Says:

    A ni ngawt mai.

    Report this comment

  13. 13
    chawnghilh Says:

    A bengvarthlak, ngaihnawm pah bawk. TrinityVOneness lamah miin min lo add daih a, helam ka ngaihthah phah. In ngaihawm khawp mai. Kum Thar chibai u le! :kiss:

    k

    Report this comment

  14. 14
    hmingtea Says:

    Mak ang reng ve.
    Bawrhsap lui ka naupanlai in mi tui cheng ka thlir thin ka cheng ve ta lo .ka mithla in ka la hmu a tui a nu thei khawp mai.

    Report this comment

  15. 15
    Jacka Pi Says:

    Thil mak dangdai hre thei ve

    Report this comment

  16. 16
    Fonz Says:

    Mak hle mai a.

    Report this comment