Nungcha vs Mirethei

November 30th, 2011 10:00 pm by Chemtatrawta

Mihring kan lo changkang chho ve ta zel a, chumi rual pawh chuan Mizote pawh kan lo changkang ve zel a. Hnam changkang zawkte thiltih pawh kawng tinrengin kan ching chho ve ta zel a. Iron age atanga Computer Age-a zuangkai Mizote tan chuan inherhmil a harsatna chin tamtak te pawh a awm awm e.

Tunhnai atang deuha kan rama an chin chhoh ve, khawvel hnam changkang leh ram hausate hovin an uar em em, nungchate dikna chanvo humhalh leh buaipui hi kan ram zimte, thawhchhuah pawh neilo ramah hian kan lo uar ve ta hle mai. Thil tha tak chu a ni nameuh mai e, amaherawhchu hei aia kan mamawh hi kan Zoram zimte hian mamawh a va ngah em!!!  Rel Garage hi kan sa nasa angem??

Tunhnai Mizoram chanchin tharah te kan hmu fo thin a. Hauhuk, Sava, Zawng, adt avangin mi thenkhatte mai pawh ni lovin, a khua khua te pawha tihhmingchhiat leh, chumi avanga thenkhatin hming larna leh sum leh pai lo hui te, mi tamtak inhmu sakhi hlen ta te pawh sawi tur tam tak an awm tih kan hre theuh awm e.

Thil tha lo a ni em ni? Ni suh e le, thil tha tak chu a ni nameuh mai, amaherawhchu, hei aia thil tha hi a tam em zawk chauh mai a ni. Cheng 500 note tamtak chhar tur a awm reng laia cheng 100 note pakhat avanga phet buai chuk hi a dikhlelna tam tak te pawh a awm thei awm e.

Hman deuh hleka sava pakhat tualthi avanga Zoram kan phut luih luih laia kan inhnial fiam thin lai te khan mi zawng zawng deuh tho khan mimawl leh tunlai lo lutukah min ngai thin a. A ni lah tak a, kei thingtlang pa leh pa mawl ta nafam chuan ka ngaihdan kha a lo buluk deuh emaw ni, sava pakhat ui-na hla phuah te, music video siamte kha ka duhlo mai ni lovin ka hmu “Setanic” em em mai lehnghal a.

Lal Isuan amah zuitu tura mi a thlan lai pawha nu leh pa vui hun takngial pawh nghak theilo khawpa thikthuchhia hnungzuitute kan nih laia, mihring pawh ni lo, kan thuhuaia awm sava pakhat ui lutuk leh khati tak maia kan sun kha kan biak Pathian hi a lawm ka ring mawlh lo. Kan sum sen so leh kan lainatnate kha fahrah chanhaite TNT-ah i hlan ang u ka tih lai te khan mi thenkhat kha chuan nuihzaburah te khan min hmang zui a, ka tlawm ta anih kha.

I inngaihtuah thar leh teh ang u. Kan bul velah kan mihringpui ngei mai kan hnawmhnawk leh bawlhhlawh hial hai khawpa rethei leh khawsak harsa an awm lai hian, kan ui/zawhte/sangha/ vulhte erawh chu nitin ei tur tha tha, a man to to, hmun hla hla atanga siamchhuahte kan pe tho si amaw. Mizopa rilru, sem sem dam dam, ei bil thi thi tihte pawh khan awmzia a nei ta lo. Mirethei te buhfai kg 2/1 lek pek ai chuan kan ui vulh ei atana sa kg 1 lei hi awlsam kan ti ta zawk fo.

Lal pian hun lawmawm kan thleng leh dawn ta. He hun duhawm takah hian thawmhnaw thar chu sawi loh, Krismas ni a Sa hmeh tur pawh nei zo lo mi tam tak i kiang velah khan an awm e. I ran vulh tana i senso thin ang tlemte tal kha heng mirethei te tan hian i hlan phal ve lawng maw?? I ngaihtuah ang ngaihtuah, i rilru ang tho nei a, i taksa ang tho nei tura Pathianin a duh taka a siam hi tun Krismas hunah hian thiltha pakhat tal i tihsak ve thei angem.??

I enkawl, chawm seilen, nitin maia eitur leh engkima i kuta innghat i ran vulh i hmangaihna leh lainatna ang tlemte tal khan i mihringpui, retheihna khur atanga inhamchhuak ve thei lo, nitin ei tur ngaihtuaha rilru in khap reng thinte hi tun hun lawmawmah hian lo hmangaih ve la, a nikhat rilru hah tal i lo chhawk zangkhai sak ve thei angem??

Similar Posts:

Recent Posts:

48 Responses to “Nungcha vs Mirethei”

  1. 1
    La-me-a 25 Says:

    Ran hmangaihtu te sawichhiat te chu.. Hmangaihna ngah mi i ni angem o? Thil inzawmlo sawizawmtum i ang

    Report this comment

  2. 2
    chemtatrawta Says:

    La-me-a, Mihringpui aia ran hmangaihtu zawk i ni angem aw? Mahni fate aia thenawm fate hma ngai zawk i ni angem le?

    Report this comment

  3. 3
    La-me-a 25 Says:

    I post alo, ka lo en lova.ha hai.. Ran aia mihringpui te hmangaih chu an tam ka ringlo e..nia, thenkhat mahni fa te anga hmangaih chu an awm nameuh.. Nitina, kan hmuh a,min neltu leh min tihlimtu kan ranvulhte chu hmangaih a awl khawp mahse, a thu ain zawm ka ti vaklo..ran vulh,ramsa te hmangaihna chang hrelo chuan an mihringpui an hmangaihin ka ringlo bawk. Kei, a bikin ramngaw leh ramsa te humhalh hi a Kristian ka ti zawk.. Kan ram te khi ti ngaw dur khup ila,sava te hi thlawk nuai2 se kan ram rethei te hi a dinchhuah ka ring zawk..Eco tourism hi kei kan ram dinchhuah nan a awlsam za ber in ka ring tlat.

    Report this comment

  4. 4
    chemtatrawta Says:

    Kei, Metro tam taka thing ding khup, zoo lian tak tak nei, zawng leh choak thlenga intodelh tak…mahse, khawlaia mirethei eitur neilo vak leh zan mutna pawh nei lo khawpa khawpui changkang te hi ka hmu changkang ve miah lo ania o.

    Human Development Index aia Economic growth kan ngaihsan hi chuan ram hausa, mahse hrehawm leh changkang lo kan ni kumkhua mai dawn a ni.

    Report this comment

  5. 5
    Saitawk Says:

    Sava pakhat thi chungchang i sawi khi ka (Y) (Y)

    Report this comment

  6. 6
    mamboihi Says:

    Masi lah hian ruai atan ran talh ngei kan tum bawk si.. :-P Ran kan hmangaih talh hreh si lo chuan mihringpui hmangaih kan hlat anih chu..

    Tak tak in, Post hi a tha ka ti, hetiang hunah hian kei ni aia rethei chanhai te puih hram hram theih hi mahni pawhin kan hlawkpui.

    Report this comment

  7. 7
    mamboihi Says:

    Saitawk chu naupang an mu fe tawh ni maw?!!: Fiamthu…

    Report this comment

  8. 8
    chemtatrawta Says:

    Saitawk, fame leh money chu kha sava avang khan mi thenkhat chuan an hui chiang alawm..tiraw.. ;-)

    Report this comment

  9. 9
    Soberboy Says:

    ngaihtuahna tha tak ka neih phah hial. Ku tatrawt k KZP ce haha

    Report this comment

  10. 10
    La-me-a 25 Says:

    Ram a hausak loh chuan mirethei an tam. Kan ram context bikah chuan a kalphung a dik tawhlo.. Sawrkar leh mipui kan dik tawklo ve2.. Kan bum fin theih silo.. Agri lamah pawh kan ram ngeih zawng coffee,grape,sawhthing etc hmang a sawrkar hian marketing strategy tha,scientific guidance leh supervision hnuaia ram hnuk khai chhuah hi tum a ngai ani.. Shifting cultivation a thalo, terrace farming tiru an tia, an sawi thuak a,an duhtawk a.. Thingtlang lam tan chuan chhunzawm ngaihna awmlo..

    Report this comment

  11. 11
    Maya Says:

    A dik khawp mai , (Y) Ran pawh hmangaih tur kan mihring pui phei chu a let tamtak a hmangaih lehzual tur . .

    Report this comment

  12. 12
    La-me-a 25 Says:

    Dulte hahuk leh in sawi sava kaptu te khan an mihringpui an hmangaih em2 ka va ringlo e.. Nia, an ui dan kha chu keipawn over ka ti.. Chemtatrawta sawi tum khi a tha.mahse, a nei ina an ran te an duat chu a pawina ka hrelo..thil tha pahnih, inzawm lo niin ka hria.. Mihring puite hmangaih zual deuh2 leh ran,ramsa,ramngaw te humhalh inzirtir hi a tha in a kristian zawk te ka tia.

    Report this comment

  13. 13
    chemtatrawta Says:

    La-me, ka post leh tur hi i pualin ka hlan dawn..hairehai..

    Soberboy, englo ho hnial ngawt ai chuan zia tak ania aw.. :-P

    Report this comment

  14. 14
    La-me-a 25 Says:

    mizo romeo and juliet “chemtatrawta and Sinate i” tih phuah ve teh ang. Ha hai

    Report this comment

  15. 15
    chemtatrawta Says:

    La-me, nangmah i inhmangaih angin i vengte pawh i hmangaih tur a ni tih changthlan khan sheldon-i hi ka zilh tir hrep dawn che maw ni le aw… :-D

    Report this comment

  16. 16
    La-me-a 25 Says:

    mahni inhmangaih tluka veng te hmangaih tluka thil hlu a awmlo he khawvelah hian. Kan mihring puite aia kan ran,ramsa te hmangaih tur ka ti hauhlo. Ka mihring puite keimah ka in hmangaih anga ka hmangaih theih chuan thil nung dang pawh ka hmangaih tel ka ringin, Sakhi,hauhuk etc ka kah trulh trulh a, sangha tura ka hrai ka ringlo bawk. Kuthlei vangin ram ka hal mai2 lo bawk ang

    Report this comment

  17. 17
    Saitawk Says:

    @mamboihi, Mu lo e, ka pawm pah tre tre mai mawle! :-P
    @CHtrawt, Over deuh a thiltih hi kan sawisel ngamlo tan niin a lang. Mizo Idol han sawikai ta ila, ka tute chuan IAS/Dr/Er nih aiin Mizo Idol nih an chak der tawh nia!!! :-(

    Report this comment

  18. 18
    La-me-a 25 Says:

    IDOL ai chuan profight pawh ka ngaisang zawk.. Zonet puipa hote pawh hi an thu fing ka tih a,ka ngaihsan an nia, an tanghma atan chuan mipuia influence nei thalo pawh an ti hreh bik lo a ang riau..

    Report this comment

  19. 19
    chemtatrawta Says:

    Corruption post ka ziah leh tur ah hian keimahni theuh pawh inenfiah kan tulzia ka rawn chhawp anga. A hua hua sih hlawkah kan tih leh angai dawn nia?

    Report this comment

  20. 20
    Sony Says:

    Ransa humhalh policy leh domestic pet tana sum sen i sawi khawm a. Thil hrang deuh hlek asin. Ransa humhalh hi hnam changkang tih than ani mai lo, Kristianna lamah pawh Rome 8:19 (Thil siam zawng zawngte chuan beisei em emin Pathian fate lo lanna chu an nghakhlel hle si a) ah khan Pathian thil siam (creatures) te chunga rawn loh a diagnose der asin. Hauhuk an vui pawh khan ransa humhalh lama vantlang ngaihdan a tha zawngin kuaiher nasa viau. Tangkaina tak a nei.

    Petcare tana sum seng ho hian mi rethei tan an seng lo tihna ani dawn em ni? Mi rethei tana an sem bang an ui leh zawhte tan an hmang turah ngia ang u.

    Corruption awmzia chu (i la ziah hual) thuneihna nei ten an thuneihna hmanga mahni dan phal piah lama in duhsakna ani. Thuneihna nei lo a corrupt teih loh. Mipuiten corrupt lo turin thutiam an siam ve lo. Mipui pawh kan corrupt, tih hi a dik lo.

    Report this comment

  21. 21
    chemtatrawta Says:

    Democracy ah chuan power neitu chu mipui, chu kan power chu kan aiawha kan thlante hnenah kan delegate thin tih hi kei ka pawm dan mawl tak a ni e.

    Report this comment

  22. 22
    La-me-a 25 Says:

    Kei chu kan corrupt ve tho ka ti.. Hmelhriat thunei deuh kan neih chuan duhsak kan phut.. A chang hi chuan thuneitu te pawh hi kan ti luhai. Kan beisei angin awmlo se kan rel pharlo chauh zel a.. NLUP,MIP dawngtu te ah khan a dika hmang engzah tak awm ang maw

    Report this comment

  23. 23
    chemtatrawta Says:

    Sony, ransa te hi kan thuhnuaia awm tur an nihna pawh Genesis ah chuan reference chu a awm meuh mai. Amaherawhchu, inhnialna atana Bible thu hman hi ka sim tawh. Post ngun taka chhiar chuan ramsa humhalh a tha e, amaherawhchu hei aia tangkai tam tak tihtur kan ngah lutuk e ka ti mai chauh zawk a ni.

    Report this comment

  24. 24
    bucko Says:

    Post tha tak a ni e… Kei chuan ramsa tih rem/tlem lam ai chuan humhalh hi ka thlang zawk fe. Mahse miin ramsa rep min rawn zawrh chuan, ramsa te hi hmangaih tur, tihhlum loh a tha, a Pathian thu bawk, in mamawh tawn kan ni, etc etc ka lo ti a, mahse ka lei a, ka ei leh tho thin. A chhan chu a tui ka tih vang pakhat mahnise a rawn zuar tute khawngaih vang a ni tel bawk. A ei hmuhna ve a ni tlat. Kan ramah ramsa a tlem tawh hle a, humhalh a tul tak meuh a ni. Chutih lai chuan heng ramsa te hi Pathian in kan ei atan min pek a nih thu hi Bible ah a awm tlat in ka hria… Ka OT em ka hre law…. (Y) (U)

    Report this comment

  25. 25
    La-me-a 25 Says:

    nungchate
    dikna chanvo humhalh leh
    buaipui hi kan ram zimte,
    thawhchhuah pawh neilo ramah
    hian kan lo uar ve ta hle mai. Thil
    tha tak chu a ni nameuh mai e,
    amaherawhchu hei aia kan
    mamawh hi kan Zoram zimte
    hian mamawh a va ngah em!!
    Kan ram zimte mahmawh tam tak te zinga pakhat niin ka hria.. kan mahmawh sawifiah nan example ah kan mahmawh tho i hmang palh a ang te ka tia.. Ka la Upa lo,mahse ka tet laia Sakhi hram,kawlhawk thlawk ka hriata ka hmuh tak te kha ka ngai..kum 10 chuang awrha nungcha te an rem chakzia hi.

    Report this comment

  26. 26
    bucko Says:

    Nia, eitur atana kan mamawh bak hi chu nungcha te tihhlum loh nise a tha ngawt mai.

    Report this comment

  27. 27
    chemtatrawta Says:

    Mihring hi ramsa laka kan ropuizia chhut chuan kan thenawm khawvenga miretheite dinhmun chhiat sawtzia leh fahrah pun chakzia hian kei ka lunglai zu fan zawk miau a..!

    Report this comment

  28. 28
    La-me-a 25 Says:

    #24, Bible hun nen a in an lnhohna a tam tawh, India danin a khap ani miau a,lo leia,a sa lo ei kha Chunglam in a phal a rinawmloh, dan zawm tura tih kan ni sia. kan tun dinhmun ah chuan leiloh ngam kha a tha tawh lo maw.humhalh nan..
    Demand a awm chuan Market a awm zel si.. Bakah, tunlaiah Pathian malsawmna a zarah ei chaka lei tur kan ranvulh Sa a tam tawh lutuk… Ringlo mi zawk heng jew,Muslim,jain,Hindu etc te hian Mizo Kristian te ai mahin ran te lakah an rawng lo zawk. An Sa eitur an talh pawn humane slaughter(na an tawrh tlem theih dan ber) an practise hram2

    Report this comment

  29. 29
    La-me-a 25 Says:

    #27, vei awm tak ani. Orphanage kan ngah zia hi

    Report this comment

  30. 30
    Saitawk Says:

    Zika, an ngai a che. :-[

    Report this comment

  31. 31
    chemtatrawta Says:

    Zika ai chuan Osama bin Laden pawh kha ka ngai zawk daih, Saddam Hussein chu sawi loh…

    Report this comment

  32. 32
    bucko Says:

    #28 Ni khawp mai, mahse kan ran vulh te ai ngawt chuan an sa a tui si ani. Tin, an zawrh kan lo lei khan mirethei/miharsa kan tanpui a lo ni bawk si, development hna hmu ve phak lote hnen ah hna kan pe ang deuh ah pawh a ngaih theih ang chu.
    Dan lam ah chuan ka hre vak lova, mahse Pathian thu ti tura min tih dan in a khap si hi a awm nual thei mai lovang maw??

    Report this comment

  33. 33
    mach3 Says:

    Zika kan ngai a che tih hla kha chu a ho keipawh k ti English khan an sa vel bawk nen. Mahse amah zika hrim2 kha chu ka ui in ramsa te hi humhalh an ngai ka ti khawp mai.

    Report this comment

  34. 34
    chemtatrawta Says:

    Bucko, mi thenkhat pamham leh sakhaw atchilh vanga dan an siam hi chu zawm tlakah i ngai lo ve tho em?? Bawng talh khap rum rum te hian engnge an duh ber tih hi ngaihtuah te pawh a tithui asin..

    Report this comment

  35. 35
    bucko Says:

    #34 Nia, dan siam pawh a nger nei deuh tlun a siam hi a awm thei anga, chutiang te chu mi zawng2 tan zawm tlak loh leh theih loh te pawh awm ang chu. Sakhua na avanga dan siam( thurin kalh zawng in) ngat te phei hi zawm tlak loh tawp a ni e.

    Report this comment

  36. 36
    chemtatrawta Says:

    Ramsate aia mihring chungnunzia hrechiangtu chuan kan sawi hi an man thiam khawp ang le. Amaherawhchu, lar khel tan chuan mirethei ngaihsak hian kawng khat mahin a sawt lo thung.

    Report this comment

  37. 37
    La-me-a 25 Says:

    #35, kan Sakhuana ina a kalh em2 dan hi India ramah hian a tam ka va ringlo em.. Ramsa te chu vah vah tham pawh ka nei tawhlo. Kan ramah hian Sanghal 3000 hi a la awm tling angem aw ka ti hial asin..

    Report this comment

  38. 38
    Contessa Says:

    A lehlam zawnga thlir chuan thil ni ve thei tak a ni. Mase ka han tih phawt teh ang,khawvelah hian thil engkim mai nunna nei tawh phawt chuan hlutna kan nei veka chu chu kan Pathian duhdan pawh a ni ka ring. Kan ramah nungchate hi an rem deuh vek tawh a,nungchate hi kan ram tihmelthatu an ni tih hi i hriat ve ngei chu ka ring,nya kan miliante hian an ran chaw tur aiah chu k tih theilo mase an thawmhnaw pakhat an leina tur aiah khan chuan mirethei chanhaite pe zawk se a n rilru a hlim mai piah lamah chunglam atanga an malsawmna dawn tur hi an hrelo a mi chu k tih ve thin,nungchate kan hmagaih ang bawk hian keini aia retheite pawh i hmangaih ang u ka tih zawk a ni.

    Report this comment

  39. 39
    lrpa Says:

    Chemtatrawta hi thlawh tha thei riau mai! (Y) Mi ramah te hi chuan rethei/hnathawh tur nei lo te hi an sawrkar hian a chawm ve deuh a, keini India ram angah te hi chuan kan rethei tlawk tlawk ani mai a. Mizoram ah te pawh hian kan inpuihbawm liam liam theih chuan a tha ngawt ang. YMA, kohhran leh pawl dangte anga tanpuina hi awm ve zeuh mahse awmzia tak tak a nei thui lo khawp mai.
    Tlem a a eiru deuh ho hi thin chhuah dan thiam ila a tha ngawt ang mawle :-)

    Report this comment

  40. 40
    Asteric Says:

    I thil rawn vei pahnih te khi VS lovin kal ṭhiang tur zawk niin ka hria. I rawn sawi chhuah tumna point chu ka man ve vuai vuai in ka hre thova, “ran hmangaihna hian kan mihring pui te hmangaihna a lan tur a ni lo tih a ni angem?” ka lo tia

    Bible reference ah kan hmang ve leh hram ange. Isua’n gentile nu hnena “Fa te ei tur midang lo pek chu a mawi love” tih ang zawnga a hnialna kha gentile nu chuan ran chungchang nen tekhinna a hmangin a chhang leta “Ui te pawhin an pu te dawhkan a liam chu an ei ṭhin a lawm” a tih khan Lal Isua rilru a hneh hle a nih kha. Ui meuh pawhin a pu dawhkan a liam a ei theih chuan mihring chuan a ei tur ava ni zawk rua em tihna ang deuh niin ka hria

    Report this comment

  41. 41
    sheldon Says:

    Good post (Y) Full support.

    Report this comment

  42. 42
    Aryan Says:

    thlirna mawlmang tak ani.

    Tualthat an awm chuan rukru hi chu police in ngaihthah rawh se tih ang deuh ani. Vei zawng, pawimawh tih zawng a in ang lo, thenkhatin damchhunga corruption ti bo tura an beih laiin a then in nungcha te rights an buaipui thung. An tuina ve ve an buaipui kha enge a that lohna? (I)

    Report this comment

  43. 43
    chemtatrawta Says:

    Hahah.. Aryan, Mizo context ah han chhut la. Mizo mipa naupang tuai deuh hlek lo hi chu football emaw infiamna atchilh tak lei tuipui neia thanglian kan ni chawk. Amaherawhchu, kan population hian i ngaihdan thiangzau tak hi a tawmpui ve thei lem lo.

    Report this comment

  44. 44
    Maya Says:

    @36 (Y)

    Report this comment

  45. 45
    chemtatrawta Says:

    One is my brother and the other is not is the thinking of a narrow-minded person. For those who are broad-minded, liberals, or noble people, the entire world is one big family.

    Report this comment

  46. 46
    sthwinds Says:

    Post tha tak ani, Nungcha hmangaih loh tur tih poh asawi lo,Mihring hlutna asawi niah ka ngai, sawi tam lo mai ang..

    Report this comment

  47. 47
    funny Says:

    E taka ka thiannu pawisa thawn tur ka theihnghilh ka hre chhuak zawk he post avang hian. Ani aia rethei pek tur an tam nen tiin minlo dem ringawt vel ange, keipawh ka rethei ve tho ania min rawn thawn nghe nghe teh u. :P

    Report this comment

  48. 48
    CFL Says:

    Comment ho a bengvarthlak tel bawk e.

    Report this comment

Leave a Reply

You must be logged in to post a comment.