Mizo te leh INBAWL

August 31st, 2011 9:00 am by pathlawi virgin

‘ Bawl ‘ tih tawngkam hi 2000 kum khan Ramhlun venga ka thiante hnen atang ka hre hmasa ber a, an veng tih chhuah anih leh nih loh phei chu ka hre hauh lo. A tir chuan nalh lo ka ti khawp mai a, a awmzia pawh ka hre meuh lo a, kei ngei pawh hian ka hmang ve fo ang tih reng reng ka ring pha lo.

Ka rin phak bak in a darh chakin a bik takin keini thalai te zingah kan hmang uar chak ta em em a. Thianho zingah pawh fiamthu duh leh thiamho in an hmang uar hmasa bik in ka hria. Vawiin ni ah phei chuan kan tawngkam hman lar berte zingah a lo tel ta reng mai a ni.

He tawngkam ‘bawl’ tih hi alo chhuak leh kan hman dan hi pawi tihna tam tak ka nei ta. Entirna tlemte lo tarlang ila –

Kan nau pakhat chu lehkha zir tha tur leh a rilru chak zia te sawi pahin ka fuih phur ka tuma, mahse “aaa min bawl’ zu han ti a! kum 9 mi lek ania.

Kan kohhran thalai inkhawm naah kan hruaitu pakhat chuan theih tawpin thu a sawi a, thalai te min fuih a, a theitawp a chhuah ve ani. a hnu lawkah kan banga, ka hma a kal pakhat chuan “kan inbawl mah mah lo maw aw zanin chu” a ti leh tlat pek a.

Lammual grass phah thar ah inkhel ka en ve a vawikhat chu. Kan MFA lampang nge sorkar lampang zawk ka hre ta lo, grass dim a ngaihzia a sawi na ah, kan changkan tawh zia te, thil tha dim nachang kan hriat tawh zia te a sawi tel luam a, tlang lampang atang chuan ” kan inbawl hle mai” tih ri hi vawikhat mai ka hre lo.

Kan thiannu veng dang a mi chuan min rawn ko a, a bialpa nen an inthen mangang in. Ka ti ti pui luam a, i hmelchhe loa, midang i hmu zo em em ang ka tia….. “min bawl kher lo la, mi thutak lai in” a ti leh deih!

A mangan thlak ka ti takzet a ni, he ‘bawl’ tih awmzia kan ngaihdan hi. Tlema 99 deuh hlek chhawnchhaih na turah kan dah a, mi pangai ho hian “min bawl, in bawl awihloh, a bawl che nih kha, etc” kan in ti tho bawk sia.

Tunah chuan thiante han chhaih fiam pawn bawl nih kan hlawh zela, duh ai chuan kan thliar hrang lo deuh niin ka hria. Sap ho khu zuk hmu pha lo mahila Tv, internet atang an nunphung tam tak kan hre ve thei tho a ni.

Stage ah mi in enge maw lo perform ta se, engemaw thil avangin lo che buai in lo talbuai se mipui zing atang support nasa tak a dawng thin a ni. Chutiang te pawh chu Mizo te chuan an va “bawl’ ve kan ti leh tho ang.

Similar Posts:

Recent Posts:

38 Responses to “Mizo te leh INBAWL”

  1. 1
    Zephenath Says:

    (Y).. 1nbawl hi chu a awm ngei a, mahse chintawk leh a hun leh hmun hriat a tha…

    Report this comment

  2. 2
    troxx Says:

    Mizo te hian entertainment dang kan nei lo emm a tin ani … :-P

    Report this comment

  3. 3
    hiho Says:

    Mahni infak kan duh lo ang bawk in Mi min fak a bik in hmaichhan a infak hi kan Duh vak lo vang a ni thei ang.
    Min lo fak tak tak ta se, kei in ‘Min Bawl’ ka lo tih chuan Min faktu kha Ka lawmna aduh vang mai mai a Dawt sawi ah ka puh tih na ang a ni daih a sin.

    Report this comment

  4. 4
    Telphawka Says:

    paws tupa hi min bawl phawn vak a century siam i tum tlat…,

    Report this comment

  5. 5
    Soberboy Says:

    nia a Post tu hian min BAWL em mai a ka sawi leh lo mai ang :-P

    Report this comment

  6. 6
    Alanism theory Says:

    Inbawl leh fiamthu hi a hawi zawng a in ang viau a,bawl tih hi fiamthu rawngkai,infuihpawrhna lampang niin ka hria.Hmuhsitna ai chuan dawnsawn chu a nuam deuh.Brainwash tenau a ni mai awm mange ka ti.Ka define dan hi a zim deuh mai thei.

    Report this comment

  7. 7
    century child Says:

    ‘deih’ tih tawngkam khi engtik kum atanga chhuak nge niang le..mizo tawngah a awm awm pawh ka hre lo e a..haha
    Post tupa hian min bawl a tum chiang:D

    Report this comment

  8. 8
    Chhuaklinga Says:

    Min bawl ti tu chuan a mah kha bawl tawk lekah a in ngai tihna a ni mai lo maw.

    ka hre tam vak lo na a, @’deih’ tih chu paite tawng a nia, duh(like) tih na.

    Report this comment

  9. 9
    Zochianga_Dreath Says:

    He thu “bawl” hi lawm ka nin em em, ka huat em em, thutak sawi dawna ti sawngnawi vek tu. Mi han bem dawn ila… min bawl eke bale lo ti zell

    Report this comment

  10. 10
    Rascal Crowe Says:

    Inbawl hi chu mirc dalnet vel tanga lo irh chhuak niin ka hria!

    Report this comment

  11. 11
    Fergie Says:

    I sawi dik khawp mai.
    Thu tha inhrilh tum laia inbawlna ang a min lo ngaikawi chu a hrilhhaithlak duh khawp ang.
    Mahse, mi pangngai chuan, a sawitu sawi dan leh hmel put hmangte enin min bawl leh bawl loh chu a hriat khawp mai (Misual ah hi chuan hriat har deuh a).

    Report this comment

  12. 12
    lr hlonchhing Says:

    “Deih” tih hi dik chiah lovin ka hria. In bawl loh tur aw…

    Report this comment

  13. 13
    eL Says:

    hmelma fakna awka aia thlum a awm chuang nemaw…

    Report this comment

  14. 14
    roseparvul Says:

    mizote zinga buaithlak deuh chu midang hmaichhana infak tre hi bawl kan ti tlat thin. a pawi, infak rau rau chuan kan faka te hnen ngai a thlen kha a tha ber si a. praise but not flatter!

    Report this comment

  15. 15
    awmawmpuia Says:

    Deih tih tawngkam te i hmang mai mai a, ka bawl hrep dawn che em maw ni le. (N)

    Report this comment

  16. 16
    Alanism theory Says:

    Bawl hungchhungah thiltha tak tak seng luh a nih chuan mi fak te pawh kan inthlahrung zo dawn tlat,ramri kham ang u.Bawl hi chu thutak lo,hlimna lam a ni,bawla awm erawh kan duh lo tlang.

    Report this comment

  17. 17
    Kawnga Says:

    ‘Inbawl’ tih tawngkam hi PUC Boys Hostel-ah khan kan uar thin khawp mai. Khu Hostel atanga larchhuak khu e nih ka ring deuh hial mai.

    Report this comment

  18. 18
    funny Says:

    “Josh” tih hi saptawnga (sap tawng nilovin. lolz) a tlukpui teuh pawl tak ani lo maw.?

    Don’t josh me. ehh :D

    Report this comment

  19. 19
    saint sammoo Says:

    In-bawl, in-kap…ka ning.

    Report this comment

  20. 20
    buh-duha Says:

    Topic tha tak a ni. Mahse, heti zawng hian ngaihtuah ve chhin teh ang. Miten unofficiala min fakna kan dawn laia lo dawnsawnna tawngkam chi khatah kan hmang zawk tawh mah mahin ka hria. A negative zawnga kan ngaihna a kawk tawh lem lo thil tam takah chuan. Nimahsela nihna ni miah lova a bak baka infak der ching erawh chu mihring kan awm ve hrim hrima, chungte erawh chuan anmahni hamthatnan emaw, an sawia te chhiatna tur suangtuah tel deuh chungin an ti zawk fo. In nau i saiw khi chu a thian kawm thlaksak a that ka van ring ve aw..

    Report this comment

  21. 21
    VaiVa Says:

    I hmeltha ngawt mai – min bawl
    Ka hmangaih che a sin – min bawl
    I fel lutuk an ti luai luai che a sin – min bawl

    I sual ve ngawt mai – ve che
    I hmel hi chu a tha hran biklo maw le – ve che (nang pawh enge I nih bik!)
    I mawl lulai em a ni e – ve che (ka hnek lawlh dawn em ni chu aw?)

    Entirna mai mai, mi ka bawl che kan ti khãt khawp, mi erawh chuan min bawl fo. I hmangaih thu leh tha I tih thu i hrilh a, “min bawl” a la tih talh chuan a hmangaih ve lem loh che pawhin a haw hauh lo ang che :P (mi sawi ka hriat)

    Amaherawhchu, a post tupa entirna ang, politician eng eng emaw in an han sawi hi chuan min bawl kan ti phal lo hrim hrim. Ka kan ân vek chuan “chhu thlu rawh u” kan ti duh hial mai thei a ni. :D

    Chuan kei pawh min bawl ta ;-)

    Report this comment

  22. 22
    Sony Says:

    Mi(sual) zinga tleirawl ho inbawl hian comment a ti tam thin a, mahse nikum lam aiin inbawlna comment a tlem ta deuh. Ka chhiar hnuhnun pawl chu Kristmas joke:

    Vantirhkoh to Mary: “Mary, i rai anga, fapa i hring anga, a hmingah…”
    Mary: “Min bawl suh”

    Report this comment

  23. 23
    malsta27 Says:

    In bawl hian thil tha a chhuah tlem viau mai……..mi an that na lai zawn in hmuh sak hian a ni lo zawng hian lak luh a awl a,in chawimawina a nih hian kan dawng sawng thiam lo a maw ni dawn chu le a tih theih. A sawi tu rilru put hmang a pawimawh ber fovin a lang.

    #18@Funny: don’t bawl me :-D :-P .

    Report this comment

  24. 24
    Maya Says:

    A ni khawp mai . fak phu ngawih ngawih pawh Infak ngam ani tawh mang lo . .min bawl kan inti thuai thuai mai a .

    Report this comment

  25. 25
    TuaiSialA Says:

    Tihsual zeuh pakhat i nei tih lohvah chuan Mizo tawng i ziak thiam khawp mai a, chhiar pawh a kal zaih mai. A ngaihnawm a, a tha em em bawk. Tin, thil i hre rei thei ka ti. Kei chuan ‘bawl’ tih tawngkam ka hriat tanna pawh ka hre tawh lo a nia. I thil vei hi a ruk taka ka lo vei, ka vei a ni tih ka hriat si loh a ni. I sawi tum point i hrechiang a, i pehhel duah lo va, i sawi chiang em em a ni. A tifiahtu atan thil thleng tak tak atangin entirna i rawn pe leh zel nen. Ka fak thlawt che a, a dang pawg lo post mawlh mawlh rawh.

    Report this comment

  26. 26
    phawkars Says:

    Saum leh hmarcha hring Bawl hi tui ka ti…..

    Report this comment

  27. 27
    chhana Says:

    Hman zan ka mumangah Israel fate Aigupta ram atanga hruaichhuaktu ropui Mosia kha ka lo hmua:

    “Hei ka pu, Aigupta ram atangin Israel fate I hruai chhuak a; chubakah khawvela zaidam lawtlak I ni bawk nen, Nunna bua hming ziak pawh thai bo thak duh khawpa mahni chipuite hmangaihtu I nihna hi ka ngaisang ngawt mai che,” ka ti dek deka, Mosia chuan,”Min bawl,” a lo ti ve. Thuthlung Hlui hun lai daih atang tawh khan an ching a nih hmel. :-P

    Report this comment

  28. 28
    ChhanaPa Says:

    Bawl tih tawngkam hi chu Lawngtlai lampang atang a an chin chhuah an ti tlat in ka hria. Mi sawi ka hre tawh a..

    Report this comment

  29. 29
    century child Says:

    Hawh u inbawl ang u:D

    Report this comment

  30. 30
    Zochianga_Dreath Says:

    in bawl chu ka ning… midang ka bawl ngai lo
    in kah chu nuam ka tia… kah ka haw lo.. mi pawh ka kap na… rilru te deuh chu kan thianho bulah an awm rei thei lo…mak ve khawp mai… High School, Higher, College ah pawh ka thiante hi an rilru a zau thei khawp mai.. tlema lo te fal hi chu hun a liam tam hian an awm hrang deuh nalh zel!

    Report this comment

  31. 31
    jesuslovesme Says:

    Tunlai thalaite hian thu serious leh thutak lam kal an tum lo tan hle mai. Tunlai khawvel hrim hrim chu anih tawh hi. Vai anni emaw, sap anni emaw. Hei hian changkanna lamin a ken tel thil thalo kan lo lak ve zia a tilang hle mai. Thutak funlo hi kan tam lutuk a. Post tupa sawi ang deuh hian Pulpit atang infuihna pawh inbawlna ah kan ngai zo tawh a, a tak pawh pha lo kan tam tial tial dawn a ang khawp mai. Thu tha han sawi deuh chuan fel fe fe pawh hi an reh daih zel. Thutak hi zawm chi ah leh kan tan ani tih hrelo leh pawisa lo kan tam telh telh dawn. Sap hovin “It doesn’t matter as long as you have fun” tih philosophy an neih hi Kristian te tan chuan den (dangerous) tak ani, thalai ho hian chu style chu zu la tlat peka.

    Post tupa, i thiannu hian ‘min bawl’ a ti che kha ka thiamlo tlatlo thung. Bawllo mahla a tan chuan bawlna a nithei mai thei asin.

    Report this comment

  32. 32
    kawlnicolney Says:

    Mirc hrat lai vela rawn irh chhuak nimaiin ka hria.Ahnu deuh zelah zai mi ho kha han bawl kha an hrat leha,tul lem ka ti lo khawp mai keipawh,mi han fak te hian min bawl tita daih mai ka tawng nual tawh.

    Report this comment

  33. 33
    Lersia Says:

    “deih” aiah “daih” hman a dik zawk em? a thu chhiar anuam tlangpui e. (Y)

    Report this comment

  34. 34
    flying Says:

    Pathlawi^virgin: hi mi “, Bawl”, a hrat lutuk tunhma mirc hun lai phei kha chuan ka hre ker mai ah. ha ha ha

    Report this comment

  35. 35
    chahbi Says:

    GOOD POST. ( ka bawl miah lo che nia lozzz) :-D

    Report this comment

  36. 36
    Saitawk Says:

    Min bawl tih tawngkam hi chu thinlung chapona atanga lo chhuak niin ka hria. “Min bawl ve khanglang” tih trawngkam a tam riau.

    Kei hi bawl(?) nuam pawl tak ka ni awm e.

    Report this comment

  37. 37
    Saitawk Says:

    Ka’n belh leh lawk.
    Han ngawichawi deuh ila ‘i induh tunlai chu’ min ti a, mihring induh nih hi ka duh ngailoh tehlul nen.
    Han inla nelawm deuh ila mi zuam chin tawk an hre leh silo. Nelawm nih duh mah ila mi zuamawm nih hi ka thil duhloh berte zing a mi a ni bawk si.

    Conclusion : Mizote hi chuan zirtur kan la ngah a ni ber e.

    Good Post.

    Report this comment

  38. 38
    Lamji Says:

    Kan hriat tirh kum a inang. :P Mak ka ti thei rap. :)

    Report this comment