Chandraghona zin thu part 2

August 31st, 2011 11:28 am by lushai_er

[thuhma pawh awm lovin chhunzawm nghal mai ang aw......]

Henglaia Silchar a Mizo dang awm ve ka la hriat te chu Aikhama, Mizo driver hmasa ber pawl, chutih lai chuan Silchar – Dwarbond kawngah C.L.Seth te Bus a khalh tawh a. Rova pawh handyman hna thawkin a awm bawk.

Ani hian Dwarbond kawngah Sazuk a rawn kap nghe nghe a, Pu Chalmawia chu an senior ber a ni bawk a, a In-ah te chuan an fuankhawm ve thin a ni. Hospital Road- Dinglam tlar phei- Vety & Medical inkar zawn phei vel lai khu ni ta awm hle in ka hria. Inchhawng a ni nghe nghe a, In lian tak chu a ni lo nain,kanin bengkawm tam thei ve hle a ni.

Hetih laia Silchara Circus awm mek te chu an hming ka hre reng tawh lova, an ropui hle ani. An sawi dan takah rel pakhatah an leng lo a ni an ti. Chu chu thudik a ni ngei ang.

Ka hriat ve dan pawhin Sai-12, Sabengtung leh Sakawr engemaw zah, Sakei (Bengal Tiger)-7, Sakeibaknei (Lion)-4, zawng leh kel thahnem tham tak ringawt pawh Iron Crate rinawm tak takah dah vek an ni a, Sai pakhat pawhin compartment pakhat dawn a duh ani. An bungrua zawng zawng nen, mihring za engemaw zat nen Rel pakhat chuan han phurhsen chi pawh an ni mai lo.

An puanin ringawt pawh a ropuiin, thutna remkual chhawng sang tak tak te pawh kha hautak tham tak tur a ni. An ennawm chhuah a ka la hriat reng thenkhat te :-

1. Nu pakhat thau pui mai ( Pi Zaii te tiat) hi thingpuife thingrem ang deuhvah hian hruizenin an phuar chiam hnuah khat hmuk hian an beng lut a. A bang an khar phui vek a, tichuan pa pakhat hian kawlhnam (sword) sei tha tak mai hian a han chhun tlang ta hrawk hrawk mai a.

Kan lo ip zawr zawr mai a, kha nu thaupui kha chu a vit tlang chik nuk ngei turin alang a, ngunhnam an han phawi a, thingrem an han hawng a, nu thaupui chu a phuarna hruizen zawng zawng phelh vek tawhin a lo ding chhuak luau mai nia.

2. Mi sek deuh mai phiar vel fun mai hi a lo chhuak a, thilrit lian pui puite a chawiin a lek vel a. Chutah chutiang thir rit chu rah bukah an dah a, an han rap vak a, a vawrh ta thin a, chu chu a taksain a lo dawng thin a ni.

3.Lei atanga ft. 12 vela sangah seat nei thirsakawr anga rah vir paha kal thei a awm a. Chu thil lir duh tak lerah chuan pa pakhat suit nalh tak mai, bow-tie leh top hat nena inchei nalh tak mai hian nunchan a han entir ta mai a. A incheina zawng zawngte hlipin a ha tha leh vek thei zu nia. A tlak palh hlau erawh chuan lei lamah len nen an veng ngun hle.

4. Chutiang deuh bawk chuan Tent chung sang tak, ft 20 vel chu a ni ngei ang; thirhrui thlunah chuan cycle-in nu pakhat hian a han zawh ve a. En a hahthlak ang reng hle. A bawpte chu a han lek kawh vel thin a, hnehsawh tak a ni.

5. An ramsa khawi te pawh thil mak leh hmuhnawm pui pui an tih tir hlawm a. Sakeibaknei hnuaichhiah deuhva kel an din tir thin chuan a hlauh hmel kher mai. An pute thu an awih hram hram thin chauh a ni. Sakawr chunga zawng rual chuang, meialh ring chhunga an tlan lut velte chu a hmuhnawm pawl a ni.

6. Acrobatic lam nakin hnua Chandralekha Film a mite nen ka ngaihpawlh deuh va, ka hrechiang ngam ta vak lo. A changtu tam berte hi keini naupang tan chuan sap vek emaw ka lo ti mai a. Mahse a tam ber kha chinese an ni an lo ti a. Indian leh Anglo-Indian pawh tel ve bawkin an lo in chawhpawlh hle a lo ni ta awm e.

Heng hunlai hian Aizawl leh Silchar inkar kal dan kawng hnih a awm a, pakhat zawk chu Dwarbond thleng Bus a chuangin, a bak chu Kolasib, Kawnpui tlangdunga ke a kal kha a ni mai a. A dang leh chu Lalaghat Rel Station thleng rela chuangin, Sairang lawngah zan tam fe thang chho tura Tlawng zawh chhohva Sairang pan ani leh mai.

Hemi tuma kan zin hawng pawh hi kal lam ang bawkin lawngin kan hawng a, hapta khat zet kan thang chho leh ani. Sairangah hian Durtlang khua te’n Sakawr kengin min lo hmuak a, kei Sakawrah ka chuang a, midang ke a kal te kha kan um phak zo lo mah a ni.

Sairang kawng kha mau leh mau in vaw tawn hian hmun tam tak chu a thim ruih mai a, hma a kal te hmuh phak loh chang chuan ka hlau hman hle thin. Sakei leh Savawm te pawh awm hnai mai tur angin a la ramngaw vek si a.

Durtlang kan thlen chhoh chuan khua a thim hle tawh a. Ka pa Ngura khan Dawrah  (tuna Pu Mana in) min tawp san ta a, kei chu ka pi leh pu te bul ka han thleng chho nghal a. Kan thang rei bawk hemi zan hian ka Pa Ngura ka ngai ve hle mai.

Ni 3/9/91 ah Pi Biaki (Mrs R.B) kawmna-ah ka sawi chhuak a, ani pawhin  1936 thlasik lai ni a ka hriat dan chu min zawm pui hle. Amah an zai a, Pa Sanga leh Malsawma’n an awmpui a, a hnuah Zosanga Tonsil zai tur a rawn kal ve leh a. Ani chuan private ward a luahte kan sawi kai a. Tin, Pu K.Zawla pawh an ruala kal ve a ni tih te a la hria.

An bul chiaha private ward-ah chuan Chakma Raja pakhat an rawn zai ve bawk a. An chhungin an rawn awm a, private-in Launch an rawn hmang a, chhiahhlawh an ngah ngei mai. Nula te pawh hmel tha tak tak an tel; an mipa naupangte pawh sap school uniform ha ka hmu hlawm. Hei hi nakin hnuah Pu Sanga khan St.Edmond’s College, Shillong a lut an ni a ti. Anni chuan an lo kawm nel hman hle tih a sawi ka hria.

Aizawl kan haw hnuah Pu Zuala’n classah a sawi dan chuan, “Chakma Raja te chu keini lal te ang an ni lova, heta kan Bawrhsapte ang tluk vel hi an ni” a tih ka la hre reng thin. An lo lian tham hle reng a ni.

Similar Posts:

Recent Posts:

40 Responses to “Chandraghona zin thu part 2”

  1. 1
    Ozima Says:

    Chh1ar phawt te’ng!!

    Report this comment

  2. 2
    phawkars Says:

    Chhiar ang..

    Report this comment

  3. 3
    covenanter Says:

    Ngaihnawm khawp mai

    Report this comment

  4. 4
    chhana Says:

    Ka chhiar zo ta.

    Report this comment

  5. 5
    saint sammoo Says:

    A ngaihnawm tan dawn e.

    Report this comment

  6. 6
    Fergie Says:

    A ngaihthlaknawm hle mai. Silchar to Aizawl kal dan kawng hnih awmah hian khatihlai khan miten a eng kawng nge an zawh tam zawk le? An lawng hman thin kha lawngleng, mihring tha hmanga kar chi hi ni turah ka ngai a, engtiat nge, mi engzat leng nge maw a nih le?

    Report this comment

  7. 7
    sisen Says:

    Fergie #6, ilo ngaithla bik a ni maw? :P
    A ngaihnawm e.

    Report this comment

  8. 8
    TuaiSialA Says:

    A hmasaa mi nen ka chhiar zawm a, ka rin ang ngei ngeiin a ngaihnawm ta e!

    Report this comment

  9. 9
    century child Says:

    Chhiar lo mai ang.

    Report this comment

  10. 10
    Chhuaklinga Says:

    Aikhama chu a va advance reuh ve le, tute chhung nge ni ang le, handyman Rova nen hian. :-O

    Report this comment

  11. 11
    lushai_er Says:

    #10, @ Chhuaklinga : Aikhama hi Chhipphir khaw chhuak a niin ka hria. Mizorama motor khalh lut hmasa ber tu Pu Rochhinga Chongthu (Rochhing Pate-a)lo kaihruai thin tu kha a ni e. A chhungte lam ka hre miah lo mai.

    Report this comment

  12. 12
    lushai_er Says:

    #9 : It’s upto you. ( I thu thu a ni e)

    Report this comment

  13. 13
    Ignatia (33-115 AD) Says:

    A ngaihnawm hle mai. Ziak thiam bawka mithla zung zung theih alawm…..

    Chakma Raja khi sawi zau a chakawm ang reng ; mahse keimahni nen compare a ngai dawn si a lo ngaimawh deuhte kan awm palh ang. :-)

    Report this comment

  14. 14
    lushai_er Says:

    #6, @Fergie : A tlangpuiin ka hriat ve dan ka sawi dawn a, a dik ka ti vek lo a nia. Upa ti tiah chuan Chhuk lam hi Sairang atangin lawngin an kal tlangpui. Tui current ringin chhuk lam hi chu a awlsam chuan a rin theih.

    Maji lawng te hi mi 10 vel a phur thei tlangpui. A pic ka dahtha thin asin maw le, ka hmu zo ta mai lo.

    Silchar atang hian Aizawl hi Dwarbond Bus a kalin abak chu kein tlangdungah an haw tlang pui. Fur lai phei chuan Tlawng a lian a, chetsual a hlauh awm em em a ni. Thal tui tlem lai pawh nise tui current against a lawng kar angai a, kal lam let thang a ngai thin.

    Tlawng luidung hi Sakei leh sa hluahawm dang a tam em em a, tlangdunga kal hi a him zawk awm a sin. Lawng Maji ho lah kha an Sakei hlau kha lawngah an riak a, an passengerte vaukamah meipui chhepin an riak thin a. An lawng hma lam hi lui hnar an hawi tir kher thin tiin Rev.Zairema khan a sawi.

    Report this comment

  15. 15
    lushai_er Says:

    #13, @ Ignatia aka Krista : Chakma ho Raja chungchang hi hriat zau a chakawm khawp mai. Tute mitmei mah ven angaih ka hre lo, “let the truth prevails”!

    Engtikah nge Mumbai lamah i lo tlak thlak reng reng a?

    Report this comment

  16. 16
    eL Says:

    chhiar hman hrih lo.. ;-(

    Report this comment

  17. 17
    mate ainawn Says:

    @Post Tupa : a ngaihnawm lutuk tlat.. (Y)

    Report this comment

  18. 18
    Fergie Says:

    #14 Lushai_er, a bengvar thlak hle mai. Ka lawm e.

    Report this comment

  19. 19
    lalpeace Says:

    A bengvarthlak thin e. Hetiang thu bengvarthlak tak takte hi a hranpaa compile atan a itawm hle mai. Post tupa hi a fakawm khawp mai, han ti zel teh se.. (Y)

    Report this comment

  20. 20
    lushai_er Says:

    #19, nia Pathian zarah kan dam chuan kan la ti dawn chauh a lawm!

    Kum 1979/80(?) ka chiang ta lo High Field-a Circus rawn chhuak kha en ve kan awm em aw? Ka mitthla chuan ka la hre ruai ruai thei !

    Report this comment

  21. 21
    PKfanai Says:

    Circus khi tunlai Circus show ho hian an tluk awm lo mang e. Hmuhnawm hmel hle mai a.

    Report this comment

  22. 22
    Ignatia (33-115 AD) Says:

    Lushai_er(#15): Docte-a angin Krista min ti ve nawlh mai a. Krista inti an awm chuan Anti-christ a ni mai aw… :-D

    A hrim hrimin Krista tihte chu ka phu hlei ne’m le! Kei ai chuan Vakul te, PKfanai te, Chawnghilh te, Roseparvuli te, ldt., hian an awm zawk daih. Kei chu Ignatia, Antiokei Bishop- Isua vana a lawn hnua Bishop martar hmasa ber kha ka ni e.. ;-)

    I zahawm viau nangin Chakma Raja chanchin chu ni dangah i postah sawichhuahna remchang a awm tho ka ring. Tunah chuan HPC lam kan sawi tui rih em mai…. ;-)

    Report this comment

  23. 23
    lushai_er Says:

    #22, Ignatia: Ka post feedback hi ka email-ah a lo lut khawm a, khiangtekrista@gmail.com hi i comment-na email id a ni a. Tin, Ignatia nick i hman hma a Krista nick i hman lai nen i email id ala inang reng tho si a….lolz

    FB-ah email chk ka nei zuai a, K.RLP-a tih a lo chhuak mai a lawm. :-P

    Mumbaiah chuan engtik maw i chhuk hrim hrim a ?

    Report this comment

  24. 24
    Ignatia (33-115 AD) Says:

    Lushai_er: Khai khai patling pui si an inchhui vak vak ngai lo.. I ho em mai. ;-) Hetiang forum-ahte chuan kan thusawi hi lawm pawimawh. Keimahni nihna leh dinhmum inhriattir leh inchhui emaw ang chi chu tha dawn em maw ni aw. Engmah kan ni ve si lova miin ka thusawi engahmah an ngai lo palh ang. Nge kan inhnial fiamnaah khan ka lo tina deuh che. Mahse i nihna misual.com-a lang bak lo chu ka sawi lem lovin ka hria. Inhnial bawrh bawrh changte chu awm ve thin a nia. I rilrute a la na reng a nih chuan…my sincere apologies ;-) + MI hunah kan sawifel tawh mai dawn nia. :-)
    Ignatia ka ni e! Antiokei Bishop hmasa ber kha ka ni. Inhriat lar zawk Polycarp-a kha ka nau rual daih a ni a mahse ani chu Lalpan a rawngbawl hun chhung a pawtsei a chanchin pawh a ngah ta deuh a ni. Rome Lalberin kan khuaa(Antiokei) min man khan Rome khawpuiah min hruai a. Smyrna khua ka thlen phei chuan ka nau anga ka en ka thian ni bawk- Polycarpa khan minlo hmuak nghe nghe a. Inkhawmna hun tha tak pawh kan nei. Antiokei kohhran ngaihven turin ka chah nghe nghe a ni.

    Tin, Lehkha hi Paula angin ka thawn ve nual a. Tunah hian ka lehkhathawn 7-te phei chu an la kawl tha ve reng a ni awm e. Kristianna a darh chak em em lai khan hman tin mihrang a kangkai zel a; mahse mihrang ni mah ila kristiante INPUMKHATNA kha ka tlangaupui ve nasa thin. Juda sakhua leh Kristianna hmehrem tumna ka do thin ang bawkin Gnostic ho zirtirna pawh do nasa hle.

    Mumbai khua ami ka ni lova; khaw lo la awm tur khua ami ka ni zawk e!

    Report this comment

  25. 25
    lushai_er Says:

    #24, Chakma ho Raja chungchang i rawn sawi loh chuan ka lungawi mai mai lovang (l) :-P

    Report this comment

  26. 26
    Ignatia (33-115 AD) Says:

    Lushai_er: Kha tih hunlai khan kan tluk lo ema tute emaw hi an tha a na lutuk palh ang e nidangah sawi mai ang aw. Tunah erawh Chanchintha avangin hmana kan hniam zawk thu pawh pawm thiam lo khawpin kan SAN khalh tawh a nih hi!

    Lo lungawi hram hram rawh. :-) (G) (^) (T)

    Report this comment

  27. 27
    doc_lib Says:

    lushai_er a chu aw,kei pawn ka sawi duh loh i rawn sawi a,ti ho emai, a mah ani tih kan hriat kha a tawk mai alawm maw thin le aw :-P

    Report this comment

  28. 28
    H.Vangchhia Says:

    Chakma raja:

    http://chakmaraj.com/about-cha.....in-history

    Report this comment

  29. 29
    TuaiSialA Says:

    Comment 23-na ang chi hi a tul lo ka ti. Administrator online an awm chuan delete hmak zel zawk chi mawle.. Kan inhria a nih pawhin, kan sawi phawng phawng lem lo. Kei paw’n tih emah chuan an IP address leh email ID atanga hriat chu ka ngah mai. Doc_lib pawh hian tum loh deuhvin hmanah ka post-ah a rawn comment palh a, thil eng eng emaw chu ka hriat phah ta a ni. Ignatia chu Krista pawh lo ni ang hmiang, Ignatia a intih chuan Krista i ni va tih va tih a tul lo khawp mai. Hman zanah pawh doc_lib zurui phur phengin ka nihna a hriat zawng zawng a rawn phawrh a, midangin min lo hriat phah a, duh ang pawha comment a ngamawm loh thin. Nick kan nei a nih chuan kan nick-a min rawn address kha a tawk mai.

    Report this comment

  30. 30
    doc_lib Says:

    29 TuaiSial ka ning ta hle mai. Ka thian ten khing suh, i din hmun nen a mawi lo an tih a vangin ka ngawi char char a, eng post ah pawh ka chhang let ngai lo che a, a tirah khan i tan chhuah ania, misual.com ka luh tirh a tang hian i post pawh ka la comment ngai miah loh laiin, gay i ni ngei ngei ang tiin bul i rawn tan a, kha phei kha chu admin ho in an del sak che anih kha.A provoke zawngin engatinge maw mi rawn tih hmasak ziah le.

    Report this comment

  31. 31
    TuaiSialA Says:

    @doc_lip: ‘Gay i ni ngei ngei ang’ ka ti maw?! A nih chuan keimah hi ka rui zawk a ni ngei ngei ang..hahaha. Ka post-ah i rawn comment tawh e. Mi khing mi khing duh suh, i dinhmun nen a inhmeh lo. Detective (suak/lem/der/uih/emaw inti)-in mi an khing ngai lo.

    Report this comment

  32. 32
    doc_lib Says:

    TS khupchawng I awih loh chuan Adm zinga mi Chhamnator khan a hriat kha. A tukah a rawn sawi chhuah nghe nghe kha. An delete anih kha a rawn tih chat kha. Chuvangin mi pawi sawi ka duh lo a, kei chuan i post ka comment ngai lo va , nangmah hrim hrim pawh ka chhang ngai lo, kha mi hnu phei kha chuan. A tawk ta viau. I pawi ka sawi anih chuan ‘I am sorry’. A bakah chuan keimah lam pang reng reng zawngin comment leh ka post a chhuak anih pawn rawn comment ve lo turin ka request che.

    Report this comment

  33. 33
    H.Vangchhia Says:

    Chal a chil hnawm hmasa sa..ten ten ka tan leh ka tan ;-) :-P

    Report this comment

  34. 34
    malsta27 Says:

    Tha dawn e…ka tran leh ka tran :-P :-)

    Report this comment

  35. 35
    doc_lib Says:

    Pu HV hei chu uan thil ani lo. Tak takin tu mah hi a pawng puiin ka va ti hmasa ngai lem lo, post related a kan in hnial anih chuan thu hran. Chuvangin a tawk ta viau.

    Report this comment

  36. 36
    TuaiSialA Says:

    @doc_lib: Comment duh lohna post ka nei lo. Post-tu a zirin ka comment ngai lo va, an post a zirin ka comment zawk thin. I post-ah pawh ka rawn comment fo va, i post topic a zirin ka la rawn comment zel dawn bawk.

    Ka comment 29-naah khian thil dik lo a awm em ni?

    Report this comment

  37. 37
    doc_lib Says:

    @ Tuaisial, anih engatinge bomb puak chungchang kan comment zan khan keimah a mimal a khatia i rawn tih? A hma in i pawi ka sawi anih chuan sorry. I rawn tih dan kha i hre lo tak tak anih chuan Chhamnator kha zawt rawh. a mi mal thil em a, admin ho in an del nghal anih kha a rawn tih chat kha a tukah.Kha mi hnu khan ka ngawi ta char char a, mi post ah mi i rawn bei leh chat zel a,ka thian ten chhang suh an tih avangin ka ngawi char char a, a tawk ta viau. Chuvang chuan khawngaih takin min provoke zawngin rawn ti tawh suh. Kei chuan i post hi ka chhiar ngai lo va, ka comment ngai bawk hek lo ang. A mimal a in beih hi ka duh lo , misual.com hi intih hlim nana ka luh thin a nih avangin.

    Report this comment

  38. 38
    TuaiSialA Says:

    misual.com-ah hian ka duh duh ka sawisel bawrh bawrh a, i dawl lo ta ber a nih kha a.. Nang pawh i comment an delete lo bik em ni? Khatiang tawngkam kha i hmui atanga chhuakah a mawi lo ve, hmui thianghlim pu mi i ni si a.

    Report this comment

  39. 39
    lushai_er Says:

    In va hawt zek ve a :-P

    @TSK: Hetia kan tih zeuh zeuh loh chuan keyboard phenah hian in huai hlawm em a lawm le. ;-)

    Report this comment

  40. 40
    Ignatia (33-115 AD) Says:

    Hehehehe… @Lushai_er, Patling leh Patling hetiang chen chen an in um ngai love! Eng ang paw’n min puanin min chhui rawh ka ngaihdan ka sawi ngamzia hi i hmu deuh deuh ang. I duh chuan ka nun pangngai pawh chhui rawh. Chu chu i hmuhdan a ni bawk ang. I nawi mah mah duhtawk tawh teh! Keimahni pahnih avangin TSa leh Doc_lib an in ngur phah hi mawle….

    Report this comment