AWMLAI

October 30th, 2011 11:06 pm by lzboikhar

“Awmlai” tih chungchang hi ngaihnawm tak tak leh bengvarthlak tak taka ziak kan chhiar tawh thin a; a chhan pawh tunlaia thih chhan kan ziakah dik lo baksaka ‘Awmlai’ tih ziak kan hmuh zeuh zeuh vang a nih hmel. ‘Awmlai’ tih hi thih chhanah kan ziak dawn a nih rau rau chuan dik takin hmang law law mai ila, a tha berin ka hria.

Dik nia ka hriat hi Mizo Customary Law-in a sawi dan tanchhan hian tarlan ve ka duh a. Mizo Customary Law committee-in hun rei tak chhung ngun taka an ngaihtuah a, vawi tam tak an committee hnuah an rawt nate sawrkarin a pawm a. Kum 2006 khan Mizoram Gazette-ah te chhuah niin Law and Judicial Department-in a buin an chhuah nghal a. he ‘Mizo hnam dan’ bung 10-na chang 155-na chuan heti hian thihna (thih chhan) chi hrang hrang a ziak a ni.

1. Awmlai (Natna avanga thi)
2. Sarthi (Tawhsual tawka thi)
3. Raicheh (Nau chunga thi)
4. Zachham lak (Nat lawk awm lo va thi)
5. Hlamzuih (Nausen thla thum/ni 90 tling lova thi)

Hlamzuiha thi an tlem ta a, a lawmawm hle. Chutih rualin hlamzuih hi awm tawh lo se. Nung dama piang tawh phawt chu eng hunah pawh lo thi se, mitthi pangngai ang veka sawngbawl tawh nise tih hi Mizo Kristian mipui tam zawk duh dan a ni tawhin ka ring.

Raicheha thi pawh an tlem tawh hle a, hmanlai chuan sarthi anga ngaih a ni thin. Sarthi hi an tam ta lutuk a, sarthi tih hming pawh hi kan lam ri khat ta hle mai. Tui tla, thing tla, sain a seh hlum adt. te mai bakah tualthahna tam ta lutuk hian Kristianna a tihmelhem a, khawi bialah emawa ruang chhar tih fo maite hian rilru a tihreawm a nih hi.

Zachham lak hi thih chhan ziaknaah kan hmang ngai lo a niang. Nat lawk awm lo va thi, ‘lungphu chawl’ kan tihte, lo mu hlum kan tihte hi zachham lak tia ziak tur a nih hmel. Pipute rin danah khan nitin mi 100 thi turah an ngai a, za an thih tlin loh changin tute emaw nunna lak a ngai niin an ring a; chuianga nunna lak chu nat lawk awm lovin an thi mai thin niin an ring. Chuvangin, zachham lak tih a ni. Pu Buanga dictionary pawh hian hetiang hian a lo hrilhfiah tho mai.

‘Awmlai’ chu natna engpawh avanga thi reng reng te hi ‘Awmlaia thi’ an ti a. Awmlai chu natna thlentu leh thihna thlentua ngaih a ni a. Khawhar hla, hla thu tam takah pawh hetiang zawng hian ‘Awmlai’ tih hi hman a ni nghe nghe. Thih chhan dik taka kan ziah tawh ka beisei. Upat tawh vanga natna mumal sawi tur nei lem lo va thi te hi ‘Tar thi’ an ti bawk.

Similar Posts:

Recent Posts:

22 Responses to “AWMLAI”

  1. 1
    Chhuaklinga Says:

    Va post hlauhawm ve le.

    tren tren.

    Report this comment

  2. 2
    Chhuaklinga Says:

    A tha hle mai, ka lo hriat dan nen a inang chiah. (y)
    ka mu nghal mai.

    tren tren.

    Report this comment

  3. 3
    lrpa Says:

    Zachham lak tih hi engtia lam tur nge ni ang aw?
    Za hi chu 100 lam ang lo ni ta se, chham hi. ‘thawchham’ a chham anga lam tur nge ‘chham ang zal’ tiha chham anga lam tur, a lam dan hi sawi zel loh chuan a buaithlak thin!

    Report this comment

  4. 4
    filliz Says:

    ‘Zachham’ khi ka lo la hre pek lo anih khi a!. ‘Awmlai’ hi tar thi sawi nan tunlai hian an hmang leh thin a, a dik lo in ka hria. A bak chu ka hre ve hlauh.
    Tren tren.

    Report this comment

  5. 5
    PKfanai Says:

    3.lrpa, thawchham tih a, chham ang hian kan lam ri thin.

    Report this comment

  6. 6
    Chhuaklinga Says:

    @3, mut hma lawkin :d
    za khi i hre dik. Chham khi thawcham zawk khi.

    tren tren.

    Report this comment

  7. 7
    lrpa Says:

    @5 and 6, thanks.

    Report this comment

  8. 8
    filliz Says:

    A lam dan ka hriat hma in ka lam dan a dik tlat mai! ‘Zachham’ chu.
    Tren tren.

    Report this comment

  9. 9
    vakul Says:

    “Chutih rualin hlamzuih hi awm tawh lo se. Nung dama piang tawh phawt chu eng hunah pawh lo thi se, mitthi pangngai ang veka sawngbawl tawh nise tih hi Mizo Kristian mipui tam zawk duh dan a ni tawhin ka ring.” FULL SUPPORT.

    OD hi sarthi an ni mai em? Nge zachham lak?

    Raicheh-a thi hi an huam zauhtir thui ang reng, nau pian hnu feah a nu dam thei lovin thi se Raicheh a la ni tho.

    Bracket chhunga hrilhfiahnaah khian mahni intihlumte a leng ve lo va sarthi angah pawh an pawm mai thinin ka hria. Tin, hmanlai khan mahni intihlum hi an awm meuh lo pawh a ni ang.

    Ka’n OT lawk, ‘sar’ hi a hming pawh a rapawm riau a, sarthi an awm dawn hian sarthli a tleh thin niin an sawi a, kei pawh ka ring hial a; tumhnih khat chu sarthli tleh avangin ka ring dik tawh. Mahse ‘sar’ lai tak mai hlathu-a an hmang kha a mak ka ti…’i sakhmelah sar a zam an ti’ C.Vansanga’n a sak thin kha enge awmzia ni ang aw ka ti thin hria in awm em? Satu thenkhat chuan ‘Dar a zam’ an ti a, mahse a sa lartu hmasa ber khan ‘sar’ a hmang tlat a, kei chu min lem lo riau thin.

    Report this comment

  10. 10
    Benny Says:

    Awmlai thi an hrilhfiah dan chu a va mak ve ! Nat em em pawh nei lo, tar thi lam sawina ti khan ka lo hre thin a

    Report this comment

  11. 11
    Saitawk Says:

    Upatna in a tlakbuak avanga thi-te hi mawihnai taka sawi kan tum thin vang mai mai a ni.
    ‘Awmlai’ tih kan hman thin aiah hian ‘TAR THI’ ti ila kan pawm tlang ber ang. (Y)

    Report this comment

  12. 12
    vakul Says:

    Awmlai hi tar thi kher loah pawh hman a ni zawkin a lang. Mizo hla thuah pawh hian an hmang hnem malh malh khawp mai, natna avanga thite sawina a ni e.

    ‘Awmlai lunglian lo hrangin’

    ‘Awmlai hrangin ka lungduh a thliak’

    ‘Awmlai hrang ka tuar zo ne’maw’

    A tam mai.Mizo nunhluiah chuan Tar thite sawina pawh a ni a, natna avanga ziktluak(? :-O ) taka thite sawina a ni bawk a. Mi vantlang thihna a ni ber zawk.

    Report this comment

  13. 13
    loneeagle26016 Says:

    Ka hriat ve dan nen a in ang chiah e. Lal Awithangpa pawh khan ‘Awmlai lung lianin ka nau duatlai chawnbanah kai e’ a tih kha mawle..ka quote dik chiah em aw… ‘awmlai’ tih hi tar thi tihna ni ta sela, Aithangpa fapa hi nau te chauh ala ni…an sawi dan chuan, a kal thei tantir kha an zu leihbuak nalah khan an tawlhthluk tir vela, Pneumonia a vei phah ta hlauh mai si a, a thi ta ani… YMA Branch thenkhat in enfiah ngai deuh2 kan awm hmel khawp mai… (Y)

    Report this comment

  14. 14
    H.Vangchhia Says:

    lrp, ivan hrelo :-P ;-) hairehai

    Report this comment

  15. 15
    eL Says:

    ka AWMLAI hriat leh post tupa hriat a inang chiah chiah…

    Report this comment

  16. 16
    RenghangMan Says:

    Tar thi tih ngawt ai chuan a huam tho bawk a, ‘awmlai’ tih a mawi ka ti zawk e..tunlai te chuan kan changkang tawh a, thih chhan kan hre tlangpui tawh a, a ziaawm phian mai.

    Report this comment

  17. 17
    Ruata Pachuau Says:

    Hlamzuih chuangchang hi chu Revd. Chuauthuama khan a rawn ziak uar viau mai a. A dik in ka hria, hlamzuih a kal tur chin bithliah that hi chu a hun tawh khawp mai.

    Report this comment

  18. 18
    bucko Says:

    Sawi ve teh ang… Awmlai hi chu thihna hrim hrim sawi nan hlathu ah hman a ni a.Natna leh kum upat vanga thi sawina mai a ni lo. AWMLAI = THIHNA hei hi a awmzia chu a ni mai. Mahse tunlai hian tar thi sawi nan hman a ni a, a pawi na pawh ka hre lo. #13 sawi khi ka hriat dan leh dik ber ni a ka ngaih a ni. :-P

    Report this comment

  19. 19
    CFL Says:

    Chhiar melh melh ila, lo chip leh mial mial mai teh ang. (I)

    Report this comment

  20. 20
    Jacka Pi Says:

    Awmlai hi ka hriat dan a fuh chiah lo a ni awm e

    Report this comment

  21. 21
    sefa Says:

    Post thra e. Ka lo hriat chak tak mai AWMLAI tih thu khi a ni e. Mi han zot ila chiang taka han soi thei wm lo aa;-):)

    Report this comment

  22. 22
    Kawnga Says:

    Bengvarthlak e.

    Report this comment