Almighty Dollar

December 16th, 2011 9:00 am by maawma

Thuhma

“US Dollar nei ngah ber ban phar tur” ti ta se, a phar lo chiang ber te zingah ka tel ve ang, “US Dollar nei lo ber ban phar tur” ti leh ta se, an sawi zawh hma a ban phar hmasa zingah ka tel chiang viau bawk ang.

“A nih leh US Dollar in World market hi engtinnge a khawih danglam thin a, Mizoram atanga investment kan lo tih ve nate ULIP (Unit Link Insurance Plan) leh Mutual Fund te hi engtin nge a tih chet thin a, Imported goods ho man hi ngatinge a to vek?” tiin zawhna rawn siam leh ta se, tukhum thak hiat a inngaihtuah mual mual chungin, buh nuaih in mahse zam na chhete awm map lo in mahni ngaihtuahna a lo awm ve tuna ka rawn sawi tur hi ka din chhuah pui ngam ka ring.

Mumbai ah te chuan zin ve fo tawh thin mah ila Dalal street la kal miah loh chu sawi loh Wall street, New York te phei chu thlalak atanga hmuh tih mai loh chu suangtuahna mithla atang pawhin a awm dan tur pawh ka mitthla thiam lo ve.

Wallstreet em chu la zuk rap thleng lo mah ila kan Zoramah Internet leh Banking technology (Internet banking) te in min rawn hual ve tak khup avang hian Wallstreet a Professional trader/investor rual awm khawm ho sulhnu erawh an chet rual zelin a chhui ve theih ta chu a ni e.

Internet vang hian heng Wallstreet Professional Trader/Investor hrawl pui pui ho Trading Terminal/Platform (Professional Investor hoin Financial market luhnan a software an hman thin) leh an broker hman ang te hi kan ram riang te tak te atang hian man chawi pawh ngai lem loin a zuk hman ve theih phah ta der mai nia mawle!

Keu hawnna:

Sum/Money hi Commerce zirlai bu ah chuan “Medium of Exchange” tih a ni, he medium of exchange atana khawvel in a hman nasat ber US Dollar hian engtin nge Indian Economy tha reng si a thil man a tih san chhoh vak, India Rupee atanga US Dollar thleng na a san tual tual a, kan investment neih ve ang chhun Unit Link Insurance Plan leh Mutual Fund (Diversified Equity) ah a tlem emaw a tam emaw a rawn tih pun a, a hloh theih teh daih tih hi pasaltha ho in Sapui hnu an chhui angin heng professional ho sulhnu hi i chhui dawn teh ang.

Kan hriat theuh angin India stock market ah chuan FII (Foreign Institutional Investor) ho hi sum hlawm ngah ber leh inthurual a che huk thin an nih avang hian tumah in ngam hek lo, an duhtawk in India market an rawn Khuainuai vel ta mai si a, mahse heng FII ho hian India ramah investment an rawn tih dawn in kan unau ngal sin, sang zit zet ho hian FII ho sum rawn hum luhna US Dollar chu a ngai ngai a rawn luh pui an phal bik der si lo, loh theih lo in Currency Exchange ah INR (Indian Rupee) ah an rawn thleng ngei ngei a lo ngai a, chutiang bawkin India market an chhuahsan pawhin INR (Indian Rupee) kha US Dollar ah an thleng let leh tho a lo ngai bawk si, FII hoin Rupee an la chhuak a US Dollar in an ram lamah Profit an book meuh chuan NIFTY/SENSEX hi a min thla ta heuh heuh mai a, tichuan US dollar ber an ram lamah an chhek luh zel avangin US Dollar hlutna pawh a sang chho ve nghal ta zel thin a ni. Gandhi lu intar na currency note hi New York/Chicago velah chuan hmanna vang deuh pawh ni mahna le.

Chutiang teh nuaih a nih avang chuan Forex market a USD/INR (US Dollar vrs Indian Rupee) pair che hian thil tam tak a rawn hril ta a ni. Hetiang anga Forex market leh India stock market in kungkaih na hi a hmingah pawh Intermarket Relationship/ Market Co relation an ti nghe nghe a ni.

India stock market chauh lo pawh US dollar leh US lam Stock market pawh he dollar che hian zu han ti dang lam thei a! Sensex/Nifty leh US Dollar a chet rual ang tho hian Dow Jones/S&P 500 (US Stock market Index) te pawh hi US Dollar chet rualin an che ve vek tho mai. ULIP/Mutual Fund (Diversified equity) ah kan lo invest ve Rs 1000 kha he US dollar hlutna nasa taka che thin hian a rawn ti pung emaw a hloh daih zawk theih reng a, chutiang bawkin US Dollar ber a san chuan loh theih lohin India rama Imported goods ho kha a man a rawn sang ve nghal vek a lo nia lawm! Hetiang a US Dollar meuh an ram lamah a hawn let chuan naupang thang duang ang maiin US Dollar hi a sang chho ta awk thin a ni. Chhiar chhunzawm duh tan:

http://www.businessweek.com/news/2011-11-22/dollar-status-grows-as-foreign-banks-double-deposits-at-fed.html

Wallstreet lam atanga FII hoin India market an rawn hum luh thin zat chu tuna link ah hian a hmuh theih e, an ni (FII) ho tan chuan an kuhva khawr man zat vel lek pawh a ni ta ve ang.

http://www.moneycontrol.com/india/stockmarket/foreigninstitutionalinvestors/13/50/activity/FII

Intermarket Relationship a bik in Forex market (Currency Exchange) leh India Stock market in laichinna hi sawifiah tak tak dawn chuan khawvel market lian ber mai, Chiahpuam vanglai pawh a kan lam rik ve chhen FX or Forex market hi han sawi kai ta zawr zawr phawt i la.

Hetiang lama tui mi leh chhiar chhunzawm duh tan hetah hian a awm e Click here

Similar Posts:

Recent Posts:

44 Responses to “Almighty Dollar”

  1. 1
    Maya Says:

    $

    Report this comment

  2. 2
    Sadbutt Says:

    A bengvarthlak .. tih bak chu komen ngaihna poh ka hre ve lo e.

    Report this comment

  3. 3
    Sony Says:

    Chhan duhawm lo takin US Dollar hi a chak chho va, khawvel sum leh pai lama buaina a entir hle mai. US economy a lo chak ta thur thur pawh ani lo, Euro leh Indian Rupee a chak loh vang mai maia chak ani. Asian currency dang nen chuan chuti teh chiamin a chak chho lo. Thai Baht leh Philippine Peso pawh stable tak anni. Indian Rupee chak loh pawh hi exporter emaw ram US$ a sum lalut tan chuan lawmawm deuh asin. NGO American hoten an tanpui tan pawh a lawmawm duh phian ang. Tunah 9.45 a.m. hian $1 in Rupee 52.4369 ani, nimin ang thur thur chu ani rih lo.

    Report this comment

  4. 4
    H.Vangchhia Says:

    Avan ngaihnawm chur chur vele, a bengvar thlak bawk si. Tuina lam nilo mahse, tlem tal hriat pawimawh ani si… a tha hle mai (Y)

    Hmmm Dollar chhuak thar (deuh reuh) ka ah chhun kan dah ve mai mai ang e hairehai :-P Masi dawn dawn a broke hi nuamlo ve tak chu a ni. no_nick te angin Rs.nuai tel tak meuh hlawh ve te chu ni ila thuhran ania hairehai ;-)

    http://i40.tinypic.com/j98o6p.jpg

    US Dollar aiin Pound Sterling leh Euro te hi exchange rate-ah tam zawk mahse, US Dollar aia thil tithei hi chu a awmlo anih hmel… ka hrethiam vaklo :D

    Report this comment

  5. 5
    Chhuaklinga Says:

    A ngaihnawm phian, hetiang lam hawi thu ziak hi chhiar tur avang khawp mai. A tha e, han ti zel teh. (y)

    Ku hv-a chu i va hausa ve, dollar hi chu hmang pha ve lem lo mah ila, a hmel hian lung a ti leng ve tlat. :)

    tren tren

    Report this comment

  6. 6
    CFL Says:

    Hriatna tizau post tha leh hlu tak a ni e. (Y)

    Report this comment

  7. 7
    Emi Says:

    He post puitling tak chu a bengvar thlak tep a, mahse keini ang economics/finance lama bo lutuk hi chu min la hrilh harh zo rih lo. Han post leh zel la a tha ang.

    Entir nan, tuna India currency tla hniam zel te hi engtia chhanchhuah chi nge ni anga, kan ram hotute’n engtinnge tan an lak? Website atang te chuan kan man ve thiam lovag, a digest sa in rawn sawi zel teh.

    Report this comment

  8. 8
    lushai_er Says:

    Kan chhungte pakhat chuan US $ hi khawl ila Saving siam nan a tha ber a ti thin a. NRI-Mizo an lo haw hian a thleng sak thin , a lo dik dawn a nih hi. Hei a sang chho zel mai si a, Rs. 54 hi a tawng thuai ang. bmw-i te ho pawisa a hlu ting a ni mai ;-(

    Report this comment

  9. 9
    kawlhawk Says:

    maawma a rawn lan hi chuan, keini ang thu sepsel te2 phuh chhuak thinte pawh hi kan pui ru riau zel… anga inhriatna ka nei. :p

    ngaihnawm, bengvarthlak… (Y)
    Mahse, keini ang duang chuan uluk takin vawi 5 vel chhiar chhuak ila, a nih tur ang zatve chu kan hrethiam ve trawk mahna… :o

    Report this comment

  10. 10
    maawma Says:

    @#3: Fx market ah chuan awmze neia che na per chu US$ hi a nia, USD ber a chet chuan EURUSD, AUDUSD, GBPUSD, USDJPY, USDCHF, USDCAD, XAUUSD te hian an zui dual dual zel, Forex market piah lamah pawh hei Imported item ho chu bungraw lakna a rawn to chho vek a nih ber mai hi. EURO chauh hi a chet chuan EURJPY, EURCAD, EURCHF, EURAUD te hi an che na mang lo a ni. EURO a chet vak in EURUSD hi lo che palh ta se, US Dollar a chet chuan loh chuan a hnu rei lo te ah US Dollar trend bawkin a rawn zui leh mai thin, chumi chu Currency characteristic chu a ni deuh ber. Chuan USD tel tawhna ho hi chu Major pair an tia, EURO telve na ho chu Cross pair an ti lek chauh. Chuan Thai baht, philipine peso ho hi tradable pair pawh an ni hlawm lo, Burma kyat te pawh hi FX market ah an lang pha lo, broker then khat phei chuan nationality zirin account hawnsak duh lo te pawh an nei, chumi ah chuan Burma pawh a tel. Hetiang hi Traded value chu a ni e. USD hi 84.9% ni veh mai nia, INR chu 0.9% lek a la ni, chuvangin INR zawk che hian dollar te chu ti che zo ve vak lo, dollar zawk hian INR te chu a phih leng lawp zel

    1. United States dollar USD ($) 84.9%
    2. Euro EUR (€) 39.1%
    3. Japanese yen JPY (¥) 19.0%
    4. Pound sterling GBP (£) 12.9%
    5. Australian dollar AUD ($) 7.6%
    6. Swiss franc CHF (Fr) 6.4%
    7. Canadian dollar CAD ($) 5.3%
    8. Hong Kong dollar HKD ($) 2.4%
    9. Swedish krona SEK (kr) 2.2%
    10. New Zealand dollar NZD ($) 1.6%
    11. South Korean won KRW (₩) 1.5%
    12. Singapore dollar SGD ($) 1.4%
    13. Norwegian krone NOK (kr) 1.3%
    14. Mexican peso MXN ($) 1.3%
    15. Indian rupee INR () 0.9%
    Other 12.2%

    @ HV, va ngah bik ve a :-), khatiang kha a takah kei chu ka la hmu ve miah lo nia

    @Emi: hei hi chu world market kal phung a nia, Institutional trader hoin dollar ah profit an ngah tawk a, profit book a awm anga, chuan a tla leh mai ang.

    @Lushai_er: a dik a lawm mahse dollar hniam lai a lei kha a ngai a….

    @Kawlhawk: tren tren a ni mai (fiamthu):-)

    Report this comment

  11. 11
    H.Vangchhia Says:

    maawm, ka ahna a rei tawh teh asin : :-D

    Report this comment

  12. 12
    mamboihi Says:

    Almighty Dollar hi $100 note or $10 or $1.. A size a intiat vek nia!!

    Report this comment

  13. 13
    maawma Says:

    @Mamboihi: Charity Donation ka dawng e, paypal atangin Transaction ID: 7KW4234236333971W

    Report this comment

  14. 14
    H.Vangchhia Says:

    #13 yay (Y)

    #12 thl hi size hrang hrang a awm :P

    Report this comment

  15. 15
    mamboihi Says:

    @13 Maawma… Thanks much!!

    Report this comment

  16. 16
    ReMpY_ScisSoR Says:

    Ok post :D tih bak comment tur hre la.

    Report this comment

  17. 17
    Ruata 4 Cabin Says:

    A tha hle mai..money standard an thlan dawna gold thlak nana dollar an hman tak vaang te pawh hian a ni mahna, dollar hi a chak bik tak em em ni!! Monetary standard lam rawn ti leh la ka va ti em??? Engtin nge Gold bullion standard hian ram economy a nghawng tih te pawh ka hre chak khawp mai???

    Report this comment

  18. 18
    maawma Says:

    @Ruata4Cabin: Market price nataka a chhoh hian market sentiments hi a drive nasa ber tu a ni zel e an tia lom. Hemi chian na em em chu 2008 OIL Crisis (Bubble pop) te kha Law of supply and demand pel rawk in a che an tia lom, Wall street Future trader ho lek lawm le khami tuma price lo ti sang vak tu te kha, chu lo pawh Tulip mania “first recorded price bubble burst” poh kha speculation leh market sentiments vang mai mai, nih loh chuan Tulip pa khat te hi engmah a ni lo.
    http://en.wikipedia.org/wiki/Tulip_mania
    Gold market pawh hi interesting reuh lutuk, phur dan a zirin aw

    Report this comment

  19. 19
    Ruata 4 Cabin Says:

    A basic tak tak min hrilh la ka va duh em..enga ti nge Dollar hi a hlut bik bik em em? Pound ai chuan a hlu lo zawk mai thei, mahse nga ti nge international currency ang hiala an hmanna chhan hi?? Monetary standard a hi ka var pawh chiang thei lo a, chiang takin min han hrilh teh? ka lo chang reng a nia..commerce economics leh pure economics chu a in ang lo mai thei bawka, mahse he monetary standard chungchangah hi chuan a in an vek tho ka ringa :happy: @ mamawma

    Report this comment

  20. 20
    maawma Says:

    @Ruata 4 Cabin: Pure Economics te chu ni teh suh e, tuna ka rawn sawi ang hi chu market analysis, speculation a ni mah zawk, hetiang lampang a lut ril deuh chu Analyst/chartist/Market technician/speculator tiin an sawi mai thin. Commerce lam pawh tlem a tel, economics tlem a tel a bak zawng chu market sentiment zir a ni ber. A tum ber chu market price future Support leh Resistance hriat tuma a zir hi a ni mai

    Hei hi Dollar hlut bikna chhan

    •The United States economy is the LARGEST economy in the world.
    •The U.S. dollar is the reserve currency of the world.
    •The United States has the largest and most liquid financial markets in the world.
    •The United States has a super stable political system.
    •The United States is the world’s sole military superpower.
    •The U.S. dollar is the medium of exchange for many cross-border transactions. For example, oil is priced in U.S. dollars. So if Mexico wants to buy oil from Saudi Arabia, it can only be bought with U.S. dollar. If Mexico doesn’t have any dollars, it has to sell its pesos first and buy U.S. dollar

    Report this comment

  21. 21
    sheldon Says:

    @20 maawma, A basic lam hre pha ve lo hian Dollar hlutna a sang leh tawh hi kan ti liam mai mai a. Mahse, Euro leh Pound ang te a tluk lo hi ka la hrethiam pha chuanglo :undecided: A bengvarthlak hle mai.

    Report this comment

  22. 22
    Ruata 4 Cabin Says:

    A tha hle mai…reserve currency a an hmanna chhan khi han sawi zau leh teh a..khi ber khi a ni ka hriat chian duh chu?? reserve currency a hmang tur khian eng nga ti nge an thlan bik?? @ maawma :P

    Report this comment

  23. 23
    maawma Says:

    @Ruata4Cabin: ele Liquidity ni mai lom, Dollar a thil lei theih loh na ram tak tak a awm hlei nem. Bakah international business ah dollar hi transaction tihna vek a nia

    Report this comment

  24. 24
    maawma Says:

    @Sheldon: i sawi dan chu a dik a lawm unit khat ve ve ah Euro leh GBP chu a sang zawk chiang, tihian sawi teh ang, US $10 hi GBP emaw EURO emaw ah thleng ni ta se, thla khat hnu ah US $10 bawk hi GBP leh EURO ah thleng leh ni ta se, heta GBP leh EURO thlengna zat kha a lo dang daih tawh ang, khami ti che nasa tu kha GBP leh EURO lam ni loin US$ zawk hi a nia, US$ hlutna a hniam leh san khan GBP leh EURO thleng tam na zat tura kha a rawn hril ta thin a

    Report this comment

  25. 25
    Ruata 4 Cabin Says:

    @maawma: a Liquidity sanna chhan hi IMF din a nih dawna ram tin te an pawisa, gold aia US dollar (declaring there per value according to dollar) a a hlutna teh tur an tih vang hi a ni em?? a nih chuan enga ti nge an tihna chhan hi??

    Report this comment

  26. 26
    zualbonez Says:

    sawi ve ka duh viau a mahse pocket-a pawisa awmloh hi chuan a tuiawm vak loh :?

    Report this comment

  27. 27
    maawma Says:

    @Ruat4Cabin: i zawhna chu Federal Reserve lam chan a ni ta, market analysis subject huang pawn lam thil a ni tlat. Sawi tawh angin pure economics a ni lo tlats

    Report this comment

  28. 28
    sheldon Says:

    @mawma, thanks, hrethiam ta deuh riak ruak. Tangkai pui lemlo mahila a bengvarthlak a. Dollar/Pound,adt kan sawiri ve fo a, khawvel sum leh pai chevel a US ropuizia a lang anih mai awm hi :undecided:

    Report this comment

  29. 29
    Ruata 4 Cabin Says:

    @maawma :a tha tho e, market analysis lamin in lo khawih tel lo a nih chuan pawi lo e. Chiang taka min hrilhtu ka duh khawp mai!! A in link chho vek tho si a

    Report this comment

  30. 30
    maawma Says:

    @Ruata4Cabin: a dik chiah, a in link kual vek. Economist ho kutah dah hmiah mai tur, mahse Economist ho hi market ah chuan an thlawh zero ve thei ang reng khawp mai.

    Report this comment

  31. 31
    maawma Says:

    @Sheldon: Nia, US hi market ah thil an tih theih zia rawn sawi tumna a ni ber

    Report this comment

  32. 32
    sheldon Says:

    US zawng US alo ni e. Tar alamah hian pem tum ve ila a tha ang :lol: :P

    Report this comment

  33. 33
    Ruata 4 Cabin Says:

    @maawma : i sawi khi a dik ka ti khawp mai, economist pakhat chu ka zawt tawha, commerce ho chan a ni e a tia, chuvang a nia ka rawn tah awh tak ngawt che ni..market sawi takah chuan, min chhang duh a nge maw..stock-market leh economy a nghawng a neih dan hi chiang takin han sawi teh a?? economic crisis apiangin kan thlir ber chu stock-market dinhmun hi a ni thin si a?

    Report this comment

  34. 34
    zualbonez Says:

    US in dawizep taka zan thima iraq an chhuahsan hi :nui nui: :D :o

    Report this comment

  35. 35
    sheldon Says:

    @zualbonez, nang hi Muslim ah ilo inlet ang e aw :lol: :P

    Report this comment

  36. 36
    zualbonez Says:

    sheldon..keichu rinawm takin christian forever… :)

    Report this comment

  37. 37
    maawma Says:

    @Ruata: Commerce pumhlum poh a la ni chiah lo, a chhan chu ka background hi commerce a ni ve tho a, college a kan zir dan nen a in per san lutuk, economist hoin economy a tha an tih laiin market hi hniam thut thei a ni tho,sawi nawn fo tawh angin market chu purely sentiment a ni mah zawk profe ho chuan an ti tlat, a nih ka ring kei pawh. Hriat ve ang chhun te te chu la rawn sawi ve thin dawn nia.

    Report this comment

  38. 38
    maawma Says:

    @Zualbon hi ring deuh hian lo allah ve ruah ruah zel nge :-):-)

    Report this comment

  39. 39
    zualbonez Says:

    Allh u akhbar—-Allah means God not muslim God hehehehe 8)

    Report this comment

  40. 40
    money Says:

    money…

    [...]Almighty Dollar | mi(sual).com[...]…

    Report this comment

  41. 41
    convert pounds to euros Says:

    convert pounds to euros…

    [...]Almighty Dollar | mi(sual).com[...]…

    Report this comment

  42. 42
    best printable coupons Says:

    best printable coupons…

    [...]Almighty Dollar | mi(sual).com[...]…

    Report this comment

  43. 43
    online videos Says:

    online videos…

    [...]Almighty Dollar | mi(sual).com[...]…

    Report this comment

  44. 44
    electronic cigarettes jobs Says:

    electronic cigarettes jobs

    Almighty Dollar | mi(sual).com

    Report this comment