Zosapthara (Rev.Edwin Rowlands)

September 21st, 2011 6:00 pm by PKfanai

ZOSAPTHARA (Rev.Edwin Rowlands), Welsh mi David Rowlands leh E.E.Anne-i te fapa Rowlands-a hi kum 1867 march ni 15 ah Wales ram hmar lam Abergele kiang Pensarn khuaah a piang a, Lehkha a zir laiin a thiam thei kher awm e. Kum 1885-89 vel khan America ram Texas ah zirtirtu hna a zuk thawk a. Wales rama a kir leh hnu lawkah nasa takin Pathianin a nun a khawih danglam a, Khawlaiah te thu a hril thin an ti. Rhyl khuaah zirtirtu hna a thawh laiin Kohhran rawngbawlna lama luh a lo duh ta a. Bala University College-a Pathian thu a han zir chu tun lai tawng takin, ‘a hneh kher mai’ an ti. Lushai Hills Missionary ni tura thu a pawhchah veleh 1898 khan an nemnghet (ordain) a, chumi kum tawp lam chuan Cachar Missionary tur Rev. Gerlan Williams nen an lo chhuak ta a ni.

Kum 1898 December ni 31 tlaiah Aizawl a lo thleng a. Lehkha thiam thei na na na chuan Mizo tawng pawh thla thum lek chhungin a thiam hman hle a ni. Tichuan Mission School ding tir chu a enkawl nghal a, kum 1904 February thlaa Assam Governor Sir Bamfylde Fuller a lokal pawhin Zosaptharan Sikul a enkawl that zia chu a fak a, Sikul Inspector hmasa ber atan a ruat nghal nghe nghe a ni. Sikul zirlaibu hrang hrang- Chhiarkawp Bu, Geography, Alai Bu, English Reader, Thuro Bu, History leh Grammar te a siam a, Thuthlung Thar Bu engemaw zat a letling bawk. Kum 1902-1908 chhung Mizo leh Vai Chanchin Bu chhiar thin chuan Pu Zosapthara hnuhma thatzia leh tamzia an hmu ang.

Pu Zosaptharan Mizo khawtlang nun a rawn luhchilh lai hian Zoram chu thim tak a la ni a. Chumi tieng tura a hmanraw pui pakhat chu hla a ni. Kohhran hla tam tak a siam a, zirtir tha tak tak nei hla lenglawng a phuah teuh bawk. Mizo sakhaw hlui (Hnamsakhua?) rilru leh hnam pindan zim tak kha Mizo nun phuar cheptu leh tiphirsitu tih hial tur a ni a, hnam rilru hlawm lian pawh a awm thei lo. Chutih laiin British sawrkar an lo lian a, min rawn awp nghal a, Mizo khawtlang nun kha kawng hrang hrangin a chi-ai takmeuh a ni. Chutia Mizo ten buaina suarchhia an dai lai chuan Zosapte hmel a lo lang a,, Chanchin Tha hmangaihna banin min rawn kuah ta a, Khatih lai, Mizote rilru hniam vawrtawp lai tak maia Pu Zosaptharan-
Mizo kan ni lawm ilangin,
Kan hnam thatna zawng zelin,
Thil thain kan ram timawiin,
Mizo lawm teh u. (kum 1903-a a phuah)
A han ti kha Mizo hnam chanchinah hian a pawimawh takzet a ni. Mizo chu Kristian hnam thar ni turin Chanchin Tha chhul keuvin a piang chiah a, hnam hming atana kan hman ngai loh, kan tana tawng thar ni hauh si lo ‘MIZO’ tih hi Lushai Hills luahtute hnam hming atan a lo tinghet a, tun thlengin kan pu ta zel a ni kan ti thei ang.
Dik takin khang lai khan, ‘Hmeichhia leh pal chhia chu thlak ngai’ han tih te, ‘Hmeichhe finin tuikhur ral a kai lo’ tih te leh ‘Hmeichhe thu thu ni suh, chakai sa sa ni suh’ tih te hi hmanlai thil ni lovin inchhung khur leh tapchhak zawl ami a la ni a, hmeichhe dinhmun kha hniam tak a ni. Hei hi Pu Sapthara khan a hre nghal a, mahni hringtu nu te ngei pawh zah nachang hre lo Mizote siamthat nan- ‘Ka nu ka nu duh tak chu’ tih hla kha a lo siam a. ‘Bei la bei nawn rawh’ tih leh ‘Thil nawite’ tih hla te kha awmze ropuia khat a ni zel . Heng a hla siamte hi Zirlaibuah a seng lut zel a, hun rei tak chhung Mizo naupang ten an by-heart ta a ni.

( Response a zir a chhunzawm theih…)

Thu lakna: Tun kum za chhunga Mizo hnam puipate (1894-1994)-by C.Vanlallawma

Similar Posts:

Recent Posts:

36 Responses to “Zosapthara (Rev.Edwin Rowlands)”

  1. 1
    DXBFreak Says:

    Kan tet lai khan kan zir nasa thei an chan chin vel hi…

    [Report abuse]

  2. 2
    DXBFreak Says:

    Tuma huat awih loh, Hmeichhe fing in tuikhur ral a kai lo an tih hi, tunlai MHIP boruak nen a in hmeh na riau awm.

    [Report abuse]

  3. 3
    mate ainawn Says:

    Ngaihnawm thin e.. (Y)

    @ DXBFreak..tunah pawh i la lian vak chuang hleinem…i la naupang em mai. :-P
    Chuan, Bible ringtu kan nih chuan, mipa fin ang chen fin tum ve hi a ni lo alawm..i sawi dik chiah..MHIP Boruak hi zahthlak tak ah ka ngai.

    [Report abuse]

  4. 4
    James Bond Says:

    Kristian hla tam tak a siam a, i tih mai khi ka hmuh dan chuan Kristian hla tam tak a letling a, tih tur ani lo maw? Ama hla phuah awm ka hre miah lo, tam fe chu a letling, nalh takin.

    [Report abuse]

  5. 5
    H.Vangchhia Says:

    Zosapthara (Edwin Rowlands):

    http://i54.tinypic.com/231sgh.jpg

    Ngaihnawm tak a ni.

    [Report abuse]

  6. 6
    H.Vangchhia Says:

    La hrelo tan:

    http://i51.tinypic.com/1h7ypu.jpg

    [Report abuse]

  7. 7
    Chhuaklinga Says:

    Post tha khawp mai. (Y)
    ‘Ka nu, ka nu duh tak chu’ tih khi tun thlengin class III Mizo-ah an la zir.

    [Report abuse]

  8. 8
    muantea Says:

    DXBFreak, muanteacc@gmail.com ah hian i hman hunah rawn ‘hello’ zeuh teh pls, biak che ka mamawh khawp mai.

    Zosapthara hi missionary ka ngaihsan berte zing a mi a ni. Thu leh hla min hnutchhiah zozaite hi a hlu zel dawn a ni. Tawngkam ulh deuh niawm taka Mizo hla a phuah/lehlinte hi thenkhat chuan an nuihzat ang dawn dawn a. Mahse Sap pachalin rhyme scheme uluk tak nen Mizo hla a siam a ni tlangpui hlawm a, a hunlai leh amah ngaihtuahin a poetic value hi a sang ka ti khawp mai.

    [Report abuse]

  9. 9
    century child Says:

    A ngaihnawm e.

    [Report abuse]

  10. 10
    awmawmpuia Says:

    L.Keivoman a lehkhabu Zoram Khawvel (Vol-VI???) a Zosapthara thlavang hauhna an ziak tak tak kha chu a ropui rep rep khawp mai. Burma ram kal theih hun ka neih chuan Zosapthara leh a nupui thlan tlawh ngei ka tum ang.

    [Report abuse]

  11. 11
    chhangteval Says:

    Post tha, save hmak teng :-)

    Pu PKfanai hi awm lo ta se tunlai hian misual.com hi a ho awm! (Y)

    [Report abuse]

  12. 12
    PKfanai Says:

    4.Zosapthara hian ama irawm chhuak kristian hla phuah chu a nei a lawm. Part-2 ah kan sawi dawn nia. Mahse, ‘a siam’ tih hman anih chuan, Hla lehlin leh Poem lam ani deuhin ka hria. Kan zosapte kha ka ngaisang vek a. Mahse, ngaihsan zual bik 4 ka nei a, chungte chu, Pu Buanga, Sap Upa, Dr.Fraser leh Zosapthara te hi an ni. Mizzzote kan rilru a hniam lai ber a, “Mizo kanni lawm ilangin” tih hla chauh pawh hi lo phuah ta nise, Mizote tan chuan a hlu tawk khawp mai. Tun thlenga hnamdang (a bikin Vai ho) kan chung en bik miah loh chhanah hian Zosapthara hian a credit a la tur a ni ang.

    [Report abuse]

  13. 13
    H.Vangchhia Says:

    Mizoram missionary te thlalak (Synod leak) ka ngah mai, in duh chuan ka fb friends ten ka albumah i en thei ang. :-)

    [Report abuse]

  14. 14
    wolowitz Says:

    A ngaihnawm dawn chauh a iti tawp thut a, lo chhunzawm leh rawh. Tin, Pi Zosaphluii hnathawh te pawh chhiar a chakawm tel bawk. (Y)

    [Report abuse]

  15. 15
    lr hlonchhing Says:

    Ngaihnawm khawp mai. Rawn chhunzawm leh ngei rawh.

    [Report abuse]

  16. 16
    chhangteval Says:

    Zosapthara hla phuah

    Mizo kan nih lawm ilangin
    Kan hnam thatna zawng zelin,
    Thil thain kan ram timawiin;
    Mizo lawm teh u.

    Kan tlang a thawveng e,
    Kan lui kawr a mawi e;
    Kan tlangval an thiam vei nen,
    Kan nula hmel a tha e.
    Mizo lawm teh u.

    [Report abuse]

  17. 17
    awmawmpuia Says:

    Kaisih khaw bula Zosapthara bo hrepna hmun a hriatrengna lungphunah thla ka la ve tawh. :intithei:

    [Report abuse]

  18. 18
    awmawmpuia Says:

    http://i55.tinypic.com/10pps35.jpg
    http://i52.tinypic.com/2w1xdgg.jpg

    [Report abuse]

  19. 19
    Ignatia (33-115 AD) Says:

    A ngaihnawm hle mai!

    [Report abuse]

  20. 20
    bk Says:

    Mizorama a hun tawp lam chanchin lungkuai tak mai kha i ziak tel lova…

    Zosapthara hi ka ngaihlu khawp mai. ‘Thlalera vak ka lo ni’ tih hla a phuahna, Mizoram chhim tawp lama kawng a bona hmun, Phura khaw bul Kaisih hmuna a hriatrengna lungphun hawnna ah kum 2008 khan ka va tel ve ngat.

    [Report abuse]

  21. 21
    bk Says:

    Oho.. awmawmpui i va ti lunglenthlak ve. A rawng hnawih pawh a lo khawk nual tawh a nih khi. A lungphun hma lamah khian Mizo-tawng, a sir pahnih ah Sap-tawng leh Mara-tawngin, a hnung lamah Thlalera vak ka lo nih tih hla kha a inziak a. A chunglama Kross aiah khian Zosapthara lim dah tum zet a ni a, thenkhatin ‘Phung’ a ang awm em mai an tih avangin Kross dah a ni leh ta zawk a…!! :-D

    [Report abuse]

  22. 22
    saint sammoo Says:

    Zofate khawvela hming dai tawh ngai lo tur, mi ropui, zofate tana a theihna zawng2 hmangtu. Ka ngaisang hle.
    “mizo kan ni lawm ilangin” ti lovin “i lawm ang u” han ti zeuh se la a mawi zual tur. Tlar 4 na nen end rhyme chiah ang. ‘siam’ tih hi mahni irawm ni chiah lo, a wording ang diak2 a lehlin ni si lo sawi nan KHB ah hian hman a ni.

    [Report abuse]

  23. 23
    PKfanai Says:

    awmawmpuia & bk, Mizoram ka chhuah leh hmasak ber ah thla ka lak pui ve dawn chiang khawp ang. Serkawr a Pu Buanga nau Thlan pawh thla lak pui ngei ka duh. Engpawhnise, Pu Zosapthara min chah ang hian, Mizo kan ni hi i lawm teh ang u.

    [Report abuse]

  24. 24
    PKfanai Says:

    Sammoo hi i comment dangah pawh, ka rin aiin hlaril lam hi i hre riau mai. Kei hi ka tihtlak loh ang reng khawp mai.

    [Report abuse]

  25. 25
    ReMpY_ScisSoR Says:

    off topic on the topic, ka hre ve hlomlo a missionary hmasa te hi. Ka hriat chhun Rev. D. E Jones, ‘Abide With Me’ hla letlingtu hi. He hla ‘Ka Lalpa Duh Tak Min Awmpui Ang Che’ tih hi fakna hla a ka duhber pawl ani.

    Dam chhung reilo te an a ral lawk ang,
    khawvel hlimna leh ropui a bo vang,
    Ka hmuh theih zawng zawng hi a chhe vek ang,
    Danglam theilo nangin min awmpui ang

    :luangliam: (W)

    [Report abuse]

  26. 26
    doc_lib Says:

    Zosapthara hi ani lawmni mizo nula thankungi em ni kha, a vanga mizorama atanga an chhuah tir kha..a hnu khan nupui ah khan a nei zui ta em kha ?

    [Report abuse]

  27. 27
    Asteric Says:

    @doc_lib: ni e

    [Report abuse]

  28. 28
    Asteric Says:

    A chanchin leh a chetsual dan detail deuh hi ka nei a sin mawle. Zosap missionary zinga Mizo nun a inchiahpiah nasa ber a ni hial in ka ring. Lo a feh te kha nuam a ti a, fanghma te hi tui a ti hle niawmin an sawi. Hmuihmul kawm ngeuh nei cher lam hret a ni. :)
    Khatia a hming chhiat takah khan Myanmar lamah an sawn chho ta daih a, chuti chung chuan mizoram ala rawn tlawh ala rawn tlawh a ni an ti. Aizawla Sikul sen ah sawn principal a ni reng á¹­hin, a din tu ni em ka chiang chiah lo.

    [Report abuse]

  29. 29
    saint sammoo Says:

    “ram thianghlim(holyland) hi ka fang ve tawh a, mahse bukpui? Pulpit atang hian kalvari tlang chu a lang fiah daih zawk” a ti e. an ti.

    [Report abuse]

  30. 30
    saint sammoo Says:

    sir, pk. Hlahril chu ka tui, mahse ka thiam lem lo. Zosap ho kha mihring ve tho, tisual ve thei, famkim bik lo an ni tih haidera an thiltih leh kutchhuak te dik ber, tha ber, sawisel theih/phak loh, lo sawisel/korek tu chu thlarau thianghlim sawi chhia ang dawn2 a ngai leh an kutchhuak te ‘Luka ziak’ tluka ngai tlat te cho chhuah nan ka’n ti fiam mai2 a nih kha.

    [Report abuse]

  31. 31
    awmawmpuia Says:

    Zosaptharan hmingchhe taka Mizoram a chhuahsan laia Ainak khaw bul atanga Chhimtuipui lui a kai dawn laia a rilru tur L.Keivom in ‘Zoram Khawvel’ a a ziah ka chhiar a piang hian ka rilru a khawih thar leh thin.

    [Report abuse]

  32. 32
    Bridconn Says:

    misual.com/2011/09/20/ka-nu-phuahtu-nuchhungi/

    [Report abuse]

  33. 33
    hmingtea Says:

    Zosapthara hla te hi kan zir ve thin kha maw le
    Amah hi achanchin ka chhiar khan ka khawngaih lutuk a aw
    sap englishmen ho lo sual zia em em hi ka tih phah

    [Report abuse]

  34. 34
    bulaya Says:

    Zosapthar ngaisangin kan awm fo
    Kan pung zel dawn a va tihzia.

    A ngaihnawm khawp mai. (Y)

    [Report abuse]

  35. 35
    lushai_er Says:

    Pu Zosaphluia kha Kohhran lam, Pu Thara hi zirna lam. Governor khan Mission Sap hnuaiah zirna kha a dah tawp mai(Sawrkar Sikul a ti tawp vek).

    Pu ZST-a hi Chhingchhip-ah khan zirtirtuin a han awmve zuai an ti em kha ?

    Mi thikthuchhiate sawi turin an lo awm a niang chu, “Thangkungi leh Zosapthara an inngai e” an tih thin kha. Thangkungi hi Zosapte chawm zinga mi a ni. “Pathian hming chhalin ka sawi e, engmah kan ti sual lo,” Pu ZST-an a tih pawh khan Mizoram atang khan an hnawt chhuak ta tho kha a ni a.

    A hmingchhiat pui chu a nei ta ngei an ti. Burma lamah rawngbawlna a chhunzawm a, a thih thlengin Burma ramah rawngbawlna hna a thawk. Pu B. Lalthangliana te hi History lamah an tui nen, Burma rama an awm lai pawhin Pu Zosapthara thlan hi zu zawng chhuak thei hauh lova….????

    [Report abuse]

  36. 36
    lushai_er Says:

    Thangkungi leh Zosapthara hi Lakhipurah Sawrkar danin an innei an ti.

    Zosapthara rawn thlaktu Dr. Fraser hi Missionary zinga ka ngaihsan ber pakhat a ni. Bawihchhuah champion pui tu kha, ani pawh hi Mizoram atang khan an hnawtchhuak ve leh a nih kha maw..!

    [Report abuse]

Leave a Reply

You must be logged in to post a comment.