Pi-chhe-mur

July 30th, 2011 1:18 pm by lr hlonchhing

Kum a lo thar leh ang a,ka hmel ngai bawk ka put leh hmel si a,ka rilru tal a lo thar ve tawh tur a ni.Kum tharah chuan hengte hi ka ti ang….

1.MLA inthlan a lo hnai leh tawh ang a,eng party emaw ber atangin ka in candidate rup mai dâwn a.Party Manifesto ka thlîr lem lovang.Induh chuan min vote ula,duh loh leh in thu.Ka tling a nih pawhin ka ngaisak zui lem lovang che u,ka tlin loh phei chuan-a teuh lo.

2.SSA leh RMSA in hna an lak leh ngei ka ring a,min sawipuitu tur zawngin ka intihbuai a tul lovang.Engkim ti thei Pathian a awm a,zûk leh hmuam ngheiin ka tawngtai rup mai dâwn a.Chaw erawh ka nghei lem lovang.

3.Zu factory nge ka siam ang a,hardware dawr tiin ka rilru a buai hle tur a ni.Zu factory ka thlan zâwk ka ring a,aikal ni lovin- aitâng ka ruai rup ang a,ka hmingchhiat hma in ka bansan daih ang a,ka duh duh ka ti tawh ang.
4.Mi rinhlelh hlawha concrete lian leh tha sak ai chuan,khawilai tlângah emaw tawngtai in tha tak ka sa ang a,mi fak ka hlawh zawk daih ang.Fak duh lo kan awm em ni?

5.Youth Icon,Idol leh Mizo Idol thlanna an buatsaih leh ngei ang a.Ka tel ve a nih chuan top ten chu ka tling var var.Mahse,pakhatna ka ni thei kher lo mai thei a.Music Video ka siam ang a,ka lar tho ang.Lar chak ve te…

6.Magazine changkang chhiar tlak lem loh ka tichhuak ang a,a hmingah “INTIH-HMUH” ka ti ang.

7.Huan ka siam ang a,hmunphiah nge ka chin ang a sawhthing?Ar nge ka vulh ang a vawk?Ka thu thu…

8.School ka din ang a,bye heart system bâkin ka kaihruai lovang.Pass % chu 100% a ni ka ti mai dawn a.In fate in lo dah ve dâwn nia.

9.Fashion thlâk ka duh dâwn a,kekawr tlang zuih hmusitin a tlang arh ka uar thar ang a,pheikhawk chep tit tet ka bun thung ang.A uar chin tawk an awm leh tho ang.

10.Camping ah ka lut ang a,thla hnih thum a daih chuan a tawk.A bak chu ka inkhawm kal tur ruah phingphisiau ka in dan tir tawh mai dawn a ni

…..tiin ka inngaihtuah lungpûam a. Kei(aw keimah)finna kawng a mi mâwl,hlawhtlinna kawnga mi hlawhchham,felna a misual,retheihna a hausa hian ka ât ka so mai mai a ni e.Hre rawh-duhthusam ah sam luat a awm ngai lo.

Similar Posts:

Recent Posts:

34 Responses to “Pi-chhe-mur”

  1. 1
    eL Says:

    ka dam ta…haha

    Report this comment

  2. 2
    ben vangchhia Says:

    Good Post..

    Report this comment

  3. 3
    paeia Says:

    A thupui atanga ka rin loh lam daih a inziak, post hlimawm tak a ni e.

    Report this comment

  4. 4
    SaNgpuiipa Says:

    Tha reuh lutuk.

    Report this comment

  5. 5
    CFL Says:

    Hairehai. Tra la la la

    Report this comment

  6. 6
    siakeng_val Says:

    ziak tha leh lawi si ve…..

    Report this comment

  7. 7
    saint sammoo Says:

    post ‘englo’ tak a ni.

    Report this comment

  8. 8
    troxx Says:

    Tha khop mai … Ti tak2 hlom teh aaa

    Report this comment

  9. 9
    H.Vangchhia Says:

    (Y) :-P

    Report this comment

  10. 10
    drake Says:

    hlonchhing nge hlawnchhing, pip!

    Report this comment

  11. 11
    H.Vangchhia Says:

    Hemi ka kal nan darkar 6 vel ala awm e tra la la la la ♫ ♫

    http://outlawjam.com/pdf/OutlawJamAdFlier.pdf

    Report this comment

  12. 12
    Empy Says:

    :-O hmmm……

    Report this comment

  13. 13
    Rooney Opa Says:

    Tihtur i van ngah. I tizo hman lo hrim hrim ang. :-D

    Report this comment

  14. 14
    Tete-i Says:

    chhiar a va nuam reuh ve….good post (Y)

    Report this comment

  15. 15
    maimailova Says:

    kan :-) ve huk chu le.. (Y) Ehemz..Hv chu min va awhthik deuh ve :-D

    Report this comment

  16. 16
    TuaiSialA Says:

    Ok.

    Report this comment

  17. 17
    Chhuaklinga Says:

    Kristian vanram kawng zawh kan hriat chhuah daih chu le..

    Report this comment

  18. 18
    century child Says:

    Ka ‘like’ e.
    # 10 : hlonchhing a niang,hlondo,hloncheu..

    Report this comment

  19. 19
    LR_rengsi Says:

    A enga maw ti that phian khi mawle…Tute mawni sawina te pawh ava ang ve..:D:D

    Report this comment

  20. 20
    Maya Says:

    A dik a lawm . sam ah sam luat a awm nem le . (Y)

    Report this comment

  21. 21
    sihal Says:

    #18 HLAWNCHHING a ni ang a,keipawh hi hlawnchhing ka nia. :-)

    Report this comment

  22. 22
    eL Says:

    aw…ka first khi aw..

    Report this comment

  23. 23
    Malawma Says:

    Duhthu chu isam ve hle mai. :-D

    Report this comment

  24. 24
    bk Says:

    Tha reuh ve a… Sarcastically in tunlai Zoram nun i rawn tarlang a ni maw .. (H)

    Report this comment

  25. 25
    Mr tuallawt Says:

    Chhiar a nuamin beng a fah hle mai, ka hriatreng theih duh hmel,ka ngaihsan em em H.Vangchhia te nen rank khatah ka dah che, thu i thiamin chhiar nuam zawnga thu ziak i thiam e……

    Report this comment

  26. 26
    lushai_er Says:

    Post-tupa, duhthusam theihna hi nei lo ta ngat ila kan nun hi engtakin hmang hlawm ang i maw?

    Report this comment

  27. 27
    Benny Says:

    I va duhthusam mumal lo ve, duhthu sam ta sa sa tha elh awlha sam tur che niahhh

    Report this comment

  28. 28
    Benny Says:

    I duhthusam atang khan pichhe murhh rawhhh

    Report this comment

  29. 29
    chawnghilh Says:

    Kan Mr Hyde-na, mi tam zawkin kan zakkep ruk ngei mai i rawn tarlang thiam a —I am a great pretender hla ka duh phah lehzual sawt! Good Post!

    Nimin chu Chiahpuama intlakral leh inlamuk chanchin ka ngaithla chiam a, inlamuk ber chhungkua (?) atangin MLA pahnih + an tlin leh tho thu nen! Mipui hi kan han huangtauvin kan han thinrim hluai tak thin a; kan lo dai leh rang hle mai … MLA pahnih +MP ngawt, inlamuk chhungkua atangin kan thlang tling leh tho si, an tih bai bai tho kha!

    Report this comment

  30. 30
    lr hlonchhing Says:

    Niminah ka misual hman lova..pawi hle mai.Ka pa pawh Hlawnchhing,ka nu pawh Hlawnchhing. keipawh a ngaitho he2.

    Report this comment

  31. 31
    chawnghilh Says:

    Pichhe Mur … baia se Tej chal … kadam se … kir let mai ni lovin, ke vei lam pen chhuak hmasa ngeiin, HNEH ZEL TUR tih entir nan … chu pawh chu Chak taka kalin …

    Report this comment

  32. 32
    saumbura Says:

    Sam ta rau rau, i inthlahrung mah mah a ni. A ngaihnawm hrim hrim e. (Y)

    Report this comment

  33. 33
    drake Says:

    Hlawnchhing leh Hlawnchhing thlah chu Hlonchhing ni daih ni maw :-P

    Report this comment

  34. 34
    hmelthatea Says:

    I ngaihtuah chhuak thiam in a ngaihnawm, nuihzatthlak khawp mai, kan nui ver ver mai alawm. (Y) :-P

    Report this comment

Leave a Reply

You must be logged in to post a comment.