Mizo tawng hi i ziak fimkhur ang u

August 31st, 2011 8:00 pm by eL

Mahni vei lam lam sawi leh pup pup mai ang aw. Kei aia thiam leh hria tam tak in awm tih pawh ka hria, amaherawhchu, sawi sawi hian awmzia a nei chuang lo inti nge in sawi tha duh ta hlek lo mai. Tun hnaia Mi(sual).com-a post leh comment hrang hrang atanga ka vei zualte ka rawn thai leng ve lawk ang e.

IN: ‘In’ tih hi kan tihsual tam ber a ni awm e. ‘Tui ka in’ emaw, ‘Ka zun a in'(natna chi khat..zun in) leh..In(house) tih a nih lohva, hmun dangah chuan a hma/hnung thu nen zawm ngei ngei thin tur. e.g :In inah tui ka in a, ka in laiin i nau zun in vei khan heti hian mi rawn hrilh a, “Zun in laia zun ina kan zunin fimkhur a ngai”, tiin.

ZIA: ‘Zia’ hi kan hmang nasa ta khawp mai. A hmangtute`n an hman dan atang chuan a hmaa thu nen zawm tur ni ngeia a lan laiin a hrana ‘zia’ ding lurh hmuh tur a tam hle. ‘Zia’ hi kan ziak hrang a nih a, ‘Sakei zia’ titea kan hmang a nih chuan Sakei pianzia, a rawng tial dan vel kan sawi tumna a ni. Sakeizia?? Chutiang bawkin ‘Khawngaihthlakzia’ ti mai lova ‘khawngaihthlak zia’ kan ti tlat mai thin hi a fuh chiah thin lo. Eng kan ti nge keini chhung hi le??

SAK: I thianpa chu a chhungten an rawn ko hlauh mai a, a lung chawi, sak tak mai chu i chawisak ta a. I lung chawi chu an in sakna tur pawh nimahse a hla sak chu i saksak tawh kher lo thei.

NA: I hliam a na anga na a nih loh emaw, hnang na a nih loh chuan zawm hram hram thin tur.
e.g : 1. Ka pu hnang hlaina-a a na a dahthat chu ka va duh em!
2. Hmanni-a kal na vei khan kalna tur pawisa a nei tawh asin. ( ‘asin’ hi ‘a sin’ tia ziak tur ti pawh an awm)

TI: tidam, tifai, inti, etc….
sa ti ka lei dawn..

A dang pawh a la tam mai, i zir tlang zel ang u. Zirlai vek kan ni si a. Comment lamah a thiam zawkte sawi lo ngaichang mai ang. Comment pawh mahni thiam ang tawka tha-a comment kan tum dawn nia.

Similar Posts:

Recent Posts:

46 Responses to “Mizo tawng hi i ziak fimkhur ang u”

  1. 1
    sisen Says:

    N1a, 1 f1mkhur tlang theuh ang u (Y)

    Report this comment

  2. 2
    Ozima Says:

    Nia, fimkhur ang u!

    Report this comment

  3. 3
    TuaiSialA Says:

    A thiam zawkte’n ‘zia’ hi suffix-ah an telh mang lovin ka hria.

    I post-ah khian zawm leh zawm loh leh thil dang helh te ka nei nain tawk mai se.

    I tan chauh,
    TuaiSialA.

    Report this comment

  4. 4
    hiho Says:

    Ka hul. ‘a lung chawi, SAK tak mai chu i chawisak ta a’ .. sak lai tak hi ka man lo.

    Report this comment

  5. 5
    H.Vangchhia Says:

    Lohva i tih khi “Lova” tiin ka hre ve tlat.

    Tin, “Lovang” tih pawh hi ziak zawm hun leh then hran hun alo awm reng tih Bible atangin ka hmu chhuak thar ve hairehai :D Eg: A pianna chin tuman an hre lovang,” tih anga hian inzawm tur a ni a, mahse “A awmnaah pawh in kal thei lo vang,” tihah erawh then hran tur ani leh thung. lakna: Johana 7:27 leh 34

    Mizo tawng hi ziak a har khawp mai :-S

    Report this comment

  6. 6
    TuaiSialA Says:

    @Pu Hv, an tisual a ni ang. ‘Lovang’ tih hi chu a inzawm tlat turah ka ngai. ‘Lova or lo va’ erawh zawm leh zawm loh hun a awm thun.

    Report this comment

  7. 7
    H.Vangchhia Says:

    TuaiSialA, chhiar mai teh :)

    Report this comment

  8. 8
    malsta27 Says:

    Tangkai khawp mai mahse hetianga kan tih vak hian tawng thar lo pianna kan dal thei thin a ngem le ka ti???.

    Mizo tawng hi mahni tawng mah ni se rang deuh phei seng chuan a har ngawt in ka ring leh zual. A thluk ten danglamna a siam leh zel thin bawk si, a muan hlauh avang hian a awlsam phah deuh chauh ni mai hian ka hria……… (Y) (Y)

    Report this comment

  9. 9
    TuaiSialA Says:

    #7 Mizo tawng bible-ah hian spelling tihsual palh leh grammar dik lo a awm nual a ni tih hre mai teh! :-P

    Report this comment

  10. 10
    troxx Says:

    A awm lo vang

    Report this comment

  11. 11
    H.Vangchhia Says:

    #10 :-)

    Report this comment

  12. 12
    TuaiSialA Says:

    A awm lovang maw?

    Report this comment

  13. 13
    mizo 90's generation Says:

    Mizo tawng hi har tak a ni he thumal “in” tih hian tluk sang leh hniam in a awmzia a dang vek a unique mai mai! Chutiang zelin a dangte pawh! kan tawng a hosa lutuk nge a rethei lutuk zawk!.. :) ziah zawm leh zawm loh hi a har bawk :p Fimkhur a har ka ti :)

    Report this comment

  14. 14
    saint sammoo Says:

    Bible hi rintlak pawl tak a ni nachungin, a dik vek bik lo a nia..ts a ka tran.

    Report this comment

  15. 15
    H.Vangchhia Says:

    TS, ka ngaihdan chuan Mizo tawnga an Bible lehlin dan hi diklo awm nual. Eg : Church hi Churches angin an letling. Mahse, Mizo tawng ziak dan hrim hrimah chuan dik ber tura ka ngaih ani hial asin.

    Report this comment

  16. 16
    troxx Says:

    Matthaia 5:18

    Report this comment

  17. 17
    muantea Says:

    Zia hi verb, adj leh adverb thumalah behtirin suffix-ah kan hmang thei. Ent: buaizia, finzia, duhawmzia, ldt. Amaherawhchu, Sakei zia (heta ‘zia’ hi noun a nih avangin) hi chu ziak zawm loh tur a ni.

    ‘asin’ tih pawh hi zawm tur a ni e.

    Report this comment

  18. 18
    H.Vangchhia Says:

    #16 “Tin, lawnga a chuan dâwn lai takin ramhuai man hnua khan Isua hnêna awm reng a ngên a.”

    #17 muantea ilo lang har ka ti reng a ni :)

    Report this comment

  19. 19
    Sony Says:

    Kei pawn Mizo tawnga Bible an leh dan duh vak loh ka nei nual.
    1. Isua naupan laia a nuten “Mama….” Mi tam takin an fapate koh nan an hmang maithei. Mahse keini chuan kan hmang ngai lo. An hmingin kan ko thin.

    2. Kg/Km. Mizo thenkhat in hmang mahse kei chuan kilogram, kilometre tiin ka ziak kher thin.

    3. Lehlin hluia Dragon(Drakon) kha “sakawlh’ in an thlak a. Sakawlh tih chuan sakei, keite… a tel si a.

    4. Hla Chhuanvawr a lehlin dan hi a ler haih haih asin. “Keimah lo chu leng dang chhai suh” tih i hmu tawh em?

    Report this comment

  20. 20
    muantea Says:

    HV, Mizotawng hi zir a lo ngai khawp mai. Kei pawhin Bible atangin ka inzir bera, lehkhabu atanga zir dawn chuan Bible tluk hi awm lovin ka hria. Mahse, a printing/typing lamah hian tihsual tlem chu an nei niin ka hre ve zauh thin. ‘lovang’ tih i sawi pawh hi a thu dang nena en chuan zawm leh zawm loh nachhan tur awmin a lang lova, ‘lovang’ tia zawm tur an tisual palh a ni thei mai dawn lawm ni?

    Report this comment

  21. 21
    muantea Says:

    @sony, lehlin thar ber a ni em? Kei chuan lehlin thar hi ka ngaina lem lo khawp rih mai :)

    Report this comment

  22. 22
    H.Vangchhia Says:

    muante #20 har ka ti khawp mai. Ni e, i sawi ang hian bible hi mithiam tam tak ten a ziak dan an lo ennawn fo hnua an pawm ania, a rinawm khawpin ka hria.

    Report this comment

  23. 23
    Kawnga Says:

    Thiam tawk tih a awm thei lo a nih ber mai hi maw! Tunlai ngaihdan tharah chuan a thu awmzia a bo dawn a nih lem loh chuan inzawm tlem apiang hi a fuh… an ti leh tan tawh.

    Report this comment

  24. 24
    lr hlonchhing Says:

    Bible-ah a kim khawp e. A dik ber bawk. English leh Mizotawng zirna atân chuan Bible hi duhthusam a niin ka hria.

    Report this comment

  25. 25
    muantea Says:

    @kawnga, ziak a harna hi Mizotawng danglamna bik a ni a, a hlu teh asin. A short cut zawn ngawt mai chu hlawhtlinna fumfe tak pawh a ni dawn em ni? Dik tak maia ziak hi chu chhiar pawh a kal zaiha a inhrilhfiah nghal ut mai a ni.

    Report this comment

  26. 26
    (¯`donald`¯) Says:

    Tsa te ho khan han sawi zel teh u. Bible lehlin hluiah khan lo vang/lovang tih khan a awm nuala, lehlin tharah hi chuan lo va/lo vang tih a ni ta deuh zel mai. Lovin tih chu an zawm leh lawi si. Eng nge a awmzia ni ta? A zawm leh zawm loh hi a dik ve ve em ni le?

    Report this comment

  27. 27
    Amris Puri Says:

    bengvarthlak fu mai (Y)

    Report this comment

  28. 28
    megapixel Says:

    High school-a Mizo subject zir uluk hi a lo pawimawh khawp mai; tunhnu hian cl-IX leh cl-X zir ulukzia ka hrefiah telh telh thin.

    Têttê atanga Mizo subject zir ngai lo tan pawh Mizo Bible leh Kristian Hla Bute hi inzirnan tih sual/ziah sual awm ve zeuh zeuh mah sela a tha khawpin ka hria (ka chhiar ngai lutuk lêm lo na’ngin…hehe)

    Report this comment

  29. 29
    TuaiSialA Says:

    @donald: Ka zun a chhuak lutuk, mahse, ka pa phalna la hmasa lova zun ka ngam lo va.

    ‘lova’ hi sentence kal tluang pangngaia a awm chuan zawm tur a ni a, sentence tawpa a awm erawh chuan zawm loh tur (Ka sawifiah thiam ve dan).

    ‘lovin’ erawh inzawm ngei ngei tur.

    Kei pawh tih emah chuan bible hi ka Mizo tawng zirna, zawm leh zawm lohvah leh thluknaah pawh ka râwn ber a mi tho. Mizo tawng thiam lo kan tihte hi Mizo lehkhabu an chhiar peih loh/khât vang a ni duh khawp mai.

    Pu Muantea te awm thup lai chuan a inthlahrunawm mang e!

    Report this comment

  30. 30
    Ariz_VL Says:

    Mizo ţawng hi kei pawh ka zir nasa. Ziahzawm tur leh tur lovah hian ka buai ber ţhin. ‘In’ chungchang sawina bikah khi chuan ‘Home/House’ sawi nâna hman hian ‘in’ ti lovin ‘In’ ti ila, hriatthiam a awl bik (a dik lo zawk na’ngin!). Example atan:
    ‘Our home/house’ hi ‘kan in’ tih ai chuan ‘kan In’ tihin hriatthiam a awl a. Inkhâwmna biakbûk hi ‘biak in’ tih aiin ‘biak In’ tihin hriatthiam a awl zawk bawk.
    “Pathian i biakin biak Inah ngei midang te nena biak ho hi a ţha a ni”
    Engnge in ngaih ve dan le?

    Report this comment

  31. 31
    (¯`donald`¯) Says:

    Thnx Tsa.. A fiah tha e.
    Ka ngaihdan mai maiah chuan a diklo em em a nih lem loh chuan zawm loh hi a thatna lai a awmin ka hria. Ziah zawm hi chuan MS Word hian auto correct on chuan ‘lova’ tih hi ‘love’ tiin alo correct zela; lovang han tih lah hian ‘loving’ alo inti leh tut zela. Hmanhmawh chang phei chuan type sual a tam duh khawps :-P

    Report this comment

  32. 32
    Zephyruss Says:

    He post chu ava han tha teh lul em. (Y) Mahse, ka theih pa tawp a ka fimkhur chung pawhin, ka ziak thiamlo hrim hrim. Ka ngaihtuah ngun poh leh ka bo tulh tulh! (N)

    Report this comment

  33. 33
    (¯`donald`¯) Says:

    ziahzawm tur nge ziah zawm tur… Bible-ah hian a awm der lo :-D

    Report this comment

  34. 34
    Amris Puri Says:

    thenkhat chuan ziak zawm tur an ti ang….. :-D

    Report this comment

  35. 35
    muantea Says:

    TS, ‘lova’ tih leh ‘lo va’ tih i han then hran dan chu a va thain a va dik tehreng em! #20 ah khian sawi sual palh ka nei tlat. ‘lovang’ ni lovin ‘lo vang’ tih zawk tur a ni, ka confuse palh a ni e. Future tense ‘ang’ hi ‘v’ belhin ‘vang’ tiin ka lamin kan ziak thin a, sentence tawpa kan dahin zawm loh tur a ni…’lo vang’

    Report this comment

  36. 36
    Terema Chhakchhuak Says:

    “Zia” tih hi suffix-ah chuan kan hmang thin ngei a, abstract noun siamna atan kan hmang ber; mahse abstract noun a siam satliah mai lova a behna thu kha a uar thin. Entirnan: Saw nula hmelṭhatzia saw’ tihah te hian nula kha a hmelṭha satliah ringawt a ni lova a hmelṭha hle tihna a ni. Ka duh miah loh entirna i rawn hmang sual lehnghal a; sakei pianzia tiha “pianzia” lai tak hi a ni ka duh loh em em chu. Bible-ah hian “zia”hi a beh lohna turah an behtir fo mai a, biakzia tih te, pianzia tih te etc. hi a ni hlawm a. Mizoṭawng thiam pangngai chuan ka hriatah “pianphung” an la ti zat zat zel. “Pianzia” tih hi chu Bible keu zing deuh te hian an hmang ber. “Pianzia” tih aia “pianphung” tih a dik zawkna chu “pianphunga rualbanlo”tihah hian a ni. “Pianzia-a rualbanlo” ti ṭhin erawh ka la hre lo.
    I thu ziah dan kalhmang erawh a ṭha khawp mai.. (Y)

    Report this comment

  37. 37
    Lamji Says:

    (Y) va tha em! lo inzir zel ila(h).

    Report this comment

  38. 38
    muantea Says:

    Abstract noun – hmelthatzia :) Chhakchhuak ho tak hi chu aw! :):)

    Report this comment

  39. 39
    vakul Says:

    Natna chi khat ‘zunin’ hi zawm tur a ni zawk lo maw tiin ka ngaihtuah ve mai mai a, ka hrechiang chuang bik hauh si lo va.

    Report this comment

  40. 40
    muantea Says:

    @vakul, natna hming a ni a, noun a nih avangin ziak zawm tur a ni ang, mahse confuse palh a awl avangin ‘zun-in’ tiin ziak ila a him ber mai. Tin, verb a nih erawh chuan a hranga ziak tur a ni. Ent : Ka zun a in.

    Report this comment

  41. 41
    vakul Says:

    @Muante, kei pawh noun a nih avangin ka ring kha a nia…Mizotawng hi chu har ve ngan ngan tak chu a ni-han ziah hian a buaithlakzia a hriat.

    Report this comment

  42. 42
    Lamji Says:

    @eL,, a tha khawp mai.’tiang mizo tawng zirna hi regular basis a post theih ni se tih hi ka suangtuahna ani fo thin…min lo hrethiam la St. Samoo hi ka lo awt thei thin hle…ngenna ah min ngaihsak nghal se…once a week in hetiang lam hi awm thei se ka va ti tehlul em! Kan tangkai pui hle sia.
    Pu Hva.@ (Y) Bible hi alo tha ber mai hrih e,diklo awm thin mahse a nghet a tawng zir nan a kan rin theih awm chhun ani hrih e.

    Report this comment

  43. 43
    chhingdailova Says:

    A lawmawm e, kei hian a nia Mizo tawng chu zir ngai ni. Misual ah hian ka ziah ve thin a, mahse ka tisual pheng phung a, A tangkai ngei ka beisei…….

    Report this comment

  44. 44
    LiveNletLive Says:

    Hman deuh khan ka article ziah chungchangah fimkhurna avangin heng lehkhabu pahnih te hi ka’n rawn zau va – Mizo Tawng Ziah Dan & Mizo Grammar and Composition (high school zirlai bu), Mizoram Board of Secondary Education publish ve ve. Mahse ziah zawm leh zawm loh chungchang bikah inanglo a awm nual mai. Publish-tu in ang a nih si chuan heng te hi a rang lama chinfel a tha awm mang e. A khawi zawk nge dik zawk tih duhthlan harsa duh khawp nia.

    Report this comment

  45. 45
    PKfanai Says:

    Zir hian tawp-in-tai a nei lo. Post leh comments ka hlawk pui khawp mai.

    Report this comment

  46. 46
    PKfanai Says:

    Cl-6 kan zir lai khan, Mizotawng a thuziak hrang hrang hi kan inchhiar dik siak thin a. Ka thiam chung chuang nalh thin. Mahse, a ziak lampang hi, hawrawppui hmanna tih loh, ziah zawm leh zawm loh tur ang chi hi zirna mumal tak kan nei tlat lo. Ka la confused ang reng khawp mai. Mahni a zirna tur Bible kan lo nei reng tih he post/comments hian min hriat thar tir a, ka lawm khawp mai. Ka fate mawlh hi; Mizoram pawnah an piangin an seilian si a, ngaihtuahawm tak an ni. Tukin zing kan chhung inkhawmah Mizo bible atanga inzir nachang hre turin ka fuih nghal.

    Report this comment