Kohhran leh YMA fel teh (Judge) nan kan hmang ta mah2 em??

November 5th, 2011 7:00 pm by katana

NGO hrang2  kan ramah hian an om nain, Kohhran leh YMA tluka lian Mizoramah an om lo tih chu kan soisual lo khopin ka ring. Tangkai poh an tangkai tak meuh mai.Mahse fel leh fel loh teh (judge) nan  kan hmang lutuk hi chu tha ka ti lo khop ta mai.

Active taka mi an han inhman hi chuan,a background lam ngaihtuah zui em2 lo hian a fel khop mai ti a fak hi kan sam em2 mai zela.Entirnan Lehkha zir thui peih lem lo tak Matric poh zo peih lem lo,sual lam te poh lo hmelhriat/bel ve nual toh te,an nun dan ning ta a, khawtlang mit hmuha fel/zahawm nih duh veleh hnuhnawh ta te hian,Zahawmna hlutna lampangte an han hre chho va.Chu zahawmna nei tur chuan enge/tunge an pan tlangpui kan tih chuan YMA/Kohhran anni tlangpui vek zel ti ila in pawm ve tho ka ring.

A tha viau mai,mahse heng ho hi Piantharna tak2 avanga YMA/Kohhran bel an nih loh chuan, an inhman active chhoh zel hnuah nihnate an han chelh chho hian Hrawn an hrehawm deuh tlat thin ka ti ve tlat.Midang phut poh a ti na ber2 hi an ni duh riau zel.Regulara hnathawh tur em2 nei zui ta lem lo bawk chu khawtlang thil tihah poh inhmanna hun an ngah nge2 a.A tel tam hman na na chuan nihna te poh an la lo thei lo si bok nen.

Tunlai khawvel thang zelah mi kan buai tlang toh hle hlom si a,zirna hrang2,hna hrang2 Govt or Private a thawk/lut kan pung tolh2 lo thei lo bawk si a.Kohhran leh YMA activitiesa tel tam behchhana a FEL in teh kan ching lutuk hi chu a fuh toh lo tak zet in ka hria.

Tin Mizote hi tam tak,a atam zok mah hi THINLUNG taka fel ai chuan Langsar taka FEL nih hi kan ngaina ta mah2 in ka hria.Chhiatni leh tanpui ngaite tanpui te  ang chi hi chu a tha tak zet zet khop mai.Mahse hei bakah hian activities hrang2 entir nan Sum tuak hnatlang, kohhran/YMA sport, hla zir, inkhawmpui, bial intlawh, khaw intlawh, camping, crusade,  etc etc a tam ta lutuk hi chu (sawi rawih mai ila) a nin awm ta khop mai.

Hnathawh tur nei leh Zirlai te tan chuan a tel that hman vak si loha. A in thlahrunawm chan a tam ta khop mai.
Chutah engmah regulara Thawh tur emo lehkha zir tur emo nei loa active taka inhmang ho hi a HMAN tha ve lo hmuh mawh ching ber2te an ni chawk leh nghal zela.

Chu mai poh ni lo, ahminga hna chelh ve, hna sang vak chelh chiah si lo, eng dang thawh belh peih ting si lo, In Lak ZAHAWM or AUTHORITY/POWER  neih ve duh si a, hun awl dang zawng2 deuh tho khawtlang tana thahnem ngai ber ni awm a inhmang te hi an tam ta lutuk lu deuh a ni. Hai chi poh a ni toh lo.A khaw te te leh member tlem na apiangah hetiang hi a hluar emo leh nghal. Thalai naupang vak toh lo tan inphut ana bik lehnghal, ahrehawm thin in a nin awm chan atam ta khop thin mai…

Mi nun dik,mi rinawm,taima, Pathian tiha dik taka ti thinte hi chhinchhiah ila Khawtlang puipunna thil tih ang chi ringawta active nazawng ai chuan  entawnah neih tawh zawk ila, kan thatpui zawk ngei in ka ring…Enge in hmuh ve dan le?????

Similar Posts:

Recent Posts:

34 Responses to “Kohhran leh YMA fel teh (Judge) nan kan hmang ta mah2 em??”

  1. 1
    Ruata Pachuau Says:

    .

    [Report abuse]

  2. 2
    Rtchongthu Says:

    Kohhran leh yma ah chuan i in hmang hman meuh lo a ni maw.i post kan chhiar kan chhiar khian nih na i chelh lo a ang.hnathawh sang tak hruaitu ropui tak te pwh an awm e.

    [Report abuse]

  3. 3
    Mama_B Says:

    He thu hi ngaihtuah zui tham a tling khawp mai! Kan value system hi ennawn a hun ta viau e. Economic transformation hian social transformation a thlen lo thei lova. Eizawnna pawh peng hrang hrang a tam ta a, mihring kan buai hle tawh a, a huhova thil tih neih tam hi a buaithlak tulh tulh dawn niin a lang ta!!!

    [Report abuse]

  4. 4
    Kawnga Says:

    A ni thei viau mai. Kohhran leh YMA-a inhman hi a tha ka ti a, mihring mimal felna teh nan ber erawh chuan tha ka ti miah lo bawk. I ngaihdan ka tawmpui thawkhat a che.

    Chuan, i thuziak khi chhiar a nawm tlangpui laiin ‘aw’ hmanna tur aiah ‘o’ i hmang tam mah mah deuh ka ti. Thahnemngaihna-ah min ngaihsak la, ka’n sawisel ve che a nih chu.

    [Report abuse]

  5. 5
    James Bond Says:

    Dik khawp mai. Office leh factory a hna thawhna serious taka la tu tan chuan NGO vela tel vak theih ani si lova. NGO (kohhran tiamin) a inhmang chiam chiam hi mahni hna kalsan, hnathawhna hmuna tangkai techiam lo anni fo ta ve ang. Factory kan nei tihna ni lovin nei ta ang ila.
    Subsidy cultura hnuaia awm kan ni vangin a pawimawh vakin a lang lo. Mahse competitive society ni tur chuan heng point hi a pawimaw dawn riau.

    [Report abuse]

  6. 6
    Lamji Says:

    ….thinlung taka fel nih ai chuan langsar taka fel…. A dik khawp mai. Fel leh fel lo hi chu a hrehawm lai berah leh dinhmun sang a an din hian a hriat chiah reng ani.
    Kohhran leh khawtlanga inhman tluk a awm hleinem pi/pu katana…mi tana emaw Pathian tana rawngbawl tluk a hlu leh puitlinna tehna tha a awm chuang hleinem. Tin,puitling tura inzirtirna institution tha takah kei ka ngai nghet hmiah. Nula/tlangval fel tak,hna/zirlai a buai,theipatawpa khawtlang tana inhmang te hlei2 hi asin laktlak,midang pawh an phut ngai chuang miah lo ang,lo chik mah rawh. Mahse tihtur mumal neihloh avanga active over,midang phut hlur ho zel chi erawh hi chu (N) Ka la lawm zel e. :)

    [Report abuse]

  7. 7
    filliz Says:

    Keimahni hna rinawm tak leh taima takin thawk ila, chumi bak a hun kan neih dan a zirin kohhran leh khawtlangah inhmang leh ila. Mahni hna thulh lo in khawtlang leh kohhran a inhmanna hun chu kan nei thei tho. Mahni hna thawh that hi ka duh hmasa ber. Ka ngaihdan mawlte a ni e.

    [Report abuse]

  8. 8
    sheldon170 Says:

    Kohhran leh khawtlanga inhman theih tluk a awmlo a, mahse, eizawnna leh inchhunga tihtur/mawhphurhna ti hmanlo leh hlen theilo khawpa inhman chu tul ka tilo. Kohhran pawh kawr a hmang kan tam tawh, YMA a active em em chhungte tana phurrit te pawh a awm ve theih ania.

    @Lamji, keipawh ka la lawm zel e :-)

    [Report abuse]

  9. 9
    sheldon170 Says:

    I ziak tha ka tia. Sawizui tham fe a ni. Mahse, comment hmasa a an sawi ang khian ‘aw’ hmanna turah ‘o’ i hmang a, a chhiar a tinuamlo zo. Tin, full stop leh comma zawhah khian space awmlohna a awm nual bawk a. Khi khi chu i dikloh pawh anilo mai thei.

    In ni ve em ka hre lova, post submit hian a site a type lo in Word a ka type sa hi ka paste mai thin a, endik sa thlap pawh hi hetia han paste hian a lo diklo leh fe zel a, inzawmlo tur a lo inzawm a, space awmna turah space a lo awmlo leh a, chutiang vel chuan, edit leh a ngai thin a, ka thiamlo nge enge pawh ka hrelo :-O

    [Report abuse]

  10. 10
    As_Khiangte Says:

    YMA leh kohhran hi mitin huap a ni a, a inhmangte dinhmun pawh a inchen lo thei hle ang le. YMA leh Kohhrana inhman hi fel tehna pakhatah hmang zel thei ila a ka duh hle mai, tehnaa hman tlak loh khawpa YMA leh kohhran kalphung hi fel hlelin a inhmangte pawh pawmawm lo kan nih hun hi thleng ta se a va pawi dawn em. Chutiang chu kan nih dan a lo ni thui viau tawh zawk em ni le.

    [Report abuse]

  11. 11
    kawlhawk Says:

    I paws tha lutuk tlat! Ka (Y) mawlh mawlh e.

    Mahse, a heading/ thupui em emah te chuan “mah2” ti lovin “mah mah” ve tal la. Thuziak i thiam thawkhat. Ziakzawm leh zawm loh pawh dik lo chu awm zeuh2 mah se, a nawlpuiin i tidik angreng fu.

    “aw” hmanna turah “o” i hmang tlat te, mah2/ em2/ tak2/ ber2/ hrang2/… i hmang tlat te hi i thatchhiat vang liau2 a ni, ka ti. Komen-naah chuan lo hmang pawh ni ila a awm tho e. Tunlaiah, zo tawng ziak dik leh uluk lamah thangtharte an hrarh thar mek a, paws topic ang te hi i uluk hram ang u.

    [Report abuse]

  12. 12
    hlatekhua Says:

    Mizo tawnga ziak siin a changa ‘aw’ aia ‘o’ i hmang leh double adjective leh double adverb-a ‘2’ i hmang khian i thu ziak tha tak tur a tichibuhin a tinawi zo vek a ni e! Mizo tawng spelling dik tak ngai pawimawh lo tan chuan YMA ngaihsan viau chu a har duh phian maithei reng a ni. Khing zawng zawng khi dik zawk deuhin ziak la chuan i thuziak khi ka thlawp zawng tak a ni ang.

    [Report abuse]

  13. 13
    katana Says:

    @ Rtchongthu, hmang ve thin e a khawi ve2ah pawh khian, nihna sang chin phei chu chelh hran lo na in. Lo inhman ve thin vang leh mawhphurhnate lo lak ve thin vang nia tel tak vak loh hnu pawh a mi hriat kan hlawh thina, zawhna khal deu2 pawh tawn ve tak zauh2 ni. Tel ngai vak lo law2 hi chu tu hriat leh beisei an hlawh vak lo mah2 zawk sin.. Lolzz

    [Report abuse]

  14. 14
    awmawmpuia Says:

    Hemi hrulah hian ka vei ve zawk mah chu NGO hrang hranga hruaitute zingah hian an nihna hi an eizawnna hmuna kenluh tum tlat an awm leh thin hi a ni. Khawtlang/Kohhran a kan inhmanna leh kan eizawnna a kan awmdan tur hi i thliar hrang thiam ang u.

    [Report abuse]

  15. 15
    Pakak Says:

    @11 (Y)

    [Report abuse]

  16. 16
    Atom c Says:

    #10 (Y)

    Kohhran leh YMA fel tehnana kan hmanlohin enge kan hman chuan ang ? Mimal tin mizia leh nundan zirchianga, hrechiang tur chuan awm-awl tak leh rual pawl tak mi nih a ngai ang a, tumahin kan theilo ang. Mahni chhungte takngial pawh kan inhrechiang theilo chu a nih hi maw.
    Politics chhe chi hian min eichhezo tawh a ang, aia upate thu zah map lova tawng zet zet te, hausa nia hriat a piang tlawn kual hiam hiam te hi bansan ila kan ziaawm mai ang.

    Ka ngaihtuah mai mai a, Aizawl thalai (an vai phei chuan a ni kherlo ang). A bikin mipa, College kal rual vel ho hian nungchangmawi hi an hrelo a ni mai lova, an thanlenna chhhungkua leh khawtlang diklohzia leh inzirtir thatlohzia an lanchhuahtir a ni ber . Aia Upa zahna anneilo satlliah pawh ni lovin an tawngthei em em a, an chapo em em bawk a, an phakar thiamin naupang te e ti lovin politics an melh ve ran ran a, nihna leh chanvo an beisei ve hlawr zel bawk a, mirethei leh chaklo zawk ni a an hriatte an hmusitin an deuhsawh tlangpui a, midang phutna tello chuan engmah anti thei heklo. An tlaktlumna turah chuan an inhek kual hrehlo vek a, ngilneihna leh mi khawngaihna an ngahlo em em bawk. Mipa e tilovin fashion ah an buai em em bawk a, khawi hmunah pawh kalpui ila Show Room awmna hi hmeichhia ai pawhin an hrethei zawk daih bawk. Inzirtir hi kan va han mamawh tak. Anmahni ai mahin an Nu leh Pa, an khawtlang hruaitute an la dem-awm mah zawk. Mi pahnih/khat chauh te hi chu nise anmahni thiamloh pawh a ni ang a, a khaw pumpui deuh thaw maia hetiang thalai mize pu ringawt inchherchhuah hi chu a MAK a ni. Khawtlang hruaitu, nu leh pa-te politics dikloh rah pawh a ni ang… (NOI)

    [Report abuse]

  17. 17
    Saitawk Says:

    Vawikhat chu thingpui dawra ka chawlh lai hian ka bul mai ah chuan kan veng pa hi a lo awm ve a, amah hi Supply Office a thawk a ni. Office kai ni a ni a, ani erawh chu Iptepui ak-in hnathawh kawr nen a lo inthuam tap mai a, kan inbe lemlo. Nakin ah chuan pa pakhat hnathawh kawr nen thova inthuam hi a rawn lut ve a, kan veng pa a han hmuh chuan “ekhai, pu **, kha enge i tih a?” tiin a zawt a, ani chuan aw ki sang lampang, a hmel en phei chuan ti tha inti hmel zet hian, “Biak-In ah ka hnatlang mawle, hnatlang an ko tih i hre lawmni?” tiin a chhang/zawt let ve ngat bawk a. Chupa lo lut thar pa chuan, “ka inhlawhna a ka hna a laklawh lutuk a, hmundang pan hman pawh ka la nilo, i ti tha hle mai” a ti liam ve mai a.
    Kei ka ngaihdan a ni ta pek lova, kan veng pa hnenah chuan ama awki san zawng ang velin “Chu, i vawiin hlawh chu i chan dawn bik a ni maw? ka pu (lo lut tharpa) chu hnatlang ve se chuan a vawiin hlawh a chan ngei dawn sia!!” ka’n ti kher pek a, a nui tawi tak ringawt.

    [Report abuse]

  18. 18
    dolly dollz Says:

    #17
    (Y)

    [Report abuse]

  19. 19
    Chhuaklinga Says:

    Saitawk@17, (y) post leh comment dang pawh ka chhiar lo (f)

    [Report abuse]

  20. 20
    century child Says:

    #17 (Y)

    [Report abuse]

  21. 21
    Saitawk Says:

    #18,19,20 te u, min ti lai dawn alawm mawle! :-)

    [Report abuse]

  22. 22
    beethugs2 Says:

    Tute pawh, kan sual emaw, kan tak emaw, tak lo emaw, abikin Kohhranah chuan kan leng vek tur a ni, lehkhathiam leh thiam lo te, intifel leh fel tak tak pawh niraw sek sek. Pathian kan pawl ho dawn a nih phawt chuan thil tha ah ka ngai.

    Khawtlang leh Kohhran hi lehkhathiam leh mifelte vang chauhin a kal thei lova, mi hnuaihnung zawk te leh thiamna neilo zawk ten khawtlang leh kohhranah mihriat nih an lo hlawh theih phah a,an tha leh zung an seng a,a tha ah ka ngai. Khawilai kilkhata lehkha lo thiam sang viau ringawt kha a pawimawh ber lo.

    [Report abuse]

  23. 23
    khirha Says:

    Kohhran leh khawtlang ngaimawimawh mi te chu fel tih loh rual an ni nang le, kei ka lo thik hran hleinem.
    Heng mi te avanga kan khawtlang nun pawh la tluchhe lo hram hram ni te hian ka hre zawk hial asin.

    [Report abuse]

  24. 24
    vakul Says:

    I Phun thiam hle mai.

    “Hnathawh tur nei leh Zirlai te tan chuan a tel that hman vak si loha. A in thlahrunawm chan a tam ta khop mai.”

    Tel ve vek tum loh mai tur alawm,a hman hman lo inhmang se enge pawihai awm aw?!! NGO leh Kohhran hi chu hman deuh a ngai a, kan hman vak lo a nih leh tel ve vak loh mai kha a tha a ni mai a, a inhmangte va khen kher kha a tul ka ti hran lo. Inhmang leh atchilh deuhte avanga tha taka kal a nihna chen pawh a awm ve a.

    Abikin zirlaite tan inhman a tul ka ti miah lo zawk, lehkha ka zirlaiin ka inhman ka hre lo va, ka inthlahrung hran lo bawk. Mi fel tehna(criteria) a ni lo va, kan teh lo thei lo a ni ber zawk, a nihna takah chuan mi fel lo tehna a ni zawk ang chu.

    Miin an nun sual a ning a, nunkawng dik lamah an herlut a, pawl leh kohhran an belh hi a pawi lo mai ni lovin a hlu a ni zawk. YMA belh vak hi kei chuan ka tum hran lo, a thei an awm chuan ka hnial miah lo-tha lo sawi dawn ila hei lo hi a tam ang maw le. Nunphung pangngaia tha vea kan ngaih kan sawithiah lehzel sia hlut tur kan tarlan fumfe si loh chuan kan pherh hle zawk lovang maw.

    I point pakhat mahni hna ngaihthaha pawl thil buaipui erawh chu a pawngapuia sawichhe vak lova, work ethics zirtir zawnga awareness kan mamawh tih erawh a lang reng a; a destructive zawnga sawi chuan mahni hna pawh ngaipawimawh lo, Pawl pawh ngaihsak chuang lovin kan chhuahtir tawl thei.

    I thahnemngaihna erawh a tha e.

    [Report abuse]

  25. 25
    H.Vangchhia Says:

    I ziak tha thawkhat e (Y) Ni e, mihring hun neih dan leh hun insiam theih dan a inang lova, chutiang atang chuan inphutna te, inphut chintawkte hi YMA etc. hruaitute leh vantlang pawh hian an thiam a pawimawh hle awm e. Tum a hman thei reng si, hman tum derlo te erawh chu melh deuh sawk mah ila a pawilo ka ti thung. ;)

    Tin, tul viau avanga hnatlan nikhuaa tel thei nganglo te’n inthlahrung taka an awmlai ngei mai a han intihvei khum hmang an awm thin hi a pawi khawp mai. Inkhawmna (Biakin) thlengin a ni.

    Aizawlah khan inkhawm ve fo thin kha thatchhiat vangin ka inkhawm khat ta deuh a. Inthiamlo takin tumkhat chu ka va inkhawm ta a. Biakin kawtah chuan nu 1 hian, “Henry ivan fel ve a, kha ilo inkhawm Ve a ni maw,” an ti chiah mai kha chu. Ve kha telh lo sela ka dawnsawn dan a that dawn nen ka rilru a ti hel ta tlat pek a nih kha. Kei lah chuan, “Ni e, kalo inkhawm VE anih hi KA PATHIAN BE TURIN,” ka tih khum a. :P

    Inkhawm chhung zawng erawhin (thianchhe thin ta chu) rilru insawh sawk sawkin ka awm phah ta reng a, ka inkhawm chhan pawh ka rilruah alut thei derlo lehnghal

    Hetiang hian midang rilru kan tih hel hi a hlauhawm thin tih thlenga kan hriat a tulin ka hria.

    I thuhlawm pahnihna khi a felhlel deuh hlekin hriatna ka nei tlat pek a! I huatthu lovah, khawvel a lo inhmang ve zeuh2 thin tawhte hi an hawi zauva, an hnungzui pawh a nuam thin viauin ka hria. Amaherawh chu i sawi ang khian hawi zau silo, thlir zau bawk silo, intivei leh ruihtheih intinghei tak ho hi chu KTP piangthar ho ka sawi thin angin an khamawm thei foin ka ring.

    Intih vei hi a thalo reng a ni :-) (Y)

    [Report abuse]

  26. 26
    nastycool Says:

    Post tha tak ani e. Kei chu kohhran leh khawtlang a inhman hi mi judge nan ka hmang lo. Tin, kohhran leh Ngo dang a inhman hi compulsory pawh a ni lo a, ka inhman loh avang hian ka inthlahrung chuang hek lo. Mahni hna erawh theihtawpa thawh tur ah ka ngai hmiah thung.

    [Report abuse]

  27. 27
    Nundika Hnamte Says:

    …tûnlaiah kohhran leh khawtlanga inhmang êm êmte hi mi tê berte pawhin kan ngai felin kan ngai á¹­ha ngawt tawh lêm lo (kan ngai fel lo hulhual tihna ni lovin)! Mahni á¹­heuhin han ngaihtuah ta ila, tûnlaiah kohhran/ khawtlâng hruaitu emaw member active tak, EIRU/ mi ram nêk hmang/ mi rêl hmang/ nulât-tlangval/ mipat-hmeichhiatnaa chak lo etc. sawi tûr kan hre nuk anga, eng ang pawhin kohhran / khawtlângah inhmang se kan ngaisang vak bîk kher tawh lo asin!

    (I)

    [Report abuse]

  28. 28
    khirha Says:

    Kohhran leh khawtlang ngaipawimawh mi ang thovin mahni hna ngaipawimawh te hi mi fel an ni a, a pahniha ngaipawimawh mi te phei chu fel tak an ni.
    Vawiin hi Khawvel Sunday School Ni a ni a, Sunday School a awm dawn lo!

    [Report abuse]

  29. 29
    Chhuaklinga Says:

    Khirha@28, (Y)(Y)(Y)

    [Report abuse]

  30. 30
    hehe Says:

    #17 (Y)

    [Report abuse]

  31. 31
    hehe Says:

    Paws tha tak a ni…ka ngaihdan chiah pawh a ni e….. (Y)

    [Report abuse]

  32. 32
    Saitawk Says:

    @Hv chu i lo kawmen VE a ni maw! :-P

    [Report abuse]

  33. 33
    Jacka Pi Says:

    Kohhran leh khawtlangah hian ka phak ang tawk chuan ka inhmang ve thin. Kan kohhran leh kan khawtlang na na na hi chu ka inti neitu bawk a, hnatlang leh ilo zawng zawngah tel hman lo mah ila,ka inthlahrung duh bik der lo,tel ve hman chhunah chuan thahnemngai takin thawh mai tur

    [Report abuse]

  34. 34
    katana Says:

    # 33, Iti dik viau mai e, kan hman ang angin inthlahrung lovin kan thawk theuh tur a ni. Amaherawh chu mitin a mi mal individual takin, Kohhran khawtlanga kan kawng zawh dan a in ang vek thei lo. Chapo uan thil ni miah loin, hna danga la buai hma, tel active laia Nihna leh mawhphurhna tam tak lo laa tha taka lo ti ve thin Reputation tha ve thokhat tak lo nei tawh chuan..Tun hnua Nihna em la leh tur chuan ka hman thei tawh rih lo, ti thin mah se, kan background ngaituah thui peih hauh loin or Care hauh loin , Ani hian ti leh se atha ang ti thla pawl hi an awm tlat zel asin. Vawi thum ai a tam phat hnu chuan, Min ruattute tan pawh alwmawm tawh miah lo asin, eng an hre kilhlelh seng bik si lo. An ruata tan pawh nawm loh phah vek thei asin.

    Office thenkhatahte pawh ani fo, ngaihsam deuh sincere peih vak lo ho chu engvak mah responsibility an pe duh loa, mahse lehlamah a rintlak an tih, responsibility an pe bawr leh teuh thin. Hman tlaka in chher tumte pawh a ti chi viau tho in ka ring Office departmentah emaw Kohhran khawtlang thilah emaw pawh. :-$

    [Report abuse]

Leave a Reply

You must be logged in to post a comment.