Impress Labour (Puak Phurh)

July 31st, 2011 9:00 am by lushai_er

Ka dictionary hman lai (cod) chuan “historical force to serve in an army or navy. »commandeer (goods or equipment) for public service.“  tiin a hrilfiah a. Hmanlai kan pi leh pute chuan Puak Phurh emaw Phutluih Kuli tiin emaw an sawi ber.

Hmanlai hnamchawm, michhe-fa tan chuan inhnuaichhiahna langsar ber anih avangin hrehawm an ti em em a, phur rit a tling tak zet a. Lo lamah hlo thlawh a tul vanglai tak te hian “Puak phurh” angai a, kar khat te, kar hnih te lo lama feh hman lo lekin an awm a. In lamah nupui fanau ngaihtuah nen fur khawchhe hnuai a puak phurh chu hreh takte in an hreh thin a ni. Na der leh chau der tam tak an awm thin bawk reng a ni.

Puak nei thei chin te chu Sawrkar hnathawk zawng zawng, peon thlengin, Sipai lamah Police lehAssamRiffle ho zawng zawng hi an ni vek a. An thuam hnaw (puak) atan asiamtheih chin chu Ser (Kg) 30 aia rit a ni tur a ni lo tih a ni.

Heng Puak Phurh nikhua hian Lal leh Upa te, Sorkara awlna nei lo chuan nikhatah Duli(50np) hlawhin an phurh sak ta thin a ni. Puak hi an in phurh chhawk thin avangin Duli hi mi pahnihin an insem thin a, chuvangin Puak phurh man chu nikhatah Siki(25np) angin a chhut theih a ni.  Nikhat kal han tih hian mel 15 (24Km approx) aia hla lo tih ani a, Kolasib lamah khaw kar a hlat deuhna hmunah chuan Sekithum (75np) ani ang tih a ni.

Puak phur duh lo khua an awm chuan Sawrkarin Aizawlah a ko a, kar hnih kar thum te hlawh nei lovin a chhawr (Sazai) thin a ni. He sazai hi Lalho chuan an hlauh ber anih avangin Sawrkarin puak phur tura a ‘Parwana’ an hmuh tlai palh tih lovah chuan a thleng khat hle.

Kumtin Sipai Kaman (transfer order ‘Command’ ?) Lunglei leh Aizawl inkar Company 1 te hmun insawn a awm ziah a, chumi hruai tur chuan mi 100 chuang chuang kal a ngai thin a, chu chu ‘Puakpui’ tiin an vuah. Sipai chhuti ( leave la) thleng hian hruai an phut thin a, mipui tan phur rit a tling tak meuh meuh a ni.

Puak phur a phut loh tur te chu Indopui (WWI) lai a Feren (French) ram kal te (an chhungte a huam lo), Sawrkar hnathawk te, Piangsual leh eng dang vang emaw a Sawrkar awl te, Sikul Zirtirtu te, Lal leh a upa te (an khaw len dan a zirin upa tam lam tuk ani), Puithiam, Khawchhiar, Thirdeng, Tlangau leh Salvation Army hotute ( hei pawh hi fel taka bituk ani), Mission hnuaia thawk te leh Pastor te an ni.

Indopui pahnihna (WWII) a lo tleng a, Sipai vak vel puak phurh leh ar leh artui ngente a hluar ta em em mai a. Vantlang nun a khaihlak nasa em em mai a, Bawrhsap MacDonald khan a ngaimawh em em a. Sipai Brigadier chu ti tawh lo tura khap tir tumin a office-ah a len chilh a, a ni chuan a lo ngaihsak tha duh lo va, a thinrim chuan Order ti hian a chhuah ta a, hetiangin :-

“Ka thupek hmu hmasa lo chuan tun chinah Puak reng reng an phur tawh tur a ni lo, khap tlat a ni” tiin.

&

“Tun chinah Ar leh Artui leh thil dang reng reng ngen thin hi khap tlat a ni, tuma’n an ngen thei lo. Kei leh ka thawhpui Buchhawna A.D.C leh Sainghinga Political Assistant chauh in an ngen thei a ni” tiin.

Brigadier hian Order a hmuh hian a thinrim nasa mai ani awm e, mahse Bawrhsap kha Administration lama thu ber kha a ni si a, tih vak ngaihna a hre bik lo an ti. Ti hian Puak Phurh runpui chu a reh chho ta an ti.

[Thulakna : History of Mizoram by Chaltuahkhuma]

Similar Posts:

Recent Posts:

49 Responses to “Impress Labour (Puak Phurh)”

  1. 1
    Ozima Says:

    Comment hmain chhiar phawt teh ang!

    Report this comment

  2. 2
    ben vangchhia Says:

    Bengvarthlak e. Good Post..

    Report this comment

  3. 3
    lr hlonchhing Says:

    Keichu ka phur peih lo,min sazai mai teh u….

    Report this comment

  4. 4
    ngaihdan tha a Says:

    post tha tak ani

    Report this comment

  5. 5
    Malawma Says:

    Beng avar leh hawk mai..Khang hun laia ka piang ve lo chu alawmawm hle zawk mai a.

    Report this comment

  6. 6
    Maya Says:

    ngaihnawm hle mai . Bawrhsap Mc Donald chu a va ti tha ve (Y)

    Report this comment

  7. 7
    century child Says:

    A bengvarthlak thin e.

    Report this comment

  8. 8
    puipuia pa Says:

    A van ngaihnawm ve aw! Tunah chuan thawnthu mai a ni toh si a. Sipai ho kumtin insawn thin puak han phurh chu a hreawm dan tur ka suangtuah thiam mai. Sipai ho sawn sawi tak ah chuan hmanni CRPF ho insawn tur an tam zia kha.ghty-dimapur train kan chuang ho a,kuli ngai se a chakawm loh ngawt ang.

    Report this comment

  9. 9
    Ozima Says:

    Ka pa hi mi pa te anga chak leh sum hailut a ni ve lem lo bawk a, Leiman/chhiah rulh nan tak kan hmang thin a ti. Haw lamah lah mikhual thleng duhlo khua te an lo awm phei chuan hreawm an ti hle thin.

    Report this comment

  10. 10
    CFL Says:

    Post tha tak a ni e.
    Ka’n OT lawk teh ang-
    Ka post.”Kristian nun Nghet” ah sawn comment a in close tlat mai nia. Tin, a thu pawh a chhuak kim lo nuaih mai bawk a. Engnge a chhan ni ang aw???? A hma chiaha Hnam Sakhua post-ah lem comment a inhawng bawk si a, religion category theuh theuh hetianga intih hian ngaihtuah a tithui khawp mai a. A chhan a awm a nih chuan mi rawn hrilh hre turin Admin. te ka ngen e.

    Report this comment

  11. 11
    lushai_er Says:

    #3,lr hlonchhing Says:
    “Keichu ka phur peih lo,min sazai mai teh u….”

    Sazai chu i peih lo leh zual ang :-O

    Report this comment

  12. 12
    lushai_er Says:

    #6, Maya Says:
    “ngaihnawm hle mai . Bawrhsap Mc Donald chu a va ti tha ve”

    MacDonald tih zawk tur Mc leh Mac hi a danglam daih an ti thin.
    Hepa pui roh hi Pa hrohrang na tak a ni an ti.

    Dawrkai puanthan dawrah te hian hruizen a thlung a, a kal hmasa indawtin hruizen chu an vuan tham a, vervek deuhva mi hmalam a tlak khalh a hmuh chuan a pawt chhuak lawp a, a hnuhnung berah a vawntir thin an ti.

    Thingtlang a zinnah te hian mi thil pu leh phur hawng a hmuhtehian a chhawk mai thin an ti. ” Boy Scout tlangval ka ni a lawm” a ti thin an ti.

    Tum khat pawh Mimbung lama Japan ral enthla a a zinnaah daikilkar a hmeithai inah dawhthleng lukhamin a mu tlaivar an ti. Hmeithai nu lah chu amah hlauvin a tlaivar ve thak bawk an ti.

    Report this comment

  13. 13
    megapixel Says:

    Hman deuh tawh khan keipawh unau helho (underground) ration pein phût luih puak ka phur ve tawh :-( Ram pilril leh kawng mumal pawh awm lohna a ni bawk si, a hla em em mai lehnghal, ka hah hle. Silai keng lamin an tih tlat chuan hnial theih hek loh le, chhuanlam siamin awmzia a nei bawk lo, hlawh neia aikal tirh kha option awmchhun a nia. ‘Marawhchu buai zual a reh hnu chuan tumah min phut lui tawh lo.

    Thenawm Burma rama ‘loh-â-pî’ min tihrechhuak. Hei pawh hi hnatlang hming changchawia mipui tha man lova inchhawrna a ni.

    Report this comment

  14. 14
    lushai_er Says:

    CFL-a post hi a comment theih miah loh……….Comment han hawng teh u ;-(

    Report this comment

  15. 15
    ben vangchhia Says:

    CFL Post comment theih loh chu thuhran, a tawp dan teh tawp saw..

    Report this comment

  16. 16
    Ozima Says:

    #14 NIA

    Report this comment

  17. 17
    blackmagicwoman Says:

    christian nun nghet tih comment tur liau2 in ka log in ve te te a…. :-(

    Report this comment

  18. 18
    blackmagicwoman Says:

    Pu Lushai hi mizo history lamah hian i ril e, nuam awm! midang inti ril tak2 ho ang hian in ‘inti ril’ ve chuang si lo (Y)

    Report this comment

  19. 19
    lushai_er Says:

    #18,bmw :Min bawl chuan ka phuan tha duh ngawt ang, JF-a pawn min fuih a pawrh nachang kan hriat loh chuan a tih ang deuh khan….Kan Mizo History hi a la rei lo lulai em bawk a lawm. Mahse material kan neih that tawk loh avangin duh ang kan hmu thei lo hi a mangan thlak em a; misual.com hi ‘Archive’ tha tak a la nih beiseitute zing a mi ka ni ve ang. Computer-a ka khawl sa HDD a lo crash leh thin a, a bul te atangin kan tan leh thin. Mahse hei data backupna tha deuh kan nei hi a lawmawm.

    Report this comment

  20. 20
    lushai_er Says:

    CFL-a post chu helamah hian lo comment mai rawh u……! ka chhuah a ngai.

    Report this comment

  21. 21
    Maisek Says:

    bengvar thlak e… (Y)

    Report this comment

  22. 22
    TuaiSialA Says:

    @CFL, an close palh a ni ang e. Tun lai chu weekend-ah hetiang thil hi a thleng ta zauh zauh mai! Weekend hman chintawk hriat a tha. Pathianni hlimhlawp atan ringawt lovin, an engkima engkim, Pathian fak nan te hmang ve thin teh se, kan admin thlarau khawro ve tak takte hian.

    Report this comment

  23. 23
    blackmagicwoman Says:

    @mr TS, aduhi thlarau a khawro zual an la ti deuh2 :-O

    @lushai, bawl pawh a ni lo…ka ti tak2 lawm.

    Report this comment

  24. 24
    rohlupuia chalrang Says:

    ;-) hahthlak dwn e mai..

    Report this comment

  25. 25
    PKfanai Says:

    Pu R.Vanlawma’n Mac Donald Sap alo Pathian biak lo chauh hi alo awm viau anih hi. Amah hi ani lawm ni Pu Ch.Saprawnga pawh ä ti lutuk a beng thuaitu kha. Mac Donald hill lo pian chhante pawh han hrut zel teh a, Nang kan LIBRARIAN ropui hian. (fiam chhùr)

    Report this comment

  26. 26
    Maya Says:

    @12 lushai_er ka lawm e MacDonald . . i rawn sawi belh pawh hi a ngaihnawm in a bengvar thlak khawp mai . (Y)

    Report this comment

  27. 27
    DXBFreak Says:

    Nimin kan summer meet chu, zawngtah, bekang leh khang hu ka ei nasa lutuk a eng rim ber nge ka nam pawh ka hre lo, ka uih hmerh in ka hria, ka OT man ah min sazai mai rawh u..

    Report this comment

  28. 28
    ReMpY_ScisSoR Says:

    CFL post chu ka chhiarin, comment tur ka van ngah tak em!! Mahse, ka nghak hman toh silo, ka kalna tur lamah liam a hun toh e mai.. :P

    Report this comment

  29. 29
    TuaiSialA Says:

    I kalna tur lamah chuan liam mai rawh le..

    Report this comment

  30. 30
    Malawma Says:

    Comment theih dawn lo a nih hmel hle mai… (N)

    Report this comment

  31. 31
    doc_lib Says:

    Ngaihnawm ve. MacDonald kha chu Mizoram bawrhsap ah chuan a thawmna ber anih hmel. Bakah mizo te hi kan hnam naupan zia leh chimral mai theih kan nih zia kha a hre chiang a,Mizo tan kha chuan a thawk nasa ani

    Report this comment

  32. 32
    troxx Says:

    Khi MacDonald khi ami ‘Old MacDonald has a farm , EIEIO’
    tih an phuah chhan kha ??? :-D
    Hman zan chu Rempuii Bakcheh tih hi ka rilruah a cham tlat a , Ka sawi chhuak leh thin a , kan nu in ‘tunge chu2?’ a tia k lo hre bok si lova … Rempy vanga kan buai phah tep chu le … hahah

    Report this comment

  33. 33
    zoho Says:

    A bengvarthlak hle mai. (Y)

    Puakphurh hi a pawi tak tak a ni aw. Military conquest aiin psychological leh dignity a min pawngsualna hi tunthleng hian kan chhiatpui nasa zawk.

    Sawrkar hna chhuan 4 a ral hnu thleng pawh a kan la ngaihsan em em nachhan hi he puakphurh kaihhmawih hi a la ni thui em em a ni.

    Thawk leh khat a, mual kil tlangval leh hnamchawm tlangval zosap bel hmasa dinhmun inthlakta thut syndrome ka ti mai.Lengi ten an star an thlak a, zo kalsiam a buai zo ta a ni e…..

    Report this comment

  34. 34
    zoho Says:

    CFL a post comment khu han hawng teh u, admin te u….. :-S

    Report this comment

  35. 35
    troxx Says:

    Nixanah weekend an hmang nasa hlom lutuk a , biak theih poh an awm looooo … ADMIN te hiiiiiii

    Report this comment

  36. 36
    TuaiSialA Says:

    A bengvarthlakin a ngaihnawm hle mai. Puakphurh hi a lo hrehawm dawn ngawt mai. Mizote tan chuan bawrhsap MacDonald hi mi pawimawh tawpkhawk a ni, puakphurh titawptu a nih vang ringawt pawhin. Puak phur thin te tana MacDonald hlut tur zia chu, American sal ho tana President Abraham Lincoln hlut tluk zetin Mizo puakphurte tan chuan a hlu ve a ni.

    MacDonald hian chanchin a ngah ve reng reng a. A theih chuan a chanchin titi ngaihnawm lo lakhawm la ka va ti em! Pu lushai_er, nang lehkhabu nei tha deuhvah.

    Report this comment

  37. 37
    PKfanai Says:

    33. zoho comment khi a dik-ril leh tlat. Ngaihtuah zui fe tham ani tlat mai.

    Report this comment

  38. 38
    ben vangchhia Says:

    @troxx.. kan chhungkua chuan bakcheh hi ‘rempuii’ ti hlirin kan ko tawh. a in hmeh phian leh nghal. el o el

    Report this comment

  39. 39
    saumbura Says:

    zoho comment lam hi kei pawh ka tuipui zawng a nia, MacDonald a tha, mahse a tha kim lo tihna chen ka nei. Politics zawngin min awp bet rei lutuk. Naga ho chuan, Naga Hoho (an Politics inzirna ti mai ang.) hi kum 1926 khan an lo nei tawh. Kei ni chu 1946ah min pe phal chauh a nia.

    Report this comment

  40. 40
    ben vangchhia Says:

    Kan edit theih loh chu(h).. ‘kan ko’ aiah ‘kan lam’..

    Report this comment

  41. 41
    Ozima Says:

    saumbur@39: Kei pawh chu chu ni ka ngaih dan chu…… thangthar zingah Pu Saprawnga dem hi kan awm fo mai a, vision nei lo leh mawl tak anga kan sawi fo te hi ka ngaihtuah fo thin. British ho min enhnuaina leh fin vervek kha keini ai chuan an hmu chiang em em ang tih hi ka ring tlat a ni, crown colony awm kan chak em em na chhan hi tih emah chuan kan mingo ngaihsan leh faisa rin kan chak vang bak va ni suh.

    Report this comment

  42. 42
    elbifold Says:

    (Y)

    Report this comment

  43. 43
    Benny Says:

    A ngaihnawm hle mai

    Report this comment

  44. 44
    chawnghilh Says:

    Thu lakna source-in IMPRESS LABOUR ti mah se, IMPRESSED LABOUR/LABOR tih zawk tur a ni.

    Kolasib lamah khaw kar a hlat deuhna hmunah chuan Sekithum (75np) a ni ang, tih a ni.

    A ziaktu hian naya paise hi a hre chiang lo a ni mai thei, paise tih zawk tur a ni. Pawisa hlui an hman lai kha a ni a, pawisa thar kha naya paisa a ni thung a. Pawisa lai-kua hmu phak lo in awm nualin ka ring.

    A bengvarthlak e. Khitiang hun laia nu leh pain an fate an fuihna hrawl ber chu, “Lehkha zir ula, kamding ni ula, in zir that loh chuan puak in phur mai ang,” tia in-fuihna sawithaihna kha hun engemaw chen chhung chu hman a ni thin!

    Report this comment

  45. 45
    H.Vangchhia Says:

    Ngaihnawm ka ti hle mai (Y)

    Report this comment

  46. 46
    mr.Duhlova Says:

    Hei hi a ni em in sawi Brigadier Ross Howman OBE chu.

    http://i.imgur.com/V8nC1.jpg

    Pu sanghinga Political Assistant. Hetiang hi YMA Conference a Mipa ho inchei ve dan tur ni awm tak a ni.

    http://i.imgur.com/fntjG.jpg

    Report this comment

  47. 47
    vakul Says:

    ‘chungchawrthlapui eng khi Kuli nan a tha e’
    vailui chho-ah chawnban thenin puak phur ila
    min lainat awm e, min hmu se–Lengi’n’

    Report this comment

  48. 48
    hmelthatea Says:

    A bengvar thlak khawp mai (Y)

    Report this comment

  49. 49
    Bawrhsap MacDonald leh Sub.Pakunga Khawthlang Zin Chanchin ! | mi(sual).com Says:

    [...] Part II lama chhunzawmah ti tawh ang, thui kan ti tawh ang e…(TSA’n min request teh reng a nih kha)! [...]

    Report this comment

Leave a Reply

You must be logged in to post a comment.