Ka Thian Chawnghilh Tan….

September 29th, 2011 7:00 pm by mate ainawn

Ka dawn vel thin, Lei hringnun hi.

A mak ka ti..Tuar thiam a har ngei e.

Awmlai lianin ka Hrai dawntuai banah kaiin,

An hruai lui ta thlafam vangkhua lawi turin.

 

Khuanu rorel em ni ang, kei ka chan hi.

Engan i hual zawkloh tiin ka dawn.

Ngaiin au mah ila, chhanzai a rel si lo.

Rial-ang dai hnu, ka hrai sakruang chulin ka tham vel a.

Min sel lo u..rual duh te u.

Dawi-ang dawm a ka thlir nin loh ka hrai riangte kha,

Ka ngai em e-a lenlai ni te.

Theihchang se chelh din ka nuam ngei e.

 

Ka tan Ni leh Thla reng a eng lo ve,

Tikim dawnin chhunni leh zan ka hmang liam a,

Hnemtu ngaiin ka van ruai e-

Min hnem love engkim mai hian.

 

Engtin tuar ve che u maw, tuaiduh lawmlai chan zawng te’n.

Kei zawng a na ka ti, ka tuar thiam mawlh lo ve..

Awmlai lunglian vanga hrairiang then chu,

Min hnem an ka sawm che Chung Pathian.

 

Baw-ar lungfingte’n min thovin,zingtian khua lo var leh a,

Min tham vel e..khawhar, nunruakna in.

Ka hrai chhamang zalna leidai pan zai ka rel leh thin.

Thlahna Parmawi leh leivung mai ka chan a lo ni si.

 

Aw..ka zantlai tawnmangah chang mai teh se

Chhungkim te a hlim ni lo her leh in,

Duat ten chul a thlir leh ka nuam ka hraite kha.

Thinlai ti riang, lung ti leng an maw i lo pian le.

 

Similar Posts:

Recent Posts:

59 Responses to “Ka Thian Chawnghilh Tan….”

Pages: « 1 [2] Show All

  1. 51
    mate ainawn Says:

    @ 49 littlerascal..Pathianin min veng ang a, kan inhmu em em ang..Arpui Tuilai ka talh sak dawn che ka tih kha..Damtakin lo awm la, a hun chu kan nghak thleng mawlh ang.

    Report this comment

  2. 52
    bk Says:

    (Y) (W)

    Report this comment

  3. 53
    As_Khiangte Says:

    mate ainawm i va’n phuah thiam reuh ve a, lung a kuai raih mai alawm. Min lo phuahsak ve roh aw, chhas bem na lampang.

    Report this comment

  4. 54
    bawihapa Says:

    Min va hneh em, Pathian zarah Fa ka la sun lo na a, a ziak tu ril ru nat tur zia hi chu eng emaw chen chu ka hriatthiam pui (Y) (F)

    Report this comment

  5. 55
    melody Says:

    Post tha tak leh comment tha tak2 ka chhiar a, fate sun ve ang maiin lung a chhia a, mittui a tla thei a lawm.. ;-( ;-( Kan hmangaihte kan chan ve hma chu thihna nat zia kan in hriatthiam pui tak tak phak lo ang.. Pathian in lusun lungngaite hnem mawlh rawh se..

    Report this comment

  6. 56
    lushai_er Says:

    E khai van phuah tha ve…., (Y) (U) ;-(

    Report this comment

  7. 57
    lushai_er Says:

    “Puini chu lem ang zu der teh la,
    Nang chu Awithang, ka tuai lungrun;
    Hring lamah lo kir leh la.

    Ka sa maw nuar, ka chuni nu, a i emaw kan sual e,
    Ka tuai duhlai banah a kai,
    Awmlai a nunrawng mang e.

    Ka thin zo chhum ang a zing e, ka dawn lem a awm love,
    Fam ka ngaih lai takin lelte,
    A kiu kan sum tualah e.”

    Chawnghilha hi mate ainawn post through hian Awithangpa hla hi kan ban ve ange.

    Report this comment

  8. 58
    mate ainawn Says:

    “Awithangpa hla hi kan ban ve ang e..” a va mawi ve aw..Lal lushai_er…he tawngkam keimahah a rik lohna a va rei tawh em..tiang han chhar leh hi nuam ka ti. (Y)

    Report this comment

  9. 59
    Maisek Says:

    Mate Ainawn, i phuah thiam hle mai… ka chhhiar hman lawk lova… i thu thiamzia hi ka ngaisang bon top che… (Y)

    Report this comment

Pages: « 1 [2] Show All