Ka ngen a che

September 29th, 2011 9:30 pm by LaMea CâcTùs FLh

 Ka mu thei silo, pawn lam hawiin ka han dak chhuak a khua lah chu a thim chhah mup mai si, veng hmawr a leng hawn ar khuang pawh chu a hriat theiih zan pawh a rei tawh tih ka hria a, ka bula mu ka fate 3 leh ka pasal ka han en chuan ka rilru a kal thui hle a.

Kan tunhma nun te ka ngaihtuah a, engtiang a hetiang boruak tawng chho hi nge kan nih ka hrethiam thei lo, kan pa thiam loh ani e ti thin mah ila a bulpui ber chu nangmah ani ka tilo theilo a, nang awmlo la tiang buaina hi kan chhung hian kan tawh ka ringlo bawk..

Ka dem ngamlo che, mahse ka thil sawi erawh hi khawngaiha minlo ngaihthlak saka minlo ngaihtuah sak turin ka ngen che a, rilru fim leh chhia leh tha hriatna nena I ngaihtuah chuan min hriatthiam ve tho ka ring, mi a leh misual I niin ka hre silo…

Kan pa nen hian kumtluan atan ti a kan tiamna pawh kha kum 20 lai ani tawhin karah fanau 3 lai pathian malsawmna zarah kan lo nei ve a, kan hlimin tudang kan ngai biklo asin..Khawngaihin ka thil sawi hi minlo ngaithlak sak ta che….

Hmeichhia, kum upat lam hnaih tawh, kum hnih thum hnu leka thi hul mai tur tawh ka niin, tuna ka dunhmun ka ngaihtuah chang hian ka mang a ang a, beisei abo asin, ka chan hi I ngaihtuah duhlo a nih pawhin ka fate chantur hi min dawnsak la, ka pasal,ka fate pa hi min laksak lullo turin ka ngen che ani, ani zawng eng nilo mahse kan tan a hlu si a…

I tan pawh a hlu ang tih ka hriatpui che in a tan pawh tunlai tak phei chu I hluin a rilru I luahkhatin I lakah pawh a luangliam tih hi, kei mai nilo ka fate thleng hian an hria asin…Nang zawng ka neihloh sakruang mawina nena leng I niin, I tan khawvel hi a nuam a, I lakah tu te pawh an nemin, mipa reng,I lakah dawl zawra zawrlo an awm ka ringlo, I hlimna tur khawp hi khawvelah a awm a, mahse hei zawng hi ka ngen ache, ‘ka thei e’ tih vang chuan ka fate leh ka tana khawvel a mipa kan neihchhun hi chu min laksaklo hram ang che…

Mihring tupawh, a hmei apa in hmeltha hmuh hi a nuam a, keini hmeichhia ho ngei pawh hian kan hmeichhiatpui hmeltha leh taksa nalh hi chu hmuh nuam kan tiin, a lang a va fak hreh thin mah ila, kan mit erawh zawngin a en kham thei bik thinlo…

Chuvang chu ania khatia, kan pa te office a LDC hna I thawh tirh pawhin, a hnuaiah nuthlawi hmeltha deuh thawk thar an awm thu nui sun sun paha a sawi pawhin, huat ena ka en loh a, ka nuih pui mai mai ni….A dik aniange, I sakruang mawina,thatna leh nalhna chu an office titi ber ani tih ka hre chho a, a tute pawhi hahipa I chanchin sawiin I hmel mawina chu rose ar ang, I pian thiamzia lah, sakhi tuai an sawi ang maia inkhaithli leh mum nalh zuah mai tia tehkhin in , I chawnban sahmul tha an sawi anga nem nuak mai leh I vun no zia te, heh sen mawi zia te chu an titi tui ber ani chho a, tlangval ho lahin nula aia an duh zawk thu te, patling ho lahin an tlangval lai an ngaih phah thu an sawi te chu a tu pawhin an hre si…

Ka pasal chauh hi I thatna rawtui sepa sep anilo tih leh in dept.. pum titi I nih chhoh dan te pawh ka hria asin….Dawt an sawilo aniange, ka hmuh hmasak ber che, mama te school bang lam paha kan pa office a ka rawn kal khan, room a I lo luh phat atang khan la hrelo che mah ila, I sakruang, pianzia leh hmel ruangam fu tak ka hmuh khan an sawi ‘thlawi hmeltha i ‘ chu ini tih tu hrilh ngai loin ka hre nghal asin… Ani taka, pangpar in amaha rimtui a nei ang hian rimtui chhuah thei khawp a mawina I neiin chungkhuanu malsawmna hi I dawng bik hliah hliahin kei pawh hian ka ngai asin…

Hun leh nite a ral chho in, a tira I hmel thatzia leh hnathawh thiam zia sawi sawi thin ka pasal chuan a sawi tlem tial tial che a, chu chu thil nihphung pangngai ve mai ani a..Mahse keini ah zawng a lo  ni hauh sulo…I hming kan lam ri tlem tial a, nang erawh kan nunah I lo lut tial tial thung si….Chhungkaw pa ber hi office I kal hma tirin I ban har tir a, kei erawh chuan ka lo hrethiam pek silo, nia…ka A em ani e…Mahse, hun a liam a tlang titi alo awm chhoin kei mi mawl tan pawh hriat hun alo awm si, a nun dandlam ka tih te khan chhan alo nei reng si…

Aw!!!! Ka hriatzan te khan ka rilru a nain zankhua in ka chhingmitui a far a,kan sitting room a kan inneih thlalak te, ka fate hmel tleng hian min vel asin..Kawppui nei te tawh te tan chuan, kumtluang atan ti a, Pathian hma a thu kan tiampui te rinawmloh thu hriat tluka na hi a tam ka ringlo a,nang ngei pawhin kawppui lo nei zawk tawh I nih angin I hriatthoiam tho ka ring…

Nunram hi a chau thin asin, nidanga min tihlimtu kan fate hmel hmuh ringawt pawh hi a hreawm in an hriatloh ah mittui kan seng leh fo thin si..Nang chuan I la hethiam lo mai thei,mahse pasal nei tawh tih takah hrethiam miahlo chu ini hauh lo ang le.. I hming alam zing te hi chu ka la tuar hram hram thei, mahse khum laizawl a,a mutthilh lai pawh a I hming a lam chhuak fo erawh a na in tawrh a har asin…

Nidanga thil ho tete sawi a tlaikhua kan varna laikhum ah te khan taksa insi reng mahse rilru inpersan takin kan la mu ang tih kan zalna laikhum,duhtaka, thing tha chi a, engpawh dawl thei tur a nghet tak leh rinawm tura kan siam tir hian nunna pawh nei se a ngaihtuah thlen bik ka ringlo…

Nupa a kan insiam tirh khan kan hma ah harsatna buaina kan tawk dawn tih zawng ka hria a,ka inring bawk..Mahse hetiang zawng hian ani ang tih ka ring phallo…I chanchin hriat ka nei tamlo in, chhungkaw pangngai harsa lemlo tak atanga chawr chhuak ini tih leh, phai ram a high school leh college kal chhuak ini tih bak chu hriat ka nei tamlo…

Tlangkam atang chuan I college kal laia I hmelthatna I larpui zia leh subject thehkhata mark I hmuh san theih bikzia te  chu hre mah ila ka awi hran lemlo..A tu te pawhin I tunhma chanchin hriat an nei tlem a, I phai awm laia I mizo puite aia hnamdang zinga I tlangnel zawk vang te pawh ania nge..Mahse mitin te erawh hi chu I hmel a thain I pian a mawi tihah chuan kan in lungrual tlang asin..Nia,a ni reng a, nang zawngin a tute te pawh chhai thlu thei khawpa mawina leh thatna I neiin, I nawmsakna tur pasal pawh I duh chuan officer hlir 1 hi kumtin I neih theih ka ring asin, I hmelin a zir em a!!!!

Mahse kei zawng, kan pa hi min laksak anih chuan midang tang bel turin ka mawi tawh silo, ka hmuh tawh pawh ka ringlo a, hmu mah ila Midang ka va hmangaih thei tawhlo tih hi khawvel a mum ani tih ka hriat chian tluk zetin ka chiang asin…Nia, nang chuan mak I ti mai thei, mahse ka tleirawl lai atangin ka hmangaih hmasak ber hi pasal ah ka nei ang lo ti ve kha ka nia,chuvang te pawh aniang, kum 25 kalta a kan inngaihzawn tirh a ka hmangaih ang reng khan ka la hmangaih ni…

Aw le,ka sawi thui ta lua e,ka duhtawk ange..Tlangkama inrela,insawi ai chuan tiin ka han hrilh tawp che ani, min ngai haw em lo ang chu!! Min ngai haw mahla, tih theih ka nei chuanglo, I lakah hian ka tlawm em ani…Ka thil sawi te erawh kha chu bengsik a lo ngaihtuah in ka ngen chein, kei leh ka fate hlimna leh hmalam hi I kutah a innghat tih min hriat thar sak leh ang che…

Jolene, jolene, jolene, jolene
Im begging of you please don’t take my man
Jolene, jolene, jolene, jolene
Please don’t take him just because you can
Your beauty is beyond compare
With flaming locks of auburn hair
With ivory skin and eyes of emerald green
Your smile is like a breath of spring
Your voice is soft like summer rain
And I cannot compete with you, jolene

He talks about you in his sleep
There’s nothing I can do to keep
From crying when he calls your name, jolene

And I can easily understand
How you could easily take my man
But you don’t know what he means to me, jolene

Jolene, jolene, jolene, jolene
Im begging of you please don’t take my man
Jolene, jolene, jolene, jolene
Please don’t take him just because you can

You could have your choice of men
But I could never love again
Hes the only one for me, jolene

I had to have this talk with you
My happiness depends on you
And whatever you decide to do, jolene

Similar Posts:

Recent Posts:

20 Responses to “Ka ngen a che”

  1. 1
    phawkars Says:

    Chhìar ang..

    Report this comment

  2. 2
    H.Vangchhia Says:

    Kha le :

    Jolene — Dolly

    http://www.youtube.com/watch?v=1plvBR02wDs

    Jolene — Mindy Smith (Dolly on Video)
    http://www.youtube.com/watch?v.....re=related

    Report this comment

  3. 3
    doc_lib Says:

    Mipa tam tak hi hmeichhe lakah hian an easy ve thin bawk a lawm le…Kei chu hmeichia hian min va han thei mai mai bik awm lo e aw :-P :-D :-)

    Report this comment

  4. 4
    H.Vangchhia Says:

    doc_lib, ka thianpa chu nula in a rape asin :-P

    Report this comment

  5. 5
    doc_lib Says:

    @4 lol Pu HV a tang nasa em? Hmeichhia in min rape a nih pawn mipa takin in thisen far ral thak thleng a tan tlat tur :-P

    Report this comment

  6. 6
    H.Vangchhia Says:

    doc_lib #5 zing tawkah ka room kawngkhar a rawn kik dawt dawt a, “Bro, Bro, han hawng lawk teh…” atia. Alo lut chiah chu, “Min rape, min rape ania aw. Ka duhlo reng reng,” a tia, ka nuih nasa mai mai.

    A sawi chianga, “Ka chatthla kha ka harh zawk a, ka chungah a lo thu run alawm,” ala ti zui hairehai. Chu nula chu ka zawt leh ngat a, “Afa ka pai duh alawm,” alo ti fel then mawle :-P

    Report this comment

  7. 7
    century child Says:

    Post chhiar nuam leh ngaihtuahna tikal thui tak a ni e.
    Ka chunga mi te sawi ka chhiar tawh a ka hnuaia mi te thukhawchang lo thlir leh teh ang :D

    Report this comment

  8. 8
    Lamji Says:

    Hahaha!!@Pu Hv + doc..ka tui thla hman lutuk a in rawn ti ho vek. :( hmeichhe rape te chu a….ava chakawm hranpa ve… :P
    Gud post (Y) I hau hrep dawn emaw ka tia Jolene alo ni daih :P Dolly Parton=hahdam veng2 na…a hla ho hi ka ngaithla em2 lo a,engtik lai paw’n ka ngaithla peih reng thung. :S

    Report this comment

  9. 9
    Lamji Says:

    Tin,’Deportee’ kha a awm em khah??kha khan min hneh ngang mai kei zawng..! Mexico US border kan mitthla ve ruai2 thei alawm le.. :(

    Report this comment

  10. 10
    lrpa Says:

    thawnthu tenau ani ngawt a lawm le..
    Jolene hla Dolly Parton anih kan ring ngawt a..a chepakai a ziah a va ang awm ve :-)
    Tha khawp mai (Y)

    Report this comment

  11. 11
    H.Vangchhia Says:

    Lamji #9 Deportees = illegal aliens :-)
    http://i54.tinypic.com/sn329f.jpg

    Report this comment

  12. 12
    Vachhuangtuar Says:

    Atha e (Y) Good nite vek ule

    Report this comment

  13. 13
    H.Vangchhia Says:

    Lamji, hei pawh ;) hairehai :-P

    http://i52.tinypic.com/o72cr8.jpg

    http://i55.tinypic.com/2zjgyl2.jpg

    Report this comment

  14. 14
    jellybaby Says:

    thil thleng tak tak (true story ti deuh kher teh ang) amaw ka tia ka chhiar tui teh reng nen..va ho mai2 si ve…

    Report this comment

  15. 15
    Lamji Says:

    @Pu Hv,,ekhai!! Billboard hmasa zawk chu leh…ava ‘bawn’ ve le…Dolly’s ‘Deportee’ te kha chu an mahni khawngaihna atanga phuah anih hmel sia in kawmthlang ho rilru pu a ngaihthlak chuan mi a hnen riau asin… :) Map khi…haha!!

    Report this comment

  16. 16
    H.Vangchhia Says:

    Lamji, chawm theih loh tur fa hring suh. Chhuanlamah kan ram lo luhruk nan hmang suh tih tumna a nih hmel e hairehai :)
    “Wetback” awmzia chu i hre tho ang chu :P

    “Wetback” is a term for Mexicans who immigrate illegally to the United States. The term was originally coined and applied to Mexicans who entered Texas by crossing the Rio Grande,[2] presumably by swimming or wading across and getting their back wet in the process.

    http://en.wikipedia.org/wiki/Wetback_(slur)

    Report this comment

  17. 17
    chawnghilh Says:

    Mexican pa kawng kana a tlanchhiat zuai zuai chuan Border a cross ru a ni tih hriat sa reng reng —a hnunga midum (African-American) a rawn tlan chiam chuan, Mexican-pa a um a ni zeng lo, thil a ru a ni mai! Chumi hnunga Chinese-pa a rawn tlan leh chuan midum-pa khan Chinese-pa thil zawrh a ruksak a ni leh mai. (American Joke).

    Mu dun, rilru inhlat tak hian zingkhua a var duh chawk!

    Report this comment

  18. 18
    PKfanai Says:

    Zoliani mai mai chu, ka lo zilh ve deuh ang e.

    Report this comment

  19. 19
    lamea25 Says:

    nula ina rape chuh…a harh chiah khan a hrilh ava hai duh aw ve :-):-):-P:-P:-P

    Report this comment

  20. 20
    chhingdailova Says:

    A ngaihnawm viau e, a sei ti fe fe an tam leh awm.Mahse sei ti awm an awm miah lo in ka hria. Dawli Partawn-i hla te hi a ngaihnawm viau zel a ni, kum 2001 vel khan ka atchilh a, ka cousin phei chuan a ning hman rap mai. Keni Rozuala ( kenny rogers) nen a an hla sak dun te pawh hi an inhmeh thei khawp a sin

    Report this comment

Leave a Reply

You must be logged in to post a comment.