Mi(sual) vanga buaina kal zel!!

November 30th, 2011 8:00 am by sheldon

Khatia ‘Misual.Com hi ka ning’ kan intih khum hnu khan a tawp mai lova, a hnuaiah khuan kan thailang leh mai mai ang e.

1. Computer pakhat chauh a awm si. Mi(sual) duh hun lai tak hian thil pawimawh tak computer a tih ngei ngei ngai te hi an awm thut zel a. Han lungawilo vak dawn ila a dik si lo. Thu a kal zel a kal zel ang a, buaina tobul mite’n an han hria ang a, a zahthlak dawn riau mai a, insehruh teuhin kan han ngawi ral phawt a.

2. TV en chuan mit na tlat, Computer hma ah chuan darkar tamtak thu tlat thei te kan nei a. Ka mi(sual) hman hun lai tak emaw, ka tuina zawng deuh, comment pek ka chakna post a chhuahlai tak te hian Computer hi ka changlo leh tlat zel a. Mobile atanga tih lah hi mit a na duh bawk si. Ka insawh lungawi leh a. A chang chuan ‘Engmah in ti tak tak lo, milem leichhuah a tam thei si, a ninawm’ tih te pawh a ri fo bawk.

3. Office lamah mawlh hian a buaithlak : Zingkarah ka online zuai pah khan ‘post schedule’ ka en a, inrawlh ve chakna deuh post te an lo scheduled ka va hmu. Office ka thleng, hna a lo vum thur mai a, thahnemngai em em in kan thawk a. Misual.com addict tawh chuan rilru ah hian a riak veng veng a, tute hming nge ‘recent comment’ ah intlar thla ang tih mai mai te hi ka ngaihtuah a. Ka post nghahhlelh deuh kha a chhuak tawh ang em aw ti rilru chungin ka mobile atangin kan lut zuai a, a lo la chhuaklo hlauh.

Hmanhmawh a hnathawh lah hi tihsual a awl. Mi(sual) ka ngaihtuah nasat ni te hian ka hna a phelh leh phung thin. Hmanni pawh Register ah figure ziah tlar tur kha, column 2 a awm a, a column diklo zawkah ka ziak tlar tuar a, kan pu in a en a, ‘hei a column lo ah i ziak a’ a tia, nui chungin ‘Select la a column diklam ah hnuk phei mai rawh’ kan ti mai chu kan nui nasa. Register a pen tui a ziah hnuhphei chu a har ve khawp ang.

Office lam zel : Ka computer hawi zawng hi a fuhlo a, a monitor hi mi zawng zawng hmuhtheih tur zawng hian a awm a, han hersawn lah chu a rem der silo a, awl deuh ni pawn Mi(sual) page han hawn chu inthlahrunawm duhtak a ni. Ka hlauh deuh an lokal chuan ka minimize vat a, comment te hi a phelh phung duh khawp mai.

Thil ninawm pakhat chu : Phone atanga misual laiin aia lal ten ‘chumi number chu i nei em’ min han tia, kan enlo ngam silo, chhuah phawt a ngai zel si. Ninawm ve pangngai.

Buaina dang leh : Kan office hian Internet Connection kan neih hi kan khawl zawng zawngah hian a inthlunzawm a, he kan connection phawi lova internet connection dang vuah hi an remti meuhlo a, tin, kan Internet(Intranet) atang hi chuan keimahni official site ho ah bak a luh theih lova, a mi(sual) theih miah lova, mi(sual) ruk dawn paw’n PhotonPlus tih ang vel emaw kha vihluh chawp a ngai a, internet connection 2 vuah dun kha an remti silo. Office connection ka phawi ru, ka photon ka vuah, a muang thei si. Hnathawh tur a lo awm in photon ka phawi leh, pakhat ka vit lut leh…ka phawi leh…vit lut leh…huihams…hahthlak thei ania. Chuvangin Office hunlaia ka comment hi chu harsatna tamtak kara ka rawn tih ani tih lo hre teh u :-D

Haw kawng ah : Office ban a motor a chuan lai te hian eng post nge chhuak mek, tute nge comment pe mek tih mai mai entur te hian ‘log in’ ka chak tlat zel a, phone atangin ka’n lut, a font a te si, motor tlan pah nen, a chang chuan ka lu a hai vek zel….haha

4. Hlawkpuina tlem : Ka nuih tam phah. Vancharlova leh Kawlhawk inpawhthlak tum chungchang kha tunthleng hian nuihza lo chuan ka la ngaihtuah chhuak ngai lo. Vitamin tam tak ka dawng. ‘Awke’ hram hriat te hian ka nuih a za tlat tawh a. Chhuaklinga’n ‘Room khatah min khungkhawm thut se kan bengchheng duh awm’ a tih te khan ka nuih a la ti za, a dik dawn lutuk si a. Tha ve deuh a nia. Post leh comment informative tak tak a tam. Min ti bengvar. A dang pawh a tam, ka sawi seng lo. Duhtawk phawt ang.

Similar Posts:

Recent Posts:

77 Responses to “Mi(sual) vanga buaina kal zel!!”

Pages: « 1 [2] Show All

  1. 51
    blackmagicwoman Says:

    Pu PK, i va sual tak! LOL coconut oil chu thawk lo mai mai. Mahse LRPa hian a hnapthlangah han hnawih chin seng chuan a that ka ring…chal vun leh hnapthleng vun a inang lova! LOL

    Report this comment

  2. 52
    saint sammoo Says:

    hmuihmul zuah tum chu a to har duh rapz. Zuah tum lem lovin ziat duh lo mai2 ila a zia..

    Report this comment

  3. 53
    Lamji Says:

    Haha!! A tha hle mai. (Y) I photon vit lu…phawi.,vit lut….nasa lutuk chu usb port a mawm hlap tawh ang a.. :D @larpi,, zan i mut naah i hmui bawr vel chu kekawrte in khuh thin rawh…mahse alo to hunah a nem zaih lo maithei. :P :tlanchhe nghal:

    Report this comment

  4. 54
    Lamji Says:

    @seldom,,post awm ang2 print out thin la luh2 a ngai dawn hleinem. (l) Ting ting ti ting.!

    Report this comment

  5. 55
    Asteric Says:

    Crazy fans an tih zing a mi tak tak i ni e. funny te, HV te, Zualbonez te, kawlhawk te, Pkfanai te, lrp te nen chuan recent comment a pakhat tal in awm loh chuan surprise :-O misual.com a reh thawkhat hle tihna :-D

    Report this comment

  6. 56
    sheldon Says:

    Photon vih luh lai tak rawn bold mi 2 an awm…hehe

    Report this comment

  7. 57
    Thangchhuahpa Says:

    .. I sual hle mai (Y) (Y) (Y) Mi(sual)ah hian hnim pil ngata artificial baptisma chan hial ka nap phah e … :-P :-P Mi han hnimpil mai thei chu kan ther fur awm bawk sia ….???

    Report this comment

  8. 58
    malsta27 Says:

    #56@sheldon leh :-D :-D :-D

    Report this comment

  9. 59
    Chhuaklinga Says:

    Zanlaia han harh hlawl pawh a, lukham hnuai a mobile ban chhuak zul zul thin pawh in awm hrim hrim. :p :d
    (ka ti thin tihna ni lovin :p )
    -pil hman-
    tren tren.

    Report this comment

  10. 60
    sillyBoy Says:

    Vih luh in uar lutuk :D

    Report this comment

  11. 61
    doc_lib Says:

    photon leh in office internet i han vih luh chhawk sek mai chu..in office computer chu aw..rai thei chu ni se, phir hlir 8 vel a pai ngei ngei ang :-P ( bo pil daih )

    Report this comment

  12. 62
    sheldon Says:

    @doc_lib, ka buai reng asin! Nangni ho in min lo la nuih zui..hehe

    Report this comment

  13. 63
    H.Vangchhia Says:

    misual ngawlvei lo ni reng che a hairehai :-P

    Report this comment

  14. 64
    mamboihi Says:

    I sawi zawng zawng khi nangmah chauh lo pawh an awm ka ring!!. Nupui leh fa te mut hnu a lut ru duk duk thin te kan awm kha! ;-) HV tihdan takah misual ngawl kan vei tlang anih hi!! :-O Ngawl vei tih in hriat chhuah tawh chuan Rehab lampang buaipui a ngai ni… :-P

    Report this comment

  15. 65
    sheldon Says:

    Haha…mamboihi, i vei ve e lo?

    Report this comment

  16. 66
    mamboihi Says:

    Sheldie vei ve tak ka ni! In rehab ka ngai! A chang chuan Recent Comments ah hian ka tlar tuarh in ka hre thin! Ka zak deuh roh! ha ha!!

    Report this comment

  17. 67
    hmingtea Says:

    Mi(Sual).com hi pawn lamah Mizorama cheng bik te tan sawi ri fo tawh lo ulang a THAT ka rin.

    A NGAWL IN VEI THIN A VANGIN KHAP NGAWLVEI HO HIAN AN KHAP SAK LEH PALH HLAUH DAH ANG CHE UUUUUU

    Report this comment

  18. 68
    Såñgpüîípã Says:

    Hehe, hmuihmul nei zingah ka tel ve, ka zuah sei thei lutuk. :-P

    Report this comment

  19. 69
    boihapa Says:

    Sheldon, i inpuang ngam hi i pa han ti mai ila..h! Tak tak a, midang pawh hi inpuang duh hlawm tak tak ta ila chuan, nang aia buai ru ve fe fe hi kan kat nuk lo ang tih tunge sawi thei hahaha

    Kei pawh a ngawl ka vei chu ka ti em lo na a, ka hman phawt chuan ka lut hram a, ka hman vak loh pawhin ka lut thuak zel. Thu ngaihnawm leh bengvarthlak tak tak chhiar tur a awm thin hian, a tingaihhlutawm ve bawk thin em a ni. Tin, ngaihdan dangdai zet mai, khawiah mah chhiar mai tur kan hmuh theih hleih loh tur, Hnamsakhua-a thu leh hlate hi a ngainawm dangdai thin bawk a ni tiraw? Sheldon, kei chu ka dem lo che. Ka hriatthiam pui chein ka inhria. :-P (Y)

    Report this comment

  20. 70
    sheldon Says:

    @boihapa, haha…zep lovah chuan Hnam Sakhua-a post hi mumal in ka la chhiar miahlo. Ka tui phaklo aniang :-D

    Inpuan tih takah chuan – a nuam ve alawm. A then khi chu tak tak ania aw. Han bawl phawn deuh chin chu awm mahse a tak tak behchhan vek :-D

    Nangni ang te in reh daih chuan kan ‘ho’ riau a nia(tak tak)

    Report this comment

  21. 71
    sheldon Says:

    Arre…mamboihi ang maiin recent comment ah ka tlar leh tuarh tawh. Ka mu daih dawn (H) :-D

    Report this comment

  22. 72
    boihapa Says:

    Sheldon, zanin chauh chu ka’n mangtha ve teh ang che. Mangtha le.

    Report this comment

  23. 73
    xotea Says:

    Sheldon nge nge, nang lo pawh an tam a nia, hetiang chi hi, misual ngawl hi kan vei tlang a nih ber tawh hi (Y)

    Report this comment

  24. 74
    sheldon Says:

    @boihapa, mangtha le(inhup chung in)
    Ka lo la mu hman chiah lova…haha!

    @xotea, chuti inpuang ve ru…

    Report this comment

  25. 75
    littlerascal Says:

    I thuziah tran dan khi a coneian PC Laltanpuia trawngkam ee haha
    Tlar khatna bak khi ka chhiar chuang lo a haha

    Report this comment

  26. 76
    CFL Says:

    Mi9sual).com hi chu ka thlah lawk ka ring ta lo ve. (Y)

    Report this comment

  27. 77
    CFL Says:

    # 76, mi(sual).com.. edited.

    Report this comment

Pages: « 1 [2] Show All

Leave a Reply

You must be logged in to post a comment.