Bible-a Rahabi Nawhchizuar kha

July 29th, 2011 2:57 pm by Buizoa

Joshua Lehkhabu Bung 2 atanga Bung 6 kan chhiar chuan  Israel faten Jeriko an beih thu kan hmu a. Heta hming pawimawh tak lo lang chu Rahabi nawhchizuar hi a ni. Israel lam enthlatute a puih avang khan amah leh a chhungte leh a neih zawng zawng zuah anih mai bakah tun thlenga Israel hnam zinga an tel thu kan hmu a.

He thu ka chhiar hi chuan Rahabi hi mahni hnam phatsantu, ama himna duh avanga a hnampuite  thih vekna tura hmelmate tanpuitu ang bakin ka hmu thei tlat lo. Amah hi nawhchizuar lehnghal a ni a. Heng hun laia Israel fate chakzia hi a hre ve a.

An hnam tihmang tumtu an hmelma Israel-ho hnenah khan an hnam pum chu amah leh an chhungkaw himna a duh avangin a hralh ta a ni. Dam tlakah kei chuan ka ruat lo. Akana thil lakruk mah amah leh a chhungte zawng zawng nena lunga den hlum tawrh phahna a ni a, Rahabi thil tihsual phei hi chu a let tam taka naa hrem awm tak niin kei misual hian zu hre tlat pek a.

In ngaihdan a ni ve emaw.

Similar Posts:

Recent Posts:

56 Responses to “Bible-a Rahabi Nawhchizuar kha”

Pages: « 1 [2] Show All

  1. 51
    mr.Duhlova Says:

    48
    Saitawk # Sawi tha ang reng ve aw….. (Y) Kha zing thingpui (C)

    Report this comment

  2. 52
    misuala Says:

    Lo zuk ngai ve ringawt chea

    Report this comment

  3. 53
    Saitawk Says:

    @mr.Duhlova & Asteric, sawi zau duh ula khi aia chiang a sawi theihna talent in nei tih ka hria.
    Thuthlung hlui leh thar hi thenhran chi an nilo, inkawp tlat leh inzawm tlat, khawvel mit a hmuhfiah har tak si a ni.

    Report this comment

  4. 54
    Mr tuallawt Says:

    Ka tih thinte ka tih a rem tawh lo, ka tih ngai loh te ka tih a tul zawk si, Pathian avang chuan chhungte tuithlar leh khawtlang endawng, Hnam phatsantu hial a chhal ngam te pawh ngaih chang a awm ve bawk ang chu.

    Report this comment

  5. 55
    jesuslovesme Says:

    Rahabi kha nawhchizuar satliah ani lo asin.

    Nawhchizuar Rahabi kha Pathian beisei Rahabi ani tlat a, chu vang chuan alawm Pathianin a hmanrua ah a hman.

    Rahabi khan a nun kha nuam a ti lo, hrehawm a ti a, an hnam te Pathian ah lungawina a hmu zo lo ani- Israel te Pathian kha Pathian nung ani tih a lo chik kiau asin. An khua ah khan intithianghlim tak tak an awm ve teuha ang. Mahse he nu hian ani Pathian nung chu zawng a, a dinhmun hrehawm ti in, a thinlung rum thin lo se chuan Israel te Pathian chet dan kha news atangin a lo chik thin lovang.

    Lal Isua pawh khan chu chiah chu ani a sawi tum “Mi bawrhsawm te chuan daktor an NGAI a..” a tih khan. Pathian NGAI a, amah beisei tlat tu te khan alawm amah hmu thin.

    Report this comment

  6. 56
    jesuslovesme Says:

    Farisai te leh Pathian thu thiam te hnenah engvangin nge Isua a thlen fo loh. Misual let der anga ngaih CHhiahkhawntute, Sakhua pawh ngaihsak ve lem lo te sangha man tu leh, beram veng tu te kha eng vanga Isuan ko zawk nge anih?

    LALPA HIAN THINLUNG A EN THIN ANI. Kan thinlunga amah kan welcome duh leh duh loh ani. Rinna ani, thiltih ani lo – tih a chianna chu ani.

    Farisai te’n an thiltih ngawt an hmachhuan a, an thinlung a bawlhlawh hle si. Mi nu ngaih chak in an melh dauh dauh reng tho si. Isua ngaih chuan UIRE an ni tho tho mai – thinlung a en hmasa tlat alawm. A taka uire nu kha a ngai dam hlauh si. Eng vanga ngaidam nge? A ngaihtuahna TI puitling tir tura a UIRE chhuak ngam kha a fak awm bik em vang em ni? NI love. A ngaihdam lai khan a THINLUNG A KEH SAWM TAWH ANI.

    Chuvangin ringtu te hi engtik lai mahin fel leh tha intihna TLANGSANG ah kan lawn tur ani lo. Kha kha ani heng zawng zawng lo intanna, LUCIFER a tlakna kha ni. Thinlung ZERO chungin Pathian kan dawr fo anga, amah anga thianghlim turin ni tin a puihna kan dil zawk dawn ani.

    Report this comment

Pages: « 1 [2] Show All