Hlim lote tihlimtu Comedian Search

October 11th, 2011 12:00 pm by TuaiSialA

-Lalhruaitluanga Chawngte

“Kan fate’n ruihhlo an ti ve a, ruihhlo nghawng chu a na khawp a, chhungkua kan tliak a ni ber e. Mahse Comedian Search a awm hi chuan kan nui ve a, kan phurrit a zang ve thin,” tiin nu pakhat chuan a sawi.

LPS Comedian Search hi mi tam takin an hlimpui a, hlim lote’n an hlim phah thu pawh a huaihawttu hnena sawi mawlh mawlh an tam mai.

“Kan rin phak bakin a hlawhtling a, lungngai leh nguite’n an hlimpui thu kan hre fo mai. Keini tan chuan lawmawm tak a ni,” tiin Comedian Search chief organiser H Rotluanga, Mapuia tia hriat lar chuan a sawi.

“Mi hian Comedian Search hi Mizo fiamthuin hma a sawn phah thu an sawi fo a, miin an hlimpui thu leh an nuih nasat thu te pawh an sawi fo. Lungngai leh mangangte a tihhlim thu han hriat phei chuan a lawmawm duh khawp mai. Kum tluanin Comedian Search hi ti reng mai tura min ngen te pawh an awm leh thin,” a ti bawk.

Comedian Search nghakhlel tak tak, ti leh thuai thuai tura ngentu kum tluanin an awm tih a sawi a, “Mizote hian fiamthu hi kan lo mamawh a ni. Fiamthu hi kan duh mai ni lovin kan mamawh a ni,” a ti.

“Mi tin mai hian fiamthu ngaihthlak tur kan mamawh a, khawvel mihring zawng zawng hian kan mamawh vek a. Mizote hi fiamthu duh viau e ti lovin kan tunlai hunah hian fiamthu kan ngah tawk lo nge, mipui hmaa fiamthu thawh tur kan ngah tawk lo pawh a ni thei, hetia Comedian Search kan han tih hian mipui hian an hlut em em a, an thlahlel ngawih ngawih zel. Chutah chhungkaw hlim lo mimal hlim lote an lo awm a, chutiang mite phei chuan hlut tak an ni,” tiin a sawi zawm a ni.

“Comedian Search vanga chhungkaw nuiho thei, Comedian Search en-a TV hmaa chhungkaw thukhawm ve thei te, pa ber nui ngai lo, Comedian Search en vanga chhungte bula nui te, chutiang chu sawi tur an tam mai. Comedian Search kan tih laia zu leh ruihhlo lo nghei vete pawh an awm a, an chhungte lawm hian an rawn sawi hin a. Chutiang thu hriat chuan keini tan chuan lawmawm tak a ni ringawt,” Mapuia chuan a ti.

Judge-te zinga mi Mafaa Hauhnar pawhin lungngai leh harsatna tawkte’n Comedian Search an hlimpui thu a sawi a, “Mi hrang hrangin an lawm avanga min rawn biak hian, lung te pawh a chhe dawn dawn thei. Harsatna tawk, lungngai, chhungkaw hlim lo leh mangang te, tin, rethei ve tak tak, engmah nei pha lote’n an lo hlimpui thu han hriat hian beng thleng thlenga bawp khai khawpin kan lawm lo chauh a ni ber e,” a ti.

Mafaa lehkhabu, “Hlim Ni leh Nuihlai Ni” tih pawh a chhiarte’n an hlimpui a, a release-tu Mapuia’n “enjoyment-in a tihhlim zawh lohte” pawh tihlim tura a release a ni bawk a, a thawk tha hle. He lehkhabu hi September ni 30 zanah Comedian Search third round zan hnihna tan hmain Mapuia’n a release a ni.

“Fiamthu hi a hrisel a, a hlu a, a zahawm a, mihringte min tihlimtu a ni. Chu chu hriain tling lo tak chungin kei misual hian he lehkhabu hi ka’n khawr pum ve a ni,” Mafaa chuan a ti.

He lehkhabu hi fiamthu leh thu hlimawm tak tak khungkhawmna a ni a, zawrhchhuah phat atangin hralh a tla hle a. Tunah hian a chhut khatna an zo tawh a ni.

Similar Posts:

Recent Posts:

33 Responses to “Hlim lote tihlimtu Comedian Search”

  1. 1
    AmiGo... Says:

    1st i la.ka post pending rei char2 kher ve le..a hnung a mi te a chhuak toh sia.. :-(

    Report this comment

  2. 2
    AmiGo... Says:

    youtube a in rawn upload loh cuan kan en ve thei leuuu.. :-P

    Report this comment

  3. 3
    no_nick Says:

    TS a a rawng che leh e.. chhiar ang…

    Report this comment

  4. 4
    lr hlonchhing Says:

    Comedian Search a hmuhnawmin a hlimawm thin e. Kan nui tam khawp mai.

    Report this comment

  5. 5
    malsta27 Says:

    Tuaisiala rawn bei tha thei hle mai………..

    Kan society dinhmun leh kalphung lehkha ziak a tam tak lang lo te a lang chho zel a, thil tangkai tak a ni……..

    Report this comment

  6. 6
    Pc-a Says:

    TS, youtube lam te.

    Report this comment

  7. 7
    rohlupuia chalrang Says:

    A hmuhnawm ka ti ber awm e.. Anmahni contestant te sawi dan takin mi hriat hlawhlo ve tak tak te`n comedian search avanga thilpek hlu tak tak, thawmhnaw te, pawisa te [PC Laltanpuia phei chuan TV adawng] leh thildang tamtak andawng thin te hi an lawmpuiawm khawp mai.

    Report this comment

  8. 8
    TuaiSialA Says:

    Pc-a, youtube lam hi ka tum khawp mai a, ka la buaipui hman ngang lo a ni e. Ka hman hunah misual lamah te ka la rawn dah dawn nia.

    Report this comment

  9. 9
    caribou Says:

    Comedian Search hlimpui em em tu te zing ami ka ni. Ril nguai leh pik chek chuk min thaibo saktu, hlim taka min nuih hawk hawk tir theitu a ni. Comedian Search hi thlatin buatsaih ni thei hial se, tih hi ka duhthusam a ni. A buaipuitu te thahnemngaihna a fakawm khawp mai.

    Report this comment

  10. 10
    rohlupuia chalrang Says:

    (Y) Comedian search hi Mizorama fiamthu ti hmasawntu a ni chiang alawm. Midangte tihlim tur a penchhuak ngam te hi anfakawm thlawt..

    Report this comment

  11. 11
    lushai_er Says:

    misual.com-ah hian TSa hi ka hlimpui ber, commedian search-ah a tel ve nge ni a reh vang vang a, hei a rawn lang ve leh hlawl mai.

    Report this comment

  12. 12
    century child Says:

    Nuih ve a chakawm tawh hle mai.

    Report this comment

  13. 13
    g Says:

    heheheehehehe

    Report this comment

  14. 14
    VaiVa Says:

    Ka chunga mi chu a hlim lutuk a, a nick pawh a type zo hman lo a nih hmel! :P Misual nick tawi ber a ni lo maw? Reality show hi kan uar khawp mai a. Ringtu search leh ngawlvei ber search hi siam ve tawh se a tha ang :) :biru nghal:

    Report this comment

  15. 15
    riangtleii Says:

    Kei pawh comedian search hi ka hlimpui :-D

    Report this comment

  16. 16
    As_Khiangte Says:

    Comedian Search hian Mizo fiamthu chu a chawikang khawp ta mai, lawmawm tak a ni. Mafaa leh Hruaitluanga te pahnih hi a bik takin an fakawm, fiamthu khawvelah an hriatna a lo zau em maia, an comment atang hian Mizo fiamthu hian hmasawnna tam tak a nei tawh a nih hi. (F) :-D

    Report this comment

  17. 17
    littlerascal Says:

    Ka en ve chak mange

    Report this comment

  18. 18
    superpinqponq Says:

    GOOD POST (Y)

    Report this comment

  19. 19
    Alejendro Says:

    A thupui funlo emai. Han tih hluai vak chi pawh ni in ka hrelo. Bakah an ti dawn rau rau a nih chuan ‘Original’ hi ngai pawimawh se. An fiamthu thawh thenkhat a common thei emai. No comments la ti hram :-P

    Report this comment

  20. 20
    Z.Hnamte Says:

    nuih ve a chakawm tawh khawpmai…post tu pa,youtube lamah te a hit zual ho chu lo upload thei hram lo mi ??? ;-)

    Report this comment

  21. 21
    Huau2 Says:

    Mizoram pawn a awm te tan live a en ve theih a van chakawm thin ve le.. Kan nui tlai thei bik lutuk… ;-)

    Report this comment

  22. 22
    LR_rengsi Says:

    ”Khaw pahnih ah hian naupang pakhat hi a awm a, ava in daih lo tehreng e aw…” hahaha… Pu Ramtea, Ngopa.
    Post….KZP

    Report this comment

  23. 23
    megapixel Says:

    “Mizote hian fiamthu hi kan lo mamawh a ni. Fiamthu hi kan duh mai ni lovin kan mamawh a ni” (H. Rotluanga) (Y)
    Kan veng Vai ho pawh tuk tin an zing tlan (dar 7 velah ;-) ) hi a huhovin ”HOHOHOHO” tiin vawi 3 tal an nui ri huah huah thin; uang miah lovin, nuihzat vang pawh ni lovin :-D

    Report this comment

  24. 24
    H.Vangchhia Says:

    Fiamthu hi a nuam a ni (Y)

    Heihi a tha ang em :-P

    http://www.youtube.com/watch?v=sjh7WBXrHFI

    Report this comment

  25. 25
    bk Says:

    En ve a chakawm thin hle mai (Y)

    Report this comment

  26. 26
    H.Vangchhia Says:

    bk, #24 kha en phawt mai la ;-)

    Report this comment

  27. 27
    bulaya Says:

    #22 LR_rengsi (Y) :-D He tih ang deuh tal hian thawh liam liam ni se.

    Report this comment

  28. 28
    rohlupuia chalrang Says:

    #22 :-D Pu Ramtea`n an nau blanket su asawi pawh kha – tuikhura asu tur kal lampang kha chuan zang ati viau a, hawn lam kha chuan ahuh tawh avangin akengzo tawh silo, asukfai sa hruiin ahlinga, ahnuk hawng anih chu.. :-P (Y)

    Report this comment

  29. 29
    muantea Says:

    Aizawl a ka va zin zawk chhung khan Mizo Idol leh Comedian serach a chhuah rual chuan Comedian Search ka en zawk thin. Romote Controller ka hum run bawk sia, Idol en duh chuan min melh hrak hraka an kal daih zel :)

    Ka duh zual deuhte:

    Ramtea: Kohhran Upa niawm tak a ni. Thil nuihzatthlak miah lo hmang pawhin min tinui thei

    Laltanpuia: Amah hi a nuikhzatthlak ve hrim hrim

    Lalngaihsaka: A presentation hi a fuh tlat zel, a sawi nuihzatthlak viau zel bawk sia

    Tla tawh zingah chuan Lalthantluanga kha ka ui khawp mai.

    Report this comment

  30. 30
    paeia Says:

    Ngopa ah Pu J.Changliana a awm, hming dang a nei miah lo!
    Ramtea, Ngopa.

    Report this comment

  31. 31
    Atom c Says:

    Fiamthu thiam tur hi chuan IQ neih that a ngai ngawtin ka hria. A hun leh hmun a zira in siamrem zung zung thiamlote hi chu a hlimawm lam ai mahin ngeiawm lamah a kal daih a.

    Tunlai tak hi ZEPHYR an tlachhia in ka hria. An lar tirh kha chuan hmuhnawm ka ti em em a, ka ennawn tluk tluk peih thin. Mahse tunah chuan an style a ngai putin ka hre mai, tun hnaia mi thenkhatte phei hi chu ka en chang hian keimah ka zak deuh tlat zel nia. Nuihzatthlak nih an tum lutuk ni berin ka hria, confidence a awmlo tlat. Style hran deuh hlek han chher leh sela, character te an ziaawm tho bawk a, a hma ang khan minti nui leh tehse….All the best…. (NOI)

    Report this comment

  32. 32
    thiana Says:

    In lo va’n ho hlawm !

    tia kal bo daih chu kan awm lo maw ? :-D :-P :-)

    Report this comment

  33. 33
    vakul Says:

    En ve min tichak zo.

    Report this comment

Leave a Reply

You must be logged in to post a comment.