Zu hi engtinnge kan ngaih ve le

August 31st, 2011 10:00 pm by VL Hminga

Zu hi hmasang atang a lo awm tawh a ni a, an chaw ei rual in an in ve mai ṭhin a sualna atan an hmang ngai lo a ni. Keini chaw kan ei a tuihang kan hmang ang chiah hian Bible hunlai khan an lo hmang ṭhin. Hetih hunlai pawh hian zu hi rui ṭhin chu an awm ngei  a, mahse vantlangin ruih tur ah an ngai lo a ni.

Hun alo kal zel a zu tangkaina te an lo hre chho zel a, nachhawkna atan te hial hman nachang an lo hre  ta a ni. Kan Bible ah hian uain a sawina hi hmun tamtak ah kan hmu a, hman a nihna zawng zawng ah hian uain ti vek in an let a, hmansual(a chhelam sawina ah) zu tiin an let leh hlauh thung si a, chuvangin hemi kawngah hi chuan fuh tawk lo a awm  thei awm e.

Mizoram ah khan engvang in nge Kristiante khan an khap nachhan kha ni ang le? kan tih chuan khatihlai hunah khan  zu leh sakhua na thil kha kalkawp ang reng a an ngaih avang khan an khap a ni, chutiang bawkin khuang pawh khap a ni.

Chuta chinah chuan zu inngam an awm taawh lova kohhran a kal fir em avangin, hemi avang hian A Thanglura pawh kha Roman Catholic ah a inlet a nih kha.

Hmanlai kan zu hmandan ah khan lo ah hah deuh in hna an thawk a, an chau em em mai ṭhin a ni. Chuvangin zanah mut hma in an in mai ṭhin a, hei hi anmahni siam ngei a ni. Vantlang puipun ni a lo rui an awm pawh in ‘Ramhuaiin a til ah a pensak’ an ti a, an zawn haw hial ṭhin a ni.

Heng ang nih hi a zahthlak em em a, chuvangin rui ngampawh an awm lo a ni. Kristianna in kan ram a hneh hnu a zu in khap anih khan  tumah zu in phal a ta lo a ni. Hetiang a lo nih takah hian an lo inthup ta a, a inho pawhin veng kilkhawr an pan tan ta a ni. Hetih chhung hian  langtham nisi lovah buaina a tam em em a, khua a ti ṭawp tak meuh a ni.

A chung a kan tarlan tak te khi kan back ground ah hmang ta ila fuh aawm e.  Zu hi sual a ni em? Tih lam aimahin zu hian enge a thlen? tih ah hian kan inzawt tur a ni ang.

Zu kan khap a, khawpui laili ah chuan thianghlim takin amaherawh chu ven kilkhawr lamah thung chuan a nasa lutuk tho a ni. Kan ṭhian, kan fate, kan unau te an kal a. Engthil nge an chungah lo thleng dawn tih pawh kan hriatlohin an awm mek chu a ni si a.

A bikin Aizawl hi han sawi ta ila veng kilkhawr ah chauh zu awm thu kan sawimawi a ni maithei e, khulam a bike accident velah khuan mi engzatnge thi tawh ang le? Khang thlarau kha Pathian in a hmangaihlo bik nge, keini hian kan hmangaihlo le? Mizoram sawrkarin a ti  em a hma alak hian veng kilkhawr te tan chuan zan a pawn han chhuah na chi a ni ta lo a ni, an tan chuan anchhia a ni mai.

Mi ho in veng hming an sawi tliar tliar a Mission veng an tih chuan an confi bik hle a ni, amaherawh chu  Edenthar, RV Phunchawng te han tih hi chuan a sawitu leh a zawt tu hmel ah engemaw alo lang tawh tlat. Hei hi tu anchhia nge zu khap anchhia a ni.

Zu chu veng kilkhawr ah chauh a awm tak avangin a inchâk ho a hmei apa in an pan ta luai luai a. Hetia  sual vaklo te leh sual em em ten an pan tlan tak ah chuan miṭha ve deuh te pawh kha an hruaisual thin a ni. Kan sawi hmaih hauhlo tur chu zu a tam a pa leh tlangval hoten an bawr tih a lar tak hnu chuan KS te pawh in an pan ve ta ava himlo tehlul em!

Heti chung chung hian pulpit tlang atang a sawiseina awka chhuak thin hi keichuan ka helh khawp mai, sual ti pungtu mai nilovin Bible in sual tinreng bul sum a tih tidanglam tur a hmalakna ang ah a ngaihtheih  hial in ka hria kei chuan.

Kan sawi hmaih hauh loh tur thil pakhat alo awm leh ta e, zu khap a nih chiah hian corruption heng acid, spirit, Burma damdawi pawlh, man sang uchuak, leh factory thianghlim lo atangin nasa takin hriselna alo nghawng thei ta a ni. Zu vang a chhungte thi ta ten sorkar an huat ka rin viau laiin anni chuan khap sauh sauh tur in an lo ti ve mek si a nih hi kan ngaituah a tawi tlang khawp mai.

An chhungte thi ta intheih tur khan zu thianghlim tak lo awm nise chupa chu a thilo turtih ang chi te pawh hi hriat tur a ni e.  Kohhran ho hian ka ngaihdan chuan rawngbawlna awlsam theihnan hlip tur a tan an lak ka rin vein en

Zu hi khap lo se kan tih hian kan ngaihdan mai a ni a dan chhungah a awm tawh mai dawn chauh a ni. Vengkilkhawr ah zudawr a tam tawh lo ang a, a fing deuhte chuan anmahni inbulah an in keuh thei tawh dawn a ni. Hei hian hrithalo lak ah nasa takin min ven ngei ka ring tlat a ni, kan fate an sual anih pawh in kan hmuh phak a an sual chuan vendan kan thiam tawh mai ang.

Tin veng kilkhawr ah sualna alo tlem tur mawlh hi kei chuan ka nghakhlel a ni, keima view ah chuan hei hian hmun a chang thui hle a ni. Chutih hunah chuan kawtthler ah lo inzuar pawh nise tumah in kawngpuiah ruih an tumdawn lo, khulai kalkan a helai kan hmuh thin avang hian kan ramah sualna alo pung ta a nih hi. Chuvangin a bul a ṭang hian pawt phawi ang u hmiang….

Similar Posts:

Recent Posts:

54 Responses to “Zu hi engtinnge kan ngaih ve le”

Pages: « 1 [2] Show All

  1. 51
    Pc-a Says:

    phek thar kai ve reng reng rawh se.

    Report this comment

  2. 52
    Pc-a Says:

    Zu khap haw ho hi, la khap talo ila chu khap duha sawrkar dema rak rak, atam zawk hi chu an nih ka ring. Zu hmuna kan khawsak thin dan han thlirkir chuan.

    Zoluti kha Lal ina a awm loh chhan chu, zurui inhaubuai bengchhen thin vangin in dangah awm tir a ni. A awmna pa khan a nihlawh phah phian. Lal leh upa te duhsakna a dawn phah hrep e an tih chiu…

    Report this comment

  3. 53
    mate ainawn Says:

    Zu khap BUR na dan. :-D .han tih hi a khap chian hmel e lawm. (N) .

    Khaw pakhat Zu in khap pawh kha, an in duh sia..thleng ah an dah a, fianin an hawp a..a khap tu te an lokal a..”Hei, ngatinge Zu in kan khap a, in lo in a, kan man dawn che u.” an tia..”ka Pu, kan in lo, a hawpin a lawm kan hawp.” an ti daih a sin.

    A zuar ho pawh hian hralh mai se, tawk viau lo maw.. :-P

    Report this comment

  4. 54
    H.Vangchhia Says:

    Prohibition makes you want to cry into your beer and denies you the beer to cry into.” —Don Marquis

    Report this comment

Pages: « 1 [2] Show All