Tlawngluia tuitla Muanga ruang chhar a ni.

August 31st, 2011 8:44 pm by H.Vangchhia

August 31 News : Vawiin chawhma dar 10:30 vel khan August ni 26 zing dar 7-8 inkar vela Bawngthah kai Tlawngluia tla hlum Muanga kum 21 mi ruang hmuh a ni.

August 26 zing khan Bawngthah rama thingzaia riak mi pathum te chuan an thing zai sa chu Tlawng lui Bawngthah kai lama tawlh thlak tumin an thingzai sa qubic 50 vel zet chu an tel khawm a, Tlawng tui lian so but but maiah chuan an nawr tawlh ta a ni.

Thingzai tel khawm chungah hian mi 2 techu an lawnkai mai a, an thian zinga pakhat Muanga chu thingzai telkhawm chunga lawnkai ve tuma a hleuh phei chu tuizang khauhin a la a chaktakin lui mawng lamah a len thla ta vawn vawn mai a ni.

Muanga thiante pahnih hi livirin ala a, an thingzai chawp chuan a thehvir ta a, an thianpa Muanga tuilianin chak taka a len thla vawn vawn pawh chu an hmu thei a, rei loteah a pila an hmu zui ta lo a ni. Muanga thiante pahnih hi eng tin tin emaw vaukamah an inhai chhuak thei hram a, an chetsual dan hi Bawngthah khua ami te an han hrilh ta a ni.

Bawngthah leh Darlung khawtlangin ngawrh takin ruang zawn hna hi an thawka zui ta a, tui a len em avangin tih vak ngaihna avang hle mai. A tlak ni atanga ni 6 na, vawiin chawhma dar 10:30 vel khan Lungleng pa Pu Thangkunga chawhmeh zawng ram kal chuan Vawkzawn luiin Tlawng a finna, Vawkzawn li, vaukam tui chim chin leh chin lohah Muanga ruang chhe tawh tak bawkkhup zawnga lo awm chu a hmu ta a ni.

Muanga hian kekawrbul eng a ha a, mawza dum a la bun bawka, a thawmhnaw atang hian amah ngei a ni tih finfiah theih a nih thu thudawnna chuan a sawi. A sam a awm tawh lova, a hmai vun leh ti a filh deuh vek tawh a, a mawngtam ti pawh a awm tawh meuh lo a, a kawngchhung a pum leh ril vel engmah a awm tawhlo niin thu dawnna chuan a sawi bawk. A tlak tanna Bawngthah kai atang hian a ruang chharna Vawkzawn li hi ahria inti ten luidungah KM 20 vel zet a thui ni a an rin thu Pu Lalfakawma Lungleng 1 Branch YMA Secretary chuan a sawi.

Pu Thangkunga hi amah mai a ramkal a ni a, mitthi ruang chhe tawh tak chu vaukamah a hnuhchhuah hnuin Lungleng rama lonei feh kal te pun turin a kal ta a, anni nen chuan khua a mi te an han pun leh ta a ni. Lungleng 1 atanga ruang awmna hi ramhnuai kawng chhe tak mai km7 vel zet a ni a, kuang te siamin Lungleng YMA ten a ruang hi an zuk hlawm ta a ni.

Zanin khan Lunglengah hian Muanga chhungkhat hnaivai te leh Police lam pawh an thleng phei ve nghal a, zaninah Aizawl Civil Hospital morque house-ah dah a ni anga, naktukah postmortem zawh a nih hnuah Bawngthah lamah phurthla-in phum a ni ang.

Muanga hi Burma ram chhunga khaw pakhat Pidawta khaw chhuak a ni a, Bawngthah YMA ah hian membership fee te pe in chhiatnithatni fund te pawh a lo thawh ve thlap maia, hetianga vanduaina a lo tawh takah chuan Bawngthah khawtlang hruaitu te chuan an mahni khaw mi lehsa angin Bawngthah-a phum ngei tha an ti niin thu dawnna chuan a sawi bawk.

Source: Vanneihthanga Vanchhawng

Similar Posts:

Recent Posts:

39 Responses to “Tlawngluia tuitla Muanga ruang chhar a ni.”

  1. 1
    Ozima Says:

    A lawmawm e!

    Report this comment

  2. 2
    H.Vangchhia Says:

    Bawngthah leh Darlung khua te an fakawm e. (Y)

    Report this comment

  3. 3
    TuaiSialA Says:

    Vanneihthanga Vanchhawng hi a awm lovang tih a va hlauhawm em!

    Report this comment

  4. 4
    Kawnga Says:

    @HV, tui tla lamah hian i rawn che tha thin khawp mai. I awmna a hlat hlat nen. Source tha tak i neih bakah, i ngaihven peih tih a lang e.

    Report this comment

  5. 5
    troxx Says:

    Pu VANA nge nge … (Y)(Y)

    Report this comment

  6. 6
    hiho Says:

    Va khawngaih thlak ve male.
    Pu vana hian a tlak hma te khan atla don tih ahria anga , a lo chang reng toh lo maw le? (fiamthu)

    Report this comment

  7. 7
    saint sammoo Says:

    Tuitla ruang chhe tawh tak mai hi chu a chhartute hi an fakawm thlawt. ka hmu ve ta zeuh2 a, ka lo en ta kha ka inchhir ziah. Accident, thisen baw nei nuai leh thi seng sungho ai paw’n hmuh hreawm ka ti zawk.

    Report this comment

  8. 8
    Phivawk Says:

    Khawngaihthlak hle mai. Thahnem ngai taka a eizawnna hna a thawh laiin a heti ta mai si a, thlamuang takin chawl teh se. Zanin lps news ah khan naupang kum 8 mi vel Bawnkawng piah brigade field bul a tuikhuah-ah vawiin khan a tlahlum tih an puang bawk. 1985 vel nitain ka hria, Tlabung tuipuiah sawn ka tla tawh, ka vannei khawp mai….ka ngaihtuah let chang hian ka la mur chuai chuai thei nia mawle.

    Report this comment

  9. 9
    PC Liannghawr Says:

    A van khawngaihthlak tak em……….. ;-(

    Report this comment

  10. 10
    Sony Says:

    US of A a awm daih atangin Mizoram news kan chhiar ani maw? How nice. Thanks, VH

    Report this comment

  11. 11
    Kawlri Says:

    Ruang hmuh a nita chu a lawmawm hle mai.. Vawikhat pawh Hnahthial bul Tuichangah Nghakuai kam turin ka thianpa nen kan kal a, changel chawnpuar tiat pahnih hmawlhin kan khenzawm a, a chungah chawfun, chem etc. Kan dah a. Tichuan le, Tarpho kam lam panin kan hleuh phei ta, tuinu so but but kan thleng phei a, li vir kan thleng dawn… Mahni sahim nan hleuh ang tih pahin kan pumte siam ka thlah.. Ka rei, ka thianpa tui hleuh inti thiam khan alo hleuh thiam awzawng lo.. Kaa.. thiam loo.. ti pahin a pil leh barh.. Thei leh thei lovin ka um thla.. Pumte thlah miah suhh.. Tichuan vanneihthlak takin pumte ka zuk man fuh a.. Engtin tin emaw vaukam kan in hai thleng.. Thlan tla hluamin.. Kan van thi teuh tehreng emm.. Ka ngaihtuah zawng pawn ka la mur chuai chuai mai..

    Report this comment

  12. 12
    Soberboy Says:

    Pu Vana zarah thil kan hre hnem thin mang e a lomom e (Y)(Y)
    Ngai teh, naktuk hi thla thar ani dawn – I Samuela 20:5 (Y)(Y):-)

    Report this comment

  13. 13
    sheldon170 Says:

    Tlawng luia tla kha MUANGA nilo vin MUNGA emaw ka tia.. Han confirm teh uu

    Report this comment

  14. 14
    H.Vangchhia Says:

    sheldon170 #13 Muanga a intih khi. Sudden Muanga Hmar pawh a awm a, Munga Zomi pawh a awm ang chu mawle hairehai :-P
    Chhim lamah Tuipi a awm a, a piah hmar lam deuhah an ti Tuipui leh a, chutiang vel chu a ni e. Burma ah Hualngo, Mizoramah Chhakchhuak chutiang zelin.

    Report this comment

  15. 15
    TuaiSialA Says:

    Breaking News: Nichin dar 9 pelh hret khan Chhinga Veng-ah bike-in scooter a su a, scooter khalhtu hi a na hle a, a ring ruh a tliak. Damdawiinah hruai nghal a ni a, nikhawhrelovin a awm mek.

    A tirah chuan bike khalhtu zawk hi a pâwr hle a, mahse, scooter khalhtu an buaipui hlanin a lo tlanbo hman a ni.

    Chhinga Veng lampang khan chanchin kimchang han ngaihven teh u le..

    Report this comment

  16. 16
    H.Vangchhia Says:

    #14
    Tipi*

    Report this comment

  17. 17
    sheldon170 Says:

    HV@ Vanglaini dated 30th Aug ah hian Bawngthah kai chhaka Tlawng lui a tla Khupsianmunga (Burma lam mi)a ti kuau a… Tu zawk nge dik che u ka hrethiam tawh love…HAIREHAI

    Report this comment

  18. 18
    eL Says:

    hairehai,,mizo tlawmngaihna hi chu aw,,,

    Report this comment

  19. 19
    Lamji Says:

    Ava mak lehzel ve 3 ngawt tunhnaiah an tla ta ani maw… :(

    Report this comment

  20. 20
    ma-a Says:

    (Y)

    Report this comment

  21. 21
    katukhumkahmu Says:

    bike leh scooter insut na ah khian bike khi a chhe ve lo amawn le.a tlan bo theih a.naktuk zing news paper ah a chhiar anga a awma nuam miah lo ang le.
    munga/muanga thian te chuan an thingzai chu an chan ta nge?lol.
    khawhming kan sawi hian azl emaw,khaw lar deuh atang a a hlat dan emaw hi sawi tel thei ila(misual mawlmang deuh tan hian).

    Report this comment

  22. 22
    Pcresn Val Says:

    Tuitlak hi ka hlauh zawng tak a ni..! Muanga a chu a che muang lutuk a niang a..NOI

    Report this comment

  23. 23
    ReMpY_ScisSoR Says:

    Tuitla hi an bawk khup zel niaa…! :O

    Report this comment

  24. 24
    H.Vangchhia Says:

    ReMpY_ScisSoR #23 mipa an bawkkhup a hmeichhia an zangthal an tilo maw? :-S

    Report this comment

  25. 25
    chhana Says:

    A lawmawm e, tunhnai tuitla pathumte ruang hmuh kim a ni ta.

    Report this comment

  26. 26
    Atom c Says:

    Fel deuh te hian midangte aiawh in vanduaina an tawk leh daih thin a….khawngaihthlak hle mai…. (RIP)

    Report this comment

  27. 27
    ReMpY_ScisSoR Says:

    @pu hv, k hre chuanglo. Mahse, pool a hmeichhe tuitla 1 an hmuh chu a bwk khup a, a sam a lang suau2 sia, rapthlak ltk an ti. Uiii…k hlau don tlat.

    Report this comment

  28. 28
    TuaiSialA Says:

    Ok

    Report this comment

  29. 29
    TuaiSialA Says:

    Pu Hva sawi dan ki chu a ril leh ta raih mai..hahaha.

    Report this comment

  30. 30
    ReMpY_ScisSoR Says:

    Enge i lo okay ve ringot a tuaisiala

    Report this comment

  31. 31
    drake Says:

    #23 RemPy@ forensic in zirlai, kha en tha leh rawh, bawkkhup-zangthal chanchin chu i chiang uar mai ang… detective doc_lib hian han chhui bawk se :-P

    Report this comment

  32. 32
    TuaiSialA Says:

    Remi, i comment chung chiah ka comment khi mawle..

    Report this comment

  33. 33
    ReMpY_ScisSoR Says:

    @drake, wil do, cutiang lai tak poh ka lo chiang chuang lo, dry drowning leh wet drowning kan check dan vel bak kha chu. Han soi la, heh. Chuap a tui a tlin vangin hma lamah weight a tam a, an bokkhup, ami? :D

    Report this comment

  34. 34
    TuaiSialA Says:

    Ok.

    Hmeichhia chu hma lamah hnute pahnih pawng lian tak tak a awm a.. Chu chuan a buk rit te pawh a ni mahna.

    Report this comment

  35. 35
    drake Says:

    TuaiSialA 34#, i hmeichhe thlalak pawst sawn hmalam a hnute pawng pawh a neih loh saw…. :-P

    Report this comment

  36. 36
    H.Vangchhia Says:

    drake #35 flat chest? hu huuu :-P

    Report this comment

  37. 37
    Rugga Says:

    @TuaiSialA: ‘Eirukna leh Eizawnna’ posted by mizo 90’s generation
    comment : misual.com mobile atanga en buaithlak ta lutuk hi admin te hian thlak keh vat sia ka ti khawp mai. Operamini atanga en hian zoom out leh in kha a awm thin kha ania! Tih changkan an tum lu deuh emawni! Desktop view poh hi a mobile view riau toh. Loading problem a awm te hian a bul atanga down char char a ngai toh, comment a tam phei chuan ninawm duh ltk.

    Quote: @Rugga: I opera mini-ah khan setting-ah lut la, mobile view kha hmang lo la, a dik a ni mai lawm.

    Mobile viewka on lo mawle, a pangngai vekpohin site dang a an toh loh hi…………………………………………………………………………………………………………………………………………….!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    Report this comment

  38. 38
    TuaiSialA Says:

    @Rugga: A nih chuan page mawnga desktop view kha han click leh pawp chhin teh.

    Report this comment

  39. 39
    Mr. Pitch Says:

    Tunlai tuitla hlum an va tam ve o,, Fimkhur a ngai nasa a nih kha !!!!!

    Report this comment