Rorelna hrang hrang 5 (panga) te.

October 4th, 2011 11:32 am by PKfanai

Mi tam takin Rorelna thu hi kan ngai sual fo thin a, chuvangin rorelna thu hi ngun taka ngaihtuah a ngai a ni. Kristian zawng zawng hi Pathian rorelna hmaah Sual chungchangah la ding vek turin an ngaiin an sawi bawk a, mahse chutiang sawina reng reng chu Pathian Lehkha Thu-ah a awm hauh si lo.

Ringtu reng reng rorelnaah (Sual chungchangah) an lut tawh lo vang. “Tupawh mi ring chu rorelnaah a lut lo vang,” tih a ni.
Pathian Lehkha Thuin Rorelna hrang panga a sawi bawk a, an awm dan pawh a hrang vek a, chung chu heng hi an ni:-
RORELNA NAMBAR PAKHATNA.
1. Rorel sakate – Ringtu te.
2. A hun – A.D. 30 bawr vel.
3. A Hmun – Kalvari Tlangah.
4. Agenda – Ringtu Sual chinfel thu leh Krista Hnathawh zawh tawh thu.
5. Thu tlukna :- (i) Krista hnena thihna, (ii) Ringtu thiam channa.

 He mi Rorelna hi chu ‘Peih tawh’ a ni. He mi Rorelna thu tlukna chu Rom 10:4 hi a ni. “Krista chu a ring apiangte tan felna an hmuh theih na turin Dan tibangtu a ni si a.”
“Tunah zawng Krista Isuaa awmte tan chuan, thiam loh chantirna (Rorelna) reng a awm tawh lo. Krista Isuaa nunna Thlarau dan chuan Sualna leh thihna dan ata chu mi tichhuak tawh si a,” Rom 8:1-2.
“Tih tak meuhvin, Tih tak meuhvin ka hrilh a che u. Tupawh ka thu hria a, mi tirtu ring chuan Chatuana nunna a nei tawh. Thiam lohvin a awm lo va, thihna Rorelna ata a chhuak a, nunnaah a lut ta zawk a ni.” Johana 5:24

Sual tana Ringtu Rorelna chu ‘TIH ZAWH TAWH’ a ni. Chu chu Kraws ah khan a ni. Amaherawhchu Ringtu Rorelna hi thuah thum a ni tih kan theihnghilh hauh tur a ni lo ve.
1. Misual anga rorel sakna.
2. Fa anga rorel sakna.
3. Chhiahhlawh anga rorel sakna.

Kan hriat tawh angin mi sual anga rorelna chu TIH ZAWH TAWH a ni.

2. “Fa” anga rorelna chu lo en leh ila.
Misualin Krista a chhandamna atana a han pawm veleh hian a sual chu ngaihdam a ni nghal a ni. Kan sualnate a chunga kan nghah chuan kan chungah a awm tawh lo a ni. (Isaia 53:5-6). Amaherawhchu “Sual” tih leh “Sualte” tih hi thil hrang an ni e. Krista Kraws chunga a thi kha Eden huana Adama thu awi lohna “Sual” hremna tuar tur thihna man pekna chu a ni. Sualte tih hi sual atanga thil sual chakna lo awmte hi a ni.
“Ka naute u, thil sual in tih loh nan heng thu hi in hnenah ka ziak a ni.” (I John 2:1)
“Kan sualte thupha kan chawi chuan kan sualte ngaidam turin…a rinawmin a fel a ni.” (I John 1:9)

Fa anga rorelna kan tawh chu sualte thupha chawi loh vang a ni. Hremna chu ‘Thununna’ a ni. He mi kristian-te thununna hian “Sawn” nil ova “Fa tak” kan nihna a lan chiantir a ni. (Hebrai 12:5-11). Paulan “Khun takin mahni inngaihtuah thin ila chuan rorel sakin kana wm thin lo tur, nimahsela rorel saka kana wm pawhin khawvel nena thiam loh change kana wm loh nan Lalpa thununin kana wm thin a ni,” a ti (I Kor.11:31-32)

Fa tih tur chu ni tin mahni ro inrelsak hi a ni. Sualte thupha chawi ila, tichuan kan Pa van a mi thununna kan pumpelh ang.
3. Chhiahhlawh anga rorel sakna.
Hei hian Rorelna number pahnihnaah chuan min thlen a.
(Chhun zawm tur…)

Source: Thlarau leh Nunna Edited by Rev.R.Ruala. July,1953.

Similar Posts:

Recent Posts:

12 Responses to “Rorelna hrang hrang 5 (panga) te.”

  1. 1
    chemtatrawta Says:

    chhiar joh hnuah comment ang aw..

    Report this comment

  2. 2
    ngaihdan tha a Says:

    post tha tak ani

    Report this comment

  3. 3
    RenghangMan Says:

    Tha khawp mai, ka hrethiamlo lek lek, chiang zawka chhiar nawn leh ngai chi nih hi.

    Report this comment

  4. 4
    saint sammoo Says:

    chhiar zawh phawt a ngai..

    Report this comment

  5. 5
    Chhuaklinga Says:

    Post-tupa hi Pathian mi hriat diktak i ni tih i post ka chhiar atang hian a hriat khawpin ka hria.

    Pathian thu post thenkhat hi chu inhnialna chawh chhuah tumna lam leh ka hre ber tihna rilru pu hi an ang ka ti thin.

    I Pathian thu post-te hi a thain a pawm awm thin e. (Y)
    Nghakhlel takin a chhunzawmna ka lo nghak e.

    Report this comment

  6. 6
    century child Says:

    Hei chu nakina chhiarah khek phawt teh ang.

    Report this comment

  7. 7
    lr hlonchhing Says:

    Tunlai chu Pathian thu i tuipui riau mai. Rawn ti zel rawh-a ngaihnawm thin e.

    Report this comment

  8. 8
    TuaiSialA Says:

    Post tha tak a nih a lang reng. Chhiar liam thuak thuak chi a nih hmel loh bawk a, uluk fahrana chhiar lehah ka khek rih e.

    Report this comment

  9. 9
    Kezungpui Says:

    its a conservative doctrine…i like it…good post.it is very important to know for a believer.

    Report this comment

  10. 10
    shylo Says:

    GOOD POST !

    ‘Ro min relsak ang che’ tih hla khan eng rorelna ber hi nge a beisei ang aw….

    Report this comment

  11. 11
    vakul Says:

    Post tha khawp mai; a ril raih mai

    Report this comment

  12. 12
    PKfanai Says:

    Pu Vakul, a tha i ti chiah maw? Nangni ho hian min chuk nek ka lo hlauthawng viau a. Part-2 atang phei chuan a controversial tulh tulh dawn a, chhunzawm zel tur nge ni ang? Tih ka inkhap thlu reng mai. Englekhawle, patlingin kan ti ve laklawh tawh a, rawn chhunzawm zel chu ka tum ang!?.

    Report this comment