Lehkhathawn

September 19th, 2011 6:00 am by nEstEr

A hmasa berin ngaihdam kan dil phawt che nge, i sawi ang khan ka duh duh huna ka koh chuah theih  i ni lo tih ka hria a, mahse ka rilru put dan ka ziahna hi hrilh che ka duh ani. Zantin hian i message,’Min ngaidam rawh, ka thiam loh ani, i nunhlui hi ka sawi tawh ngai lo ang, in then lo ang’ i tih na hi ka lo nghak thin a, mahse ka nghak chhuak lo chu a ni a, he thu ka hrilh lai thleng che hi chuan.

I hlim hi ka duh em em thin asin, thil tam tak pawh ka tih sak ve thin che, i hlim theih nan. Dik tak chuan pawisa ka neih bik vang emaw ka hauhsak vang hi ani lo asin, chhungte chawm ve mai ka nia, ka petrol thun na tur te, thawmhnaw thar ka lei na tur te khan ania, i hlim loh hlau in thil ka tih sak thin che. Sawi a zahthlak tih pawh ka hria, mahse tun thleng hian ka ti hlim zo lo che a ni a, min ngaidam hram dawn nia.

Ka rilru ti na leh em em tu chu, ‘Nupa ang mai kan ni tawh alawm, inneihna chiah in min dang tawh’ kan tih lai a, kan in lungrual viau emaw tih lai a, a tuk leh lawk a, ‘I hmeichhia pawh ka ni lo,i duh duh a i tih kawi theih ka nilo’, min ti leh mai te kha, ka tan chuan a na ani. Kan in tih thiam loh chang a min thlem emaw, a chang chuan min lo um zui dar dawr a, ka kalsan che i phal loh ka rin thin lai te kha, hehe, ka zakthei lo ti raw, kei te chuan ka phu hlei hnem, khatiang ang te kha chu. Kha kum khat leh a chanve chung khan, ka damchhung a ka theihnghilh ngai tawh loh tur hun hlimawm leh hriat reng tlak min pek avangin ka lawm hle bawk a ni.

A tawp ber ah chuan, ka ui em em che a, chan che hi ka hreh ngawih ngawih a, ka HMANGAIH ngawih ngawih bawk che. Engtik hunah pawh,buaina emaw tanpui i ngaih emaw hun ah chuan nangmah tanpui tur che in ka awm ve reng tih hi min lo hriat sak reng dawn nia. A tawp tak tak na ah chuan, PATHIAN in nangmah ti hlim thei tu che leh i tana kawppui tur tha tak pe mawlh che rawh se. Ka lawm e. MANGTHA LE.

Similar Posts:

Recent Posts:

25 Responses to “Lehkhathawn”

  1. 1
    Pakak Says:

    chhiar ila

    Report this comment

  2. 2
    phawkars Says:

    Chhiar tak tak ila…

    Report this comment

  3. 3
    Pakak Says:

    lehkhathawn dah that ka la nei nual… :p

    Report this comment

  4. 4
    drake Says:

    kya hua nester? :-D

    Report this comment

  5. 5
    rowland vanlalawia Says:

    Jawahar Lal Nehru’s ‘letter to my daughter’ a zul lek2 lo maw? Post tha khawp mai. Chhiar a manhla lutuk.

    Report this comment

  6. 6
    PKfanai Says:

    Ava Lungchhiat thlak ve aw. Lo chhiar ve ngei se a va tha ve.

    Report this comment

  7. 7
    khumchikthei Says:

    PIN I ziak dik lo nge ni helam a rawn thleng ve thei hauh lo mai ka ti!

    …Khrum

    Report this comment

  8. 8
    Chhuaklinga Says:

    Theih chang se, tih albatros hla kha kan hriat chhuah daih chu le, i lehkhathawn ka chhiar hian. Nalh i tih ve ka ring e..

    Lung a kuai ngai(h) mai a, tleirawl lai chu nise min ziah sak ve ngei chu a ngai ang. (F)

    Report this comment

  9. 9
    lr hlonchhing Says:

    Lehkhathawn uar tawh loh lamah ziak tha kher mai. Thawn zel teh…

    Report this comment

  10. 10
    no_nick Says:

    @Postupa says : Engtik hunah pawh,buaina emaw tanpui i ngaih emaw hun ah chuan nangmah tanpui tur che in ka awm ve reng tih hi min lo hriat sak reng dawn nia.

    hlai sentence hi a common viau lo maw? Ho ltk.. tanpui duh miah suh..! midang ngaihzon san la, a lo um let dawr2 mai ang che.. lolzzz

    Report this comment

  11. 11
    chawnghilh Says:

    Nikuma TEXT ka dawn ni champhaphak chiahah hetiang in rawn ziak vel — hetiang hian a rawn thai kawi reuh va —

    Mangan buai leh thlaphàn kâra
    Ka nunin tanpui a mamawh laia
    I ànka tui ang dam ka dawn nî leh
    I thaikawi ziatial mawi ka tawn châng hian
    Lunglai a va timuang thìn èm!
    — September 19, 2010 6:50 PM

    When I am at stake, in distress and preoccupied
    And while my life yearns for help
    As soft as water –your words on a day I got
    And sporadically received your appealing write-up
    How consoling is in my insight!

    Harh fîma hmuh tlàk loh khawvèl
    Harh fîmin ka tem zànin chu
    Khuangruah sûr leh chhùm zîng kârah
    Chhawrthla ârkai hmu lovin ka làwm.

    Lung a lêng lo,
    Khua a har lo.
    Dàwn a tam e,
    Dàwn lèm a awm lo ve.
    Hmehchhuah channel leh nau nàwn aw râwl kârah
    Chhawrthla ârkai hmu lovin ka làwm.
    — September 19, 2010 7:16 PM

    Common lo tak nge, mi tih a copy pawh ka hre chuang lo. Mawi ka ti ve mai mai!

    Report this comment

  12. 12
    Ozima Says:

    SMS poetical lutuk a rawn ti kur ngiai nguai hi chu a lem zo vek in ka hria, :-P . Mi bum an chin hmel :-D :-D

    Report this comment

  13. 13
    chawnghilh Says:

    Ozima : Mi bumhmang thuchhuak maw le! Mawi chu a mawi duh dip dep, poetry inzir nan ka hmang nasa thung.

    Report this comment

  14. 14
    chawnghilh Says:

    Ozima : Mi bumhmang thuchhuak maw le! Mawi chu a mawi duh dip dep, thawka phita phuah zawih zawih thei chu rin loh tur! Mahse, Mizo poetry inzir nan ka hmang nasa thung.

    Report this comment

  15. 15
    chhangteval Says:

    Post tupa a dang zawng mai rawh, an tam lutuk ang :-)

    Report this comment

  16. 16
    kiddo Says:

    Va khawngaih che ve..”PATHIAN in nangmah ti hlim thei tu che leh i tana kawppui tur tha tak pe mawlh che rawh se” hei hi tha lutuk.. Tihian nang pawhin kal san la,duhsakna i thawn ang chiah hi i chungah thleng mawlh rawh se…

    Report this comment

  17. 17
    Thingtlang pa Says:

    Ka chan nen va in ang tak em!Kei pawh hetiang hi ka thawn ve dawn chiang lawm.Min lo ziah sak ve la :P .Fiction phen ah hian a luanliam theih fu a lo ni.

    Report this comment

  18. 18
    xotea Says:

    ngaihnawm khawp mai. Post tha tak a ni

    Report this comment

  19. 19
    eL Says:

    min dem lul su zaleng zawngte u
    ka riang chuang bik e..vanhnuai khuaa’n
    ka bang lo’nge D, i ngaia tah..

    Report this comment

  20. 20
    malsta27 Says:

    Ziak thiam hle mai, tiang hi chu vei zui vak duhloh tur :-P :-) …..

    @chawnghilh#11 msg thon tu chu tu tak ni ang maw????? poetical hmel hle mai, hriat va chakom ve mole…………….

    Report this comment

  21. 21
    doc_lib Says:

    Hehe post tupa sirah a hnawl mai che ani maw, a van poi ve. Mahse lungngai suh, hmeichhia leh lirthei leh cellphone hi chu a chhuak hnuhnung apiang an nalh mai ania :-P

    Report this comment

  22. 22
    Thangpasaisira Says:

    Tha e

    Report this comment

  23. 23
    nester Says:

    KA LAWM E..KA ZIAH VOIKHATNA ANI A..MIN COMMENT SAKNA AH.

    Report this comment

  24. 24
    muantea Says:

    Rilru chhungril tak atanga ziak a nih duh hmel khawp mai. Lehkhathawn lungkuai leh rilru puitling tak atanga ziak a ni ngei ang.

    Mahse……ka han ti leh thin teh ang. Ziak zawm leh zawm loh turte, inluhkhalh lo deuh hleka ziak dante han zir uluk lehzual la thu tha tak tak leh ngaihnawm tak i la ziak chhunzawm zel thei ngei ang.

    Report this comment

  25. 25
    nester Says:

    nia….ziakzawm velah hian k buai khop mai

    Report this comment