Aizawl mi chanchin ngaihnawm thin thenkhatte !

September 18th, 2011 9:00 pm by lushai_er

-  Dr. Zokhuma Vety

Aizawl khawpui chhungah hian hun hrang hrangah mi maksak tak tak, fiamthu, nungchang leh tawngkam te a mi tihlim thiam tak tak, mite hriat lar em em an awm thin a. Chung zinga mi tlemte chanchin tawi i lo ngaithla dawn teh ang.

1. PU SAIA : Sai Butua tia hriat lar a ni thin bawk. France ram kal pawha tel ve tawh a ni. A Sapram kalna lam a atchilh ta ni ber maw, British Sipai Lal, Lord Roberts kha ni tain a in hre tlat mai a. England Lal fanu nen innei tura inhualah a inngai mauh mai thin a. Kum 1940 chho vel te kha chuan pa upa tawh tak, Mission Veng Kohhran/YLA tangrualin an enkawl a ni tawh a. Chuti chungin an inneihna atan London lam kohna kha a buaipui ber a ni a. Vawi hnih lai London pan turin Sairang pawh a thleng a, an zuk pawt kir leh a ni.

Mission Sap leh midang London lam zuk kal apiangte kha amah hek khawtlaitirtu ah a puh thin a, an chanchin pawh a chhuah chhe thin hle. Pi Zaii ang te kha, “Zaihuri ten Uai-eu-el (YLA) an ti a, kan nulate’n puarkek an vei leh thin,” tih leh Pu Pasena pawh, “Pi Pasena, Kohhran U-Nu” te a han ti vei thul.

Book Room thawktu Pu Chawngzika hoten General lukhum ang an siamsak a han khum sen hlur mai phei chuan, Japan do laia British sipai lo chhuak hmasa te pawh a lo tibuai viau awm e. Chibai (Salute) pek tur leh tur lovah an lo buai ve viau anih chu.

A boral hma lawk thleng khan Mission Vengthlang, Darnam Tuikhur penga YMA sak, a inchhungah chuan Princess Elizabeth-i leh Lal chhungkua dang dang a tar nasa thin.

2. PU LIANTHUAMA :  Ani hi TINGTANGI PA tia hriat lar a ni thin bawk. Ani pawh hi France ram kal ve bawk a ni. Ani phei hi chu lehkha thiam, 2nd Interpreter anga kal a ni a. Indo zawhah PWD Mohurer (S.A) hna thawk thin a ni. Sap chanchinbu chhiar taima leh hriatna zau tak a ni a. Titi thiam leh sawi ngaihnawm thiam a ni a, HLAUHAWM lam hi a uar zual thin. A lehkhabu ziak ve title pawh kha “PA FEH A KIM TA LO” tih a ni ngut mai. Sakei huai chanchinte hi a chhui taimain  a hre thei khawp thin. Hlauhawm a hre tam a, amah pawhin a hlau va. Chuti chungin  pa tam ber ngam loh, mahniin sakei te pawh a chang ve mai bawk si.

Rangvamual Gurkhali-ho Bawng Sakeiin a seh a, amahin a chang a. Lo chhuak tur angin thawm a rawn nei a, a reh hlen leh ta si a. Hawn a lo hun chuan thingler atangin a chhuk ngam ta lo va, silai a kap ta dur mai a. Chu veleh Gurkhali-ho chu lo tlanin, “A tlu em ?” an rawn ti a, ani lah chuan, “Rasta banaya hai” tiin thlamuang takin a lo chhuk ta a ni.

PWD hnuaia hnathawh hautak zia a han sawi te chu; inchei peih diam a kan mu hi thawh veleh mit ek nuai thla tawpa kan tlan vang vang pawhin, “Engati nge i lo tlai ? Suar ka Bacha” tih hi kan hlawh tawk a ni a. Suar ka Bacha tih hi “Good Morning”  tihna anga  ngai thei lo tan chuan PWD-a thawh chi a ni lo a ti thin.

Chubakah min chhawr rim luattuk avangin nupui pawh kan khawi ngam zo lo a ti thin. Nupui pawh pakhat aia tam neih lai te a nei ve em ni ? “Nupui pahnih han kawl mai chu, Khaukhuap leh Bak hum pawlh an sawi ang maiin a ri rup rup mai a. Ar pawhkawn sa te hi tukverhah an thlawk chhuak nawl nawl mai,” te zuk han ti thiam a. Pathum law law chu a hahdam thlak khawp mai a ti thung.

Ral ram kal ve pakhat sawi dan chuan, kum 1917-a Mizo tlangval rual 2000 rualin France ram an pan kawngah a lo sawithaih nasa hle a ni awm e. Bombay pelh Middle East lan phak hma si te khan, “Kei zawng mi heti zozai nunna engine bawr vel mi 4/5 kuta dah ringawt mai hi ka thlamuang zo lo. Phung te han zawl thut se, tu nge Bombay kai pawh hre tawh ang i? te a han tih khum vel ani awm e.

Mediterranean Sea an luh chinah German Submarine te hlauvin Destroyer-ten an lo veng ta a. Anmahni pawh, “Life Belt” hman dan te zirin an parade ta a ni. Ani ta pek chuan, “Heng te chu tih mai mai ani, German Torpedo pakhat pawhin kan lawng hi han deng fuh ta se, Kulikawn-a H.K.Dohnuna in leng huau khian a han pawp ang a, tui lutin livir a han siam ang a, khu-ah min pil pui mai dawn a ni. Hetiang mai mai chhan chi kan ni lovang,” a han ti ta pek anih chu. He tawngkam hian kum 1917 laia Aizawl khaw mi mal In lian fal ber chu Kulikawn-a H.K.Dohnuna Dawr ani tih a tilang thung.

Violin tum pawh kha a thiam hmasa pawl ni tur a ni. Mahse, Molawm /Piancham /Pass lawm engkimah khan, “A lo kalin, a lo kalin,” tih hlir a tum thin a. Kha chauh kha a tum thiam a lo ni awm e. “Zarkawt pheiah sawn, thlik-thlawk Lianzampa khawlin a ti e’” tih a phuah pawh kha Aizawlah a lar hle thin. A la tam, lo tawk rih se.

…La chhunzawmah sei kan ti tawh ang…

Similar Posts:

Recent Posts:

50 Responses to “Aizawl mi chanchin ngaihnawm thin thenkhatte !”

  1. 1
    aduhi Says:

    Ngaihnawm e. Pu HV-a hmelhriat engzat nge awm ang aww…. (8)

    [Report abuse]

  2. 2
    Vitamin_C Says:

    Nui kur kur :D

    [Report abuse]

  3. 3
    rowland vanlalawia Says:

    A ngaihnawmin a va bengvar thlak ve aw..mahse senior activitist te pawi ka sawi a, pawi ka ti lutuk. Mobile site atang chuan text message ang a kalpui hi a awl lutuk ani. Post tha tak tak min rawn share a, ka lawm lutuk e. Min ngaidam hram ang che u.

    [Report abuse]

  4. 4
    H.Vangchhia Says:

    aduh :P Pu Saia khi a hming pawh ka vawikhat hriatna a ni maithei. Pu Lianthuama erawh chu ka pu kawma an nupa rawn leng fo annih thin avangin ka hre ve thin khawp. Kan bathlarah khan, “Karfiu a vin hler hlur” tih vel kha a sa vang vang thin, lung a tileng mang e.

    [Report abuse]

  5. 5
    aduhi Says:

    #3 rowland i ti lawmawm e. Mobile a online hi tam zawk an ni a, tawngkam dik hman hram hi kan tum vek a ni, kan thiam tawk theuhah.
    #4 HV hihi Kulikawn tih sawi rik tawh hi chuan i lang ngei ngei, Aizawl South, Khatla atanga Ngaizel thleng pawh tiamin. :-D

    [Report abuse]

  6. 6
    H.Vangchhia Says:

    aduh, Kulikawn hi ka bial anilo zawk mah mah… :-P

    Tak2 a, mihlun/mi hmasa ina chêng, inleng chi hrang2 nei thin tan chuan engemaw chen hriat neih te hi awl deuh asin.

    [Report abuse]

  7. 7
    aduhi Says:

    “Pa feh a kim ta lo” – a turu hmel tiap tiap.

    [Report abuse]

  8. 8
    lalrinasailo Says:

    a dawt nghah hlelhawm hle mai aaaaaaa

    [Report abuse]

  9. 9
    doc_lib Says:

    Glory glory man utd, glory glory man utd..glory glory man utd as the rds go marching on on on on

    [Report abuse]

  10. 10
    Telphawka Says:

    (Y)

    [Report abuse]

  11. 11
    ReMpY_ScisSoR Says:

    part II or III ah chuan pu H.V a tel ve hrim2 :P

    [Report abuse]

  12. 12
    Jacka Pi Says:

    Pu Saia khi a chhungte tan buaithlak duh awm :-D OT tum em em vang poh ni chuangloin ka phone hlui twh lutuk a company pohin a software update na tur an neih tawhloh kha ka condemn ve ta e,BB torch kan hmang ve tan chhin a,net set up turin ka beidawng hman tep!

    [Report abuse]

  13. 13
    chhangteval Says:

    “Pi Pasena, Kohhran U-Nu” :-D :-D :-P

    [Report abuse]

  14. 14
    Thingtlang pa Says:

    Pui dun ve.Ngaihnawm dawn e,lo chang char2 dwn nia.

    [Report abuse]

  15. 15
    vakul Says:

    Ngaihnawm thin hle mai. Lushai thumbs up…

    [Report abuse]

  16. 16
    hmingtea Says:

    Thuamtingtanga ka hrephak ve ngei mai,
    Saia hi erawh pawh ka hrephak chuang lo thung

    [Report abuse]

  17. 17
    khumchikthei Says:

    A dang pawh kan lo beisei leh ang. Han ti zel the inthlahrung hauh lo in.

    …Khrum

    [Report abuse]

  18. 18
    doc_lib Says:

    #3 Rowland (Y) . I puitling hle mai.welcome to misual.com kha nopui kan leh ang che (B)

    [Report abuse]

  19. 19
    PKfanai Says:

    Tha dawn e.

    [Report abuse]

  20. 20
    Fonz Says:

    Ngaihnawm ka ti ve lo anih hi

    [Report abuse]

  21. 21
    vakul Says:

    Fonz :-D

    [Report abuse]

  22. 22
    Rumtea Says:

    Dr Zokhuma hi pa ropui tak niin ka hria. Ziakin engkim mai hi a hnutchhiah a, mizo tan chuan pa ropui a ni e. Misual dot com ah pawh athu ziak atanga lak chhuah kan chhiar hnem tawh hle mai

    [Report abuse]

  23. 23
    zualbonez Says:

    Mahni thawnthu hi a ngaihnawm ber…keipawh ka life hi ngaihnawm ka ti bawn …ka tan chuan aizawl mi chanchin ngaihnawm ber chu ka life chanchin animai..hairehai (Y) :-D

    [Report abuse]

  24. 24
    rohlupuia chalrang Says:

    No. 1 a Pu Pasena khi tunge anih le aw??? [Ka tih Pastor Pasena chu chalranga kan biakin kawtah an phum a. Tuna kan Minister JH Rothuama pa hi ania.]

    [Report abuse]

  25. 25
    lushai_er Says:

    Phengphehlep tialmawi te Tuikualan hrut del del…..tirawh le!

    [Report abuse]

  26. 26
    lushai_er Says:

    PWD = Please wait Dr.

    [Report abuse]

  27. 27
    Silver Oak Says:

    Ngaihnawm dawn chuauh a atawp daih, hmanlai mitam tak kha ahunlaia engteh uala kan ngailoh nuih ti za riau kha an tam thei hle ani awm e. (Y) Good post lushai_er

    [Report abuse]

  28. 28
    lushai_er Says:

    Kutbuli ki rawnchuah tlum leh zuk !

    [Report abuse]

  29. 29
    ReMpY_ScisSoR Says:

    Thuama, tingtangi pa tih leh Thuam-tingtanga hi ngaihpawlh chi anilo, mi thuhmun an ni miah lo, an ti!

    [Report abuse]

  30. 30
    H.Vangchhia Says:

    lushai_er, kutbuli hming tak ka theinghilh thut chu mawle a. N.Vanlaiphai khawchhuak niin ka hria.

    Tui an heh em em khawp a. Kan inah chaw a rawn ei thin a, ha (teeth) nei mang heklo, a thial niau niau a, a thinchhe em em mai lehnghal a. Keini naupang chuan a kutsil lai te kha kan lo en duh thin si a, min um vak zel. Tuizemah ngat lo chuan a kut a sil duh silo, a haw nasa berin a herh haw thin a, a ti tawp lawk duh thin silo, ka pi nen a herhhawnna an inchuh thin hahahaha :-P

    [Report abuse]

  31. 31
    century child Says:

    Ngaihnawm e.(Y)

    [Report abuse]

  32. 32
    chawnghilh Says:

    Pu Saia’n a chhuah chhe thei mai a nih loh hi, Pu Saia chanchin pawh an chhuah chhe ve tlat! NOI. :-O

    Pu Lianthuama leh a nupui Lalthangi inzui hneng hneng thin te kha, an chenna puk, Chhangurkawn-a mi kan zuk en ve a, motor tire chhia hal thin an ni bawk a, an nupa kha an ung tlat a, puk chhung pawh ung tak a ni.

    “Company sumtualah, tleitiri kan nek sawr pawr e …” Atta Lane leh Bazaar phei inpawhna, Maranatha Press sir lawka mi hi a kawng a la zim reng a, hman ata tawh a zim reng a, mi veivak an lun ve tho si a … tleitiri hnute nek sawr pawrna hmun a phuahna a ni. “Bus-ah lo chuang ve rawh … Phengphehlep tial mawi te …” a phuah nual hlawm thin kha le!

    [Report abuse]

  33. 33
    chawnghilh Says:

    @HV : Kutbuli hming chu Chawnghnuni.

    [Report abuse]

  34. 34
    H.Vangchhia Says:

    chawnghilh #33 ka lawm e… nang nge nge (Y)

    [Report abuse]

  35. 35
    H.Vangchhia Says:

    chawnghilh, Pu Lianthuama zai ka mitthla vel, ka lung a tileng hle mai.

    MALTA in a ma puala an sak ngawt pawh hian ka lung atileng thin teh asin.

    http://www.youtube.com/watch?v=mnFzifdpTXM

    [Report abuse]

  36. 36
    chawnghilh Says:

    #29 ReMpY_ScisSoR : I sawi dik thlap e. TINGTANGI PA an tih hi chu Pu Rokunga (hlaphuah thiam) kha a ni. Tuna Bethlehem Vengthlanga cheng Pu Chhuanliana Bvt nupui Zahmingthangi hi Pu Rokunga fanu a ni a. Chhuanliana nupui Zahmingthangi chu TINGTANGI tia koh-fiam hlen a ni thin, a chhan pawh Pu Rokunga khan tingtang a kuah reng thin avangin!

    ReMpY_ScisSoR … you scored!

    [Report abuse]

  37. 37
    chawnghilh Says:

    Pu Lianthuama khan fiddling kha chu nuam a ti ve thei, a thiam a tawngchham deuh mai pawh a!

    Pu Pasena an tih hi chu Lungleng khua, sap-hovin uluk taka an chawm len, tet laia hmai tai sen hlar mai a ni a. Pa ropui R. Zuala of Sikulpuikawn, Hnunliana of Mission veng, Chhuanliana BVT te-ho pa (biological father) a ni. Mizo zinga Sapram kal hmasa ber a ni tain ka hria, tunhma chuan Pu Pasena kutchhuak deuh vek hi Mizo students-ten an zir thin. Ch. Pasena tih a ni thin.

    [Report abuse]

  38. 38
    H.Vangchhia Says:

    #37 (Y)

    [Report abuse]

  39. 39
    PKfanai Says:

    Ngaihnawm khawp mai a. A bengvar thlak thin e. Part-2 a va nghah hlelhawm ve.

    [Report abuse]

  40. 40
    tarmita Says:

    Rev. Thangdela te khan an tlangval laiin KTP hmingin Pu Saia puan an suk sak a. A dumpawl emaw an tih kha an han suk fai chuan rawng eng lam hi a lo ni reng a.
    Pu Lianthuama’n “Curfew a vin hler hlur” tih a phuahte kha a hun lai chuan lar ve tak a ni.

    [Report abuse]

  41. 41
    lushai_er Says:

    Sakei kan chang ve anga min lo chang let ve si anga…..”Rasta banaya hai” kan ti ve ang tih a hlauhawm fu ni :-P:-P

    [Report abuse]

  42. 42
    shylo Says:

    Ngaihnawm dangdai e. Hranghluite nunzia hi a hlimawm phian hi maw le.
    @37 Chawnghilh: Ch.Pasena hi PS.Chawngthu a ni em? Anih chuan ka ngaisang teh mai ania.

    [Report abuse]

  43. 43
    kawlnicolney Says:

    Like heavy e.adang rawn ti leh vat la piliz in..

    [Report abuse]

  44. 44
    ltvangchhia Says:

    Ngaihnawm thlawt :) Traffic Police thin Pu.Nghakdaka?(L) kha a chanchin i hriat chuan min han share chhunzawm teh khapa kha a ngaihsanawm in a huaisen ka ti

    [Report abuse]

  45. 45
    chawnghilh Says:

    @shylo : Ch. Pasena fapa hi PS Chawngthu a ni e.

    [Report abuse]

  46. 46
    boihapa Says:

    Kan naupan laia Aizawl khawlai mawitu lar zual deuh deuh ka la hriatte chu- Pi Rongaii, Pi Thanseii, Pi Chawnghnuni (ani hi kutbuli kan ti mai thin). Saia tih khi ka hre chiah lo naa amah ang deuh chi tho, tiang tawite kenga peakcap khum vah mai, pa hmai fai veng vawng, en mai chuan mi a an lohna hriat mai loh, a kawr khapdiau-a ‘KING’ tih tar vah mai thin kha chu ka hmu fo thin. Thuamtingtanga erawh ka hmu fo, a nupui nen an inzui nasa thin hlein ka hria. “Mami, i hmela tha bus-ah i chuang dun ang” tih te, “Curfew a vin hler hlur nula rim a phal lo ve” tih te kha a hun lai khan engah vak lo ngai thin lo mahila, tun hnuah erawh chuan khatih laia Mizoram dinhmun sawi fiahtu tha tak a lo ni ve ta reng mai, ve tlat mai a! I post a ngaihnawmin chhiar a manhla e. (Y)

    [Report abuse]

  47. 47
    shylo Says:

    @Chawnghilh : A big thanks…Kumin Krismas Charity lamte in rawt leh dawn em? (OT)

    [Report abuse]

  48. 48
    Ignatia (33-115 AD) Says:

    Post hlu tak a ni. A hunlai chuan eng vak ni lo mah se tun atan chuan thil hlu a ni tlat mai! Tuna kan hun tawn ang ang hi ziaka dah that tur a mual mual chu a awm ve ang mawle. Entirnan Pu Saiate pawh hi ti hian kan sawi chhuak ta a, amah ang chu ni chiah lo mahse dangdai ve tak Pu JNiitea pawh hi a chanchin kutziaka dah tu hi awm se ka ti ve mai mai thin. Lrhlonchhing hian han ziak sela tha ang mawle.

    @Chawnghilh: I comment a ngaihnawm hle mai. Senior misual thenkhatte ang lovin kan ziangah lo tel zel ang che. Tin, hmanni khan i thlalak ka hmu a ka beisei dang ang lo deuhin ka hmu che a. Ka rin dan chuan- keimah ang deuhin Palian tak, khan sang bawk, buang theng thung inih ka lo ring a. Tin, upa tawh viau turah ka lo ngai bawk che. Mahse i lo riai sang deuh ther mai niin ka hria. I hmel pawh hmuh a nuam. Chuan, ka rin ai daihin i la THALAI bawk. Be with US and also remain sooooooo…………..

    [Report abuse]

  49. 49
    Thangpasaisira Says:

    Chhiar zo pei lo e a,a thu a ngun/chhiar har em maia Noi

    [Report abuse]

  50. 50
    H.Vangchhia Says:

    A ngaihnawm ngaiin ala ngaihnawm reng mai a. hairehai :D

    [Report abuse]

Leave a Reply

You must be logged in to post a comment.