Archive for December, 2011

Sahmulphah thlaa ka zinna

Saturday, December 31st, 2011

Aitechhin na’n

Tunlai post a tlem riau, khua a har. Tin, misual.com-ah hian thlalak ka la post ngailo bawk a. Ka thiam ve teh reng e maw?

Thla hmasa khan Mahaballeshwar leh Mount Abu ka tlawh a. Mahaballeshwar hi a nuam ka ti zawk a, Mount Abu hian lung a tileng thung. Mahablleshwar hi Pune (Poona) atangin darkar 4 vel tlan niin, Mount Abu hi Ahmedabad atangin darkar 5/6, Delhi atangin darkar 11 vel tlan a ni thung.

Ka thlalakna (Nikon Coolpix, 14MP, 5Xzoom) hi a tha nge tha lo ka hre lo a, a hmeh det hi ka thiam ve tawk ni si a. Thlalak hmuhnawm tur pawh ka nei lo. Tlem a zawng ka’n tarlang ve ang e.

Mahaballeshwar tlangram

(more…)

Dan lam hre deuh khan min han pui teh u..

Saturday, December 31st, 2011

Fundamental Rights violate nia ka hriat, Supreme Court ah hian Public Interest Litigation (PIL) ziah ve hrim hrim ka duh tlat.

Enge kalphung leh tihdan hria, a tihdan phung deuh hlek te min han hrilh theih chuan ka lawm ngawt ang.

Kumtawp zan duhawm lo

Saturday, December 31st, 2011

Naupan lai aṭanga tleirawl sual neilo, tunlai nu leh patena suala an ngaih ruihtheih thil ho reng reng chu sawi loh, zuk leh hmuam takngial pawh a engamah tilo ka nia. Tette aṭanga inkhawm ngaina, pawimawh fetah lo chuan ṭhulh hreh ngawih ngawih mi ka ni.

Hetiang mi hi ni mah ila; Pathian Thu-ah hian tuihal rukna erawh ka nei veng veng ṭhin. Mi’n Pathian Thu an sawia; ka hriat hnu vek leh ka mamawh ve loh, kei aia sual zawkte tana sawi ni tlatin ka hre ṭhin. Thi ta ila ka chan tur ka chiang (hremhmun).

Suala ka inhriat loh miau avangin in siamṭhat ngaihna ka hre chuang lo. Hetianga chawlawlna thlarau sualin min chim vel mek lai hian ka nunah sual kawnga tlan ve chakna a lo lang ta.

1999 (?) kum tawp ni a nia; kan club (Apollo Football Club) chu kumhlui thlah pahin kan picnic-a; ruaiṭheh zawha ni tla thlah nghal tum kan ni.
(more…)

Ngai teh kumhlui..

Saturday, December 31st, 2011

Mihring siamchawp hunbi chhiarna hian mihring nuna thu a neih nasat zia leh a nghawng nasat zia hi! Mihring tihdanglam theih loh, hun chu a ngai rengin a kal a, kan hunbi chhiarna hmangin kan kaiphar dawr dawr a; a changin kan hmuak a, a changin kan thlah thin.

Kan hmuah avangin a ropui sawt lo va, kan thlah avangin a uiawm sawt hek lo. Kumhlui leh kumthar kan tihte hian awmzia a nei lo va, kumhlui liam tur ngaia kan kur ruai ruainate kha ngaihtuah chian chuan a ho va, a nuihzatthlak a ni.

Kumhlui thlah zan hun hmante hi a holam ngawih ngawih a, a puala thil buatsaih pawh sum khawhralna mai mai a ni. Thenkhatin thil sual tihna remchangah an hmang a, nawmsip bawlna hunah an hmang a, kumhlui thlah hming chhalin nuam an chèn a ni. Kum thar hmuak emaw kan inti a, ni thar kan hmuak a ni zawk si. Ni khat hi Pathian siam, zan hunin a hril a, kum khat erawh mihring siam, calendar-in a hril thung a.
(more…)

Thu ho mai mai

Saturday, December 31st, 2011

Thu ho mai mai kan post teh ang. Kum 3 vel liam ta ah khan Shillong ah ni 3 Training Programme a kal turin min ti a, kan thawhpui nu upa lam, kum 50 plus nen kan kal dun alawm. Hemi tuma kan training chungchang hi tunthleng hian kan la nuihpui thin a, kan post ve mai mai. Min lo nuih ve ula :P

Thian thenkhat te kha chu Night Bus te khan an kal a, a tuk zingah an thleng mai a, keini pahnih ve kha chu advance in a hma ni zingah Sumo in kan kal a, Silchar ah kan han riak phawt a. Shillong ban thleng lova Silchar kan riak pawh kha thawhpuite nuih a za tan tawh a. A tuk zingah Silchar atangin Sumo bawkin Shillong kan pan leh ta alawm, Vai ho nen kan chuang a, keilah vaitawng ka thiam aih lova, motor a khalh chak deuh hlek khan ka kalpuinu khan driver hnenah khan ‘aste aste’ a ti thin a, driver kha a nui var var a, a khalh muang ve leh mai thin bawk a, mahse, ka kalpuinu khan driver hnenah khan ‘aste aste’ tih kha a sawi ngun viau :lol:
(more…)

Ngaihtuah neuh neuh atan nge ho mai mai..?

Saturday, December 31st, 2011

Ch. Rohmingliana,  Mission Vengthlang

Kum 1969 daih tawh khan kan nau pakhat inhlawhfa tlaia lo haw chuan, Venghnuaia Pu Tlanglawma chu a pum a na a, Durtlang damdawiinah an zai a, a lo chhiat nasat avangin an chhin leh ringawt a. An veng pa Pu Lianzika mumangah vai pathian zawnna a khum zaa a hmanpaih sela a dam mai ang, an ti ” tih thu a thiante sawi a han hria a, mak kan ti hle a.

Pu Tlanglawma hi ka hriat mi pawh a ni lova. Pa kawrn nuam tak leh taima tak,  lung leh cement mistiri thiam tak a ni tih ka hre chho ta zel a.  Tum khat chu Synod High School Cement Concrete tuibel siamin, kum 1971 June thlatir lam khan kan inhlawh ho hlauh mai a. A chanchin ka lo hriat nial nual tawh fiah nan, ” Vai pathian zawnna khum zaah i lo hmang reng em ni ?” ka ti a. Ani chuan, “Ka hnathawk bang haw lamin Bawrhsap tuikhuahah sawn chartin bung a lo awm a, ka la a, ka pu haw a ka hmang ta mai alawm maw le,” a ti a. (Tuna Tennis Court awmna hi chunglai chuan Bawrhsap tuikhuah a awm a, vai pathian paih nan leh motor sil nante an hmang fo thin a ni.)  ” I chhung-te‘n chutiang i hman chu an hre ve em? ” ka ti a. “Hre lo, damdawiin a an lo kalin  ’Vai pathian zawnna i hmang em ni ?’ min ti a,  ’Hmang e’  ka lo ti a,  ’Kan paih dawn’ an ti a, ‘Paih lovang’ ka lo ti a, ”  a ti.

(more…)

Rawtna thar!

Friday, December 30th, 2011

Johns Hopkins University a scientist pahnih chuan calender thar siam an rawt chhuak pek a. Chuta an rawt dan chuan Krismas hi Chawlhni (Sunday) ah a tla ziah dawn a, thla thum danah (every third month) ni 31 zel awmin thla dang zawng chuan ni 30 a nei ang a, a vaiin ni 364 a awm ang.

Every third month on the new calendar would have 31 days, with the rest of the months having 30, for a total of 364 days. They would drop the quadrennial 366-day leap years entirely in favor of an extra week at the end of December every five or six years.
(more…)

I vote ang u khai!

Friday, December 30th, 2011

Mizo tlangval, CyEf Parker (C.F. Lalhruaitluanga) chu a superhero character siam, Genesys vangin www.talenthouse.com chuan artist of the year 2011 atan an nominee zingah a dah mek a. Vote hi Jan 6th, 2011 a ni a, Mizo ten kan Mizo pui hi duhsakin vote theuh i tum ang u khai.

Vote theihna:

Talent House: GENESYS by CF Lalhruaitluanga

Top 10 Most Viewed YouTube videos

Friday, December 30th, 2011

2011 chhunga YouTube video mi in an en hnem ber te, top 10. View nei hnem berah chuan Rebecca Black “Firday” kha an ni ngei a, chuvangin heng video khaikhawmna host a tan Rebecca Black ngei YouTube in an sawm. Tha thei e. Bakah vawiin Friday an ni bawk. Inhmeh tak a ni.

:)

(more…)

In hating memory of Saddam Hussein

Friday, December 30th, 2011

1991 kumthar tir a nia; kum dang ang chu nise nun a la nih huau hun lai a ni. Amaherawhchu, hemi ṭum hi chuan kan hma lawka Middle East-a thil thleng mai tur chuan mitin, keini naupang chenin radio kaltlanga thuthar an puan kan hriat ve vek avangin min chiaha. A hma kum daiha kan lo tum lawk tawh a nih avang erawh chuan kan pawl sum tuak na tura kan ruahman thinglak chu ṭhulh phah kan tum chuang lo.

Kan khaw dai ami eng thing nge ka hre reng talo chu kih tumin kan pawl zinga a hotu deuhte chu hnatlangin kan thawkchhuaka, heta ‘a hotu deuh’ ka’n tih kher nachhan chu he kan pawlah hian OB pathum kan awma; President/Leader tih vel kan invuah ve lo. Kei hi a hotu ber ka nia; ka hnuai chiah ami chu a dawttu, a pathumna chu tuleh kan ti mai.

Tichuan, thing chu kit turin kan chem neih ang ang chuan theihtawp chhuahin kan sata; a zatve vel kan sah hnu chuan kan hah tawngkhawng tawh bawka, hemi ni atan hi chuan kan duhtawk rih.

(more…)