NLUP ka dawng ve maithei

November 30th, 2011 11:00 am by Sangpuiipa

Tunlai in Mizoram hmun hrang hrang ah NLUP a lar hle a, a dawng hmasa tur ho chuan an dawng mek zel bawk a. Keini khua ah te ngei pawh pawisa an sem mek zel a.

NLUP sem ah thil fello a awm thu leh an sum sem avanga mi thenkhat in an lo tuar thu te kan hre thin a. Chutih mek lai karah lehlam atangin fakna a lo ri chhuak ve chamchi bawk a. A sawisel pawl leh a fak pawl an awm tiin sawi ila a fiah ber mai awm e.

Hei kei pui roh pawh hi congres party mi leh sa ka ni hauh lo na in dawng tur in min duh ve nge ni ang, kan unit hruaitute lamin min rawn ti ve mauh mai a, ka buaipui mek a. Ka dawng ve tak tak dawn nge dawnlo tih phei chu ka hre lemlova. V/C inthlan te kan lo hnaih bawk nen vote zawn nana an rawn hman mai mai ani angem tih te chu ka rilru ah a lo lang a. Party mi leh sa tak tak pawh an intih vui laia keini ang party buaipui lemlo min rawn thlang ve ngawt kha mak ka ti riau a.

Vote zawn nana inthlan dawna an hmang thin dawn anih chuan a fuh awmlo mange ka ti mai mai a. Mi tih lungawi loh an ngah mai mai te ka lo hlau ve deuh a. An party pawhin an chhiatpui phah thei mai angem aw tih te ka ngaihtuahna ah a lo lut ve bawk a. Tin, vote zawn nan chauha hman an tum anih ngat phei chuan thalo ka ti lehzual.

A chunga mi te khi chu a enga pawh chu lo ni ta sela, ka sawi duh ber zawk chu hei hi ani. Khatia NLUP ah ka thlan duh trade leh ka Voters ID card xerox copy thehlut tura min ti ani tih ka hriat khan ka ngaihtuahna a lo lut hmasa ber chu NLUP sum hi la ta ila, Motor emaw eng eng emaw ka lei ang tih ka rilru ah a lo lang nghal a. Tuna ka rilru puthmang ang tho hi NLUP dawngtu tam zawk in an ngaihtuah ve tho anih ka ring bawk. Hei tak hi a pawimawh ka tih lai tak chu ani.

NLUP dawngtur/dawngtu te hian kan dawn hma a kan sum dawn kan hmanna tur kan lo suangtuah na ah kan trade thlan kha nge lian a, thildang lei nana hman tih hi han buk ila. A tam zawk chuan thildang lei nana hman hi an ngaihtuah ngei ka ring. Engatinge sawrkar in sawisel hlawh tak chunga NLUP a sem laiin mahni party mi leh sa an duhsak zawng pawisa an dawn tir hmasak te hian an party hming tih that nan hma la in, theih tawp a hna an thawh hlawm loh le. Hma la a thawk tak tak chu lo awm ve mah se, a tam zawk hi chuan thildang ah an hmang ral deuh vek in ka ring. Kan khua ah pawh hian NLUP pawisa hi Burma lam sumdawng leh vai sumdawng ten an hlawkpui ber a, a dawt ah zu zuartu ten. Vawk vulhna tur pawisa te, serthlum huan siamna tur pawisa te kha thil dangah, zu manah te mai mai a luangral zo ta! NLUP hi hlawhtlin ngaihna a awmlo reng reng.

 

 

Similar Posts:

Recent Posts:

28 Responses to “NLUP ka dawng ve maithei”

  1. 1
    khamrang Says:

    1st – badboy style :-P :-P :-P

    Report this comment

  2. 2
    Sony Says:

    Ka lawmpui tak meuh che. Tun hma khan NLUP hi ka lo sawi hnaisailo thin a. Mahse tuten emaw Vanglaini a article an ziah, NLUP vanga thingtlang mi sing tam fe an din chhuah theihna kawng awm thei ka chhiar atangin ka ngaihdan ka thlak ta daih. NLUP awm hma chuan sorkar sum luan ralna hi Aizawl leh a piah lam (state pawn lam) ani deuh ber thin. NLUP hi a fair vek lo maithei, mahse effort tha tak chu ani.

    Report this comment

  3. 3
    kiddo Says:

    Vote zawn nan a ti tam tak chu an awm ngei ang le. Foul deuh hlekin NLUP dawng tur an zawnga foul deuh hlek bawkin a dawngtu ten an lo hmang ve leh thung a nih mai hmel.In chai tawk te te hi an awm a..ahhahaha. Kei chu ka dawng ve dawn lo, dawng tur pawn min ti lo,ka dil bawk lo.hehe.

    Report this comment

  4. 4
    Guillermo endara Says:

    sawi zawm zel teh u.

    Report this comment

  5. 5
    lrpa Says:

    Mipui ten sem rawh u an ti pawh ani lo a, Congress policy ani a. A hlawhtlin leh tlin loh chungchangah pawh Congress ho mawhphurh leh tho tur ani. Mahse NLUP hrim hrim hi chu policy tha tak niin ka hria.

    Report this comment

  6. 6
    Jacka Pi Says:

    NLUP in rawn sawi aaaa…an reh tak duhk hiiiiii :-S

    Report this comment

  7. 7
    James Bond Says:

    Thil dang sawi ang. Imphal ah bomb ring tawkin a puak a, mi pakhat a thi an ti. Tourism festival ah ani awm e. Tourist hip nan a that vak hmel loh.

    Report this comment

  8. 8
    K^_~lhawk Says:

    NLUP hi sawi hnawm emaw, nuihzat emaw tur a ni lo a, a dawngte kan lawmpui mai turah ka ngai. Vote zawn nan lo hmang pawh nise ka dem lo e, a taka an sem miau a hnu.

    Tin, sorkar-in “kha, hei hi in duh duh danin lo hmang rawh u” tia min pek mah keimahni zawkin tangkai tak leh dinhmun siam that nana hman tum tlat tur zawk kan nih lai a, thil eng emaw mai2 atana kan hmang hiau2 mai hi chu khua hi a var lo teh e.

    Sangpuiipa, i dawn ve hlauh chuan Awke farm i din keuh dawn nia. :p

    Report this comment

  9. 9
    sheldon Says:

    NLUP chiah hi mi rethei in Sorkar an chhawr ve na awmchhun. A semtu Sorkar in a kenkawh dan diklo mahse mipui kuta sum a lut hrim hrim hi tha ka ti. A thlawna sem policy tha a awmlo an ti ang, mahse hei bak enge mipui in chan kan neih? Sem chur chur se ka ti.

    Sangpuipa chuh, 10% kha Misual Charity atan aw…

    Report this comment

  10. 10
    Levi Says:

    Vawi khat chu kan biak in ah Synod Revival speaker pakhat(kei mimumal lo hian a hming kan theih pek.. ‘Zar’ tih lampang chu ni :-P ) in Pulpit chung atang ngei NLUP hi ahlawhchham tur thu a sawi piap mai. CM Hawla pawh ka sawi pui a,a awih duh thak lo a ti leh nghal :-O :-O :-O . OT deuh hlek… He a sawi tupa hi Engineer Rtd. nia lei laihna khawl,hlo thlawhna khawl a siam chhuak a ni awm e. Khangte kha enge a chanchin zel,sawrkar hian subsidy se,NLUP tih vel ai chuan kan ram hian athat pui hi kan ring zawk khawp ah.. :-D

    Report this comment

  11. 11
    saint sammoo Says:

    kan khuaah chuan nlup hmasa mi 10 chuangin lei rem an rah phah a, a hmasa hlawhtlinpui lote pawhin an inchhir thu sawiin “tun tum chu…” an ti ve bai bai ta mai..a zahve ai tam hian dik taka an hman ka beisei.

    Report this comment

  12. 12
    Sony Says:

    #10 (Levi). Engineer (Rtd) chuan hlo thlawhna khawl a siam chhuak (invent) tak tak amaw? Hlo a thlo tawh em le? Khawla thlawh theih anih ka va ring lo em! Biakin a NLUP sawi theihna awm thei chu mahni intodelh pawimawh zia sawi nan a tha viau ang.

    Report this comment

  13. 13
    Thangchhuahpa Says:

    Hetiang pilicy tha tak mai dawnga hmang tangkai tur hian- Mipuite mindset siamtha hmasa thei ram hruaitu kan va mamawh teh lul em !! tih hi ka ngaihdan hmasa ani ve tlat … A hmang dik lo chu hrem??? etc ngawt nilo deuhva ‘ Mipuiten a zirtirna zawm tlak leh zui tlaka kan ngaih’ ( Rotekawla sepa chu awm reng tho mahse),,, + Mizoram hian nei thei ang emaw i ?????

    Report this comment

  14. 14
    shailendra Says:

    Trade atan, Industry hnuaiah Auto-rickshaw thlang la, motor nei i ni mai dawn a lawm :-P

    Report this comment

  15. 15
    Sony Says:

    Auto-rickshaw lei nan ram (New LAND Use Policy) a ngai dawn em ni?

    Report this comment

  16. 16
    Chhuaklinga Says:

    Posttupa i dawng hlauh a nih chuan hlawhtling ngei turin i thawh ngei ka duhsak che. Thil reng reng hi a hmangtu a zira tha a tha lo mai mai vek a ni a. I hlawhtlinpui vaih chuan inchhungkaw tan chauh ni lo khawtlang tan, ram tan, cong. Party tan (eh) hmasawnna leh hlawkna a ni dawn si a.

    Best of luck. (y)
    tren tren.

    Report this comment

  17. 17
    Levi Says:

    #12 Sony A theih a nia nge..pulpit atanga a tih dan vel tur an zir chhin kha. A khawla chu kg.10 vel bor hnung puak mai theih,DDT kahna anga fawng nei,chu mi a hnim hawl kual vel tur ni awm tak a ni. Lei laihna pawh a tel bok,heng a thil siam a patent na hi ato hle tur thu pawh a sawi a… Tha ka lo ti khawp a mahse hriat zui tur pawh awm lo in areh leh daih a..haha. NLUP a ka ngaihdan pakhat,land use anih angin,Lei a based tur ah ka ngai.. :-S

    Report this comment

  18. 18
    Lamji Says:

    Ka va sawi inthlahrung em! A tello a i awm theih tho chuan i dawn hunah nang aia mamawh ni a i hriat kha han hlan chhawng keuh la ava ropui nasa dawn em! Christmas present te pawh ani ve pah ang chu. I chan phah tawp lovang. (Y)

    Report this comment

  19. 19
    H.Vangchhia Says:

    NLUP hi policy tha tak, mipui lamin kan hman sual ani thei mai lo maw?

    Report this comment

  20. 20
    mamboihi Says:

    Nang chuan i dawng anih chuan nakin thlenga i hlawkpui ka duhsak che a, fimkhur deuhin i ngaihtuah ka ring..\

    NLUP hi chu fak leh sel an awm zel.. :-P A dawngtu tan chuan a hlu a, mahse hmang diklo an awm thin hi a pawi. Ramdangah pawh welfare check dawngte hian drugs lei nana lo hmang te an awm leh thin.. pawi tak ani.

    Report this comment

  21. 21
    Såñgpüîípã Says:

    ka post chu ka ziah zawh hma in ka lo submit pek anih hi mawle, hehe. part 2 in ka rawn zawm mai ang.

    Report this comment

  22. 22
    Puii Says:

    sangpuiipa NLUP i dawng tur chu i lawmpui awm e…mahse i dawn thleng i keng lei deuh anih dawn hi motor lei rilrua lo lang tlat chu… ;-(

    ka hriat dan chuan a dawng tur te kha trainning ang deuh an pe a ni lawm ni ka officer hmelhriatte pawh thingtlang lamah NLUP dawn dan tur mipui kan hrilh fiah dawn an ti a, an fehchhuak foin ka hria..

    kan chhungte thingtlang a awm engemawzatin an dawng tawh a,Congress party mi leh sa an ni vek lem lo…..motor leh therhlo vel lei nan chuan an hmang lo khop mai…

    Parawl pakhat kan chhung hnai hian a dawng ve a,lakhuih chin a thlang a,lakhuih chi lo thlen hma chu bankah dah that tur an ti a, mahse ka inah cheng singkhat hi ka la lalut ve ngai lo va,zan khat chu ka riahpui dawn a ti tlat a,a riahpui zawh hnuah bankah a dah ve tak kha….( misualhohi chuan cheng singkhat chu in hmu zing ngawt ang chu.. (I) )

    “chuan lakhuih chite pawh a lei tawh a, hlim em emin a phun ve tak kha maw…. a puitling thei em ang chu…kha mah mah a la dawng kim lo lehnghal…NLUP hi a then chuan an dinchhuah pui ngeiin ka ring e… (8)

    Report this comment

  23. 23
    thalromawia Says:

    :-P

    Report this comment

  24. 24
    CFL Says:

    Såñgpüîípã , motor lei nana i lo hman mai mai chuan kan rawn man dawn che a nia. Khawbung ‘S’. :-D

    Report this comment

  25. 25
    ZerO Says:

    I dawn hlauh chuan kawhtebel hmun siam rawh. :-P

    Report this comment

  26. 26
    shailendra Says:

    Tuntum NLUP hi a hming hi sorkar in an duhthu a sam loh thu an sawi thin. Land based ngawr ngawr ni lo in, mahni intundin chhuahna lam hawi a a programme hi duan a ni a. Land based ngawr ngawr ni lo in, beauty parlor, auto rickshaw, carpentry, desktop publishing te thleng a huam tir a ni a. Mahse khaw lian vak lo a carpentry, auto rickshaw etc a awm dul erawh chu phal a ni chuang lo a, khaw te reuhte a ar vulh, vawk vulh awm teuh pawh a rem lo in limit chin siam a duan a ni.

    Report this comment

  27. 27
    Pc-a Says:

    Comment ava thahlawm ve. NLUP hi a mamawh velo tan chuan a ho ngawt ta ve ang. A mamawh tana a hlut zia erawh i hriatpui teh ang u. Mite pawn thamna an ei tho a lawm.

    Report this comment

  28. 28
    lushai_er Says:

    Chhungkhat chaw kil za ah pawh hian nu leh pate zilhna inang dawng leh sikul kalna pawh inang vekah pawh a hlawhtling leh tling lo chu an awm fo tho mai.

    NLUP dawng zingah pawh hian a hlawhtling pawl leh hlawhchham pawl chu an awm ngei ang.

    Kan ram intodelh nan rahbi pawimawh ber a ni si a, ram/lo hal hi kum 4/5 hnu-ah kan khap bur dawn chumi hma chuan lo/huan nghet neih vek tur te ti se… :-S

    Report this comment

Leave a Reply

You must be logged in to post a comment.