Khawngaihna Mak Mawi leh Duhawm Chu (John Newton chanchin tlem)

November 30th, 2011 1:00 pm by Ignatia (33-115 AD)

Naupan lai atangin misual tak a ni

Pu John Newton-a hi kum 1725 khan Eglanad-ah a piang a. Nu fel tak Pathian tih em em tu a nei a; mahse a nu hian Pathian thute hrilhin tawngtai sak thin mah sela naupang sual leh chimawm tak a ni der mai. Kum 16  a tlin hmain mi hauhte, mi kutthlakte leh anchhe lawh tlengin a ching ta. Ama sawi dan phei chuan, “ Sual kha ka hmangaih tlat a, ka kalsan thei lo a ni” a ti hial.

Lawng Sipai lamah

Kum 20 a tlin hma deuhin lawng mite bula khawsak a chak tlat a. Hei hi engdang vang ni lovin hetih hunlaia lawnga hnathawkte hi an sual em em vang a ni ber. England Navy-ah a tang ta. Mahse a ngaih ang ngawtin thil a lo ni hauh lo mai. Inkhuahkhirhnate kha rin aiin a lo khauh a. Vawi tamtak bana tlanchhuah a tum a mahse a tum angin a awm thei lo.

Tum khat phei chu an lawng captain thah a tum ta tlat mai. Sawi tawh ang khan amah hi misual tak kha a ni hrim hrim tawh. Mahse a that thei mai bik hauh lo. Lawng sipai atangin a tlan bova Africa khawthlang lam vaukamah a pit ru chhuak daih mai.

Bawih sumdawnna lamah a tel ve ta

Lawng Sipai atanga a ban hnu khan  Sumdawnna rot hap leh tha lo tak mai mahse a hun laia engahmah an ngaih loh Bawih sumdawnna chu 1746 khan a tan ve ta. Kha tih hunlaia Bawih-a an lei leh hralh thin midumho dinhmun khawngaihthlakawmzia kha kan hre theuh awm e.

Pu John Newton-a pawh kha a sual chho zel a. Rawng tak leh maksak tak taka bawih a enkawl chang lah a tam.

Pathian lam a hawi ve ta

Kum 1748 March thlaa England an panna lawnga an hawnna lamah thlipuiin a nuai ta vak mai. Lawng chu thunun thei lovin tuipui thuk lamah Thlipuiin a len zel a; Newtona pawh a mangang ve ta. Chutah tak mai chuan tunhma ang lo takin Bible chhiarin a tawngtai ve hiel a ni. “ Ka hlauhna zawng zawng aia nasa zawkin beiseina muanawm tak ka nei ta zawk a ni” tiin helaia Pathian awmpuina a chan thu hi a ziak hial a ni.

Bawiha sumdawn a bansan chuang lo

Lawnga thlipuiin a nuai vak vak hnu hian Ireland leilung chu a rap ve ta hram a. A thiltih sual zawng zawngte chhut letin Pathian lam a hnaih chho ve ta zel. Mahse kum khat pawh a ral lo tihin  bawiha sumdawnna lam bawk chu a ti leh ta a. Mahse na takin Africa lamah a awm laiin a dam lova, chuan simna nghet neih tumin a rilru a lo siam ve ta a ni.

Lawng ama paulin a nei ve

Hemi a zin hawn hnu hian nupui a nei a. Lawng mama pualin a nei ta bawk a. Chutah chuan inkhawmnate siamin pastor angin amah hian rawng a bawl ta a. Mahse bawiha sumdawn chu a hunlai khan kristiante tih loh tur a nih leh nih loh pawh a ngaihtuah chhuak mai bik lo.

Inhmuhchhuahna duhawm chu

Hemi hnu hian ama lawng ngeiin vawi 3 zet bawih a phur khawm leh a. Mahse a vawi 3-na hnuah chuan a chhia leh tha hriatnain bawih hmanga sumdawnna chu a tha lo a ni tih a hrilh thei ta. An kawl bun leh khaidiatte chuan a rilru a la ta tlat mai le. Amahah inthiamlohna lian tak a pei chho ta.

Tih danglam a lo ni ve ta

Bawih ho Khaidiat leh kawl bunin a chhia leh tha hriatna a tihbuai hnu chuan a mihring puite chunga khawngaihna lantir turin a tawngtai ve a. A hun laia thusawi thiam leh Pathian hman George Whitefield-a thusawi a ngaithlaa chu chuan a rilru a aia nasa zawkin a khawih dang lam a. Chuta tang chuan Anglician Kohhranah misiter atan nemngheh a ni a. Rawngbawlna hlawhtling tak Buckinghamshire Olney-ah leh London-ah te  a nei nghe nghe  ni.

Hmawr bawk ang

Pu John Newton-a chanchin hi sawi tur a pui a tam a, a sei em em a ni. Tunah hian a pawimawh lai nia ka ngaih chauh ka lo dah chhuak. Hun harsa tamtak tawktu leh Pathian ngaihsak tha duh miah lo hian Pathian khawngaihna mak , mawi leh duhawm tak a lo chang ve hi a ropuina piah lamah Pathianin a hman nasatzia hi awih har tak a ni hial a ni. A hlate- Khawngaihna mak mawi leh duhawm, Nangma thil ropuite an sawi, Isua hming hi a va tha em leh a dangte hi belhchian a dawlin kristiante tan kan Tharau nun chawmtu a ni reng thin a ni.

Mizoram lamah tihtur neia ka haw dawn avangin kumin chhung chuan ka lo misual ve hman tawh dawn lo va; he ka post pawh hi a lo chhuah meuh chuan ka lo internet ve tawh lovang. Misual-a ka lo tel ve tak tak tirh lai vela ka rilru la em em tu- ka pianpui unau ni awm  ang hiala ka ngaih- TSa hian he post pawh ven a tul chuan min lo ven sak sela ka lawm viau ang. Tin, Sheldie pawh a hman chuan min vensak turin ka sawm ve tho e.

Krismas 2011-ah hian Pathian khawngaihna mak mawi leh duhawm lo lanna tur a nih theih nan duhsakna ka hlan mawlh mawlh a che!

 

Similar Posts:

Recent Posts:

32 Responses to “Khawngaihna Mak Mawi leh Duhawm Chu (John Newton chanchin tlem)”

  1. 1
    upsilon Says:

    Chhiar ila…

    Report this comment

  2. 2
    eL Says:

    a va tha em v e aw.

    Report this comment

  3. 3
    bigboss Says:

    A thain a bengvar thlak hle mai. Mahse, Bawih ni lovin Sal tih zawk tur a ni e

    Report this comment

  4. 4
    sheldon Says:

    John Newton chuan chanchin a lo nei ropui hle mai. Nunkawng thalo lam zawh tawh hnu a kawng dik zawh leh thei nun hi a ropui.

    Report this comment

  5. 5
    Levi Says:

    ^______Sheldie-suaii hnuaiah hian ka awm thei riau..e nga ti nge lee?? :-/

    Report this comment

  6. 6
    funny Says:

    Ka va hre ngailo ve Pu John Newton-a chu, engemaw chanchin dang te a nei em?

    Report this comment

  7. 7
    Levi Says:

    @#6 funny Navy a ni awm e.. :-D :-P :-D :-P :-D :-P

    Report this comment

  8. 8
    blackmagicwoman Says:

    He post hi ka chhiar duh chi….hman zen zawn hunah ka chhiar ang. Ignatia-a hi chu a comment pawh a thra thei em a, a post pawh thra hrim² ang.

    Report this comment

  9. 9
    Contessa Says:

    A thu a ngainawm hle mai,keini ang thangthar tan mi entawn tlak hle mai.. Entawn tlak ka tih a hian a sualna lam ni lovin a thatna lam k tihna zawk a ni e.

    Report this comment

  10. 10
    Frozen Says:

    A ngaihnawmin a va tha ve.

    Report this comment

  11. 11
    Thangchhuahpa Says:

    Kai tawi thiam hle mai … thu belh ‘duhsakna khi kzp’ (Y) @7 – Navy maw … ;-);-) inhmeh phian mai a……

    Report this comment

  12. 12
    Lamji Says:

    A tha hle mai… (Y) ‘Nangma thil ropui te’ KHB a ka hla duh ber ani.
    ‘Khawngaihna mawi leh duhawm’ international language tih tur khawpin tawng in hre tawn miah lo bulah pawh kan inhmelhriat na/tlangnel na ani fo.

    Report this comment

  13. 13
    Chhuaklinga Says:

    A ngaihnawmin a bengvarthlak e. Ka la hriat ngai mi a ni hauh lo mai. Beidawnna tak tak atang lo chuan Pathian hmuh hi a har reng a ni.

    Posttupa tluang takin lokal la, damtakin lothleng mawlh ang che.

    tren tren.

    Report this comment

  14. 14
    Asteric Says:

    #6@funny….i hriat loh chu a post thupui a mi ang khian “Khawngaihna mak mawi leh duhawm” tih hla phuah tu kha a ni e. ;-)

    Report this comment

  15. 15
    funny Says:

    Asteric: Jadavpur lam thil thleng hriat ruk ka nei ania aw… min tlawn viau loh chuan… ehhh ;-) :-P

    Report this comment

  16. 16
    Jacka Pi Says:

    KA hla duh ber te zinga mi.. Amazing Grace!

    Report this comment

  17. 17
    century child Says:

    (Y)

    Report this comment

  18. 18
    Chhuaklinga Says:

    A mah a awm lo bawk a, Posttupa pawh hi Pathian thu a awih hma chuan a sual reuh ngawt ang. :p :d

    tren tren.

    Report this comment

  19. 19
    sheldon Says:

    ‘Sual riangvai chhandamna…’ Keini anga riangvai tan ngaihthlak a nuam mange.

    Post tupa request ka tihlawhtling lo, vawin ka buai vang ani. Post ropui tak anih nen.

    Report this comment

  20. 20
    lr hlonchhing Says:

    A va ngaihnawm ve. Post tha leh hlutak a ni. A bengvarthlak leh hle mai (Y)

    Report this comment

  21. 21
    Tete-i Says:

    (Y) a ngaihnawm khawp mai..

    Report this comment

  22. 22
    Tete-i Says:

    mite hi chuan Pathian hi an lo hmu chiang thei awm bik,an nun hi a awh awm ka ti thin..

    Report this comment

  23. 23
    sheldon Says:

    Levi@5, ka hnuaia i awmna chhan chu maw, second tlem in kei aiin i che muang tihna :-D

    John Newton-a nun atang hian kan Pathian hian sual a bo hnu pawh inchhir te chu a hnar ngai lohzia a lang chiang hle. Khitiang tehrep a a nun hnu ah hetiang a hla ropui hi Pathian in a pe leh ania. A ropui thlawt.

    Report this comment

  24. 24
    PKfanai Says:

    Khawngaihna mak, a hming ava thlum em! Kei ang mi tawmkailo min chhandam hi. Ka lo bo pil tawh thin a, tunah erawh chuan zawn hmuh ka lo ni ta. Mitdel ni thin khan, ka lo hmu ta. Hla ropui chuai thei lo chu ava ni tak em! Ignatia chu ngaihawm dawn hle mai. Naupangte si hi confi riau zel a.

    Report this comment

  25. 25
    PKfanai Says:

    *a hming ava thlum em* tih khi *a ri ava mawi em* tih tur. A ngial a nganin ka let chhin anih hi.

    Report this comment

  26. 26
    doc_lib Says:

    Amazing grace hi chu a mawi ani. 22nd december chu ticket kan la ve rawih mai a, haw chakawm ta hle mai. Sana ban hi a van vir muang em em ve maw le :-P

    Report this comment

  27. 27
    TuaiSialA Says:

    A ngaihnawmin a bengvarthlak mang e aw.. Chutih rualin i mi ngenna ka tihlawhtling thei lo chu a ni ta ber a. A pawi ka ti mang e.

    Tin, internet i luh theih tawh rih loh tur chhan hi ‘Pathian ngaiha’ thil ropui tak i tih dawn vang niin ka lo hria a. Chuta i kalna apiangah tluang leh dam takin i kal ang a, malsawmna hlu i ni ngei ang tih ka hre bawk a. Internet khawvela i rawn luh leh hun chu nghakhlel takin kan lo thlir reng ang.

    Report this comment

  28. 28
    darkhuanga Says:

    he thu ngaihnawm zia hi aw

    Report this comment

  29. 29
    mamboihi Says:

    Khawngaihna mak min hruai tu tur, ka van in thlen thlengin.. A va hlu in a va ropui tak em..

    Newton a hi he hla ropui tak phuah chhuak thei tura Pathian in a nun a hruai dan hi a ngaihnawm ka ti hle…

    Report this comment

  30. 30
    Soberboy Says:

    chhiar leh ngat. . Ngaihnawm ee

    Report this comment

  31. 31
    sheldon Says:

    @Ignatia, Mizoram a i rawn haw dawn avanga i ‘internet’ thei dawn lo kher hi ka hrethiam pek lo kei mimawl hian. Midang zawng zawng hian an hriatthiam bik vek hmel bawk sia :-O

    Report this comment

  32. 32
    CFL Says:

    He hla hian rilru a khawih tak zet mai. A phuahtu hian experienced a lo neih that em vang pawh ni fa hmiang.
    # Ignatia chu a ngaihawm dawn mange aw. Lo let leh vat ang che. (Y)

    Report this comment