Ka á¹­hianpa zawhna…

November 13th, 2011 6:00 pm by Pakak

Zawhna ka zawt ang che. Uluk takin ngaihtuah la min chhang dawn nia. Chhanna rintlak ka beisei avangin i ngaihtuahna fimtak kha hmang ang che. I á¹­hiante leh i nupui leh i pasalte ngaihdan leh an pawm dan ka beisei lova, nang ma thinlung chhungril aá¹­anga chhuak chhanna a ni ka duh ni.A zawhna chu hei hi – Engtin nge Pathian Fa mal chu misual, ka tan a lo thih? tih hi.

Zing ni chhuak eng mawi leh boruak thianghlim min pek zozai avanga kun a chibai buk reng tur kan nih piahlamah Ama Fapa meuh ui lova thihna kut vawt tuar tura chhantu neilova a tualthih dan hi thumak tak a va ni em! Lunghriam hman hunlai atangin mihringte hian thir (metal)-a siam hmanrua hmanna chang kan lo hria a, kan nun dan pawhin hma a sawn chak hle mai. Tun hmaa kan chhehvela thil awm mai mai thin te chu awmze nei zawkin an awm a ni tih kan lo hre mek zel bawk a. Thil reng reng hi amah maia awm lovin siamtu emaw awmtirtu emaw an awm ngei niin mi tam takin an ring a, chik tak leh dil chhut takin chung thilte chu an chhui a, an hriat thiam loh leh an hriat loh te hriat belh an tum a; chu chuan zawhna tam tak a rawn hring chhuak ta a ni. Hriatthiam ngai loh leh a ngaihna an hriat loh zawhna an han zawh changa dik taka chhang tute chu ‘mifing’ tiin mi ngaihsan an hlawh a. Khawtlangah pawh dinhmun ṭha changin khawtlang mimir zah kai an lo ni ṭhin. Lui leh tuifinriata inkal pawh nan hmasang aṭangin lawngleng an lo siam chhuak a. Ṭangkai taka hman mai an la duhtawk lo cheu!

Zawhna lo awm ta chu – engvanga lawngleng hi tuia lang thei nge a ni tih hi? He zawhna khirhkhan tak mai hi Archimedes-a chuan Archimedes principle buoyancy hmangin zawhna a lo chhang tawh a. Hriatna a lo pung a, theihna a lo sang zel bawk. Engati nge van lamah thil kan vawra lei lamah kher a lo tlak thlak, phei zawngte emaw a nih loh leh van lamah awm reng mai awm; mahse Isaac Newton-a chuan law of gravitation hmangin he zawhna hi a lo chhang tawh bawk a ni.Thiamna a lo san zel avangin mihringte hian hriat loh neih kan duh lova, chhan theih loh zawhna a awm tur ani lo tiin sum leh pai leh tha tam tak sengin chung thuruk inthup te zawngin kan hmanhlel a ni. Khawvel pawh a zau sawt e! Kan Lal Isua hunlaia khawvel chu Rom empire leh a chhehvel chauh a ni a. Tlawhpawh loh ram te daidar turin Christopher Columbus-a te, Vasco da Gama te an hmanhlela, khawvel pawh a zau sawt e. Vansang lamah lah thla leh arsi te chu kan inpui leh tualchaina lo ni ta. Thlaa lawn te kan intihhmuh a, van thengrenga zin te chu infiamna hautak tak ang chuah a lo ni ta bawk a. Hmuh hmaih a awm loh nan leh chhan theih loh zawhna awmlo turin kan khawl á¹­haber leh operator á¹­ha ber kan hmang a. Second rei lo te chhunga thil lo lang zawk pawh lo hrechianga lo hrilhfiah nghal zung zung thei turin kan hmanhlel a ni.Thiamnain tawp chin a neih miau loh avangin mi á¹­henkhatin kan hna zawng zawng chanve min thawhsak theitu an tih mai ‘computer’ te pawhin kan in chhung lum arawn rap ve a. Google hmangin kan hriat loh kan hria a,FB-in kan hmuh loh min hmuhtir bawk. Misual.com kan ti; GMI kan ti thul, silent mode aá¹­angin AWKE thlengin dawhkanah kan khel zui….

Khawvelah hian chhan theih loh zawhna zawh tur a awm tawh lo a ni ber mai; mahse he zawhna erawh hi chu khawvel awm chhung daih tur zawhna a ni tlat mai – “Engvangin nge khawvel leh a chhunga thil awm zawng zawng siamtuin hrehawmna sawihleih theih loh tuar tura A Fapa a rawn tirh mai?” tih hi. Khawvel finna hian chhang thei dawn se kum sanghnih a chuang tawh, chhang thei sela chu kan khawvel mifingte pawhin an chhang tawh tur a ni; mahse he thuruk hi khawvel finna leh mihring thiamna leh fin varna aá¹­anga chhan chi ani si lo. Ni e, Amah anga a siam, a duat, chanvo á¹­ha engkim a pek, mahse A thuawih leh si lote tan heti em ema A thilphal hi mihring á¹­awnga sawifiah mai theih a ni lo reng a ni. Lehkhabua ziak zawhsen chi a ni lova, mihring dam chhung kum 100 chhung pawh hian sawi zawh hman pawh a ni love.

Thumak ka sawi nin theih loh chu,Kalvari chanchin a ni.
Engtin nge Pathian Fa mal chu, Mi sual ka tan a lo thih?

Ka LALPA sualna nei lo, misualte zinga an khaikan ve mai chhan hi thumak chu a ni. He ‘thumak’hi ‘PATHIAN HMANGAIHNA’ a ni a, chu chu Amah ringtute apiangin an hrethiam a; he zawhna – khawvelthiamna leh fin varna hmanga chhan fiah theih rual loh hi -an ‘nunin’ an chhang let á¹­hin a ni.

Similar Posts:

Recent Posts:

20 Responses to “Ka á¹­hianpa zawhna…”

  1. 1
    drake Says:

    awke, kawlhawk, VaiVa, vakul, phivawk adt misual.com a kan nungcha te :-P

    [Report abuse]

  2. 2
    lrpa Says:

    Kan kohhran doctrine nena inmil deuhin kan chhangteh ang.
    Pathian in Adama leh Evi a siam khan sualsa in a siam lo a, mahse setana bum theih leh tlawhpawh theihin a siam. Thlemna a dah nghal ani. Thlemna a an lo tluk luh khan a thinrim em em a. Mihringte chu sual bawih kan lo ni ta vek ani. Pathian hi a thinrim ve nasa thei a. Tui let chungchangah pawh a inthiam pumpuhlum bik thei lo ang. A chhan chu a tir atangin sualna a awmtir avangin.
    Khawvel a mihring anga A lo kal na chhan chu ‘kan experince a taka rawn tem tur leh chhandam kan nih theihna tur ani ber ang chu’. Isua Krista kha ‘mihring chanve, in the partial form of man’ angin a lo kal ani mai. Hmeichhe hrin nimahse mipa chi a tel lo ani tho tho. Hei vang hian ‘fapa’ anga sawi ani.
    Kross a a thih khan mihring laka a tih sual a inthawi dam ve na leh jentaite chhandam nih theihna tur kawng a hawng ta chiah ani.

    [Report abuse]

  3. 3
    Telphawka Says:

    Pathian hi kan chungah a thinrim tak2 dawn em mawni le..

    [Report abuse]

  4. 4
    Kawnga Says:

    Engtin nge Pathian Fa mal chu misual, ka tan a lo thih?

    Chhanna awm chhun leh dik ber chu –

    HMANGAIHNA VANG A NI

    [Report abuse]

  5. 5
    hlimthla Says:

    #4 (Y)

    [Report abuse]

  6. 6
    Phivawk Says:

    (Y)

    [Report abuse]

  7. 7
    upsilon Says:

    (Y)

    [Report abuse]

  8. 8
    century child Says:

    drake chu awke i vei hle mai maw :-P
    post tha hle mai (Y)

    [Report abuse]

  9. 9
    Tarmita Says:

    (Y) THA HLE MAI

    [Report abuse]

  10. 10
    Chhuaklinga Says:

    A chatuan ro luah tumin i bei zel ang.

    Keinin vanduainaah kan ruat, a hmangaihna lantir tu.

    tren tren.

    [Report abuse]

  11. 11
    jahauhruaia Says:

    Engtin nge Pathian Fa mal chu, Mi sual ka tan a lo thih?

    Chhanna: Min khawngaih vang a ni. Khawngaihtlak emaw khawngaihthlak tak emaw ka nih vang ni lovin, khawngaihtu Pathian a nih vang zawkin min khawngaih a, ka tan a lo thi a ni. “Khawngaihna mak mawi leh duhawm, sual riangvai chhandamna…”

    Post tha leh ngaihtuahna chawktho tak a ni.

    Lalpa Isua Krista khawngaihna chu in hnenah awm rawh se. Amen

    [Report abuse]

  12. 12
    drake Says:

    #8 @100 child, drawke tih a ka nick hi thlak hial ka duh :-P

    [Report abuse]

  13. 13
    H.Vangchhia Says:

    A ngaihnawm e. (Y)

    Khawngaih avanga chhandam

    http://i39.tinypic.com/muhdu.jpg

    [Report abuse]

  14. 14
    ReMpY_ScisSoR Says:

    Ok, post chhiar man awm tak a ni e.

    [Report abuse]

  15. 15
    zoelife Says:

    Hun thawl tha neih hunah la rawn share ve ang.

    Ropui hle mai

    [Report abuse]

  16. 16
    Ignatia (33-115 AD) Says:

    I Johana 4:8 ah chuan Hmangaihna nei lo chuan Pathian a hre lo; Pathian chu HMANGAIHNA a ni si a a ti mauh mai. Pu Johana hi a ham STRICT mah mah em aw ka ti thin…. Hmangaih avangin kan tan a lo thi a ni.

    Krismas leh Good Friday danglam lohzia he post hian a tichiang a ni.
    (Y)

    [Report abuse]

  17. 17
    LR_rengsi Says:

    A ropui hle mai…’A then pawh kan hre silo he lui kam atang hian’ an lo ti reng ani.
    @13, HAHAHAHA

    [Report abuse]

  18. 18
    Pakak Says:

    @16 kei pawh hian Good Friday leh Krismas mizo ten kan hman dan hi ka ngaihtuah fo thin….kan ngaihdan hi a hrang deuh em aw ka ti….

    @17 Kraws thu chu boral mek te tan chuan at na….chhandam mek te tan erawh chuan Pathian thil tihtheihna…. :-)

    [Report abuse]

  19. 19
    CFL Says:

    ” Aw hmangaihna, khawvel entu”.
    (Y)

    [Report abuse]

  20. 20
    Pakak Says:

    Mihring mihrinna hian a ngaihtuah chhuak zo lova che…. ;-)

    [Report abuse]

Leave a Reply

You must be logged in to post a comment.